وعنا اليوم حديث اوعدكم يكون شيق وممتع مع شخص عرفتوه ..ولمستوا فيه حب المرح..... وعايدتو عليه من كام يوم....... شخص قد ما حكيت مارح اقدر اعطيه حقه

وبناء على الانتخابات الداخلية التي اجريناها....... فاليوم واليوم بس رح يسجل تاريخ الملتقى مقابلة من العيار الثقيل مع عضو متميز جدا امتعنا الى حد التخمة بمشاركاته تعالوا معا لنقول :

فليتفضل دافيدسون مشكورا وليجلس على كرسي العريس ولنقلب معا صفحات هذا الكتاب


اطلب من دكتور مم وطمطم مشكورين تحويل الاسئلة الى هذه الصفحة

المشاركة الأصلية بواسطة dr.nour

مرينا انا وانت ود.اكس بالسنة التانية بتجربة مشتركة وهي تنزيل احد الملخصات...برأيك هي التجربة كانت مفيدة ..وشو اضافت لخبرتك ....وليش ما رجعنا كررناها .

ما كتير مفيدة وبتضيق وقت كتير....فائدتها بالتعمق شوي بالماد اللي نزلتها...لذلك ما كررناها..

المشاركة الأصلية بواسطة dr.nour

اول يوم فتت فيه على كلية الطب كطالب طب شو كان احساسك وشو كنت ع بتستنى من هاد اليوم ومين كان اول شخص شفته وتعرفت عليه عدا الشلة طبعا وياترى هاد اليوم كان بمستوى تفاؤلك ولا حسيت في غصة ..طيب اذا كان في غصة شو كانت هي الغصة

والله كنت سعيد لدرجة الله بيعلم فيها...
ما كنت عم استنى شي محدد..
أول شخص كان زميلنا صبحي بهنا.
ما كان في غصة أبدا والحمد لله كنت فرحان كتير..
مشكور نور الأمور...

ايه شو هالمفاجأة هي .....الله لا يحرمنا من ابداعاتك يا ساد ..ونيال دافيدسون لكن يا عمي بيطلعلوا

مممم... طيب بما إنك طلبت رأينا بدافيدسون....

طيب... أنا رأيي ما كتير بيختلف عن رأي يللي حكوا قبلي.. فبلا ما عيد... شو عيد؟؟ طيب... أمري لالله...

هلق دافيدسون من الموقع.. بصراحة ما كتير بقدر ميزو عن بقية الشلة.... في تعبير عجبني وهوه التبعية العميا للشلة... وهوه برأيي بينطبق عليكون مية بالمية.. لا تقللي هالشي بس هون و نحنا برا غير هون... نحنا يللي عم نشوفو منكون هوه هون... يعني دايماً مننطر نفس رد الفعل من الكل .... إذا حدا رفع إيدو الكل بيرفعها.. حدا اعترض.. الكل بيعترض... حدا ضحك الكل بيضحك... الخ....
و إذا بدك رأيي... و بصراحة .. وبلا زعل... فمعليش.. الانطباع يللي تركتوه عندي عنكون.. هوه إنكون مشاكسي المنتدى... و يا ويلو اللي بيوقع بين إيديكون.... صح؟؟ إذا لاء.. صححلي...
بس ...هالشي ما بيمنع.. إنو لما الواحد منكون بيكون لحالو... فبيكون العكس تماماً و بيكون كتير مسالم و كتير آدمي وكتير حباب... بس لما بتنجمعوا ... يا ويلاه....

ودافيدسون كشخص.. مبين شخص زكي.. قيادي.. محبوب من رفقاتو.. وبحب رفقاتو.. منطقي.. بصراحة ما عم أعرف إذا مشكلجي أو لاء... لإنو بشارك بالشغلة.. و بيرجع بيحاول يزبط يللي خرب...


بالنهاية إذا لسا إلك خلق تجاوب... فأنا حبيت إسألك... يا ترا شو استفدت من المقابلة؟ .. يعني من التجربة ككل.. مو بس من الأسئلة.... شو ضافتلك ؟؟ و شو علمتك عن حالك؟؟

سلام وبالتوفيق...

المشاركة الأصلية بواسطة tartousieh

الانطباع يللي تركتوه عندي عنكون.. هوه إنكون مشاكسي المنتدى... و يا ويلو اللي بيوقع بين إيديكون.... صح؟؟ إذا لاء.. صححلي...

طبعا لأ....وإذا بدك بشهدلك الشلة كلها على كلامي..
حكيت رأيي من قبل....وأنا متأكد إنو هالشغلة فينا مو من هلق.....منوقت ماحكى توربو...بررت بعض الأوقات...ومع ذلك هالشي لازم انتبهله بالمستقبل..



بالنهاية إذا لسا إلك خلق تجاوب... فأنا حبيت إسألك... يا ترا شو استفدت من المقابلة؟ .. يعني من التجربة ككل.. مو بس من الأسئلة.... شو ضافتلك ؟؟ و شو علمتك عن حالك؟؟

سلام وبالتوفيق...[/quote]

شغلتين : عطيتوني شوية وقت حكيت عن حالي وعرفتكن فيها "قدر الإمكان بشكل صادق "
تاني شي : هو معرفتي لرأيكن بديفدسون..

وأخيرا نسريت كتير كتير....لما سمعت من كل الأعضاء هالكم من الأمور الايجابية الي بتمنى تكون فيني ببجد....كما اتمنى تكون طالعة من قلوبكن عن جد..والسلبيات كتير انبسطت بمصارحتكن إلي فيها..
مشكورة طرطوسية..

المشاركة الأصلية بواسطة Mr.sad

بدون إحراج وبلا خجل بدي رأيك بصدق:شو نظرتك لكل مما يلي:
بنت هندسة،بنت اقتصاد،بنت آداب،طالبة معهد،عجوز متصابية،بنت مترجلة،شب بنت (مابعرف شلون هيك شب متل البنات)،طالبة طــــــــــــــــــــــــ ــــــــــــــــــب...

بنت الهندسة: منهن فري , ومنهن حيطان.....الكل فرحان على مسطرة الـ T..
بنت الاقتصاد : متل الآداب....عندهن نسبة المايعات أعلى من غير كلية...بس كل شي موجود ...كل الأعراق وكل الأصناف نظرا للعدد الكبير..
طالبة معهد : ايمت ما جيتها بالمقصف..وبالرحلات ووو.
عجوز متصابية : بكرهها.
بنت مسترجلة : والله العظيم عيب....شي بيدعو للغثيان..
شب بنت: بوقف شعر راسي من هيك نمرة...
طالبة الطب: حكينا كتير....وماتم شي مانحكى..

المشاركة الأصلية بواسطة Mr.sad

ماذل تتذكر عندما تُذكر الأماكن التالية :
مقصف الطب، مكتبة الطب،مخبر التشريح،مخبر الفيزيولوجيا،مخبر الأدوية ، ومخبر الجنين (بدك تحكيلنا حكايتو يالله بلا خجل)،مشفى الجامعة ،ساحة الجامعة...

،منبج،حلب،البرازيل،اسباني ا،الوطن العربي،السعودية،لبنان،الع راق،فلسطين،الصين،اليابان، ابن البيطار،...

مقصف الطب : ريحة الزيت الأسود المحروق , على ريحة الدخان .
مكتبة الطب: الدراسة.
مخبر التشريح : ريحة الفورمول .
مخبر الفيزيولوجيا: ضفادع بلادي..
مخبر الأدوية : الملل.
مخبر الجنين : يخرب بيت اللي حاكيلك......باختصار ..بارتاح..
مشفى الجانعة : إني دكتور..
ساحة الجامعة : إني صايع..
منبج : الطفولة السعيدة..
حلب : الشباب و الفرحة..
الوطن العربي : الغصة ..
السعودية : مكة المكرمة....الإسلام.
لبنان : أحيانا الغدر..
العراق : عزيز قوم ذل..
فلسطين : القدس المغتصب..
الصين : البضايع المزورة...
اليابان : التقنية و الأسواق المزدحمة ولوحات الإعلان..
ابن البيطار : نبهان - صباغ - غنوم - و آل سالم طبعا..



مشكور ساد على كل شي عملته بالمقابلة......والله يوفقك ويسلمك..
والله خجلتني كتير.....وكتير من الأحيان كنت تحيرني شو بدي رد عليك...

بقلك بس يصير معك مقابلة إنشالله بردلك إياها..

مشكور جزيل الشكر...

من لم يشكر الناس لم يشكر الله

في النهاية.............
أحب أن أشكر جميع من شاركني مهرجاني الخاص المصغر...مالقيته منكم من حفاوة أسعدني أيما سعادة...وأفرحني أيما فرح...

أشكر بداية د .نور................مضيف اللقاء أخي وصاحبي ...لم أكن انتظر هذه المقابلة لتكشف مدى محبتك لي...أو لتكشف مدى رقيك واحترامك للناس....كنت ولازلت كبير الشلة..صاحب القلب الكبير والضمير الحي..
د .م م....أشكرك أولا على ختمك للقاء مقدرا تأخيرنا على الأخ توربو....ثانيا على الاهتمام الذي أوليتني إياه...
وعلى مايبدو أنني اكتشفت شيئا جديدا آخر مشتركا بيننا.....وهو الفكرة المشوشة التي قد نعطيها لمن لم يعرفنا عن قرب...أتمنى أن يعرفك الناس عن قرب ويكتشفوا فيك ذلك الرجل بالمعنى الكامل لهذا المصطلح , المثقف , الشهم ..وأخيرا وليس آخرا "الكفو" حتى النخاع...
طم طم....أخي وصديقي القريب في جد وفي هزلي وفي نجاساتي..
dr.x حتة مني وحتة منو..
mmiأخ رزقته على كبر..
ساد أخي الصغير..
أبو عذاب بيغ بوس شنكول كليو غريب طرطوسية نوبدي توربو فلور ايتوال سبارتاكوس زين الدين كين إياد.....لا أدري إن نسيت أحدا..
اعذروني إن أسأت لأحد منكم....
قد لا نلتقي لعدة أشهر أسأل الله أن يديم فيها الذكرى الطيبة الحسنة....وحتى ذلك الحين أستودعكم الله...
والسلام عليكم ورحمة الله وبركاته...56048.jpg


أخوكم سهيل شيخ
10آذار 2007