سوبر ستار المنتدى
يدور هذا النقاش حول سوبر ستار المنتدى في قسم لقاءات في الملتقى الطبي السوري; وعنا اليوم حديث اوعدكم يكون شيق وممتع مع شخص عرفتوه ..ولمستوا فيه حب المرح..... وعايدتو عليه من كام يوم....... شخص قد ما حكيت مارح اقدر اعطيه حقه وبناء على الانتخابات
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| | LinkBack | أدوات الموضوع |
Feb, 27 2007, 01:16
| |||
| |||
| سوبر ستار المنتدى وعنا اليوم حديث اوعدكم يكون شيق وممتع مع شخص عرفتوه ..ولمستوا فيه حب المرح..... وعايدتو عليه من كام يوم....... شخص قد ما حكيت مارح اقدر اعطيه حقه وبناء على الانتخابات الداخلية التي اجريناها....... فاليوم واليوم بس رح يسجل تاريخ الملتقى مقابلة من العيار الثقيل مع عضو متميز جدا امتعنا الى حد التخمة بمشاركاته تعالوا معا لنقول : فليتفضل دافيدسون مشكورا وليجلس على كرسي العريس ولنقلب معا صفحات هذا الكتاب اطلب من دكتور مم وطمطم مشكورين تحويل الاسئلة الى هذه الصفحة |
|
#61
Mar, 02 2007, 03:33
| |||
| |||
| مرحبا دافيدسون شو هالمقابلة الحلوة ... خصوصاً الشباب فاتحين قهوة ودكتور نور عم يضيف الشباب .. نور أنا بشرب زهورات إذا سمحت ... أنا ما بعرف دافيدسون كتير على أرض الواقع ... يمكن دكتور نور ودكتور اكس وام ام ويلو أقرب الأشخاص الي من الشلة هي .. بس عموماً أنا ودافيد منسلم على بعض ومنتودد لبعض بشكل جيد ... ويمكن تعاملنا مع بعض هون أكتر من الواقع ... وبرأيي الشخصي ومن فترة الشباب سألوني ... شخصية دافيدسون على موقع أحلى شخصية من الشلة ... الأسئلة بسيطة وفيك تقول 7up - لا شك العلاقات الاجتماعية أمر هام، ومتلي متلك منعرف كتير أشخاص، ولكن برأيك هل من الضروري وضع حدود للعلاقة بكل شخص؟ أم لا؟ هل من الضروري تصنيف المعارف وفق دوائر الأقرب فالأقرب فالأقرب .. وهناك من يقف في دوائر بعيدة؟ ذكرت رقم 19 عدد أعضاء الشلة .. ما شاء الله ... بعرفهم كلهم .. بس ما عديتهم .. هل علاقتك بالجميع ... هي بنفس العمق؟ قلت إنك تروي سر لكل شخص ... ولكن هل كل شخص من هؤلاء الـ 19 يعرف سر؟ طيب الشباب لازم يزعلوا لأنك بتخبي عنهم وهنن شلتك !!! <--- دعوة للفتنة والتفرقة. ماذا قرأت في حياتك غير الكتب الطبية ومن قبلها الكتب المدرسية، ما اهم ما قرأت؟ ما رأيك بالحرية؟ وما يُسمى بالحرية المطلقة (غير موجودة على فكرة وهي محض إبداع إنساني ولكنها غير ممكنة ولم يطبّقها أحد)؟ أريد أن أكتب قصيدة أعبر فيها عن ذاتي وأن أنشرها على الانترنت ... هل أنا مضطر للالتزام بالحدود والخطوط الحمراء لدى من سيقرأها؟ علماً أنّ الحدود والخطوط الحمراء تقف حائلاً دوماً في وجه الإبداع الإنساني. ما رأيك بشخصيات شهيرة مثل: جورج بوش - فيديل كاسترو - تشي غيفارا - جون لوك - هوغو تشافيز - فلاديمير بوتين - ستالين - فرويد - داروين - جمال البنا - حسن البنا - جمال عبد الناصر - صدام حسين - أبو عمار - حسن نصرالله - ميليس صاحب التقرير - المرحوم الحريري وابنه الشيخ - فولتير - بوذا - زرادشت - محمد صلى الله عليه وسلم - وطبعاً أنا. ما رأيك بالإعلان العالمي لحقوق الإنسان؟ ما رأيك بفكرة حقوق المرأة والطفل عالمياً؟ وهل تعطي زوجتك حقوقها كلها دون أي نقص؟ ما رأيك بفكرة الصواب المطلق؟ هل فعلاً موجود؟ نفس السؤال بالنسبة للأخلاقيات المطلقة والحقيقة المطلقة. إلى أي حد تميل للسيطرة على زوجتك؟ هل أنت مسيطر عموماً؟ وهل يُمكن أن تضرب وزجتك؟ هل يمكن أن تستعمل العصا في التربية؟ هل تعترف بأخطائك لذاتك؟ يعني بينك وبين حالك .. هل تبرّر أخطاءك لنفسك؟ أم ماذا؟ ما رأيك بتوقيع طقطق الجديد: "أريد أن آكل المامونية .. وأن أنثر في عينيك رذاذ الطحين" ... برأيك إيمتا بده يشبع هالطقطق؟ تعقيبات: - بالنسبة لموضوع التجاهل أكيد مو الشلة المقصودة، وحتى بنصحك انت والشباب تستعملوا القائمة إذا رح ارتاح من المشاكل. - أنا شاركت في بداية الموضوع وطلبت منكم تكملوا المقابلة بدون مشاكل .. وهي مرة تانية عم اطلب لانكم تجاهلتوا طلبي .. كملوا واعتبروا ما في شي صار .. لأنه من الأول أنا تصرفت على هالأساس. اتفقنا؟ - النقاط التي حصل عليها الشباب .. ليس لها علاقة بهذه المقابلة .. الأمر يتعلق بلغة غير مناسبة أو إساءة لأعضاء فحسب. سلامة  |
| قال العضو التالي أسمه شكراً لك يا Shankool على هذه المشاركة المفيدة: | ||
|
#62
Mar, 02 2007, 16:32
| |||
| |||
| ديفيدسون وقع نظروا على طالبة سنة تالتة فرضا(يعني من هون لتتخرج البنت بيكون زبطتت حالك)عجبتوا البنت... شو بيخطر على بال ديفيدسون أنو يعمل:يسأل عن البنت ويحاول يتعرف عليها(قبل ما تطير)،يضل يراقبها من بعيد لبعيد ويخاف من انو تطير من ايدو،يفاتحها بموضوع خطبة بعد شي سنة وجازة لتتخرج البنت،يضل ساكت ويصرف نظر عن الموضوع إلا شي تاني أنا ما ذكرتو. طالبة من دفعتكون بادلت نظرات الاعجاب (اكس مثلا)وانت ضليت جامد اجت واعترفتلك باعجابها ...ديفيدسون رح يدق قلبو بسرعة الا يصدها بطريقة ما او تصرف تاني.. طالبة من دفعتكون(اكس مثلا)هلأ عند الوداع اكتشف ديفيدسون أنو متعلق فيها وظروفوا صعبة ما خرج يخطب :بيحارب الظروف وبيعترف بحبها،يحط على الجرح ملح ويكتوي بنار السكوت،تصرف تاني... لما أنا نزلت مشاركة بعنوان مرحبا بعد زمان الشباب قامو وما قعدو وقال انا عم شهر بالبنت مع انها بعيدة كتير كتير عن كليتنا وسرها بقلبي ما حدا بيعرفوا بكليتنا حتى انت ،شو رأيك كان لازم أخلي الموضوع بقلبي مع أني كنت بفترة الامتحان الا كان لازم انزل الموضوع بصيغة تانية الا اتجاهل كل الموضوع وما ارد على كلمة مرحبا بالاساس..انت شو كنت عملت... سلام... |
|
#63
Mar, 02 2007, 20:30
| |||
| |||
|
| قال العضو التالي أسمه شكراً لك يا Shankool على هذه المشاركة المفيدة: | ||
|
#64
Mar, 02 2007, 23:19
| |||
| |||
| بيجوز عند حست انو راحت عليها وصارت بآخر سنة وما اجى الأفندي وتلحلح.... |
|
#65
Mar, 02 2007, 23:55
| |||
| |||
| المشاركة الأصلية بواسطة Shankool طبعا......والحدود حسب مكان الإنسان ومسؤوليته ’ أكيد لو إنت وزير مانك مضطر تتحمل تجاوز حدا للحدود معك...بس كصداقة الحدود موجودة بس مع هامش أوسع للتسامح.....واذا كان الواحد مشرف عام زي احسانك....فالتسامح أوسع وأوسع ..
المشاركة الأصلية بواسطة Shankool طبعا....موبإيدك ماتصنف
المشاركة الأصلية بواسطة Shankool شامم ريحة تكذيب......مقبولو هالمزحة منك..
المشاركة الأصلية بواسطة Shankool لأ.طالما وضحتلك من شوي أنو تصنيف المعارف موجود.
المشاركة الأصلية بواسطة Shankool حسبي الله ونعم الوكيل...إنت عم تسأل لتكشف جوانب من شخصيتي و تعرف الناس وتتعرف...وإلا عم تنكش وراي...الله يسامحك...
المشاركة الأصلية بواسطة Shankool ما بيزعلوا .... عموما الأمور اللي لازم يعرفوها بتوصل....والأسرار ما بتتخبى أصلا عند الكل لأنو في ناس بتحبني بس ما بتعرف تمسك لسانها...
بعدين أنا قلت شلتي الكبيرة الـ19 وأنا ما عم كذب......إيمت ما شفت زحمة فشلتي وراها( غيران  )...بس في فرق بين الشلة الكبيرة اللي طالع معها ....وبين الأصدقاء اللي بمرتبة الأخوة اللي بيتسارروا معك وبتساررهن....واللي عددهن مارح يزيد عن 6-7 كحد أقصى....وحتى هدول مابيتأمنو كلهن... ثم شفت بحياتك واحد عم يسارر 19؟؟؟؟؟؟؟؟؟؟؟؟؟؟؟؟؟؟؟وزيده ن وحدة كمان" ؟ " المشاركة الأصلية بواسطة Shankool لا تحزن.....عائض القرني.
المشاركة الأصلية بواسطة Shankool تقف حرية الشخص عند حدود الآخرين..بتمنى تطبقها تمام في بعض المقالات..
ما بين القوسين هو ذات رأيي بالحرية المطلقة.. المشاركة الأصلية بواسطة Shankool بالتأكيد....
لو كنت محترم........فلازم تحترم القراء وتبتعد عن نقاط بيتحفظوا عليها...وهدا برأيي الشخصي المتواضع أكبر عيوب بعض المتمنطقين والمتشدقين بأوهام الحرية والحرية المطلقة ..للرأي.. شو رأيك ببعض القصائد الماجنة والخليعة لنزار قباني.... وشو رأيمك تنزلهن بمنتداك...على اعتبار أنها ابداع إنساني صرف يعترف به الجميع؟؟ المشاركة الأصلية بواسطة Shankool
طبعا سؤالك الإجابة عنه مضيعة للوقت.....إذا بدي ناقشه.. بهموني 2 بالوقت الحالي.....محمد صلى الله عليه وسلم قدوتي في حياتي.. وبعد بشي 100 سنة ضوئية كل البشر وإنت منهن........رأي فيك باختصار : مؤدب..مسايس من الطراز الرفيع..موهوب...ذكي ..استخدم ذكاؤه بالوصول لقناعات و مبادئ وأوهام بعضها خاطئ ..وبعضها غير قابل للتحقيق...بتمنى اذا صار نقاش شي مرة بيناتنا وضحلك هالسطرين أكتر.. المشاركة الأصلية بواسطة Shankool كذب وعلاك مصدي .....الشعب العراقي والفلسطيني يذبحان بلارحمة...وغوانتانامو معبأ مظاليم بلا محاكمة...ومشان , كم واحد بتحقق معهن بشي بلد عربي أو اسلامي (بغض النظر عن أيهما ظالم وأيهما المظلوم )...بتطلع القرارات والأنتهاكات وووو.....ما بعرف ليش تذكرت انتهاكي للقانون بهالمقابلة..
المشاركة الأصلية بواسطة Shankool برأيي حقوق المرأة عالميا مبالغ فيها كتير.....ماضروري المرأة تصير وزيرة دفاع أو رئيسة جمهورية تا تكون آخذة حقها...أصلا المرأة والأم و الزوجة ماخلقت لتصير وزيرة دفاع أو رئيسة ...وين الأنوثة؟؟؟
أكبر دليل لجميع المتمنطقين بحرية المرأة وقدرتها على قيادة الشعوب هو أمريكا نفسها اللي بتاريخها كله ما استلمت المرأة رئاستها.. بعطي زوجة المستقبل وأبنائي إن شاء الله على الأقل الحد الأدنى وهو أوامر الإسلام الأعدل في هذا المجال.. وبزيدهن إنشالله أكتر وأكتر.. المشاركة الأصلية بواسطة Shankool الصواب المطلق.....القرآن وأوامر الله...وكل واحد وهو ومبادءه...
بعدها حقوق الشعوب والنضال لأجل تحقيقها... الأخلاقيات و الحقيقة المطلقة....وجدت عند الرسل والأنبياء...وهي اللانهاية " التعبير الرياضي " بالنسبة لباقي البشر يسعون إليهما لكن لن يصل أحد........مع أن البعض أقرب إليهما بكثير من البعض الآخر.. المشاركة الأصلية بواسطة Shankool هلق انت حابب تشحور صورتي الظاهر.......بنصحك تتعلم شوية رومنسية من م م ..
الرجل إله على المرأة القوامة.......قوامة التكليف وليس التشريف... النقاش دوما لازم يكون موجود..والكل بيخطأ ...وهي القناعة إذا كانت برأس الرجل الشرقي....ما بيظلم زوجته ....كلمة السيطرة بتنفهم من كذا ناحية....إذا قصدك التسلط فطبعا لأ....وإذا قصدك الكلمة الأولى فشي أكيد...لأن في أي مؤسسة "والأسرة مؤسسة اجتماعية صغيرة " لابد من شخص بإيده الختم وهو مدير الدائرة...حتى لو كان أحد مرؤسيه أفضل منه...بس حتى يسود النظام لابد من مدير.........والرجل أكيد مدير الأسرة ولازم يكونله شخصيته وكلمته....وهالشي ما بيعني أنه يقلل من قيمة المرأة إطلاقا....هي سنة الكون..وإذا الرجل بيخاف الله بريح مرته إذا حبها أكيد...وما بيظلمها إذا كرهها أكيد.. العصا من الجنة.........مو بمعنى الخيزرانة ...لكن بمعنى الحزم الي ممكن يتطلب يضرب الأب ابنه ليربيه... مقدار الضرب حسب وعي الانسان....وغايته هل هي التربية و و ضع الحدود والخطوط الحمراء..أم هي تأليم الطفل ومعاقبته..... الطفل أساسا مرفوع عنه القلم عند الله وعند العبد وماله ذنوب...لكن لازم يتربى صح مشان ما يفلت.. الضرب اذا اضطر له الأب فهو آخر حل بشرط ما يؤذي ولا يعلم ....ويكون بالحد الأدنى الكافي.. ضرب الزوجة............ببساطة لأ.......ممكن الإنسان إذا عصب يعلي صوته على أمه وأبوه مع الأسف أو يغلط بحقهن بس مو ممكن يمد إيده....نفس الشي عندي بالنسبة للزوجة...وأنا ما بضرب أختي الصغيرة...فكيف بزوجة واعية مثقفة تشاركني حياتي وهمومها.....مستحيل. المشاركة الأصلية بواسطة Shankool طبعا بعترف....مو بس بيني وبين نفسي.....مع الآخرين..
ما في إنسان واعي ببرر أخطاؤه...إلا إذا كان شايف حاله صح.....بس إنت عم تسميلي بالحرف " أخطاءك " ....فمو منطقي برر أخطائي!!! المشاركة الأصلية بواسطة Shankool أولا اسمه طم طم...أخي وما في منه...توقيعه حلو وأنا قلدته....
بعدين مو آخدين مبارح الضو الأخضر لشغلات والأحمر لشغلات وإلا نسيت؟؟؟؟؟؟؟؟ على حد علمي خبرك إياه بالكلية وما اعترضت!! المهم أنا عاطيه مطلق الحرية إيمت مابده يقوم من على السفرة  .....بس باينته جوعان كتير لسه.. . المشاركة الأصلية بواسطة Shankool يخرب بيت سنتك.....من يومين بالكلية كان رأيك غير هيك.....وحصرناك وقلت غير هالحكي؟؟؟؟؟؟؟
المشاركة الأصلية بواسطة Shankool شنكول أبوس وجك غير هالأسطوانة.....والله كرهت فينا الناس...وين المشاكل...؟؟...ظالم كالعادة...وما عم تحسن تخبي متل أول انزعاجك...
المشاركة الأصلية بواسطة Shankool النقاط مجانية لو بتطلع للسما.......واللغة اللي استخدمها بعض الأعضاء مناسبة؟؟؟؟؟ ولغة نور غير مناسبة....عبتضحك على مين؟؟ ياجماعة فوتو على الخاص وشوفو شو صاير..
على العموم.....النقاط ما بتفرق اذا ضميرك مرتاح من اللي قلته....وحاسس شغلة هالنقط متل الولاد الصغار.. المفروض تكون حازم أكتر....بس عادل كمان.. تحياتي إلك.......وبشكر سعة صدرك..وأنا والله عم رد عليك وماني زعلان منك بالعكس مبسوط.. -------------- المشاركة الأصلية بواسطة dr.nour على حد علمي إيه بيحبوا هالصفة....بس حسب اللي عم تدلل...يعني مو كل مين صف الصويني قال أنا حلويني..
الدلال بحدود.......جزء من شخصية المرأة ومن الأمور التي تنقص الرجل ويسعى لإكمالها من عند المرأة "متل الحنية والعواطف الحساسة ".. المشاركة الأصلية بواسطة dr.nour الإخلاص = وفاء للشريك وحفظ له في غيابه..
عادة تشوبه بعض الزلات ....لأنو أخلاق الناس عموما في انحدار... البنت أكتر بكتيييييييييييييييييييييي ييييييير من الشب....بس مابيمنع تلاقي شباب مخلص كتيير وبنات غير مخلصات... موجودين تنيناتهن.. المشاركة الأصلية بواسطة dr.nour الخيانة فجور وإثم وين ما كانت....للأمانة للبلد للزوجة...
الخيانة الأخرى مو هون مكان نقاشها بس العاطفية......الخيانة العاطفية = الانفصال.. هلأ الشب هو الأكتر طبعا.......بس المشكلة هو ازدياد نسبة الخيانات العاطفية في صفوف البنات بكليتنا.. |
| قال العضو التالي أسمه شكراً لك يا davidson على هذه المشاركة المفيدة: | ||
|
#66
Mar, 03 2007, 00:33
| |||
| |||
| ================================================== =================== المشاركة الأصلية بواسطة Mr.sad بعد التخرج..بسأل عنها ...وبروح لعندها بفاتحها بالموضوع.....وبعدين هي حسب ظروفها...بس على الأغلب البنات بينتظروا التخرج أو اجتياز السنة الخامسة على الأقل..
المشاركة الأصلية بواسطة Mr.sad إكس هو رفيقي....بس فهمت قصدك
 ..والله رح يدق القلب لأنو الإدرينالين من هرمونات الشدة....مو ضروري الشدة العاطفية...بس هي موقف حتما رح يصير فيو شوية صرف للإدرينالين....وبعدين حسب البنت... إذا كنت بميل لهالبنت...أكيد رح أصرف كل الإدرينالين اللي عندي وصفي ع الحديدة " الاستيل كولين يعني ".. المشاركة الأصلية بواسطة Mr.sad مو معقولة يكون مخي سميك لهالدرجة....وين راحو الـ6 سنوات وماني شايفها....بس رح امشي معك ...طالما انت قلت هيك....فأكيد هالشي ممكن يصير..
بحاول اعترفلها ....مو معقول تكون مناسبة واتركها تطير ... المشاركة الأصلية بواسطة Mr.sad ماقرأت المقالة صراحة.....وما بعرف شو كتبت ومين البنت..
مع الأسف... بس أنا إلي ثقة بدوافعك وسلوكك و أفكارك... حبيب قلبي مشكور.. المشاركة الأصلية بواسطة Shankool يحرق حريشك شو عينك ضيقة....
طلع حوليك يازلمة في غيرك بهالدنيا..... ومو كل البنات بيحبو الشقر.R-Smilies (100).jpg.. بالعكس السمر R-Smilies (123).jpg أحسنلهن حسب الإحصائيات المتوفرة عندي.. على العموم صارت مع ناس بعرفهن بكليتنا .....فشو عم تقوللي بالآداب... |
| قال العضو التالي أسمه شكراً لك يا davidson على هذه المشاركة المفيدة: | ||
|
#67
Mar, 03 2007, 00:56
| |||
| |||
| ليك يا ضرسان : بتجاوب وبدون لف ودوران ....علشان ما أخلي dr_mm يجاوب عنك وبتعرف هاد لا بيحلل ولا بيحرم قلبك الكبير دق شي لحدا غيرها ..... واذا كان دق ...ضل شي مكان للقديمة ..الا لأ وكيف كان تأثير الحشاشين عليك هديك الفترة ...ايجابي ولا سلبي ( يعني رفعولك اسهمك لما نزلوها ) |
|
#68
Mar, 03 2007, 01:07
| |||
| |||
| المشاركة الأصلية بواسطة mmi مين هي يا أخي...........
تقول الكل فات جواتي....ومتأكد......الله يسامحك يا ابن الجيران.....هلق وع الحيرك جايك.. حاليا شاغر.......مو متل قلبك أبو شريك.. تأثير الحشاشين دوما مذهل.........تقهقري....... م م رغم قلة الرومنسية عندو خبرة ..بس ما بعرف منين جايبها....على العموم بيفيدني برأيه.. |
| قال العضو التالي أسمه شكراً لك يا davidson على هذه المشاركة المفيدة: | ||
|
#69
Mar, 03 2007, 01:07
| |||
| |||
| دافيدسون انا كنت جا ياحط اسئلة بس باين انك تعبان لذلك خود راحة وراجعلك |
|
#70
Mar, 03 2007, 01:14
| |||
| |||
| المشاركة الأصلية بواسطة dr_mm مشكوووووور أبو شريك
حاسس فيني كالعادة.. كبييييير.. |
| قال العضو التالي أسمه شكراً لك يا davidson على هذه المشاركة المفيدة: | ||
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| ستار اكاديمي | LionHeart | الموسيقى | 2 | Oct, 12 2005 03:27 |
| ديال أب , Isdn, و سوبر توبر !!!.... و أشياء أخرى !!!؟ | drfiras007 | علوم وتكنولوجيا (حواسب واتصالات) | 27 | Mar, 28 2005 13:02 |
| ستار اكاديمي..ظاهرة تستحق وقفة | Evereve | اجتماعيات | 5 | Mar, 19 2005 10:59 |
كل الأوقات حسب GMT +2، والوقت الآن 06:28.
