سوبر ستار المنتدى
يدور هذا النقاش حول سوبر ستار المنتدى في قسم لقاءات في الملتقى الطبي السوري; وعنا اليوم حديث اوعدكم يكون شيق وممتع مع شخص عرفتوه ..ولمستوا فيه حب المرح..... وعايدتو عليه من كام يوم....... شخص قد ما حكيت مارح اقدر اعطيه حقه وبناء على الانتخابات
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| | LinkBack | أدوات الموضوع |
Feb, 27 2007, 01:16
| |||
| |||
| سوبر ستار المنتدى وعنا اليوم حديث اوعدكم يكون شيق وممتع مع شخص عرفتوه ..ولمستوا فيه حب المرح..... وعايدتو عليه من كام يوم....... شخص قد ما حكيت مارح اقدر اعطيه حقه وبناء على الانتخابات الداخلية التي اجريناها....... فاليوم واليوم بس رح يسجل تاريخ الملتقى مقابلة من العيار الثقيل مع عضو متميز جدا امتعنا الى حد التخمة بمشاركاته تعالوا معا لنقول : فليتفضل دافيدسون مشكورا وليجلس على كرسي العريس ولنقلب معا صفحات هذا الكتاب اطلب من دكتور مم وطمطم مشكورين تحويل الاسئلة الى هذه الصفحة |
|
#81
Mar, 04 2007, 01:25
| |||
| |||
| يا جماعة بعتذر منكن ....بس أنا والله مجاوب على كل أسئلتكم ..بس ما بعرف وين طاروا.....هداك اليوم ما نمت وضيعت الدوام الصبح وأنا عم رد عليكن.....بس الله عليم وين طاروا .........شنكول ارجوك بلا مزح ورجعن اذا بتحسن...على العموم ....برجع بعيد بس سامحوني رح اختصر ........ياحرام والله العظيم زبطت ردود خيلة ...خسارة.. ....... المشاركة الأصلية بواسطة flower 
برجع برحب بوردة المنتدى.. لقبي لقبني إياه سبارتاكوس......باعتبار أنو مؤلف المرجع الطبي الشهير كان سير وكان اسمه ستانلي دايفدسون.. لست بسير...أنا عبد أسير.. على الأرض أسير .. حلب...أحسن مدينة عندي....فيها صحابي وكليتي ومزيجها السكاني رائع...بس مو لأنو فيها ذكريات الطفولة والصغر....يعني اذا رفقتي غادروها ممكن فكر غادرها .... بعدين منين عرفت أنو أنا بحب المحاشي...ماني ذاكر هالشي بملفي الشخصي.... بس وينك أنا ما بحب الكبب... باختصار بحب بحلب صحابي وكليتي أكتر شي... المشاركة الأصلية بواسطة Kliopatra وعليكم السلام...
صراحة بكون فشلت بأهم مسؤولية بحياتي...... بحاول قدر الإمكان و بجميع السبل اقنعه....ورده لجادة الصواب.....واذا ما سمع وما اقتنع....و باعتباره بالغ راشد مسؤول عن كلامه.....بطرده من حياتي مع الأسف ومالي مصلحة بابن ما بآمن برب واحد مسير للكون... مشكورة كليو وآسف على اللي حصل..  المشاركة الأصلية بواسطة Ghareeb
على راسي أخ غريب.... وأنا كمان بحبك....وما بتفرق يا عيوني مين اللي ببادر المهم ..بنتشرف بمعرفتك....أنا يدي ماددها.. البقية : 1- هادئ وينفعل أحياناً . 2-متفائل. 3-مستاء.. 4-منفتح على الجميع ويحب الصداقة. 5-الحمد لله...ماني من الأوائل.. وأكثر من الوسط....معدلي العام 75 6- مشهور نسبيا ...بعرف أغلب الشباب وبيعرفوني " باعتبار في جزء ما بيداوم "....نزلت بزماني مادتين...يعني بتوقع الغالبية بتعرفني..وبالظاهر بحس زملائي بحبوني....بس لا تسألني عن الباطن....باعتبار ارضاء الناس غاية لاتدرك... 7-سعيد وراض بحياتي. 8-ماني منهن بس كلهن صحابي وحبابي.. 9-ملتزم التزام عادي مع بالغ الأسف...بس السمعة الحسنة للدين لاااااااازم ندافع عنها... 10-سعيد أيما سعادة... بانتظار اللقاء أخ غريب......وآسف على الخطأ اللي حصل.. |
شو بيكون موقفك وفعلك ؟|
#82
Mar, 04 2007, 02:04
| |||
| |||
| المشاركة الأصلية بواسطة BigBoss
هلا بريم الفلا.........وين غاطط..افتقدناك الحمد لله والصحة تمام.....لا تواخذني دخيلك.....خطأ فني.. بانتظارك -------------- المشاركة الأصلية بواسطة flower والله أنا مبارح نمت بعد أذان الفجر........مرتاح على أساس ما عندي كسورات.......موتاريلك ردودك طايرة....الظاهر شربانة ريد بول..
المشاركة الأصلية بواسطة flower والله لقلك هو الدخل إله دور......بس والله الطب مو شغلة هينة...وعمل رائع وكل الناس بتحتاجه....فعامل الدخل و المكانة هي اللي شهرت هالكلية أول شي......حاليا يضاف إلها أنو صار حلم وعلاماته عالية " وكل ممنوع متبوع " وصار دليل على ذكاء ابن العيلة وصار وصار....أقصى حلم لطالب سوري...
المشاركة الأصلية بواسطة flower بدخلوا أصحاب النفوس المريضة " مع احترامي لباقي الكليات "....بس بفوتوا اللي بحبو البهورة و كبر الراس وياما أكترهن ببلدنا..لأنو برأي الطب كمهنة لا يقارن بالمعهد الفندقي ..بس الناس بتحب الظهور والفخر....وما حدا ببري نفسه من هالصفتين تماما ( وألهن أنا) بس مو لدرجة ضيع مستقبلي مشان نشوة الدخول بأعلى كلية بالبلد حتى لو شو ماكان...
المشاركة الأصلية بواسطة flower كولد ....لو المعلمة كتبتله هيك....بيرجع على البيت وبقول لأهله : بدي أصير فيزيائي...
بس وين بيصرف كلام معلمته وقت اللي بيكبر؟؟؟........مجتمعنا عاطي الطب " على أهميته " زيادة تصوري حتى وقت التارات بالأرياف...بروحوا بالعادة بدوروا على أكبر راس وبيقتلوه مشان يعلموا على العشيرة التانية....وغالبا إذا انوجد الطبيب فبكون الضحية..عندي زميل رسب بأحد السنوات لأنه كان هربان ومطلوب راسه بأحد التارات..... مهنة الفيزيائي اللي حكيتي عنها.. لو شعبنا يركض وراها ويتميز....كان اختلف وضعنا أكيد للاحسن.. المشاركة الأصلية بواسطة flower الأهل متل الولد تماما...كبروا والطب حلم لأغلبهن....ما حسن الأب يحققه.......أكيد بتمناه لولده..
مستحيل الواحد يتميز بفرع بيكرهه....بعرف شباب من الأوائل بالباكلوريا.....فاتو معنا طب...بس لأنو المجتمع والأهل هيك بدهن....ومع الأسف منهن اللي حمل مواد ووضعه سيء...ومنهن اللي رسب حتى.. المشاركة الأصلية بواسطة flower المرحات كتار كتير... ماعديتهن......كل طلاب الطب كانو متميزين بصفوفهن ومدارسهن...إلا ماندر..
ما بذكر إنو تقلعت من الصف شي مرة ....لا بثانوي ولا بغيره.. أحلى موقف......................بظن رح يكون التخرج....بس بالماضي...المعسكر الانتاجي ككل السنة الماضية...وقت بجيب علامات عالية كتير.. بالمدرسة.... حبيت الانكليزي والعربي وكرهت الكيمياء... بالطب.... بحب الداخليات...كرهت الفيزيولوجيا والطب الشرعي.... مشكورة فلور .........ولا تواخذني بيجوز مستعجل بالإجابه ...بس مشان لحق الكسر.. |
|
#83
Mar, 04 2007, 02:26
| |||
| |||
| مرحبا ديف من خلال قراءتي للمشاركات لاحظت اكتر شي التركيز على موضوع العواطف و الحب و الرومانسية الخ........ شو برأيك السبب؟؟؟؟؟؟؟؟؟؟؟؟؟؟؟ هل لأن ديفيدسون أعطى هذا الأنطباع عنه من خلال مسيرته في المنتدى أم لأن الشباب يعيشون فراغ عاطفي و عبحاولو يسدو الفراغ (قلبون محروق) بشكل عام؟؟؟؟؟؟؟؟؟؟؟؟؟ شو أكبر نجاح انت بتعتبر نفسك حققتوا خلال حياتك؟؟؟ ما الذي يبكي ديفيدسون ؟؟؟؟؟؟؟؟ شو رأيك بهيفاء وهبي؟؟؟؟؟؟؟؟؟؟ أخيرا شو رأيك بهالتشكيلة المتناقضة؟؟؟؟؟؟؟؟؟؟؟؟؟ |
|
#84
Mar, 04 2007, 02:58
| |||
| |||
| المشاركة الأصلية بواسطة etoil de la mer الحمد لله فرحتيني....وأنا عم قول متجاهلتينا...
على العموم حصل خير وانا انبسطت بمشاركتك كتير.. اللون....الأزرق...بطيفه الفاتح.. البارفان...BOYS الأزهار....الجوري. الحجر....الياقوت....وياريت يا جماعة تتلحلحوا شوي وتهدوني شي كادو مصنوع من الياقوت الخالص..  المعدن...كله خير وبركة....بس الألمنيوم أحسن من غيره. الأوقات...المغربيات بالصيف.. حكمة...اعمل لدنياك كأنك تعيش أبدا واعمل لآخرتك كأنك تموت غدا.. الأماكن....على الديوانة اللي أمام التلفزيون.. الأسماء...اسمي..عن جد بحبه.. الطبخة.....صعب اختصر هالجواب...بس اذا جبرتيني........ المشاوي لا بأس فيها..والملوخية " بس مو الفرك....لأ تبعت الورق ".. البرنامج...كل شي إله علاقة بالرياضة.. المشاركة الأصلية بواسطة etoil de la mer بنزل لعند رفقاتي....ببساطة..
المشاركة الأصلية بواسطة etoil de la mer اذا عندي شغل أو تعبان ونعسان ومافي ضرر من تأخير البقيان علي بالعمل......ليش الكذب متل أي شخص ...برجع...أما إذا عملي لازم يخلص فأكيد بتم وما برجع..
بالنسبة للشق التاني...كمان مارح أكذب...ومتل كل الناس بحاول استغلها بس مو لآخر ثانية كمان...بس بتوقع أنو أتأخر...لأنو الفيقة الصبح عندي مشكلة...ودوما بعصر الوقت حتى آخر قطرة..باعتباري بسهر بالليل كتير.. المشاركة الأصلية بواسطة etoil de la mer طبعا لو معي صلاحيات ...
-أهم شي بقيل أكثر من نص المدرسين ......ألف واحد شهاداته معبية الحيط ومتحمس أكتر منهن جاهز يدرس بنفس شروطهن هي..وبشكل أحسن من هيك....مو معقول داومت اسبوعين ما شفت ولا واحد منهن بالستاج. -بعدل وبحذف المواد اللي مالها طعمة أول سنتين...+ الإحصاء + تاريخ الطب.. -بشيل الفحص الوطني أو بعدل نظامه جذريا.. -بلغي أطروحة التخرج اللي سعرها الحالي أقل من نكلة.. -بزبط الكتاب الجامعي.. -بزبط البعثات وبكترها... -بزبط الستاجات أكتر من هيك.. ما عم اتذكر...كانوا أكتر من هيك.....يالله اذا تم شي غير هدول بعيفه على حاله.. المشاركة الأصلية بواسطة etoil de la mer أنا بفضل يكون لكلامي أذن صاغية.. متل الكل..بس كتير من الأحيان في ناس متل ماذكرت.....بيجبروك تزتي النصيحة وتمشي..
المشاركة الأصلية بواسطة etoil de la mer اذا الشخص مو كويس ....بالعادة بتحاشاه و ما بتفاعل معه كتير .... أصلا ببين على الواحد بسرعة اذا مو رايد شخص معين..بس اذا ما حس....أكيد ما بلجأ للطريقة المباشرة للصد لأنها قلة ذوق.....بشوف شو بيطلع معي حسب الشخص وفهمه وسماكة دمه..
المشاركة الأصلية بواسطة etoil de la mer مزحة......بلشت بمشاركة ديفدسون عن قرب....ونسيان بدلها لهلق..
مشكورة أيتها النجمة.. المشاركة الأصلية بواسطة Kliopatra له له: .........مستحيل أتجاهلك كليو.
 ....بس الريد بول خربطلنا حياتنا...على العموم رديت على مشاركتك مرة تانية...يعني مرتين....جخي يا ستي... مشكورة...بانتظار اسئلتك .. |
يا أما الأخ دافيدسون متجاهلنا عن قصد 
| الأعضاء الـ 3 التالية أسماؤهم قالوا شكراً لك يا davidson على هذه المشاركة المفيدة: | ||
|
#85
Mar, 04 2007, 04:10
| |||
| |||
| المشاركة الأصلية بواسطة dr_mm
قال عمر بن الخطاب رضي الله عنه.. برّوا أبناءكم قبل أن تبركم أبناءكم.. بس ليش الأب صارله 27 سنة متجوز ؟؟؟ مافهمت عليك.. المهم... شو فيها لما الابن بيسأل أبوه بيت و سيارة وامرأة....تا يغلط الأب بحق ابنه ويقلله "حليق" بكل ما للكلمة من معان جارحة و كاسرة لنفس الابن.. الحمد لله أبي لما بقلله بدي بيت وسيارة وامرأة ...ما بقللي " حليق ".....بالعكس تماما ....بقللي " قحط"... وأنا لهلق صراحة ما فهمت معنى هالكلمة بدقة....بس أنا قلبي دليلي وخبرني إنو معناها "تكرم".."على عيني " ..أو أكتر من هيك .. لذلك ساكت عليه لهلق... -------------- المشاركة الأصلية بواسطة dr_mm الله الله.........تكرم يأبو العيس في البيداء يقتلها الظما...
والله إنت المعذور يا بعد كبدي.........................واسأل الفلاشة اللي بجيبك....رح تخبرك -------------- المشاركة الأصلية بواسطة Mr.sad
كرمال الحشيش اللي بيناتنا.....لا تحر دمك... ومي محرزة كتير...دخيلك مو على أساس مشاريعنا أجلناها 20 - 25 سنة كمان.. لا يكون تخليت عنا يا ساد...  |
|
#86
Mar, 04 2007, 04:13
| |||
| |||
| عنا ضيف جديد يا ميت اهلا وسهلا ...والله ونورت المقابلة وهي احلى فنجان قهوة للنجمة olelavenTC.gif وهلأ اجا دورك داف افندي امامك حالتين شاب يحب فتاة وهو متيم بها ولكنه لايجد الطريق الى قلبها ولم ينجح في الحصول على الحب على الرغم من محاولاته فتاة تحب شابا وهو لا يعلم او لاينتبه لها ولو افترضنا انو احد طرفي العلاقة شخص مقرب الك كتير ياترى شو بتتصرف بتتدخل وبتحاول تقرب بين الشخصين ولا انت ما بتحب تدخل بالعلاقات العاطفية الجمال.... اين يكمن جمال المرأة برأيك وكيف ينظر دافيدسون للمرأة الجميلة وشو هي الصفة الغالبة عند الفتيات الجميلات من خلال ملاحظاتك يعني مثلا ( تكبر ...تواضع ..ذكاء ...دلال ...بلادة ...)او أي صفة اخرى انت بتحددها طيب فتاتين تمران بجانب دافيدسون احداهما جميلة والاخرى ليست كذلك كيف تشعر تجاه كل فتاة هل ينتابك شعور الشفقة مثلا |
|
#87
Mar, 04 2007, 04:16
| |||
| |||
| المشاركة الأصلية بواسطة mmi السبب أنو الشباب الجامعي صار بعمر غريزته وفطرته قالتله : بس حاجتك ولدنه إنت كبرت وصار لازم تستقر وتحافظ على النسل البشري , وتبني أسرة , متل ما عملوا أجدادك البشر من آلاف السنين..
بيصحى هالشب أو هالبنت من النوم على سطل مي بارد اسمه الواقع المتشرك..الخربان..بيحيصوا شمال ويمين...ما عم تزبط الأمور معهن....وهن عم يدوروا ودايخين السبع دوخات وطلعت روحهن وما عادت ترجع... وإذ........................................ بالصدفة بفوتوا على بشري حلب ...وبلاقوا هالناس عاملين لديفدسون مقابلة وكأنو حلال المشاكل dr.phil..وبيلزقوا عليه على أساس بيده الحل....وبيطلع معي اللي شايفه إنت....إي والله هاد اللي صاير يأبو شريك.. -أهم نجاحاتي.....باعتبار لساتي صغير ماأسست أسرة ولا باشرت عمل........هو دخولي كلية الطب.. - البكاء العادي.......لا ......لكن إن قصدت بالبكاء...أن تدمع العين فحسب فأقول: يبكيني منظر أم عراقية قتل ابنها ....أو يجرجر ابنها ذي الـ15 سنة لزنزانات التعذيب.. دون أن تستطيع إنقاذه...فتبكي وتبكيني...أو منظر أب لبناني يحمل أشلاء طفلته الرضيعة بعد قصف اسرائيلي مجنون.. أبكي أيضا في لحظات خاصة..... -هيفاء وهبي.........أرخص من (.....) مع احترامي لزملائي القارئين.. -أخيرا بتعرف شو رأي بضيافتك أبو اصطيف..........ديما على الراس وبالعين.. |
| قال العضو التالي أسمه شكراً لك يا davidson على هذه المشاركة المفيدة: | ||
|
#88
Mar, 04 2007, 05:26
| |||
| |||
 وأنا.......................... وين أجوبتي........................ داف .................داف...............  -------------- حبيبة ...أحسست أنها الأم والأخت ..أنها الشعر والسياسة والغناء....أنها الدواء لجراحك... والأمان لفزعك والاطمئنان لخوفك........... لكن فجأة........... فعل منها....أجهض ماكان في قلبك من هذا الحنين....وتركك أياما دون نوم يزور جفنيك ودونما راحة تسلو بالك....وأحسست أن مابينكما بنيانا انهار فلم يعد فيه حجر على حجر.... ..فاين انت من هؤلاء: أتغني مثل عمرو دياب:وهي عاملة إيه دلوقت... ومين هون عليها الوقت؟؟؟؟ أم تغني لسميرة سعيد :أوصيك بالصبر ياقلبي.... دا غرامو طلع أوهام..... أم تغني لوردة :أكدب عليك لو قلت بحبك لسا....أكدب عليك ..... أم تسترجع خالدة عبد الحليم :توبة... توبة... توبة إن كنت أحب تاني ...توبة......... تحياتي........  |
|
#89
Mar, 04 2007, 10:38
| |||
| |||
| [quote=dr_mm;51559]قلبي على أبي ....وقلب أبي عالحجر...... مقولة يرددها الكثير من الأبناء.....وهم يقفون أمام آبائهم الذين تزوجوا منذ 27 سنة ولا يسألون عن أبنائهم اليوم ولسان حالهم يقول {بكيييير يا ولد } ونسوا أن عظيم حقهم عليك لا يذهب قليل حقك عليهم.... أو يقول لا تدخن يا ولد مع أن سيكارته {أي الأب}بطول ابنه.............{فعلا جيل أبهات شاقق الأرض وطالع}. أو تقول يا بابا بدي سيارة وبيت وامرأة {لأنه على حظنا التغت الجواري} فيقول له الأب حليق عن سماي أو يتبجح عليك دائما:عندما كان نبليون بعمرك كان ذكيا و متميزا وينسى أن نبليون عندما كان بعمره كان امبراطورا. فعلا أبهات آخر زمن.... المطلوب منك يا سهيل كلمة توجيهية لأولئك المشاغبين{الظالمين}............. -------------- QUOTE] له يا أبو السوس...................... وقعت بالفخ...أكيد المقصود ب{ المشاغبين}مو اللي بالك ارجع واقرأ آخر سطر لأن أكيد مو المقصود آباءناولكن الأبناء ............. بعدها...........حبيبي: انت بتعرف اني لما بطلع أنا بشوص شوص وما عندي شي أخبي.....لأن ما في شي. شو رأيك نعمل جلسة صراحة عالنت أنا وانت...ونحتكم الى الجمهور{الثقاي العدول}مثل نور وطم طم وmmi ونشوف مين المقصود.  -------------- لك مستر ساد تحياتي الك بشفاه مثلمة ..مفدعة ....جارحة ...غائظةللبشر قاذفة للشرر...باخخة للمطر...مذوبة للصخر...مفتتة للحجر....... لا تبقي ولاتذر. ................ داف تسمحلي أجاوب اذا ما بدك تجاوب أنت على الشخصيات اللي طرحها شنكول {اللي بظن ما بيعرف عن أكترن}. |
|
#90
Mar, 04 2007, 11:35
| |||
| |||
| السلام عليكم تويب تويب ....... شو رأيك بتعدد الزوجات ؟؟ طبعاً مو بشكل عام بحياتك الشخصية !!!والسلام عليكم |
| قال العضو التالي أسمه شكراً لك يا Kliopatra على هذه المشاركة المفيدة: | ||
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| ستار اكاديمي | LionHeart | الموسيقى | 2 | Oct, 12 2005 03:27 |
| ديال أب , Isdn, و سوبر توبر !!!.... و أشياء أخرى !!!؟ | drfiras007 | علوم وتكنولوجيا (حواسب واتصالات) | 27 | Mar, 28 2005 13:02 |
| ستار اكاديمي..ظاهرة تستحق وقفة | Evereve | اجتماعيات | 5 | Mar, 19 2005 10:59 |
كل الأوقات حسب GMT +2، والوقت الآن 04:23.
