طالبة طب تلقن درساً بفن الكراتية لشابين حاولا معاكستها

Mar, 02 2007, 21:25

لقنت طالبة طب - 19 عاماً - درساً بفن الكراتيه لشابين حاولا معاكستها عندما كانت تمارس رياضة المشي في شارع 8 آذار وصت السوق التجاري في مدينة اللاذقية ..

وفي تفاصيل الواقعة، أن الفتاة وهي طالبة سنة ثانية طب في جامعة تشرين، كانت تمارس رياضة المشي في الكورنيش الغربي وانتقلت منه إلى حي الأميركان و من ثم إلى شارع 8 آذار وظل الشابان وهما في العقد الثالث، يلاحقانها طول هذه المسافة التي تبلغ حوالي 3 كيلو مترات و بقيا يسمعانها كلمات الغزل وأخرى نابية إلا أنها ضاقت ذرعا بهما وفاجأتهما بضربات متسارعة ومتلاحقة بفن "الكراتية" .. الأول كان نصيبه في الرقبة ووجنته اليسرى وبطنه، أما الثاني فكان نصيبه في فكه ووجنته اليمنى وبطنه وطرحتهما أرضا وسط ذهول المارة و قهقهات المتسوقين، ثم قاما وفرا باتجاه سوق التجار.

الواقعة كانت في الساعة السابعة والنصف مساء أمس الأول (الأربعاء) .. أي وقت الذروة التي يشهدها شارع 8 آذار والسوق التجاري.

والأنكى من هذا كله، أن الفتاة عندما انتهت من إستعراض فنها الجميل في تأديب الشابين نفضت يديها ومسحتهما بالمعقم.

تعظيم سلام لأخت الرجال.

خاص - (كلنا شركاء) – اللاذقية: 1/3/2007

#31 Mar, 04 2007, 20:46

اليوم كنت قاعدة بالكافتيريا...قمت لقيت طلاب الطب سنة تانية قاعدين قبالنا..و في وحدة قاعدة عم تحكي و الكل عم يتسمع عليها...و كانت عم تحكي عن الكاراتيه ..ما لقطت الحديث كللو..."بما انو داي مو متعودة على النتصت" بس حسيت انو يمكن ..يمكن ها تكون هي المستورة اللي عم تحكو عنا ...بس شو الله يشهد انها كتير ناعمة و قطعتها زغيرة..و ما بيبين عليها بنووووووووب ...
والسلام

#32 Mar, 04 2007, 20:51

أنا بقترح تعزميها لعنا ... لحتى نتعرف عليها .. ويمكن زميلاتنا يحطوا دروس كاراتيه عندها ...

#33 Mar, 04 2007, 20:55

لا يوه....ما بسترجيييي...بركي فكرتني عم اتمسخر و أذاقتني مما أذاقت هدوليك الشباب؟؟؟
بعدين لاااا...بعدين بيكبر راسها و بتقوى .... ما خرج

#34 Mar, 04 2007, 21:21

طيب نحنا بنجي لعندكن...شو قلتي تانتانا..

#35 Mar, 04 2007, 21:28

البنات و بدن يتعلمو كاراتيه...انتو لييييييييييييييييييه؟؟؟؟
والله العظيم انتو الشباب شغلتكن شغلة

#36 Mar, 04 2007, 21:33

نحنا لازم نتعلم كاراتيه مشان ندافع عن نفسنا أذا هاجمتنا طالبة طب بتلعب كاراتيه..

#37 Mar, 04 2007, 21:35

و بركي هي طلعت بتلعب كاراتية احسن منكن...انا برأيي..تحملو معكن بواريد و فرودة...هيك أضمن...و اذا شفتوهن تقال شوي...شبرية بتكون بتكفي و بتوفي

#38 Mar, 04 2007, 23:35

لك احنا جايين نتعلم شو الغلطة اللي غلطوها الشباب قبل ما ياكلوا القتلة .. مشان ما تتكرر ..

سلميلي عليها وقوليلها .. في منك كتير بحلب ..

سلامووو

#39 Mar, 05 2007, 15:52

...شبرية بتكون بتكفي و بتوفي

هلأ بواريد وفرودة فهمناها بس شبرية

..منين بتعرفيها هي .. يا خوفي منكن يا بنات الساحل باين متدربين على كل انواع الاسلحة

#40 Mar, 05 2007, 20:27

لك شبرية و شنتيانة و كل اللي ممكن يفيد في رحلة النضال من اجل الحياة...مو نحنا عايشين بهلزمن عاساس قانون الغاب..و ان لم تكن وحشا اكلتك الذئاب.....
على سيرة هيدا المثل تذكرت مثل تاني بحبو...بس مو محلو هون"ان لم تكن حمارا فانت اي حيوان آخر!!"

انا مثلا قطة...خخخخخخ قطة ماسكة بومبكشن...هعهعهعهع

المواضيع المشابهة
الموضوع	مبتدئ الموضوع	المنتدى	الردود	آخر مشاركة
ما رأيك في الفتاة الجامعية و بخاصة طالبة الطب	rose	اجتماعيات	36	Oct, 01 2005 14:50
شريكة حياتك طالبة جامعية	LionHeart	اجتماعيات	33	Aug, 05 2005 08:28

		الملتقى الطبي السوري > العموميات > مقهى الملتقى > الإخباري
طالبة طب تلقن درساً بفن الكراتية لشابين حاولا معاكستها

الأعضاء الـ 18 التالية أسماؤهم قالوا شكراً لك يا Shankool على هذه المشاركة المفيدة:
BigBoss, dr.mohi, Elloni, hailstone, keane, Kliopatra, neil, SERA, spartacus, subzero, tartousieh, TERMINATOR, TURBO, كونان, Wesambassout, Wiseman_a, سندريلا, عابد

أدوات الموضوع
عرض نسخة سهلة الطباعة أرسل هذه الصفحة بالبريد الإلكتروني