ليش كلية الطب ؟ ... سؤال لكل طالب
يدور هذا النقاش حول ليش كلية الطب ؟ ... سؤال لكل طالب في قسم اجتماعيات في الملتقى الطبي السوري; السلام عليكم ورحمة الله وبركاته
زملاء الأعضاء في المنتدى .. وطلاب كلية الطب في حلب
صرلي مدة معكم بمنتداكون الحلو .. وهايدا أول موضوع بشارك فيه .. وأفكار مش جديدة,
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| موجز الأخبار لآخر المستجدات الطبية | ||
 |
| | LinkBack | أدوات الموضوع |
May, 18 2005, 00:35
| |||
| |||
 ليش كلية الطب ؟ ... سؤال لكل طالب السلام عليكم ورحمة الله وبركاته زملاء الأعضاء في المنتدى .. وطلاب كلية الطب في حلب صرلي مدة معكم بمنتداكون الحلو .. وهايدا أول موضوع بشارك فيه .. وأفكار مش جديدة, وببالي من زمان فاللحظة المناسبة حانت لطرحها للعلم أنا ما بدرس طب ولا صيدلة ! ليش اخترت كلية الطب ؟ طبعا مع احترامي واعجابي بطلاب الطب, والأطباء (الأشراف منهم-أبعدكم الله عن الطب التجاري) وكل واحد أدر يجيب بالبكالوريا المجموع الشبه تام (مناضلين بكل معنى الكلمة) ودخل كلية الطب طبعا ... ممكن الجواب يكون ... معئول حدى يجيب المجموع الشبه تام .. ويفوت كلية تانية ؟ طيب ........ رح احكي بشكل عام الوضع عنا (وهايدا مش وضعكون يلي دارسين بسوريا) .. وكذلك احترامي لطلاب الطب والصيدلة في الخارج (بما ان عندنا مافي تفريق طب او صيدلة) مئات الطلاب السوريين .. وخليني قول 90% منهم (مجموعهم في روسيا ورابطة الدول المستقلة حسب آخر احصائيات وزارة التعليم العالي السورية - والاتحاد الوطني لطلبة سوريا = 5825 طالب وطالبة) وأنا متأكدة أن أكتر من 4000 منهم دخلوا الطب أو الصيدلة بمختلف المدن ومختلف الجامعات والأكاديميات الطبية في روسيا يلي آخد بكالوريا أدبي بالزور .. عم يجي يدرس طب ويلي آخد بكالوريا وناقصو 3 علامات ليدخل الطب بسوريا .. عم يجي يدرس طب ويلي حالف أبوه ما يطلع إلا دكتور .. عم يجي يدرس طب ويلي محسب أن اذا أخدت شهادة طب صار شغلة عظيمة .. عم يجي يدرس طب وكل مرة بنسأل ( ليش ما درستي طب والله أحسنليك ؟ ) وكل مرة بنخنئ من هالسؤال ...... طيب ... وانتوا ليش اخترتوا الطب ؟ وشو رايكون بزمالة الخريجين من الدول التانية (بالعمل) معهم مستقبلا ..... ؟ مع العلم أن كترة الدكاترة بتأدي إلى بطالة متزايدة يوما عن يوم ...... ليس بسبب التنظيم في سوريا .. بل عقلية الشعب ........ أن شهادة الطب .. بتجعل من الانسان غير ! ما بعرف .. وصلت الفكرة ؟ وبرجع بعتذر للجميع . ما أصدي الإساءة ... ولكن ... أطباء سوريا ...... إلى أين ... وكم عددهم .. وما نسبة العاطلين منهم .. وما نسبة المختصين .. والجيدين ... والموهوبين ....... ؟ ومشكورين والسلام  |
|
#21
Jun, 13 2005, 23:32
| |||
| |||
| أرجو من الأخت كليوباترا ألا تأخذ الموضوع بشكل شخصي.... لست من النوع الذي يحب إيذاء مشاعر الآخرين... كل ما في الأمر أني و مثلي كثيرون من الزملاء نشعر بالمرارة... حين ترى من لم يبذل ربع الجهد الذي تبذله يأتي هكذا و بكل بساطة ليحتل محلك!! ضعي نفسك مكان أي واحد منا و ستفهمين سبب ردة الفعل العنيفة لدي و لدى غيري.... مرة أخرى: لا تأخذي الموضوع بشكل شخصي.... |
|
#22
Jun, 14 2005, 00:21
| |||
| |||
| فلامينكوووووووووووو  أنا مش ضد ردك ....... بالعكس, انا كمان بعتبر (والتلك ان في مو مافي) كتير طلاب بيجيبوا الشهادة هيك .... وانا بموضوعي ذكرت ان حتى يلي بيخلص بكالوريا ادبي عم يجي يدرس طب (يعني انا كمان بنتقد بعض منهون) وانا ..... مش ضد هدول بالذات ............ ألتلك في طلاب كمان بتجي بيكون ناقصها علامتين بسوريا (ي كمان هاد الطالب حرام نظلمو .. ولمان انت بتجيب هيك امثلة, بخاف تكون عم تشمل الكل عكل حال صار خير  ونقدك وصل , والتلك اني فهمانة عليك, وانا كمان بوقف مع نقدك لبعضهم !!!!عئبال ما تروح عاسبانيا عفكرة  وبشوفكون بخير والسلاااااااااااااااااااا ااااااااام |
|
#23
Jun, 14 2005, 18:02
| |||
| |||
 أنا يللي بعدو بسم الله الرحمن الرحيم يا ملكة كليوبترا لما تبلشي وتقولي إنو طلاب روسيا أحسن وطلاب ما بعرف وين أفضل ودراستهم أكوس ، وما بدك حدا يناقشك ....................... . بيكون معاكي حق ............ بس شو اللي غير أفكارك وصرتي تقولي إنو أعداد كبيرة من الطلاب يحصلو على شهادات مو بعرقون ومو بجهدون . طبعاً بالنسبة للتعديل فهو أمر أسهل من شراء البطاطا . بتعرفي ليش لأنو بشكل رئيسي ما بيمشي حالو إلا بالمصاري ، وخصوصاً السفارات مهما كانت ( روسية ولا سورية ولا أرمينية ولا أوكرانية ) . بعدين أنا ذكرت في المرة الماضية إنو التعديل في سوريا يعتمد على المبلغ الذي يدفعه الشخص للحصول على التعديل وليس على معلوماته . في النهاية كيف تستطيعين وأنت تدرسين الإحصاء أن تقدري تفهمي مواد التشريح والفيزيولوجيا التي تعطى لطلاب سنوات الثانية والثالثة من الطب البشري ، يعني مو قصدي إنك ما بتفهمي لأ أبداً ، بس هذا مو اختصاصك والكلام اللي راح يحكو بالمحاضرة ما راح يكون كلام عام ، لأ راح يكون كلام طبي بحت ،............... إلا ............... إذا كنتي ورفقاتك عم ( *&^*%^&*&^ ) بالمحاضرة ، فهذا أمر ثاني . يعني بالمختصر كيف استطعت أن تفهمي أنطلاب الطب في روسيا عم يفهمو ويدرسو أحسن منا هون . أخيراً ، الطالب يللي عم ينقصو علامتين وثلاثة يدخل على الموازي أحسنلو وإذا ما يقدر يعيد سنة البكالوريا ويجيب 240 مو 233 بس ، ماشي ..............  تحياتي إلى فريق الاتحاد وفوزه بالدوري بطلا مستحقا لذلك |
|
#24
Jul, 18 2005, 17:23
| |||
| |||
| السلام عليكم موضوع النقاش إلي طارحيتو كتير حلو أما ليش دخلت الطب لأنو أحد أحلامي الكبيرة ماتت جدتي و أنا صغيرة يمكن عرفتها بس ما بتذكرها ماتت بالسرطان مرض العصر الحالي وبهل المرض كمان لما كنت بكالوريا ماتت أحد أريباتي ومتل ما بتعرفوا إلو علاقة بالوراثة وما بخبي عنكم إلي أخ صغير كتير بحبو ولد ومعو فتحة بين البطينين لما كنت بالتاسع وشفت كل أعراض نقص التروية وتأخر النمو............... إلي أخت كانت أبلي بردو بتدرس طب وبصراحة أختي وحدة من الناس يلي بعتبرن قدوة إلي وأخيرا مجموعي يلي أهلني لأدخل أي كلية وأي فرع وأي جامعة بسوريا أما إذا ما دخلت الطب كان بنفسي أصير عالمة ذرة أو رائدة فضاء أما عن الاختصاص يلي ذكرتيه بجنن ونحنا بسوريا بصراحة كتير محتاجينلو أنا بعرف حاليا عائلتين وحدة بحلب والثانية بحماة آلولن الدكاترة إنها وراثة جديدة بالعائلة والغريب إنو عمليات زرع الحلزون والمكلفة كتير ما متوفرة بسورية وبردو العلاج النفسي يلي عم تحكي عنو وآسفة إذا طولت أو خرجت عن الموضوع والسلام Smile Sad |
|
#25
Sep, 11 2005, 20:19
| |||
| |||
 مرحباً أنا من عائلة والدي طبيب , و والدتي مساعدة تصوير شعاعي من صغري أهلي ربوني على حب العلم و تقديسه كان الطب حلمي , و ما بتتصوري قديش كانت فرحتي لما رب العالمين استجاب لدعواتي  و ما ضيعلي تعبي و كان مجموعي بيأهلني لأنو أدخلهلحد هلأ ما ندمت على دخولي هل كلية مع أني شفت هل شي عند كتير من يلي حولي كل يلي بتمناه أنو أقدر أتوفق و أصير طبيبة ناجحة علماً و عملاً و بتمنى الخير لكا يلي بيحلموا أن يدرسوا طب على الرغم من كل صعوبات البكالوريا  |
|
#26
Sep, 11 2005, 22:51
| |||
| |||
| المشاركة الأصلية بواسطة Elloni تعقيباً ع موضوع الأخت elloni أنا كنت من صغري مصمم عالطب !!!
و لما درست البكالوريا أول مرة , طلعلي كل الكليات ماعدا الطب .. آم شو ساويت يا حزركن؟؟ عدت البكالوريا مشان حضرتو , و الحمد لله , الله ما خجّلني السنة التانية بس دخلت شحط !!! هههههههه المضحك بالموضوع فرقي عن الأول 9 علامات و اسمي داخل شحط!!!  |
|
#27
Sep, 12 2005, 21:03
| |||
| |||
| ندمانة أشد الندم على دخولي هذه الكلية ...................الله لا يجعلنا من النادمين ولو كان الأمر بيدي لحولت على كلية تانية بس للأسف ما باليد حيلة .................أهلي هيك بدون الله يسامحوووووووووووووووووووو ووووون |
|
#28
Sep, 14 2005, 01:30
| |||
| |||
| المشاركة الأصلية بواسطة syria star لا يهمك , مشان موضوع الندم , الكل ندماااااااااان هووون بس خجلانين يحكوا , أنا أولهن !!! بس نحنا عم نحكي قبل القبول شلون كل واحد كان ئاتل حالو عليه !!
|
|
#29
Sep, 14 2005, 11:27
| |||
| |||
| مابعرف بصراحة أنا مابعرف ليش دخلت طب لأنو لما كنت عبدرس بالبكالوريا ما كنت حيطط بذهني فرع معين بس كان بدي أجيب مجموع أقبل كل الفروع كنوع من التحدي ولما جبته لقيت حالي بورطة الحيرة ، اش بدي أدخل؟؟ وبالمختصر أنا ما اخترت الطب هو اللي اختارني فالسؤال بالنسبة إلي مو ليش كلية الطب وإنما ليش مو كلية الطب؟؟ وبيني وبينكن لما قررت أدخل طب أغراني فيها نفس المغريات اللي أغرت كل واحد ووحدة فينا |
|
#30
Apr, 10 2007, 14:47
| |||
| |||
| ليش طب؟؟؟ سؤال صغير بس أنا مجاوب عليه من زمان يمكن المعلمين من الابتدائي اذا الطالب شاطر بعبولوا الصفحة أحسنت يادكتور المستقبل وممتاز يا دكتور المستقبل وباقي هالشغلات(متل أختي هلق كل طلابها دكاترة مع أنون بالابتدائي ليش ما بعرف؟؟يمكن صار موروث اجتماعي عنا!!!)... انا بصراحة كتير بحب التاريخ والآثار(لهلق بعمل جولات على آثار جبل سمعان والقلعة بحاول أصور وأوثق وخصوصي المدن المهجورة الي منعرفها نحن اهل المنطقة اكتر من غيرنا)وما كنت رادد على حدا للصف العاشر وقع مرض خبيث بأحد أفراد العائلة وبتعرفوا دخلة المشافي وعلقتها وخصوصي السفر على الشام والمعالجة بالاشعاع بمركز الطب النووي والجراحات والذي منو ... وشب عم يتابع بعيون حزينة بفترة عم يرسم فيها خطوط مستقبلو عجبني كتير دكتور الجراحة العصبية مروان بأخلاقه العاليةوالدكتور سعودي مدير مركز الطب النووي بروحو المرحة حبيت الأشخاص وحبيت المهنة من ناسها الكبار متل الدكتورين السابقين (كانو بيعرفو انو الحالة ميؤوس منها (glioblastoma multiforme)بس عملوا كل جهدهم وضلينا عايشين بالأمل لآخر اللحظات)وبعد فترة منيحة يعني بالحادية عشر دخلت المشفى شي أسبوع وضليت بالبيت اسبوع تاني والدكتور حاضر طوال هي السنتين بمستواه الرفيع وأخلاقه العالية ومركزه الاجتماعي ورغبته في مساعدة المريض انا دقت اللوعة اثناءمرافقة المريض وبعدها دقت المرض فان شاء الله الله بيوفقني لأخفف هالشعور عند أي مريض محتاج مساعدة متل ما ساعدونا أطباء كبار وكتار لن انساهم ما حييت...الطب مهنة انسانية برأيي ومكاسبها الروحية والنفسية أكبر بكتير كتير من المادية وكلمة الله يعطيك العافية من مريض سابق تعافى على يدي بإذن الله أغلى من الدنيا وما حوت من درر وجواهر... |
| قال العضو التالي أسمه شكراً لك يا Mr.sad على هذه المشاركة المفيدة: | ||
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| حلقات بحث وأبحاث علمية (كلية الطب) .. باللغة الروسية ... !!! | Kliopatra | كتب ومراجع | 27 | Jan, 09 2008 20:42 |
| اللت والعجن في كلية الطب (عنّا) - عبّر عن رأيك | Shankool | اجتماعيات | 31 | Nov, 22 2007 01:44 |
| دليل التحضير لامتحانات العملي في كلية الطب البشري - جامعة حلب | Shankool | إعلانات الملتقى الإدارية | 0 | Feb, 26 2007 22:36 |
| حوار مع عميد كلية الطب البشري في جامعة حلب أ. د. رياض أصفري | Shankool | لقاء مع منارة | 32 | Oct, 22 2006 22:27 |
كل الأوقات حسب GMT +2، والوقت الآن 15:30.
