هل أعمل وأنا طالب؟ ... الاتجاه المعاكس (2)
يدور هذا النقاش حول هل أعمل وأنا طالب؟ ... الاتجاه المعاكس (2) في قسم اجتماعيات في الملتقى الطبي السوري; ـ حدثني ابي عن ايام قد مضت وكان فيها طالبا كمثلي اليوم ... إلا ان مصطلح (طالب) هذا لم يزرع لديه يوما مفهوم أن الطالب لايعمل ... ـ وحدثني كذلك
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| عرض نتائج الاستفتاء: ما رأيك بالعمل خلال سنوات الدراسة؟ | |||
| أرى أنه ضرورة لاتتعلق بالظروف المادية |     | 13 | 12.15% |
| أفضله مالم يكن له أثار سلبية على التحصيل العلمي |    | 65 | 60.75% |
| أقبل به فقط عند الضرورة |    | 25 | 23.36% |
| أنا ضده بشكل قطعي |    | 4 | 3.74% |
| المصوتون: 107. ربما لا يمكنك التصويت في هذا المنتدى | |||
 |
| | LinkBack | أدوات الموضوع |
|
#1
Mar, 05 2007, 06:04
| |||
| |||
 هل أعمل وأنا طالب؟ ... الاتجاه المعاكس (2) ـ حدثني ابي عن ايام قد مضت وكان فيها طالبا كمثلي اليوم ... إلا ان مصطلح (طالب) هذا لم يزرع لديه يوما مفهوم أن الطالب لايعمل ... ـ وحدثني كذلك خالي عن أعمال مختلفة تنقّل بينها ريثما حصل على شهادة الدكتوراه ... ولم يعني في حديثه هذا ابدا ... أنه قد آتى شيئا جديدا عن غيره ... ولم يك ينظر إلى الأمر على أنه بطولة ... ـ كما حدثتني خالتي عن شاب يسكن المنزل المجاور لمنزلها في كندا ... يدرس الطب ... وقد اعتاد أن يجز العشب في حدائق الحي كله ... كل صيف .. مقابل بضع دولارات ... مع ان والده لم ينتظر القرض الدراسي لابنه ... فأمواله الطائلة تغني ابنه عن قرض دراسي قد اعتاد الطلاب في الغرب اتخاذه كوسيلة لسد تكاليف الدراسة لعله معتقد سائد في مجتمع جيلنا هذا أن توضع الدراسة على إحدى كفتي الميزان ... ويوضع العمل على الكفة الأخرى ... ولعل مايشذ عن قاعدة الميزان هذه ... أن لابد من رجحان مطلق لاحدى الكفتين ... فليس ثمة توازن بين الكفتين ... وإنما هو أحد أمرين ... إما الدراسة ... أو العمل ... لما العجلة؟ أو ليس من الصواب أن أجند مالدي من طاقات لانهي بها دراستي ... ولانطلق بعدها إلى العمل؟ أوليس ثمة خطورة من تعلق المرء بالعمل ومردوده المادي ... الأمر الذي قد يسوقه بعيدا عن مجال الدراسة؟ أحوالي المادية ليست بالجيدة ... وإن يكن ... أفلا يمكنني أن أمضي هذه السنوات العدة كيفما كان لانهي دراستي ... ومن ثم فلاصنع ما اشاء ؟ أولن يكون في ذلك ارهاق لي قد يعرض تحصيلي العلمي للتقصير؟ ألا يرتبط العمل لدينا بالعوز المادي؟ ... ويرتبط العوز المادي في مجتمعنا بشعورٍ بالدونية والخجل؟ كيف لي أن أعمل أو أجهر بعملي ... ألن يحرجني ما أقوم به؟ وبالمقابل .... ألا يمكنني ايجاد عمل لساعات محدودة لا يتضارب مع تحصيلي العلمي؟ ألن يزيد عملي هذا من ثقتي بنفسي؟ هل علي أن امضي ربع قرن (إن لم يكن أكثر من ذلك) من عمري اتلقى مصروفي من أبي؟ أولم يكن أبي يعمل خلال دراسته؟ أوليس العمل والدراسة معا أمر مرفوض فقط في مجتمعاتنا الكسولة؟ أفلا يعمل الطلاب في الدول الغربية خلال دراستهم؟ وعلى سبيل المثال لا الحصر ... ألا يعمل طلاب الطب مثلا في الدول الغربية خلال راستهم ... وهم من يمضون ما يفوق الـ 10 ساعات في المشافي التعليمية كدوام دراسي؟ أوليس من الأولى لي أنا من أتسكع فلا تتجاوز ساعات الدوام عندي الـ 4 أو 5 ساعات أن أعمل؟ أوليس ثمة فائدة من أن يكبر الفتى على اعتياد العمل ؟ فلا يكون لانتقاله من حياة بطالة دامت ربع قرن إلى ميدان العمل بالامر الشاق والخطوة الصعبة... ما الفرق بيني وبين زميل لي يدرس في الكلية ذاتها ... يعمل ... وأعود لاجالس التلفاز في البيت ... يعمل ... وأذهب لامارس العاب الحاسوب في احدى مقاهي الحواسيب ؟ أهو من أجبرته ظروفه على العمل ... فيعمل وينجح دراسيا ... وأنا اكتفي بما علي من التزامات دراسية واصنع منها حجة أحلها على نفسي وقد حرمها غيري على نفسه؟ فاصل اعلاني ... ونعود بعده اليكم .... ماتنسو تصوتو  يمكنك ايضا قراءة هل تجرؤ وأنت مجرد طالب طب؟ ... الاتجاه المعاكس (1)  |
|
#4
Mar, 05 2007, 20:09
| |||
| |||
| بسيطة .. أنا ماني شايف أنو الموضوع مثير للجدل والنقاشات .. اللي مع العمل .. أو اللي ضد العمل .. وين المشكلة ؟؟ بايش بدنا نتناقش .. هاتوا لنشوف .. بلشوا .. والسلام عليكم |
|
#5
Mar, 05 2007, 20:16
| |||
| |||
 إذا أخذ ما وهب المشاركة الأصلية بواسطة BigBoss لما بتعطي رأي ... بتناقش اسباب تكوينك لهلأ الرأي ... وبتشرح ليش انت مقتنع هيك ... فهمت كيف العالم بتتناقش؟ 
 |
|
#6
Mar, 05 2007, 20:22
| |||
| |||
المهم .. رح شوف آراء الشعب .. بعدين بحط رأيي .. وشكرًا .. |
|
#7
Mar, 05 2007, 20:51
| |||
| |||
| خليني أحكي عن حالي... هلأ نحنا هون نحنا عم نحكي عن العمل مدفوع الأجر..مو الدوام بالمشافي للتدريب ..مو هيك؟..راح أفترض هيك .. بتصور أنو موضوع العمل بيختلف بين شخص وأخر..أنا لهلا مااشتغلت ولا مرة لا من وقت كنت صغير ولا خلال دراستي الجامعية بعمل مدفوع الأجر......هلأ وقت كنت خلال الدراسة قبل الجامعة..منطق الأهل كان بعدم ادخالي بهالدوامة مشان لا يتشتت أنتباهي وتتفتح عيوني على عالم المصاري والمادة...يعني لم يكن هناك تشجيع عنا بالبيت لهالموضوع... مادام مافي صعوبة في تأمين مصروفي... وقت صرت بالجامعة......ما جربت ولا حاولت أشتغل بالمجالات اللي بيشتغلوها طلابنا بالكلية واللي هيي..شركات الأدوية ...... مناوبات في المشافي .دروس خصوصية لمواد معينة علوم..أنكليزي..عربي...مع أنو أنتاحتلي فرصة أعطي دروس لطلاب معارفي بالأنكليزي...بس بصراحة ماكان عندي همة وقتها..فرفضت.. بصراحة شديدة...أنا الشي اللي ماشجعني أشتغل عبكير هوي أنو أهلي مو مقصرين معي واللي عم نطلبه منهن مع أنو عم نبالغ بالمصروف كتير وحتى فوق المقدرة أحيانا...بس ما عم يخجلونا..الله يديمهن.. هيك موضوع المادة خلصنا منو..وهوي موضوع كتير هام...وهوي الدافع الأول للعمل.. هلأ بدنا نشوف الدوافع التانية واللي هيي: الحاجة للعمل لزيادة الثقة بالنفس وأحلال حالة من الأستقرار النفسي..وهادا شي أنا عشتو خلال دوامي بالمشافي بالصيف ...يعني فعلا نفسية الواحد بتستقر....... بصراحة أنا بحس أنو انا بلش هالعامل يأثر فيني نفسيا...وبقعداتنا دايما بنحكي :أيمتى بدنا نبلش أختصاص ونشتغل!! يعني أنا أذا اشتغلت بالفترة الدراسية راح يكون السبب نفسي بحت....ولكن!! بحب أقول أنو عذرنا نحنا كطلاب طب بعدم العمل خلال الدراسة وخصوصا عمل خارج نطاق النظام الصحي, عذرنا مقبول نوعا ما..لأنو دراستنا تخينة كتير ولا تقارن بغير كليات بالنسبة لحجم المعلومات الهائل المطلوب منا دراسته...ووالله العظيم لو ماكان عنا نظام multiple choices بالأمتحانات, ماكنت راح أكون أكتب هالرد وكنت راح أكون قاعد أبصم المواد......( طبعا هالحكي بافتراض أنو كل طلاب الطب دراستهم من العيار التقيل نظريا...) لذلك أنا أخترت الخيار التاني:أفضله مالم يكن له أثار سلبية على التحصيل العلمي طالما أنني لست ضده بشكل قطعي..ولم أختر الجواب الأول لأنني أرى موضوع الظروف المادية أمر غير ممكن أن أتغاضى عنه بالنسبة لقرار العمل خلال هذه المرحلة..والجواب الأول فيه تغاضي عن هالنقطة .. أما الخيار الثالث:القبول عند الضرورة ..مقبول نوعا ما بالنسبة الي..ولكن حسب الضرورة..شو هيي الضرورة..(أذا مادية راح اقبله أجري فوق راسي)..وأذا نفسية...أمممممم......بدها قعدة طويلة لنحكي..  أما من الرأي الذي يعارضني فهو عميل ومن مثقفي وأبواق السلطة..وأنا أتهمه بالنفاق ...وسيذهب الى مزبلة التاريخ...وأخ فيصل القاسم أنا لهلا ما حكيتا اللي عندي لسا...بس اذا تمادى ضيفك الاخر بدي أكشفه قدام الراي العام في أكابولكو وهونولولو...  |
| الأعضاء الـ 4 التالية أسماؤهم قالوا شكراً لك يا keane على هذه المشاركة المفيدة: | ||
|
#8
Mar, 05 2007, 22:17
| |||
| |||
| رأيي تجاه عمل الطالب: ليش لأ؟ اذا كان الطالب بحاجة للمال بكون متل ما قال كين بدو يشتغل و بدور على عمل و براتب يكفيه للعيش و غالباً رح ياخود هل شي من وقتو اذا ما كان على حساب المحاضرات رح يكون على حساب وقت الفراغ يلي يا دوب بكفي للدراسة... و صدفة اليوم لسع التقيت بأحد الزملاء يلي كان عم بيشكي و بيبكي انو هو لازم يشتغل طول الوقت مشان يلحق المصاريف بينما فلان و فلانة بياخدو كلشي من أهلون و مشان هيك عندون وقت و متفوقين. اذا لم يكن الطالب بحاجة ماسة للمال...فبرأيي ليش ما يشتغل شغل بسيط؟ شغل...من فرعه (طب يعني)...بأوقات مناسبة (غالباً صعب تلاقي شي بناسبك مية بالمية) و براتب ليس بالكثير و لكن "شي احسن من بلا"... بظن انو هل شي بدو يعطيه شعور بالاستقلالية و المسؤولية (صار يكسب دخلو لحالو ) و من الناحية النفسية بعتبر هل شي كتير مهم... و مشان أحكي عن حالي انا بشتغل و الحمد لله اني لقيت شغل مناسب فقط بنهاية الاسبوع (ويك اند) و الاعياد.. و هل شغل ما هو يلي عم بأمنلي مصاريف الحياة و لكن يساعدني على توفير المستلزمات الاخرى كالكتب و ما شابه.. و لحسن حظي انو فقط مرتين الى اربع مرات شهريا يعني ما عم ياخد من وقت دراستي الا الشي اليسير يلي كنت هيك و هيك رح اقضيه نوم...و لو كان بدي اقصر بسبب العمل كنت تركتو.. من تجربتي الشخصية لاقيت انو شعور حلو الواحد يطالع مصروفو بعرق جبينو و كمان هل شي بخليه يعرف قيمة يلي معو و هيك بوفر و ما بطبش هون وهون طالما بيعرف حالو تعب لطالع هل كم قرشين أكيد ما رح يصرفون على شي تافه و من يلي حوالي من زميلاتي بعرف انو في منن مالون بحاجة لمال و لكنهم بدون يلاقو شغل بسيط مثلاً نهاية الاسبوع مشان استقلاليتون و انو صاروا يطالعوا مصروفون لحالون و ما دائماً بمدوا ايدون لأهلون.. عدا ان ذلك سيُسجل في سيرة اعمالك و لازم الواحد قدر الامكان يحشو سيرتو الذاتية بالاشياء الايجابية و لما بتقدم طلب لقبولك في مكان ما و بكون كاتب انك اشتغلت بفلان محل فلان شغلة بيعرف صاحب العمل انو يلي واقف قدامو عنو خبرة و مو نازل على ميدان العمل كمستجد....رح تقولوا هلق شو هل شغلة المهمة المهم الشهادة يلي آخدها...صح بس هيك شفت انا تفكير الناس هون و فعلاً بيسألوك عن خبرات سابقة و أكيد عند توافرها رح يفضلوك على غيرك من المتقدمين..  |
|
#9
Mar, 05 2007, 23:14
| |||
| |||
 لايكون في خيار وفقوس ..وفي عالم بتطلعلن خيارات مخباية عن التانيين طيب رح أناقش بعض الأسئلة المطروحة من وجهة نظري :
يعني ما بتتخيلو لما أخدت أول دفعة من ريع الملخص (رغم تفاهة المبلغ وتأخير الدفع 4 أشهر) شقد كان إحساسي رائع
 كل ما باخد مصروفي بسأل حالي هالسؤال |
|
#10
Mar, 05 2007, 23:21
| |||
| |||
| العمل والعلم ... لا يتعارضان والله ياجماعة يلي بده يختار بين إنه يقرن العمل بدراسته أو لأ .. مكن يفكر و يحسب .. لكن يلي بيضطر يشتغل .. ما بيفكر .. بتلاقيه بيشتغل و بيدرس .. و ماكو مشكلة كبيرة أنا بتذكر إني كنت دايما بالصيف أشتغل مع بابا (الله يرحمه) بمكتبه الهندسي .. رغم إننا ما كنا بحاجة والحمد لله لكن بابا كان عنده قناعة بإن الشاب لازم يتعلم عالعمل و الرجل ما بيحس حاله رجل إلا ليصير صاحب مسئؤلية .. و حتى لما جيت عسوريا لأدرس بالجامعة .. كنت دائما أساعده بعمله على قد مايسمح لي وقتي .. بس اليوم .. بعد وفاته و كوني أكبر أولاده و مافي غيري .. لاقيت نفسي مضطر إني أستلم كل الشغل .. و كل يوم أنزل على شغلي متل عادة و ٌأقضي فيه مالايقل عن 6-7 ساعات يوميا .. هالشي بالبداية كتير كان مخيف ( والخوف كان عالدراسة ) .. لكن لما الواحد بينظم وقته فعلا مابيبقى مشكلة كبيرة .. يعني صحيح الوضع بيصير متل ماقال زميل فلاور .. الواحد مابيقدر يكون الأول عالدفعة .. بس كمان ما بيرسب و بيطح كتير .. يعني عادي .. و بدل ما يكون المعدل بال80 خليه ينزل شوي .. وين المشكلة ؟؟؟ بس قصة إني ما بيشتغل مشان ما تتأثر الدراسة .. ممكن .. لكن ما بيشتغل مشان ما يعجبه الدخل و يبطل يدرس و يلحق العملة .. مابعرف ؟؟ فيها مبالغة كبيرة .. و أظن هالتفكير قاصر شوي ... -------------- ذكرني د. موهي والله .. أنا كمان بشتغل بالملخصات ,, و محمد نجار مابيقصّر معنا والله .. صحيح بناخد حقوقنا بعد شي 3 أشهر من نهاية كل فصل .. بس والله منيحين .. هنن لو يتصمّدوا من أول سنة للسادسة .. بيطلعوا مبلغ مرتب .. بس المشكلة بيروحوا فرط ... |
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| هل تجرؤ وأنت مجرد طالب .... الاتجاه المعاكس | No Body | اجتماعيات | 24 | Dec, 21 2007 09:52 |
كل الأوقات حسب GMT +2، والوقت الآن 06:30.
