10 علامات إكسترا!! لم لا؟ .. لا ولا.. غش وكذب و.. عيب
يدور هذا النقاش حول 10 علامات إكسترا!! لم لا؟ .. لا ولا.. غش وكذب و.. عيب في قسم اجتماعيات في الملتقى الطبي السوري; في مجتمعنا، الفوضى ميزة الحال! لم يرب الفرد على أن القانون رب، يحترم دائما وفي كل حال.. نحتاج أمام كل إشارة مرور لشرطي، فنحن نخاف السلطة حين نقف على إشارات
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| عرض نتائج الاستفتاء: هل تغش في الامتحان؟ | |||
| نعم |     | 15 | 26.32% |
| لا |    | 42 | 73.68% |
| المصوتون: 57. ربما لا يمكنك التصويت في هذا المنتدى | |||
 |
| | LinkBack | أدوات الموضوع |
May, 18 2005, 14:37
| |||
| |||
| 10 علامات إكسترا!! لم لا؟ .. لا ولا.. غش وكذب و.. عيب في مجتمعنا، الفوضى ميزة الحال! لم يرب الفرد على أن القانون رب، يحترم دائما وفي كل حال.. نحتاج أمام كل إشارة مرور لشرطي، فنحن نخاف السلطة حين نقف على إشارات المرور، وندهس القانون ذاته بغياب الرقيب.. حتما نحتاج لمراقب في الامتحان، 10 علامات إضافية بالمجان، مكسب وشطارة.. تخيل إذا، كيف بنا حين يكون الرقيب هو الأكثر فسادا بين الناس؟ حين يكون الشرطي مرتشيا، والمراقب نائما إن لم يكن متعاونا؟ حين يترك المجتمع لرحمة هوى الفرد وشطارته، بدون سلطة تسهر على حماية النظام لا يبقى غير الفوضى والخراب) اجتزأت هذه الكلمات من مقال لي، سأنشره بعد الامتحان، لأن ما سأتحدث عنه الآن لا يحتمل الانتظار لما بعد الامتحان.. يتلفت يمنة ويسرة ككلب أجرب جائع وخائف.. ينظر حوله بحثا عمن يعطيه الجواب، يهمس لزميله،c أم D، يتجاهله.. فيلتفت وراءه.. وعن يمينه وشماله.. عين على المراقب وعين باحثة عن إغاثة.. من أي مكان..! يخرج من الامتحان ليحمل حقيبته بكامل الوقار ويتابع توزيع الشتائم والتهكمات على الفساد الذي صار مستشريا، وعن البلد الذي لم يعد قادرا على احتمال العيش فيه.. وعن الأخلاق، والعيب، وعن تلك الفتاة، وعن هذا الأستاذ المقصر.. وعن التعليم المعوج.. قد يضحك بعدها، لشطارته، 10 أسئلة والمراقب لم ينتبه لي هههههههه.. ويغضب من رفيقه: لماذا لم ترسل لي الجواب.. الوضع كان مأساويا في امتحان الأشعة يوم أمس.. "يللي ببيعرف الجواب يطشه يا شباب، ما يخلليه لحاله.." وعندما يتذمر أحدهم من المراقب الذي كان يشارك في هذه المهزله ويحمل الجواب من شاب لشاب.. يتذمر لأنه يسمع في أذنيه ألف صوت وألف جواب ومن كل الجهات يقول له المراقب: عذرا، سنتكلم بصوت منخفض!.. ويضحك.. هي أسئلة مفتوحة.. كم ستساوي شهادة الطب لدينا بعد سنين؟ أي جامعة في العالم تعترف بشهادة تشترى بالمال أو بالواسطة أو بالغش؟ كم عدد الطلاب الذين سينقص معدلهم 10 علامات على الأقل لو كانت الرقابة مختلفة؟ ربما بات القائمون على الأمر مدركين لهذه الفوضى فألغوا أي وزن لمعدل سنوات الدراسة الجامعية!! بحل جذري أحمق! أجد نفسي الآن أتحدث بمنطق إصلاحي ديني، وربما وعظي أخلاقوي.. وأنا الذي ما اعتدت إلا الكلام عن القانون وانتقاد غياب آليات فاعلة لتنفيذه.. أجل أجد نفسي في مجتمع ربما يحتاج لإعادة تأهيل قيمي، عبر إعادة موضوعة للقيمة ونقلها من مكان لمكان.. وإعادة اعتبار للأخلاق، الأخلاق الحقيقية.. قوامها فكرة أن حقي لي، وما ليس من حقي فليس لي.. قوامها أيضا تخطيء من يأخذ زيادة عن حقه بأي شكل وبأي وسيلة كانت.. وضع الإمتحان أساسا لكي يميز بين شخص يعرف وشخص لا يعرف.. ما قيمة هذا الوقت المهدور في قاعات الفحص إذا كان الجواب سيوزع على الجميع؟ أهي شطارة أن نغافل المراقب وأستاذ المادة لنأخذ علامة من هنا وعلامتين من هناك؟ وكأن الموضوع عداء متأصل بين الطالب والأستاذ.. والحرب خدعة؟! كيف ينظر الطالب لنفسه بعد أن يعرف أن شهادته التي أخذها لا تعبر عن تأهيله العلمي بل عن شطارته في خداع المراقبين.. شطارة ربما لو أخذناها في معيار القيمة كانت تؤهله لا ليكون طبيبا، بل بائع خضار مخادع في سوق الجملة أو ربما بائع مهربات هارب من الشرطة والبلدية في سوق الجمعة.. أعيد لأقول، إن قيمة شهادة الطب في جامعة حلب تتناقص يوما بعد يوم، كان من الممكن لشكل الإمتحان ذي الخيارات المتعددة أن يساعد في تجاوز مزاجيات الأستاذ (وهذه وإن كانت مشكلة هامة ولكن علاجها قضية أخرى دون أن تكون حجة لخلط الأوراق عند كثير من الطلاب التبريريين: "إي والله لو كانت الأسئلة منيحة ما كنت نقلت..".. كذب..! ) وكانت ستساعد في الوصول لتقييم أفضل لفهم الطالب لا لذاكرته ومقدرته الأدبية أو البصمية.. ولكن عندما صارت الأجوبة توزع طشا، صارت العلامات لا تعبر إلا عن مدى تحلل الطلاب القيمي.. يحزن أكثر أن هذه المسألة صارت واقع حال إجتماعي ولكثرة انتشارها صار الحديث عنها تغريدا خارج السرب، أو طفولة أخلاقية.. وأعود لأخلاقيات العيب المزيفة ليس عيبا أن تسرق علامتين أو ثلاثة، والعيب أن تحبس المعلومة عن صديق..!!!!!!!!! عيب على طالب لا ينقذ زميله المحتاج لعلامة لينجح..!! عيب على طالب يحتكر الأجوبة!!! ليس العيب على ذاك الذي لم يعمل فوصل إلى الحضيض، وليس العيب على ذاك الذي لم يدرس ليعرف بنفسه الجواب..  |
|
#32
May, 30 2005, 11:21
| |||
| |||
 بالنسبة لاحترام الأفكار فهي عن طريق مناقشتها وأخذها بعين الاعتبار والصحة ، فهي تحترم بهذا الشكل . أما بالنسبة لاحترام الأشخاص ، فأنا من وين لوين لأعرف شخصك المحترم مشان في النهاية أحترمك . باي يا صبايا  على قولة سنفور |
|
#33
May, 31 2005, 13:13
| |||
| |||
| السلام عليكم... يعني بما انو فايقة ورايقة وما عندي شغلة ...... حبيت أشارك بهالموضوع قبل ما يبلش الفحص ..... وما لحقت أقرأ الردود كلها بس قريت نص الموضوع ولاحظت أنو في كم رد بالأخير مكانن مو هون وغلط يكون النقاش بهالطريقة....  المهم أنا رح أحكي عن حالي وبواقعية: خلال المراحل الدراسية السابقة يعني أيام المدرسة لما كنا بالابتدائي كنت لا أعرف أغش وأشوف الي عم يغشو قليلين أدب والى جهنم وبئس المصير بس شوي شوي كبرنا وتعلمت شلون أغش يعني تطور طبيعي وبكل صراحة كتير أيام كنت أنقل بمذاكرات الثانوي مو مشان العلامة ولا مشان معدل ولا مشان أي سبب غير للتسلاية يعني كان عنا المذاكرة احدى الحصص الممتعة الي بنعقد بنعمل مؤتمر وبنتناقش شلون بدنا نتسلى وتنبايخ على المعلمة أو الأستاذ...... وبصراحة ما بتذكر حالي رحت على شي مذاكرة بالثانوي وأنا دارسة باستثناء المواد العلمية يعني رياضيات وفيزيا وكيميا كنت أحبن و أحب المدرسين الي عم يعطونا مشان هيك أدرس بس المواد النظرية التانية ابدا ما كنت افتح الكتاب حتى بالفحص النهائي أروح و أتوكل على الله يعني شو ما صار مو فارقة كتير .... بس بالجامعة اختلف كتيييير الوضع ...لعدة أسباب : أولا جو جديد أنا مو متعودة عليه وحتى رفقاتي كلهن كانو جدد يعني الشلة العظيمة الي كنا نتآمر مع بعضنا تفرقت و كل وحدة صارت بكلية شكل وبعدين لما كنت بالمدرسة ما كانت تفرق معي كتير اذا المعلمة وجهتلي تنبيه يعني اذا قالتلي عينك بورقتك ... ليش صوتك عم يطلع ... يعني من هالحكي بالعكس كنا ناخد الموضوع بشكل هزلي بس بالجامعة بموت وما أنحط بهيك موقف طبعا في كتير أسباب يعني اذا الدكتور وجهلي أي كلمة بنص المحاضرة كتييييير رح أدايق وأحمر وأخضر مشان هيك اختصرت الطريق وما حاولت أنقل بالجامعة بالمرة مو مشان القيم القومية و انو رح اصير صهيونية وعم بأذي ابناء وطني اذا نقلت بس لأنو بخجل أنحط بهيك موقف.......  ومن أول الجامعة لهلأ ما صدف انو نقلت لا بمذاكرات و لا بفحص نصفي بس للامانة في مرتين نقلت : أول مرة بمذاكرة التشريح أنا ما الي علاقة بس الطلاب الي يخلصو يخبرو الطلاب الي لسه واقفين عم يستنو دورن و يعطون شو الاسئلة وشو هيه العينات الموجودة فهيك من غير ما أحاول وصلتني الأسئلة مع الحل.... والمرة التانية يوم مذاكرة الحيوان الفظيعة الي قدمناها بعد الفحص شلون صار هيك ما بعرف بس يعني تغير شكل بوقتا فتحت النوطة وما عرفت وين الجواب فقررت اسلم ورقتي لحالي وطلعت وقلت هيه 4 علامات شو ما بدو يصير بس انحريت انو ما عرفت وين الجواب.....  بالنسبة للغش أو النقل اكيد هو وسيلة للفشل بكل معنى الكلمة وخاصة نحن طلاب الطب يعني مو معقول ننجح بالنقل او الغش بس ما بظن انو في طالب بيعتمد على النقل وفقط على النقل وبينجح هي مستحيلة ممكن يحصل كم علامة زيادة مو أكتر...... بس لما بتشوف العالم كلها هيك و قلة قليلة بتعمل العكس بتقول انو اذا صحلي مافي مشكلة بس مارح اسعى لهالشي أنا و أعملو هدف أو طريقة للنجاح أكيد هيك غلط..... |
|
#34
Jun, 02 2005, 22:50
| |||
| |||
| السلام عليكم والله يا سندريللا فتقتيللي جروحاتي على أيام الثانوي و أيام شلتنا العظيمة اللي تفرقت والمذاكرات والنقل بس مع ذلك ما كنت بعرف أغش وكلما بجي لأنقل بحمر وبخضر ومدري شو بيصرلي وهي الحالة ما زالت مستمرة لهلق ويمكن صار مستحيل أنقل مع أنو ما عندي مانع أتأكدلي من شي سؤال |
|
#35
Jun, 03 2005, 04:04
| |||
| |||
| طبعا انتي كنتي تغير شكل ولهلأ..... بس جد انتي كنتي تدرسي يعني ديما شطورة ومن الاوائل مو متلنا كان عنا خطوط حمر بالشهادة.....!!! مشان هيك مافي ضرورة انك تنقلي مع انو كنا نمرقلك كم سؤال تتذكري...... بس حرام شئ لا يذكر..... |
|
#36
Jun, 03 2005, 09:04
| |||
| |||
| مارح يطلع حدا تاني بعدين هون ، بيقول انو نقل مرة في حياتو ؟؟ أو أتيحت ألو فرصة نقل ، وغلط غلطة عمرو ، ونقل ؟؟ بس لما الواحد بدو يدخل عالفحص وينقل بس ، يمكن شغلة كتير بتسلي ، إذا بتكون مو دارس ولا كلمة ، وداخل عالفحص ياقاتل يا مقتول ، في الحرب بينك وبين المراقب ، كتير شعور حلو ، متل واحد عم يسوق سيارة بدون شهادة ، أو هيك شغلات بتسلي ... بتقعد بالفحص ، وبتصير مهمتك بدال ما تقعد تفكر بالأسئلة ، تقعد تراقب المراقب ، كيف حركاتون ، وكيف خط سيرون ، طبعا بعد ماتكون عملت مسح لكل الطلاب اللي حواليك ، وكل واحد امتى بيزح أيدو عن الورقة ، في طلاب بيزحو ايدون عن الورقة وقت بدون يقرو السؤال ، وفي ناس بيزحو ايدون لما بيدون يعبو الجواب ، وفي منون ما بتشوف منون شي طاول ، بعدين بصير المهمة التالية هي البحث عن ثواني التقاطعات بين الفترة اللي بيكون المراقب ماعم يطلع عليك ، وبين فترة زميلك العزيز لما عم يزح ايدو ( طبعا هاد مالو خبر ، لأنو لو الو خبر ، مابيحط ايدو طاول عالورقة وبتنتهي المشكلة ) .. يمكن بتحسب هون خلصت الشغلة ، هون بتبدا المشكلة الحقيقية ، انت وقت بتدخل عالفحص ، مارح تكون كتير غبي ومارح تعرف تحل شي ، إلا ما تحل كم سؤال ، وهدول الأسئلة كتير رح يساعدوك ، طلعا لما بتكون متأكد منون 100% ، هدول اسمون نقط العلام ، ومنون بيكون الانطلاق ، لأنو كل سؤال علام بيأكدلك سؤالين أو تلاتة فوقون وسؤالين أو تلاتة تحتون ، طبعا وبيساعدك الأسئلة اللي في رأس الصفحة ( من1-6 ومن 41-46 ) ، وكمان أسئلة الكتف ، وهنن الأسئلة اللي بيبينو تحت زاوية الكتف ( ويقصد بها 38-40 ومن 46-80 ) ، وبعدين آخر عمود ( 81-90) انت وحظك ، بصير آخر عشر دقايق تضيع الطاسة ، وتاخد عشر أسئلة بكل رياحة ... يعني يللي قاعد عم يحكي عالنقل أنو سهل مايفكر هيك ، بيتطلع من الفحص تعبان كتير ومالك قدرة تشوف شي ، وبتطلع عيونك عم تزغلل من عد الأسطر الغامق والكاشف ، والفردي والزوجي .. ماعم اختلف معكون انو الغش هو طريق الهلاك ، وهو طريق الدمار ، وهو الذي سيودي بنا إلى الهاوية ، وسيقضي على كل أمل لنا باللحق بركب الحضارة ، والرقي بمجتمعنا بين المجتمعات الأخرى ، كلو صح .. بس إذا بتجرب مرة بتنقل بحياتك الجامعية ، لو مرة مارح يصير شي ، مارح تخرب الدنيا ، بس قصة حلوة ، خصوصي إذا انتهت بشغلة مثيرة ، أنو المراقب يغيرلك محلك لأول محل بالزاوية ، وبعدين يجي يسحبلك ورقتك، او بترفع راسك بشي انذار ، بتطلع من الفحص وبتحكي هالقصة الحلوة ، وبتغير شو من اكتئاب الفحص أنا ماعم أحرض حدا عالنقل  ، أو قول انو النقل كويس  ، أو انو انا بنقل  بس هيك ، قصة من العالم الآخر ، عالم كامل من الإثارة والتشويق داخل قاعة الامتحان .. عم قلكون مرة تانية ، مو يخطركون انا بنقل أو بطالع كل موادي بالنقل ، بس هيك قصة حلوة ... موفقين بالامتحانات القادمة ... |
|
#37
Jun, 03 2005, 14:21
| |||
| |||
| ما بعرف ليش ما عم بصدق أنو ما بتنقل بالفحص يعني هاد مو حكي واحد عم يتخيل هاد حكي واحد مجرب و محترف كمان  |
|
#38
Jun, 03 2005, 15:20
| |||
| |||
| شايف في الاستفتاء جماعة (نعم) كل مالن عم بيزيدوا !!!! |
|
#40
Jun, 05 2005, 00:38
| |||
| |||
| برأيي أنو النقل لازم يكون ضمن حدود يعني إذا الواحد دارس الدرس وكل شي تمام بس من بعد الجو الإرهابي اللي بالفحص إلا ماتضيع فكرة هون ولا هون  ...فإذا اخدها الواحد من زميله أو زميلته شو المانع..هاد اسمه تعاون والله أمر فيو وتعاونا على البر والتقوى ولا تعاونوا على الإثم و العدوان إذا بدي احكي عن حالي.. فأنا اسمي بيوحي بالنقل بس ما بتذكر أنو نقلت من حدا بعمري غير إذا كانت الشغلة كتير صغيرة أو راس الخيط  ... بالعكس بنقل غيري كتير بقصد وبدون قصد ...  |
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| لم لا نبدأ التغيير ... ولو من أبسط الأمور!!! | atassi | اجتماعيات | 7 | Jul, 05 2006 05:49 |
| خلقنا منكم أزواجاً .....ذكراً و أنثى ... لا شللاً ولا أصدقاءً | Xavi | اجتماعيات | 77 | Jun, 14 2005 16:09 |
كل الأوقات حسب GMT +2، والوقت الآن 15:41.
