10 علامات إكسترا!! لم لا؟ .. لا ولا.. غش وكذب و.. عيب
يدور هذا النقاش حول 10 علامات إكسترا!! لم لا؟ .. لا ولا.. غش وكذب و.. عيب في قسم اجتماعيات في الملتقى الطبي السوري; في مجتمعنا، الفوضى ميزة الحال! لم يرب الفرد على أن القانون رب، يحترم دائما وفي كل حال..
نحتاج أمام كل إشارة مرور لشرطي، فنحن نخاف السلطة حين نقف على إشارات
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| عرض نتائج الاستفتاء: هل تغش في الامتحان؟ | |||
| نعم |     | 15 | 26.32% |
| لا |    | 42 | 73.68% |
| المصوتون: 57. ربما لا يمكنك التصويت في هذا المنتدى | |||
 |
| | LinkBack | أدوات الموضوع |
May, 18 2005, 14:37
| |||
| |||
| 10 علامات إكسترا!! لم لا؟ .. لا ولا.. غش وكذب و.. عيب في مجتمعنا، الفوضى ميزة الحال! لم يرب الفرد على أن القانون رب، يحترم دائما وفي كل حال.. نحتاج أمام كل إشارة مرور لشرطي، فنحن نخاف السلطة حين نقف على إشارات المرور، وندهس القانون ذاته بغياب الرقيب.. حتما نحتاج لمراقب في الامتحان، 10 علامات إضافية بالمجان، مكسب وشطارة.. تخيل إذا، كيف بنا حين يكون الرقيب هو الأكثر فسادا بين الناس؟ حين يكون الشرطي مرتشيا، والمراقب نائما إن لم يكن متعاونا؟ حين يترك المجتمع لرحمة هوى الفرد وشطارته، بدون سلطة تسهر على حماية النظام لا يبقى غير الفوضى والخراب) اجتزأت هذه الكلمات من مقال لي، سأنشره بعد الامتحان، لأن ما سأتحدث عنه الآن لا يحتمل الانتظار لما بعد الامتحان.. يتلفت يمنة ويسرة ككلب أجرب جائع وخائف.. ينظر حوله بحثا عمن يعطيه الجواب، يهمس لزميله،c أم D، يتجاهله.. فيلتفت وراءه.. وعن يمينه وشماله.. عين على المراقب وعين باحثة عن إغاثة.. من أي مكان..! يخرج من الامتحان ليحمل حقيبته بكامل الوقار ويتابع توزيع الشتائم والتهكمات على الفساد الذي صار مستشريا، وعن البلد الذي لم يعد قادرا على احتمال العيش فيه.. وعن الأخلاق، والعيب، وعن تلك الفتاة، وعن هذا الأستاذ المقصر.. وعن التعليم المعوج.. قد يضحك بعدها، لشطارته، 10 أسئلة والمراقب لم ينتبه لي هههههههه.. ويغضب من رفيقه: لماذا لم ترسل لي الجواب.. الوضع كان مأساويا في امتحان الأشعة يوم أمس.. "يللي ببيعرف الجواب يطشه يا شباب، ما يخلليه لحاله.." وعندما يتذمر أحدهم من المراقب الذي كان يشارك في هذه المهزله ويحمل الجواب من شاب لشاب.. يتذمر لأنه يسمع في أذنيه ألف صوت وألف جواب ومن كل الجهات يقول له المراقب: عذرا، سنتكلم بصوت منخفض!.. ويضحك.. هي أسئلة مفتوحة.. كم ستساوي شهادة الطب لدينا بعد سنين؟ أي جامعة في العالم تعترف بشهادة تشترى بالمال أو بالواسطة أو بالغش؟ كم عدد الطلاب الذين سينقص معدلهم 10 علامات على الأقل لو كانت الرقابة مختلفة؟ ربما بات القائمون على الأمر مدركين لهذه الفوضى فألغوا أي وزن لمعدل سنوات الدراسة الجامعية!! بحل جذري أحمق! أجد نفسي الآن أتحدث بمنطق إصلاحي ديني، وربما وعظي أخلاقوي.. وأنا الذي ما اعتدت إلا الكلام عن القانون وانتقاد غياب آليات فاعلة لتنفيذه.. أجل أجد نفسي في مجتمع ربما يحتاج لإعادة تأهيل قيمي، عبر إعادة موضوعة للقيمة ونقلها من مكان لمكان.. وإعادة اعتبار للأخلاق، الأخلاق الحقيقية.. قوامها فكرة أن حقي لي، وما ليس من حقي فليس لي.. قوامها أيضا تخطيء من يأخذ زيادة عن حقه بأي شكل وبأي وسيلة كانت.. وضع الإمتحان أساسا لكي يميز بين شخص يعرف وشخص لا يعرف.. ما قيمة هذا الوقت المهدور في قاعات الفحص إذا كان الجواب سيوزع على الجميع؟ أهي شطارة أن نغافل المراقب وأستاذ المادة لنأخذ علامة من هنا وعلامتين من هناك؟ وكأن الموضوع عداء متأصل بين الطالب والأستاذ.. والحرب خدعة؟! كيف ينظر الطالب لنفسه بعد أن يعرف أن شهادته التي أخذها لا تعبر عن تأهيله العلمي بل عن شطارته في خداع المراقبين.. شطارة ربما لو أخذناها في معيار القيمة كانت تؤهله لا ليكون طبيبا، بل بائع خضار مخادع في سوق الجملة أو ربما بائع مهربات هارب من الشرطة والبلدية في سوق الجمعة.. أعيد لأقول، إن قيمة شهادة الطب في جامعة حلب تتناقص يوما بعد يوم، كان من الممكن لشكل الإمتحان ذي الخيارات المتعددة أن يساعد في تجاوز مزاجيات الأستاذ (وهذه وإن كانت مشكلة هامة ولكن علاجها قضية أخرى دون أن تكون حجة لخلط الأوراق عند كثير من الطلاب التبريريين: "إي والله لو كانت الأسئلة منيحة ما كنت نقلت..".. كذب..! ) وكانت ستساعد في الوصول لتقييم أفضل لفهم الطالب لا لذاكرته ومقدرته الأدبية أو البصمية.. ولكن عندما صارت الأجوبة توزع طشا، صارت العلامات لا تعبر إلا عن مدى تحلل الطلاب القيمي.. يحزن أكثر أن هذه المسألة صارت واقع حال إجتماعي ولكثرة انتشارها صار الحديث عنها تغريدا خارج السرب، أو طفولة أخلاقية.. وأعود لأخلاقيات العيب المزيفة ليس عيبا أن تسرق علامتين أو ثلاثة، والعيب أن تحبس المعلومة عن صديق..!!!!!!!!! عيب على طالب لا ينقذ زميله المحتاج لعلامة لينجح..!! عيب على طالب يحتكر الأجوبة!!! ليس العيب على ذاك الذي لم يعمل فوصل إلى الحضيض، وليس العيب على ذاك الذي لم يدرس ليعرف بنفسه الجواب..  |
|
#81
Apr, 21 2007, 02:31
| |||
| |||
| له له له له..ما عيب يحذفلي اجابتين؟؟؟؟؟؟؟؟؟ بسالو ببراءة عن اجابة حدا من الطلاب اللي في موانة بيني و بينن  عاساس امتحاناتنا بتعتمد على الفهم....والله بتعتمد على البصم و البصم و البصم... و اذا الاجابة ما اجت حفر و تنزيل متل ما بدو الدكتور....طارت العلامة....  هني بيضطرونا |
|
#82
Apr, 23 2007, 03:52
| |||
| |||
| بفحص الستب تو، الواحد بيدخل ع الفحص وبيطلع.. ما قدران يفكر... ما في وقت لأي شي.. دوبك بتقرا السؤال وبتختار جواب.. من شان تنط ع البعده.. ليش ما بصير هيك اقتراح ع العمادة.. إنو تكون الامتحانات تحت ضغط الوقت.. يعني 90 دقيقة بتسمح بعدد من الأسئلة (طبعا بيختلف حسب طبيعة الأسئلة.. ) بحيث ما يقدر الطالب ياخد نفس إلا بعد ما يخلص.. سحبة وحدة.. هلأ.. هيك ممكن تنزل العلامات، بس بضل المتفوق متفوق، ويلي ما دارس بتروح عليه.. بفحص الأمريكي الستبات يعني.. ما كل الناس بتلحق تجاوب ع الأسئلة الخمسين.. كل شي بحسابه، وشقد بتكون سريع بتاخد علامات.. هدا اقتراح للنقاش.. ومن جديد.. الموضوع مطروح للنقاش العام.. |
|
#83
Apr, 23 2007, 09:05
| |||
| |||
| ما في داعي ينضاف لفحوضنا اللي بالكلية سترس اضافي بيكفي سترس شهر الفحص و كل واحد الله يعلم شو بتجيه ظروف خارجية يعني فحوص الستبات واحد بإرادتو عم يعملن فهاد الشي بيعزيه شوي بس فحوص الكلية كمان  بعدين ماتنسوا انو عدد الاسئلة ما ممكن يكون معيار نعتمد عليه يعني لما بيكون 90 سؤال خلال 90 دقيقة فهاد بيعطي شوية أريحية أني خلص و عيد لما بيكون ضمن الاسئلة خلينا نقول أسئلة بتنحل ضمن ماكسيموم 30 ثانية بنفس الوقت في أسئلة بدها تفكير و بتاخد وقت فأكيد نحن مو ناقصنا اللي فينا بيكفينا  |
|
#84
Apr, 24 2007, 01:05
| |||
| |||
| السلام عليكم تشكر على الموضوع وطريقة الطرح االرائعة وأما أنا فأقول من يغش فهو أولا وأخيرا يغش نفسه ويخدعها ويحاول إقناع نفسه بأنه اجتاز الامتحان ليكذب على نفسه مرتين وأهله يظنون أن ابنهم يدرس وسكون له من الشأن في رفع المستوى العلمي والحضاري ولايعرفون ولاناظرين إلى حال مسكينهم هذا ساعة الامتحان. |
|
#85
Apr, 24 2007, 02:16
| |||
| |||
| خاص بالسنة الخامسة آسف زميلي سنفور .... بس أنا برأيي بالنسبة لدفعة متل دفعتنا النقل مسموح بكافة أشكاله ... لأنو الوضع اللي وصلناله خطييير ... وصلنا لمرحلة نتحاور بالأسئلة بجو الامتحان و ما ممكن نستنتج شو ممكن يكون الجواب ... الواحد عبيزعل لما بيكون دارس المادة و فاني حالو فيها وبعدين بيصير بيلقّط علامات النجاح تلقيط بين كومات الأسئلة اللي مالا حل ...شيلك من المصايب اللي صارت انو اكون داخل ع مادة متوقع اجيب فيها تسعين بتجيني 68 !!! ( طبعاً مو بس انا ... صارت مع كتييييييير من الدفعة ) أسئلة عبتنحط بدون تفكير فيها من الدكتور (هي بالنسبة للدكاترة الغشما مع احترامنا لإلن ) ومع جل التفكير من بعض الدكاترة ( الملاعين) ...... بتسمحلي اتطرق شوي لمصايب دفعتنا ؟؟ الفصل الأول سنة أولى : الكيمياء العامة : ما اجتنا مسأله الهدية اللي بتجي من أول ما فتحت الكلية و بيجي عليها 20 علامة هي ممكن تعتبرها علامات مساعدة للنجاح . الفصل التاني سنة أولى : الكل بيعرف شو صار فينا بمادة الوراثة اللي اجت نسبة نجاحها 7% و بالجنين شلون اجت كل الاسئلة من قسم معروف بأنه محذوف من قبل الطلاب ( قسم الجنين الخاص العصبية) و بالعضوية شلون رسب نص طلاب الدفعة بالزبط !!! السنة التانية : ما في داعي نحكي عالكيمياء الحيوية اللي اجت اسئلتا 200 سؤال في ظاهرة فريدة من نوعا وانك تعبي كل ورقة الاجابة المؤتمتة ... و طبعاً مصايب الفيزيولوجيا اللي الكل بيعرفها ... و التشريح 3 اللي اكلنا هوا فيها و ما عرفنا ليش و الأدوية 1 و اللي كانوا اصحااب العلامات فيها كلهن من الجنس اللطيف !!!!! ( طبعاً من العملي) السنة الثالثة فصل أول : الجراثيم : آخر صفحة بالأسئلة كان مكتوب فيها : مهما كانت صيغة السؤال فالجواب واحد أو اثنانبعد ما بتكون حليت كل الأسئلة ... اجت نسبة النجاح وقتا 57%. الاحصاء : سؤال التايتانيك و اللي كان بيعتمد على مشاهدتك للفيلم ... و اللي أنا للأسف ما كنت شايفه .. لذلك اقترحنا عالدكتور تاني مرة اذا بدو يجيب هيك سؤال يروح يساويلنا ستاج عملي بالنادي السينمائي الطلابي !!!!! نسبة النجاح كانت 41%. السنة الثالثة فصل تاني : لهلأ ما حدا عرف ليش باللغة 4 بس دفعتنا اللي أكلتها .... الدفعات اللي قبلنا اللي جاب 88 كانوا يساوولوا ياها 88+2 مشان ينجح .... كل العلامات كانت بالـ 90 إلا دفعتنا !!! اتشرشحنا فيها .. و اللي جاب 50 صار يبوس ايدو وش وقفا ... ( نسبة النجاح كانت بالأول 18% رفعوها بالزور و ساووها 48%) . السنة الرابعة فصل أول : التوليد : أعلى علامة بالدفعة 73 ... وراها شي 4-5 طلاب جايبينا بالستينات و بعدين العلامات صارت تتوزع من 50 للـ 59 و ما حدا أحسن من حدا ... السنة الرابعة فصل تاني : مافي شي يُذكر. السنة الخامسة فصل أول : عدوا ع ايديكن : 1-الداخلية 3 : أسئلة دهب ... علامات كتييييييييييييير دهب !!! أسئلة ماشايفينا من الملخص و أحدا الدكاترة الكرام عاد بنا إلى التشريح 1 و سألنا عن تعصيب ثنائية الرؤوس العضدية !!! 2- النسائية : حُذفت 15 علامة تقريباً لكل طالب بعد ما ندموا الدكاترة انن جابوا اسئلة سهلة ..( طبعاً دكاترة التوليد لحقونا للسنة الخامسة ) !!! 3-طوارئ و تخدير : علامات بالمجمل بالستينات ( بعد ما عرفنا عنها انها مادة متل تاريخ الطب ) 4-جراحة 3 : الطاااااااااااااامة الكبرى ...بعد سحب احد الدكاترة اعترافه بالدفعة عاد ليجيب احد الاقسام كاملا من مقرره ... ليفرش الطلاب شر فرشة و يرسب 30% من الطلاب و الباقي اللي نفد كلو عالخمسينات ... ( اجتني 62 و كانت من أقوى علاماتي ) . 5-تغذية : اختاروا الجواب الأصح !!! يعني العن كلمة ممكن تسمعها من دكتور مادة ... و بالذات متل ما منعرف كل المادة تعدادات يعني ما ببين الأصح من المو الأصح !!!!! علامات زفت بعد ما سمعنا عنها كمان انو مادة معدل !!!! 6- اللغة 8 : اتودعنا من اللغات وداعة القرباط !! أسئلة إذا بدك تعرف تحلها كان لازم تحل كلمات متقاطعة قبل ما تجي عالفحص ... لغة طبية تحولت للعبة أبو الحروف .... Sodium صارت Soduim ... بشرفكن هاد خطأ ينحط؟؟؟ علامات بالأراضي ... بئا لسا بتئلي انو ما ننئل ؟؟؟ انا كان عندي مشاركة سابقة ضد النقل ... انا متراجع عنها كلياً .. أنا بئول ما نوفر سلاح ضد الجبهة المعادية ... لأنو يا سنفور عنجد طلاب السنة الخامسة بساحة حرب رسمي !! |
|
#86
Apr, 24 2007, 06:20
| |||
| |||
| عراسي عموور من زمان ما سمعت منك.. بس يليي ما بفهمه، إنت محلل النقل لطلاب دفعتك.. كويس.. طيب هلأ.. إذا برجع لعنوان المقال.. عشر علامات إكسترا.. طيب إذا حذفت من عند كل طالب عشر علامات الغش..والنقل والزعبرة.. بضل عننا الأول بجيب تمانين بدال التسعين.. (وما تقللي إنو بأسوأ مادة بتاريخ الكلية كانت أعلى علامة أقل من تمانين.. ما صارت هي..) وخلي يلي كان عم يرسب ع ال47 يرسب هي المرة ع 37.. شو بصير يعني؟؟؟ بنكون حافظنا ع أخلاقيات العالم.. وما تبهدل مستوى التعليم، وخلينا يلي رسب يدرس المادة مرة تانية.. ويلي نجح ما كتير بتفرق.. ضل الأول أول.. جبلي مرة مع أسئلة من أسوأ ما يكون ما ضللو العشرة الأوائل.. عشرة أوائل.. بدك الرقم؟؟ بدك تكون علامتك 80؟؟ خليها 70 بشرف وأخلاق شوبصير.؟؟ وخلي التمانين للأول يلي كمان كان ممكن ياخد التسعين بدون لا شرف ولا أخلاق!!!! (طبعا أنا عم أبالغ بالحكي.. والعذر من كل يلي بينقلو.. )بس لإنك إنت بالغت شوي بالتبريرية.. .. |
| قال العضو التالي أسمه شكراً لك يا سنفور على هذه المشاركة المفيدة: | ||
|
#87
Apr, 24 2007, 06:40
| |||
| |||
| المشاركة الأصلية بواسطة سنفور سنفور على مايبدو طلعتك عأميركا عمتنسيك طعم اشيا كتيرة هون 
 انت ابن دفعتي ... ومارح أعطيك امثلة كتير ... بس بتزكر طلعت من مادة التوليد ... ولما قالولي علامتي بالستينات ... اجتني جلطة ... بعدين عرفت انو اعلى علامة كانت يا أما 69 أو 67 ... وعلامتي كانت من اعلى عشر علامات  |
|
#88
Apr, 24 2007, 17:16
| |||
| |||
| المشاركة الأصلية بواسطة سنفور مشان يجوا طلاب دمشق و تشرين و البعث و ياخدوا كل محلات اختصاصنا و يمسحوا الأرض فينا هيك بدك ؟؟؟؟
المشاركة الأصلية بواسطة سنفور الجراحة 3 أعلى علامة كانت فيها 79
الوراثة أعلى علامة فيها كانت 64 التوليد أعلى علامة كانت 73 ..... هدول اللي متذكرن (هي 3 مواد)  المشاركة الأصلية بواسطة سنفور سنفور استشير اي طالب خامس بكل اللي كتبته و اتحدى تطلع كلمة غلط من حكيي .....
 |
|
#89
Apr, 24 2007, 17:43
| |||
| |||
| كل شي حكاه عمور مزبوط ......وفي شغلات ألعن لسا.... هلأ سنفور عطا رأيو بالموضوع من الناحية الأخلاقية بشكل مجرد.....ومتل هيك أفكار بدها غير نظام تعليمي....يعني الأمتحانات وطريقة تنظيمها وادارتها.....بتجي بالأخير بعد ماتكون الأسئلة أنحطت بشكل موضوعي وأحترافي......بعيدا عن المسخرة اللي عندنا......... مابتصور حدا مع النقل كفكرة مجردة............بس بظروف متل اللي عنا...وكل شي ماشي غلط بغلط......مابيسير حدا يحكم علينا باللاأخلاقية اذا نقلنا..( على فكرة أنا بالكلية لهلا مو ناقل ولا مرة..والسبب ظروف تقنية بحتة.. )...............على كل حال الخلط بين وضع كليتنا ووضع امتحانات الستب مو بمحلو......مقارنة غير جائزة وغير منطقية......والله يعيننا عهالسنتين البقيانين... |
| قال العضو التالي أسمه شكراً لك يا keane على هذه المشاركة المفيدة: | ||
|
#90
Apr, 24 2007, 19:16
| |||
| |||
| بغض النظر عن كل شي , و عن كل المآسي يلي تعرضتلها دفعتنا مابظن انو هل شي كافي لتسويغ فكرة النقل و اعتبارها كويسة مالازم نبحث عن تبريرات للاغلاط يلي بنعملها و إنما نحاسب نفسنا مباشرة هل كم علامة يلي رح تجي من النقل بلاها , اصلاً رح تروح بغير محل اكيد ( أصلاً مابعرف أنقل ) و بالأخير بلاحظ انو الله ما بيضيع تعب حدا , في مواد بكون دارسة كتير منيح و بقدم منيح و ما بتطلع علامتي متلما كنت متأملة , بس بمواد تانية بتطلع العلامة احسن من يلي متوقعته فبالأخير الميزان بيتوازن |
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| لم لا نبدأ التغيير ... ولو من أبسط الأمور!!! | atassi | اجتماعيات | 7 | Jul, 05 2006 05:49 |
| خلقنا منكم أزواجاً .....ذكراً و أنثى ... لا شللاً ولا أصدقاءً | Xavi | اجتماعيات | 77 | Jun, 14 2005 16:09 |
كل الأوقات حسب GMT +2، والوقت الآن 14:27.
