لأنَّكِ أنثى
يدور هذا النقاش حول لأنَّكِ أنثى في قسم هديل الروح في الملتقى الطبي السوري; لأنَّكِ أنثى
ستبقى الحياةُ على أرضِنا سائرة
وتبقى القصائدُ من دفتري
لزهوِ صباحاتِكِ مخضوضِرة
وتبقى الفصولُ وتبقى القفار وتبقى البساتين والأديرة
لأجلِكِ تبقى جميعُ الرياحينِ في روضتي مُزهرة
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
 |
| | LinkBack | أدوات الموضوع |
Mar, 07 2007, 21:16
| |||
| |||
| لأنَّكِ أنثى لأنَّكِ أنثى ستبقى الحياةُ على أرضِنا سائرة وتبقى القصائدُ من دفتري لزهوِ صباحاتِكِ مخضوضِرة وتبقى الفصولُ وتبقى القفار وتبقى البساتين والأديرة لأجلِكِ تبقى جميعُ الرياحينِ في روضتي مُزهرة  |
|
#21
Mar, 12 2007, 00:22
| |||
| |||
| في أسئلة كتير بتحير بدور كتير براسنا بس المشكلة كل واحد الو طريقتو وأسلوبو ليوصل للشي اللي بنفسو * هل الحب يتوجه الجسد ؟؟؟ *هل نحب لنصل إلى الجسد ؟؟؟ *هل الحب و الجسد سيان و لا يجوز الفصل بينهما؟؟؟ * هل الجسد شيء مقدس و ليس من الضروري أن نحب؟؟؟ لم تكمن أهمية المرأة في جسدها؟؟؟؟؟؟ لم ينظر العاشق إلى حبيبته كونها جسد و خريطة بلا حدود!!!!!! هل بدافع حب الاستكشاف؟ هل بدافع الغريزة ؟ لا أدري................. كل ما أدريه أن الحب شيئ غير محسوس و غير مجسوس لكن لم يبتعد في أيامنا هذه عن الروحانيات؟؟؟؟؟؟ لم نبالغ بالخلط بين الاحساس بالنشوة و الحب؟ ,بين اللقاءو تلاقي الارواح؟,بين التوحد و تلاقي الاجساد لا أدري.............. لم تكون كل كلمات الحب وصفية انتيابية (بس مو ضروري ليلية لأنها مو دايما بتصحي من النوم  )هل لأن الانثى هي الطبيعة ! هي الكون ! هي الفضاء! يحتاجها الذكر ليحلق في سمائها بعيدا في الأفاق؟؟ و يشتم من عبيرها ؟؟ و يأخذ من سحرها؟؟ ربما ........... نعم لم لا تبادل الانثى الذكر نفس النظرة المادية ؟! هل لكونها ضعيفة أيضا في حبها؟؟؟؟؟؟ شهوتها ؟؟؟؟؟ أم أيضا يسيطر الضعف على هرموناتها؟؟؟ لم لا تكون الأنثى هي المبادرة ؟؟؟؟؟ لم يجب أن تكون أفعالها عبارة عن ردات فعل و استجابة للمؤثرات الخارجية ؟ لآ أدري.............( لو كنت شابا لما أحببت هذه الهيدرا التي تتفاعل مع مؤثراتي) هيا أبتها الانثى انهضي أنت المليكة و السلطانة لك أن تقودي قلبك كيفما تشائين ام تخلقي لتكوني كالأصنام لم تخلقي لتكوني أسيرة الجسد لم تخلقي جسد بلا روح هلآ المطلوب انو كل واحد يصل للجواب بينو و بين نفسو و اذا حب يعبر بيكون أحسن لنشوف النتيجة أجمل تعريف للحب الطاهر هو ألا يعرف و يبقى داك الشيء المبهم المجهول ليتذوق كأسه جميع البشر و كل بطريقته ستختلف السبل و لكن النتيجة واحدة .............الحب............... |
| الأعضاء الـ 5 التالية أسماؤهم قالوا شكراً لك يا hailstone على هذه المشاركة المفيدة: | ||
|
#22
Mar, 12 2007, 00:38
| |||
| |||
 صحيح والله وينو دكتور طاهر...  ... |
|
#23
Mar, 12 2007, 01:10
| |||
| |||
| تماما.. هي هي الأسئلة.. يلي لازم تنسئل.. قبل ما ينحكى عن الهرمونات أو الدوافع.. مقاربة الناس للحب والجسد.. بمجتمع شرقي.. ... رح حاول قارب الموضوع.. الإنسان واحد متكامل، لا فصل فيه بين روح وجسد.. (بين مخلوق نوراني، ومخلوق طيني..) استخدم الفصل كأداة لفهم نفس الإنسان.. الإنسان واحد، يا يجزأ.. والحب واحد.. لما بحب حبيبتي.. بحب كل شي فيها.. بحس أفكارها حلوة، جسدها حلو، بحسها سلسة، خفيفة ع قلبي.. ووجودها حلو بحياتي.. ووجودي ناقص بدونها معي.. لما بتكون قدامي.. ما بقاوم إني أتطلع بعيونها.. وأقللها بحبك.. (ككلمة بتختصر مشاعر كبيرة.. وأشياء غريبة بتصير فيني لما بتكون معي..) وببدا بحكي عن سحر خاص بجسدها.. ما بحسه مع أي حدا تاني.. بحس إنو فمرداتها بتحكيني بلغة بفهمها،.. وهي وحدها اللغة يلي بفهمها.. بيحمر خدها يمكن.. وبتقللي كمل.. بعيونها.. وبيعلى الجسد.. وبكون في سما بآخر الحب.. وإحساس برضى لا يوصف.. وامتلاك للدنيا.. .. روح؟ جسد؟ بحس حكي فاضي.. هدا يلي بكون بين حبيبين.. حرام ينفصل .. لإنو هو الشيء الوحيد الحقيقي يلي بكون فيه الواحد موجود بكل مكونات وجوده.. حاضر بكل حواسه، شعوره، عواطفه، عقله، دمه.. هرموناته، عصبوناته، شفاهه، مفاصله، عضلاته، أعضاءه المحرمة والمحللة.. ... لكن ليش.. ليش عننا الحب هو حكي بس...؟ يعني "عذري".. ببساطة.. الحب بصير عذري لما بكون الجسد محرم.. محرم مو بس ع الجسد الآخر، محرم حتى على تفكير الآخر.. ووقتها بصير الحكي عن أشياء أخرى... يمكن أكترها غير موجود.. وبينترك للخيال يعوض الجسد الغائب.. -------------- ما بعتقد إنو المرأة حتى بمجتمعنا ما بتحس بحاجة الجسد للحب الجسدي.. الموضوع موضوع تعبير فقط.. للذكر عننا الحق أكتر بالتعبير.. حتى لما بكون عم يعبر عن حاجة جسد مجردة.. بكون شخص حر وبحس،.. بينما الامرأة.. بتاخد تسمية ما منيحة.. ... أنا برايي حاجة المرأة بالمجتمع الشرقي لشي جسدي... هي أكبر بمرات عديدة.. من حاجة الذكر لهالشي.. ورح وضح.. الجنس هو حاجة تلبى..بأكتر من طريقة.. بالمحصلة بحس الشخص بالإشباع.. وذروتها هو إحساس الشخص بالاكتفاء والإشباع "الإنساني".. .. بقولو إنو الذكر بحقق هدا الشي بأكتر من محل، بالبيت، بالشارع، بسلطويته.. (بالـMUSTURBATION).. وهي كلها بتعوض شوي من حرمان.. عم يكثف عند الأنثى بمجتمع شرقي.. هدا بخلي الجسد موجود غامض، ملح بأوقات.. أو معبر عن حاجته بشكل مرضي مخبا.. أو بلغة غير مفهومة... او مشوهة.. بس قوية.. وبتاخد وضوحها.. الكامل لما بصير في اكتشاف للجسد.. المشكلة إنو حتى لما بصير في اكتشاف للجسد.. ما بكون فيه تلبية إله كما يجب.. والإشباع قليل ما يحقق.. (أكتر من 30% من النساء ما حقق ORGASM بحياته!!!) .. هلأ.. هدا بخلي المرأة تعبيرها عن جسدها.. أو حاجتها للجسد أو للتأكد من الوجود.. ياخد تعابير تانية.. (الإنجاب.. أحيانا، أحيانا الإغواء.. أحيانا.. احتقار الذكر والجسد عموما..) -------------- أنا بحب إنو الذكر يكون مالك لخيال جامح.. يحسس الأنثى بألوهة ما إلها مثيل.. بس حلو كمان يكون قادر إنو يشوفها متل ما هي.. وتكون هي بالحقيقة إلهة لا مثيل لها.. ومع إنو يكون فيه فصل بين الحبيبة.. يلي هي "فاطمة" مثلا.. متل ما هي.. ويفصلها عن حاجته لصدر أمه يلي فطم عنه باكرا، وحاجته للإله يلي ما عم يلاقيه بهالسموات، وحاجته للوطن المباح لإيدين الحفنة الوسخة، أو حاجته للحرية يلي ما عم يقدر يحصلها.. هي هي فاطمة.. يعني ماي أمك، ولا وطنك، ولا حريتك، ولا ربك.. كون قادر تشوفها متل ما هي.. لإنو الأنثى ما هي الطبيعة ولا الكون ولا.. هي حالها.. بس بتشبه أشياء تانية.. (ميز..) .. أخيرا.. أيتها الأنثى.. المقدسة بذاتك.. خلقت لذاتك.. فكوني ما أنت عليه.. كوني ذاتك أكثر.. وتكلمي.. لم يخلق الصمت لك.. فأنت الحياة، والفيض الأبدي.. فتكلمي أكثر.. واتركي لألوهة جسدك أن تغني كما تحب.. واتركي لذكر عشقك يوما.. أن يصللي لك.. كما يحب |
|
#24
Mar, 12 2007, 01:16
| |||
| |||
| الحديث بالحب من قبل شب عن حبيبتو وعن شكلها نوع من أنواع الروحانيات ولو كان غير هيك ... كان اللي بيحب بنة شوصة ماتغزل بعيونها ... بس هو بيحبها ... ولان الامر روحانيات بيصير يتغزل بشوصة عيونها ... سوري علمثال بس اقتضت الفكرة اللي بيحب مابيشوف حبيبتو كشكل ... ممكن يشوفها ككتلة نور... اللي بيحب بيفقد حاسة البصر عندو... مو انو بيصير اعمى ... وانما بيشوف باحاسيس جواتو أكتر من انو يشوف بعيونو اللي بيحب بتصير عندو مفارقات غريبة ... يا اما مابينتبه على شي من تفاصيل الحبيب ... لانو بيكون مخدر بالشعور ... أو بيشوف تفاصيل الحبيب وبتصير بتعلقو بالحبيب اكتر... حتى ولو كانت مانها ضمن مقاييس الجمال اللي بياخدوها بانتخاب ملكات الجمال ... هو بيشوفها الاجمل .... اللي بيحب ... بتتحول عندو مقاييس الجمال وبتصير هي حبيبو ... وبيصير بيقيس الجمال وفقا لكلشي بحبيبو ... بيصير حبيبو الجمال .......... نظرة البنة مابتختلف عن نظرة الشب ... التنين عمينظرو للامور روحانيا ... بس التعبير بيختلف ... مظهر التعبير بيختلف .... ليش؟ ببساطة ... اختلاف بالفطرة اللي بتولد التعبير عن الحب .... وحتى وان كان فيها خروج عن الرقابة ... بابسط مثال ... المحب يغريه جسد حبيبته ... بينما تعتاد الحبيبة جسد حبيبها اعتياد ... تألفه وبالتالي هو اختلاف بالفطرة ... ماحدا فيه يحاكمو ... لانو فطرة ......................... بعمرها ما كانت الانثى المحبة تقف مكتوفة الايدي ... متلها متل الذكر ... بتبادر ... طبعا اذا كانت بتحب ... مجتمعنا الشرقي ربى البنت على انها ماتتذوق شي اسمو حب .... زرع فيها فكرة الاختيار وليس الحب ... صارت البنت بمجتمعنا بتنجذب لشب اختارتو لانو انسب... اكتر ما تنجذب لشب بتحبو ... ...................... حب وجسد؟ ليش عمنبعد الحب عن الجسد؟ ليش عمنفترض انو جسد الحبيب خلق لحتى يكون في متناول اي شي تاني بهالكون غير ايدين الحبيب؟ هاد الجسد الو غريزتو ... وهلاغريزة بيكون توجهها امثل لما بتكون باتجاه الحبيب ... هادا شي طبيعي ... لازم مانستهجنو عكل حال الحب بمراحلو المتقدمة بيصل للجسد ... وهادا شي تلقائي ... ليش؟ لانو لما تنين بيحبو بعضون وبتبدا القصة بنظرة ... بيصيرو بدهون يطلعو ببعضون أكتر... ولما بيحكو ... بيريدو مايتنهي الحديث... ولما بيشوفو بعضون بيريدو مايرجعو على بيوتون ... فلما بيصل الحب للجسد (وبرجع بقول هادا شي طبيعي) مابيكون اللقاء الجسدي بمفهومو المزوع بروسنا كشرقيين ... وانما بيكون اللقاء الجسدي بغاية تحقيق تواصل اكبر ... وياخوفي من حب مابيعود يكفيه اللقاء الجسدي... هادا بيوصل للتوحد .. في مقولة شهيرة بتقول ... ( قمة الحب ... الجسد ) ... القديس غريغوار بالامس وانا بشوف قمة الحب... التوحد ... بكل اشكالو ... الجسد وغيرو ... قمة الحب انو اللي بيحب يحس بالشي اللي مضايق حبيبو بدون ما يحكي الحبيب ... كيف الواحد بيعطش؟ ... حدا بيقلو انت هلأ عطشان ؟ حدا بيقلو لازم تشرب ... حدا بيقومو يشرب؟ هيك قمة الحب ... الشخص يحس بعطش حبيبو وكأنو هو العطشان ... وغريزتو تخليه يقوم يشربه مشان يرتوي هو ... أهم الشي يكون الشخص عميشربو لحبيبو مو لانو حبيبو ... وانما لانو اذا شربو ... هو بيرتوي .... حكي تحشيش ... واللي مافهم علي لايسألني شلون |
| قال العضو التالي أسمه شكراً لك يا No Body على هذه المشاركة المفيدة: | ||
|
#25
Mar, 12 2007, 01:45
| |||
| |||
| أوف.. لما بيرتوي الحبيب.. أحلى شعور ممكن يوصل إله العاشق.. هو لما بشوف جسد حبيبه عم يرتعش بين إيديه.. .. أصلا هي هي غاية الحب وذروته.. رواء الحبيب... .. من هالمعنى.. إحساس الأنثى بجسدها هو أساس لحتى الحب يكتمل.. ويوصل لذروته.. .. صحيح إنو جسد المراة هو موضوع الغزل.. بس بالنهاية هو غاية الحب.. وذروته.. .... وأكيد الأنثى رح تحس بنفس الشي.. لما الحبيب بكون بسابع سماء إله.. ... بأعلى توحد. وأكمل رواء.. هي شو اسمها.؟ هي اللحظة اسمها الله. -------------- ما كتير بوافق ع اعتياد الحبيبة جسد الحبيب.. هلأ.. إذا كان جسده ما حلو.. وما فيه إغراء.. ولا مثير.. بدها تعتاده.. (أمرها لالله).. بس في أجساد مفضلة ع أجساد.. وأكيد بتتمنى يكون أظبط من هيك.. |
|
#26
Mar, 12 2007, 01:45
| |||
| |||
| أول الشي الحب و الجسد مو شغلتين كل وحدة لحال و الجسد فيه قدسية بس موجودة ضمن الحب مو اذا كنا عم نحكي عنو بشكل مفرد هلأ هو حلو و في جمال و فيه شي مميز بس القدسية اللي عم ينحكى عنا هي جاي من الحبيب أهمية المرأة مو بجسدها الأهمية من كل المرأة من الأفكار و التصرفات و الجسد كمان يعني الفكرة انو الجسد بالنسبة للحبيب مقدس و شي خارق بس كمان مو أهمية المرأة كامنة بجسدها هلأ يمكن الحبيب بينظر للجسد كأنو خارطة بدون حدود لانو هو بدو يكون الحب ما الو حدود حب كبيييير كتير بدافع الحب هو عم يكتشف و أكيد في غريزة عم توجهو بس الغريزة من عندو و من عند الحبيبة كمان نحنا ما عم نخلط بين الحب و بين الشهوات بالأخير الشهوة الحقيقية الصحيحة هي اللس بين العاشقين و تلاقي الأجساد شي كتير معبر عن الحب بمعنى الاتحاد تماما الذكر يحتاج الأنثى و حتى أكير من حاجة الأنثى للذكر لانو عم تدور على الأمن بحضنا و الدفا بقلبا و متل ما قلنا انو هو بدو لا نهاية بدون ما يكون في انتهاء الرجل بدو شي ما بينتهي الأنثى كمان بتحس بنفس الأحاسيس تقريبا بس هي ما بتعرف انو هيك عم تحس لانو في شي بالمجتمع بيفرض عليها قيود حتى مع نفسها انا بأيد الصرخة اللي عم تبعثيها للاناث انو يفيقو و يحسو بجسدون و بحاجاتون و يحسو انو هنن القادة و ليس العكس الحب الطاهر برأيي مو يعني الحب بدون جسد الحب الطاهر هو الحب الصادق مع حضور الجسد بشكل واضح أو ضعيف أو حتى بدون أي حضور(مع اني ما بصدق انو في حب بدون جسد) |
|
#27
Mar, 12 2007, 02:24
| |||
| |||
| الحب شيء مقدّس .. أكثر ما يخاف المحبّ .. يخاف على محبوبه .. وقد يكون هذا من أعظم ما في الحب .. الحب .. ضد الأنانية .. ببساطة .. الأناني لا يحب إلا نفسه .. يخاف من الحب .. لأنه يُدخل في دائرته أشخاصًا يتوجب عليه أن يخاف على مصالحهم أكثر من مصلحته .. لذلك .. يبقى همُّ المحبّ الأول هو أن يحافظ على مصالح محبوبه .. وهنا .. حين نتحدث عن الذكر والأنثى .. نوقن تمامًا أن الذكر المحبّ .. حين يكون صادقًا في حبه .. سيسعى دائمًا لإخراج الأجساد من دائرة حبه .. لماذا ؟ ببساطة .. لأن قمة التلاقي العاطفي .. بعد أن تتلاقى الأرواح .. هو أن تتلاقى الأجساد .. وحين يخاف المحبّ على محبوبته .. ويسعى لمصلحتها .. سينسى جسده .. وسينسى غرائزه .. وسيدفنها في أعمق نقطةٍ يعرفها .. لأنه لا يريد لحبيبته أن تتحمل وزر خطيئته .. لهذا .. يبقى الحب روحيًا في مرحلة ما قبل الزواج .. لهذا .. تضيع كلمة الجسد .. أمام حبه لها .. لا لأن الجسد غير مهم .. بل لأنه في غاية الأهمية والقدسية .. لأنه من القدسية بمكانٍ يرقى به أن تلوثه يد المحبّ .. لأن مصلحة المحبوب فوق مصلحة المحبّ .. فلتنتظر يا جسد .. ولتغب عن الوجود .. لأن هنالك من تفوق عفتّه أهمية حاجاتك وغرائزك .. لذلك .. وحتى يحين الميعاد .. دعوا الأجساد .. والتفتوا إلى الأرواح .. فما أجمل الصدق في الحب .. وما أسماه .. حين يسمو بنفس المُحبّ .. فيرقى بحبّه عن جسده .. يرقى بحبه عن غريزته .. على أمل .. ولولا الأمل .. لما عشنا .. ولا بنينا .. والسلام عليكم |
|
#28
Mar, 12 2007, 03:02
| |||
| |||
| طلعوا من هالبواب  وظيفة أي كائن حي عهالأرض يكمل نسلو وسلالتو والحب (كفعل) حالة غريزية متلها متل الاكل والتنفس . أما الحب (كشعور) فانوجد لحتى يسهل طريقة التناسل (معنويا) والعيشة بشكل عام (حياة الفرد ضمن المجتمع). للأسف الحب (كمعنى بلا فعل) ....... ممممممممممم .. حالة وبتعدي أما الفعل بلا معنى ...... فممكن يصير بس الانسان بيكون ما استخدم النعمة يلي أرسلها رب العالمين إله ليسهل عليه إنشاء أسرة وتكملة النسل. مافي شي بيمسك الحب من الانفلات غير ربطو بشي مادي !!! والسلام |
|
#29
Mar, 12 2007, 03:22
| |||
| |||
| ما حدا عم يحكي عن قبل الزواج وللا بعده.. وما هدا هو الموضوع.. وكون الحب لن يمارس جسديا إلا بعد الزواج (بالمجتمع المحافظ..) فهدا ما بيعني إنو ما يفهم أو ما يحس فيه، أو ما يعبر عن أبعاده.. إلا بعد الزواج... أو ولا بعد الزواج.. .. ما بعرف إذا كان الموضوع ينبع من خوف ع مصلحة الحبيبة.. ولا خوف من أشياء تانية.. متداخله داخلية وخارجية.. هي فعل حرية؟؟ أم إكراه خوف.. ؟ .. مرعب جدا التفسير الوظيفي لكل شي موجود بالحياة.. كل شي موجود لغاية معينة مسبقا، والفعل محدود بس إلها.. ونحنا مجرد ممثلين أغبياء بمسرح عبثي للحياة.. ما هيك الحياة.. والله العظيم ما هيك.. منيح إنك تكتشف الشيء بالذات قبل ما تفترض/ي فرضيات قبلية نهائية قطعية.. الحب من أجل انجاب الأولاد!!! يا لطيف.. ونحنا المساكين معمي ع قلوبا وعيوننا وفي حدا كبير عم يتضحك علينا.. مفكرين إنو عم نحب.. بس نحنا مساكين.. الطبيعة عم تلعب فينا (أو الإله..) من شان نتكاثر!! .. إي... لأ.. ما دقيق هالحكي أبدا.. .. الحب بذاته جميل.. والشي بذاته هدف.. وكل لحظة بحد ذاتها مليئة بالمعنى اللحظي أو الأبدي.. (الغائية الورائية ورا تصرفات عبثية بذاتها) هي (....) نظرية اخترعا البني آدم ليفهم الدنيا.. (املا الفراغ) فيك تقول.. هي أكبر كدبة بشرية.. |
|
#30
Mar, 12 2007, 03:39
| |||
| |||
| كليوبترا ليش عمتلبسي شعور مستقل بذاته عمتلبسيه شعور اخر؟ يعني هي اللعبة سهلة كتير ... بس سطحية ... هلأ بقلك الحب الحبيبة هو غطاء للغريزة التناسلية وحب الله هو غطاء للخوف منو وحب الام هو غطاء لمشاعر الامتنان والعرفان بالجميل الها وهكذااااااااااااااااااااا هالدمج للمشاعر والغاء كينونة احدها غلط ... الحب كشعور قائم لحالو ... وبتجرد من الجسد ... والجسد مرحلة عابرة من التواصل ... وفي مراحل بالحب مابيعود بيكفيها التواصل الجسدي لحتى يعبرو الحبيبين عن رغبتهون بالاقتراب اكتر والتوحد |
| الأعضاء الـ 2 التالية أسماؤهم قالوا شكراً لك يا No Body على هذه المشاركة المفيدة: | ||
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| لأول مرة في سورية..تحويل جنس مولود ذكر إلى أنثى | Shankool | الإخباري | 7 | Nov, 06 2006 00:02 |
| كوني أنثى ... | zorba | هديل الروح | 21 | Oct, 11 2006 20:57 |
| أنثى ناقصة الأمومة | zorba | هديل الروح | 7 | Nov, 22 2005 00:39 |
| خلقنا منكم أزواجاً .....ذكراً و أنثى ... لا شللاً ولا أصدقاءً | Xavi | اجتماعيات | 77 | Jun, 14 2005 16:09 |
كل الأوقات حسب GMT +2، والوقت الآن 12:58.
