الإعلان عن اكتشاف إكسير الحياة بأوكرانيا
يدور هذا النقاش حول الإعلان عن اكتشاف إكسير الحياة بأوكرانيا في قسم اجتماعيات في الملتقى الطبي السوري; -->
هل من المعقول أن يُحاول العلم البحث عن ما هو أسطورة؟
لماذا إكسير الحياة سائل كما في الأساطير؟ وليس مادة أُخرى أو طريقة حياة مثلاً؟
أليس من الغباء أن
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
 |
| | LinkBack | أدوات الموضوع |
|
#1
Mar, 12 2007, 19:06
| |||
| |||
 الإعلان عن اكتشاف إكسير الحياة بأوكرانيا هل من المعقول أن يُحاول العلم البحث عن ما هو أسطورة؟ لماذا إكسير الحياة سائل كما في الأساطير؟ وليس مادة أُخرى أو طريقة حياة مثلاً؟ أليس من الغباء أن يبحث عالم عن سائل هو إكسير الحياة؟ هل من المعقول أن يعيش الإنسان إلى الأبد؟ هل من المعقول أن يصل إلى حلمه الأبدي .. الخلود؟ إليكم الخبر على ذمة الجزيرة !!!  أعلن البروفيسور الأوكراني غينادي أباناسينكو عن اكتشاف إكسير الحياة الذي عجز علماء الأرض منذ الأزل عن اكتشافه. وقال أباناسينكو أمس في تصريحات صحفية إن الإكسير عبارة عن سائل سري التركيب ولن يكشف عنه قبل الخامس عشر أو السابع عشر من الشهر الجاري في العاصمة كييف, حيث سيعقد مؤتمر علمي لمناقشته و"إعلان ولادة عصر جديد لا موت فيه". وأوضح أباناسينكو للجزيرة نت أن "هذا الإكسير أعد بعد دراسة دقيقة ومفصلة للحالة الفيزيائية للخلايا, فهو يوقف تضخمها ويمنع انفجارها وبالتالي موتها". وأوضح البروفيسور الأوكراني -الذي يرأس طاقما طبيا مكونا من 30 عالما وباحثا- أنه ينبغي تناول الإكسير يوميا وبعدة قطرات عن طريق الفم, تتبعه موجة من الإلكترونات يعرض لها المتناول من شأنها تفعيل عمل الإكسير في الجسم. وأكد البروفيسور (70 عاما) نجاح التجارب التي أجريت على بعض الحيوانات الأليفة, وأنه سيصبح بعد تناول هذا الإكسير أصغر وسيختفي الشيب من رأسه فيبدو كشاب في الخامسة والثلاثين من العمر. ومقابل حماس أباناسينكو، رأى الطبيب أليكسي نيتشايف أن إكسير الحياة من نسج الخيال وحلم يؤرق فقط كبار السن الذين يجدون فيه باب أمل لعودة مستحيلة. وقال نيتشايف للجزيرة نت "إن لهذا النوع من المواد تأثيرا فعليا يبطئ نمو الخلايا ويمنع هرمها, ولكن المشكلة تكمن في الآثار الجانبية المدمرة للجسم التي لم يستطع أحد حتى الآن إزالتها من الوجود". المصدر ...  |
|
#2
Mar, 12 2007, 20:25
| |||
| |||
| مع احترامي لتعب هالبورفسور ولجهده الواضح بس أنو ليش يعني .. شو بدنا نعمل بكل هالسنين اللي جاية يعني اذا الواحد ما مات موتة ربو رح يموت قهر بس برأيي خلي يشغل ذكائه ووقتو بإيجاد دواء وعقاقير لهالأمراض اللي عمتحصد الملايين من البشر .. ومن هلأ ليشوفوا حل لهالأعراض الجانبية للعقار .. بيفرجها الله |
|
#3
Mar, 12 2007, 20:47
| |||
| |||
| المشاركة الأصلية بواسطة أباناسينكو مابعرف...ما بصدق حتى لو شربو ادامي...
هه..تصوروا "عصر لا موت فيه" ....وين بدون يقعدوا كل هل ناس؟ فوق بعضون؟ ايه الصين بدون ياكلوا بعض الا شوي من كتر مالون كتار...و اذا كل الخلق شباب رح تعم البطالة - من غير شي العالم ما عم بتلاقي شغل...البنك الدولي بدو ما يلحق طبع مصاري...وين بدون يربوا بقر و دجاج اذا ما رح يكون في محل ليقعدوا هنن؟ لك رح تكون كارثة...مشان هيك بتوقع انو هي احلام...واذا فرضنا جدلاً انو في بكلامو و لو ذرة معقولة...ايه يلحق حالو و ياخدلو كم بؤ لانو عمرو ما شاء الله 70...يعني مو مطول... كني مو سمعان عن سنة الحياة و الكون و ان (كل نفس ذائقة الموت) ؟ |
|
#4
Mar, 12 2007, 21:00
| |||
| |||
| خبر عجيب..!!...ولكن...!!! فلنفرض جذلا أنو هالدواء بيطول العمر....مابتصور أنو راح يتم تداوله ألا باسعار خيالية لايقدر عليها الا اصحاب المليارات..وليس الملايين..  ....فما بتصور انو راح يكون في مشكلة من ناحية السكان على المدى القريب....يعني بتسير الشغلة متل السلاح النووي...غير متوافر في السوق.. ..على فكرة...فكرة هالنوع من الأدوية سمعان عنها من قبل...بتذكر انو الهدف هو أستحداث مضادات أكسدة داخل الخلايا وبالتالي أطالة عمر الخلية نظريا.......... أنا مع هالنوع من التجارب ....يعني حتى لو لم تكن ناجحة بتحقيق هدفها...فهي على الأقل تكون قد أضافت للعلم شيئا..أو أزالت الغموض عن بعض النقاط...  |
|
#5
Mar, 12 2007, 22:37
| |||
| |||
| يعني جملة "عصر لا موت فيه" مُبالغ فيها .. بس القصد إنه في غطالة للعمر .. ما بعرف شو المصداقية في هالحكي... بكرة 3 بياخدو من هالدوا ... جورج بوش .. بن لادن .. واحد تالت ما بدي أقوله ... ويمكن احمدي نجاد والخامنئي وحسن نصرالله ... وخلي القذافي كمان مشان نتسلى شوي  |
|
#6
Mar, 13 2007, 00:38
| |||
| |||
| هلأ علميا هالفكرة بتخليني اتطرق لشي تاني هنن لما استنسخو النعجة دولي... وعلى عكس ماهو معروف ... العلماء اعتبرو التجربة فاشلة ... ليش؟ لانو النعجة دولي من يوم ماولدت وخلاياها عمرهون بعمر النعجة اللي تم الاستنساخ منها يعني ولدت وهية كبيرة بالعمر وهاد الشي كان سبب في فشل الاستنساخ كفكرة للاستعمال السبب هو جيني بحت ... الخلايا بالتقدم من العمر بينضاف علDNA تبعها تسلسل نكليوتيدي معين ... وكل ما طول هالتسلسل هاد ... الخلية بتهرم أكتر الامر معقد وصعب ينشرح بمشاركة ... بس موضوع هرم الخلية في الو ارتباط جيني لايمكن العبث فيه بسهولة ... ولو في تقنية بتسمح انو يتم التدخل بالجين البشري بكل خلية من الخلايا الجسمية زز. كانو لاقو حل للامراض الورائية اللي مالها حل غير انهون يغيرو الجين تبعها بكل خلية من خلايا الجسم ... متل التليف الكيسي اللي اجرو محاولات لعلاجو عن طريق ادخال فيروسات فرغوها من الDNA تبعها ... وحطو فيها المورثة السليمة مشان يتم استبدالها بالمورثة المريضة المسؤولة عن التليف الكيسي واللي بيتم حقنو بالخلايا لما الفيروس بيهاجمها .. ولهلأ الاف الابحاف عمتجرى وكل مرة بتفشل معهون الطريقة بسبب ما عكل حال بتمنى نقرا بالايام القادمة عن فكرة هالطبيب بتوسع اكبر |
| الأعضاء الـ 3 التالية أسماؤهم قالوا شكراً لك يا No Body على هذه المشاركة المفيدة: | ||
|
#7
Mar, 13 2007, 08:41
| |||
| |||
| السلام عليكم إذا بلشنا بالحكي عن الانفجار الديموغرافي العالمي وشو سببو  منلاقي أن خلال العصور الأخيرة ارتفعت نسبة (ممممم شلون اسمها بالعربي عجب ؟!) "أن الانسان يعيش أكتر من قبل)، يعني من قبل ما كان الانسان يعيش للـ70 سنة .. لذلك نسبة الشيخوخة هلئ كبيرة ، وهالفئة من الناس غير مفيدة إقتصادياً بالعكس بتاكل من تعب الشباب. المهم تخيلوا كبر عدد الشيوخ اللي طولان عمرو شو بدو يصير بالجيل اللي عم يعيلون ؟ والمشاكل الديموغرافية التانية ؟بعدين هادا سلافاني (((العرق الروسي))) يأبش ألبي لا حدا يحكي عليه 70 سنة مبالو حالو عايش بالاتحاد السوفيتي وهيك أمور بتمشي عالعالم ؟  والسلام عليكم |
|
#9
Mar, 13 2007, 11:57
| |||
| |||
| بالـ futurology معروف انو رح يجي زمن ينعدم فيه الموت "الطبيعي" ... يعني هي شغلة معروفة وبديهية جدا ... إذا التقى علاج لكل الأمراض و انحلت المشاكل الجينية المعروفة ( التيلوميراز و غيره ) بشو الناس بدها تموت ؟! ... غير بالحوادث ... ومعروف كمان انو في المستقبل ما رح يبقى تناسل لأنه ماله ضرورة ... واللي بدو ولاد بيجيبون بالأنابيب والحاضنات الصناعية وليس الحمل والولادة ... وما رح تصير مشاكل ديموغرافية لأنو عدد السكان رح يضل ثابت يا إما ينقص ... هذه أمور غير خلافية ... وأصلا بلشت تصير ... |
|
#10
Mar, 13 2007, 23:20
| |||
| |||
| بزمناتي قرأت بكتاب عن هيك قصص علمية... بلشت محاولات كتير لتطويل عمر الإنسان خلال القرن الماضي... لعل أهمها هو عقار الميلاتونين الذي يماثل المادة المفرزة من الغدة الصنوبرية أثناء النوم وبالتالي جسمك بيعمل كتير إعادة استقلاب...وبتتجدد الخلايا...وفعلاً كان الهو نتائج ملحوظة... والعديد من العقاقير..والعديد ممن جربها على نفسه ونجحت... بس أكتر اللي اكتشفوا هيك مواد كانوا روس غريب ما؟؟!! |
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| اكتشاف DNA بشري قديم مختلف عن الحالي | Hani | الثقافة | 1 | Nov, 23 2006 11:12 |
| الإعلان رقم 4 | Shankool | هديل الروح | 2 | Apr, 18 2006 15:37 |
| الإعلان عن أول أجنة بشرية مستنسخة في بريطانيا | Shankool | آخر المستجدات الطبية | 0 | Jun, 25 2005 10:00 |
| اكتشاف الجين المسؤول عن نصف أمراض العيون | Shankool | آخر المستجدات الطبية | 0 | Mar, 14 2005 02:56 |
كل الأوقات حسب GMT +2، والوقت الآن 09:03.
