السلام عليكم


كيفكم ؟ وكيف الويندوزات معكم ؟
بالمناسبة حدا جرب الفيستا ؟
زشز رأيكون بستايل (اللايف) يلي أضافوا مدراء الماركيتينغ لمنتجاتون ؟

تويب،
عندي الويندوز -بعيد الشر عنكون- هاليومين عم تصيبو نوبات صرع (يا حصرتي شب بأول عمرو)
صاير عم يصفن كتير لك ايه ايه متل ما عم قلكون !!!
الحالة اجت من كام يوم .. هيك من الله. صار يوقف ويجمد ... لبين ما أولتا امبارح صار يوقف عند تحميل الويندوز لما بعملو ريستارت. يصل لآخر مرحلة (بعد السكان ديسك وكلشي) محل مو بيطلعوا اليوزرات. هون بتصيبو الحالة العجيبة من الجمدان.. حتى مرة تركتو ورحت عالجامعة رجعت لاقيتو لسه صافن.
ماكو جدوى لا من السيف مود ولا استعادة نظام ولا شي. اليوم عاد هيك تحمل (يخزي العين ) بس بقلب الويندوز عم يوقف، يشتغل عادي جدا جدا شي 10 دقايق, ويصفنلو نص ساعة.

القصة المرضية: بآخر فترة حطيت كام برنامج وأزلتون، بس مافي شي خطير، برامج عادية.
من شي 4 أيام محى لحالو الكوكيز والتيمب
من فترة وانا عم حدّث الويندوز، حمّلي الـ Genune Windows وأن لازم أحدّث عليه -لأن نسختي غير شرعية- ، ما كان في مترافقات خطيرة لهالحدث غير أن أحيانا يقطع النيت لحالو ولحالو يفوت على صفحتو. بس هيك

النجدة


والسلام عليكم

خلص أمرك لله ... تعيشي وما تاكلي غيرها

فعلاً متل ما قال ميلاد..تعيشي وتاكلي غيرها.. أنا برأيي شغلة التحديث للويندوز بلاها..
عفكرة انا جربت الفيستا.. والله رائع وهلأ انا عم أستخدمو.. كتير اداءه سلس وستايله بيجنن.. وحتى أنا جبتلو مبارح برامج .. كلشي ممكن أنزل عليه.. .. جربوه وما تندمو.. بس انتبهو لشغلة التعاريف .. بيعذب شوي..

فعلاً متل ما قال ميلاد..تعيشي وتاكلي غيرها

هلئ واحد من اتنين ..
إما أنت مخربط يا صادقلي .. إما شنكول عملها فيك وغير مشاركتو بعد أنت ما حطيت مشاركتك ..

كتير اداءه سلس وستايله بيجنن

واااااااااااااااااااااااا ااااااااااحسرتاه .. منين بدي جيب كمبيوتر يشغّل هالنظام ..
بعدين من أشو بيشكي الاكس بي .. ابن حلال .. ومجرّب ..

السلام عليكم

السلام عليكم


صادقلي .. شو مواصفات كومبيوترك ؟ وأديه صرلك عم تستخدم الفيستا ؟

بعدين من أشو بيشكي الاكس بي

ضل داء ما صابو ؟؟



أنا حالياً حليت المشكلة بأن نزلت الويندوز على الـE بس مع انه مليان هلئ من هون لأسبوع بكون نقلت داتاياتي على ديفيديات من السي وحضرتو للفرمتة.

حتى هادا الويندوز الجديد هلكني عم يقاتل بدو يعمل تحديث وأنا عم كمو !!!

ميرسي للكل


والسلام عليكم

طيب كليوباترا

أول شي بتوقفي التحديث التلقائي من خصائص النظام

وبعدها بتروحي على control panel -> Security Center

على اليسار بتشوفي رابط لشي اسمه Change the way security center alerts me

بتزيلي علامة الاختيار بجانب Automatic Updates وبعدها OK

وهي الطريقة إلها مفعول الشحاطة في كم الأفواه

سلامة

ضل داء ما صابو ؟؟

لأ .. مو هيك ..

الشغلة حسب نسخة الويندوز ..

والأهم .. حسب المستخدم ..


والسلام عليكم

السلاك عليكم ..
من شان شغلة الخربطة والله ما بعرف إذا أنا مخربط ولا شنكول مغير مشاركتو أو أنا بالأصل ما نتبهت لكل الموضوع..
بالنسبة لكومبيوتري.. يا ستي الفيستا بدو مواصفات عالية .. متل كرت شاشة 128 على الأقل من شان يشتغل منيح.. ورامات 512 من شان يمشي الحال.. انا عندي 128 كرت شاشة.. وراماتي 512 ومعالجي 3200 دبل كاش LGA ومع هيك بدو مواصفات أعلى .. يعني لو كانو الرامات أكبر كان أحسن.. وعفكرة حجم الويندوز لحالو بدون برامج 12 غيغا..

وهي الطريقة إلها مفعول الشحاطة في كم الأفواه

...والله مو بأيدي ..أول ماقريت هالعبارة وقعت من عالكرسي..


على سيرة مواصفات الجهاز....لأ مبين لازم نغير المعالج مشان يمشي حال الفيستا....لأ عيني...ماعندي فراطة هاليومين......خليني مستور بال xp...

والله مو بأيدي ..أول ماقريت هالعبارة وقعت من عالكرسي..

الحال من بعضو يا أبو الفود ..

السلام عليكم ...

المشاركة الأصلية بواسطة sadekly

السلاك

ما علينا

كليو .. برأيي، (بعد نفي إصابة جهازك بأي نوع من الفايروسات) بكون كلامك

المشاركة الأصلية بواسطة Kliopatra

بتوقع المشكلة ممكن تكون من الهارد وير لأن حتى السيف مود عم يعلق، بالتالي أكيد مو بسبب برنامج.
ممكن يكونوا رامات ؟؟؟؟

أقرب الحلول ..
يعني مو شرط رامات، لكن بالفعل الظاهر في مشكلة بالتفاهم بين قطع جهازك
بالمناسبة، جربتي برنامج مايكروسوفت لإزالة "البرامج الضارة" ؟
Microsoft Malicious Software Removal Tool
لاتنسي تعملي Full scan (ولو طوّل شوي)

إذا كان جهازك خالي من الفايروسات بالفعل، فعلى الغالب مشكلة هاردوير ... أمرك لله (على قولة شنكول)