السلام عليكم


كيفكم ؟ وكيف الويندوزات معكم ؟
بالمناسبة حدا جرب الفيستا ؟
زشز رأيكون بستايل (اللايف) يلي أضافوا مدراء الماركيتينغ لمنتجاتون ؟

تويب،
عندي الويندوز -بعيد الشر عنكون- هاليومين عم تصيبو نوبات صرع (يا حصرتي شب بأول عمرو)
صاير عم يصفن كتير لك ايه ايه متل ما عم قلكون !!!
الحالة اجت من كام يوم .. هيك من الله. صار يوقف ويجمد ... لبين ما أولتا امبارح صار يوقف عند تحميل الويندوز لما بعملو ريستارت. يصل لآخر مرحلة (بعد السكان ديسك وكلشي) محل مو بيطلعوا اليوزرات. هون بتصيبو الحالة العجيبة من الجمدان.. حتى مرة تركتو ورحت عالجامعة رجعت لاقيتو لسه صافن.
ماكو جدوى لا من السيف مود ولا استعادة نظام ولا شي. اليوم عاد هيك تحمل (يخزي العين ) بس بقلب الويندوز عم يوقف، يشتغل عادي جدا جدا شي 10 دقايق, ويصفنلو نص ساعة.

القصة المرضية: بآخر فترة حطيت كام برنامج وأزلتون، بس مافي شي خطير، برامج عادية.
من شي 4 أيام محى لحالو الكوكيز والتيمب
من فترة وانا عم حدّث الويندوز، حمّلي الـ Genune Windows وأن لازم أحدّث عليه -لأن نسختي غير شرعية- ، ما كان في مترافقات خطيرة لهالحدث غير أن أحيانا يقطع النيت لحالو ولحالو يفوت على صفحتو. بس هيك

النجدة


والسلام عليكم

السلام عليكم

والأهم .. حسب المستخدم ..

شو قصدك ؟؟؟؟؟؟؟ آه ؟؟


***

إليكترو .. نصبت ويندوز بقرص تاني آم عم يشتغل تمام. يعني الحمد لله مو هارد وير
بعدين يعني لو مافي توافق .... هلئ لتذكروا بعض هالقطعتين ؟

الله يعطيك العافية


الحمد لله حالياً مشي الحال !!! بحس حالي ذكية لما بحل مشاكل كومبيوتري


والسلام عليكم

شو قصدك ؟؟؟؟؟؟؟ آه ؟؟

قصدي شريف .. الله يشهد ..

بحس حالي ذكية لما بحل مشاكل كومبيوتري

مبروك ... عقبال ما تصيري هيك دايمًا ..

والسلام عليكم

إليكترو .. نصبت ويندوز بقرص تاني آم عم يشتغل تمام. يعني الحمد لله مو هارد وير

إن شاء الله يكون صار تمام وما تكون المشكلة من الهارد وير .... لكن بصراحة مو شرط !!
(لا تنسي المشاكل القديمة وقصة كرت الصوت ....)

بعرف واحد جهازه بيعاني من مشكلة بتوافق المعالج مع اللوحة الأم، وصارلو تقريباً 6 سنين على هالحالة..
كل كم شهر لازم تطلع له مشكة جديدة..

على كل حال مشكلتك مو متل مشكلتو، وبإذن الله بتنحل بالفرمتة متل ما قلتي..
تحياتي

السلام عليكم


وااااخ 6 سنين عايش بعدم توافق ؟؟؟؟؟؟؟؟؟ شلون قدر هيك

معقول انا عايشة صار 5 سنين وعندي الهاردويرات عم يتخانقوا ومو طايقين بعض ؟

يله هانت ... كام شهر وما بيعود بيلزمني الكومبيوتر ... بس 6 سنين والله كتير ؟ مين كان عم ينقيلو القطع؟


والسلام عليكم

هه هه .. الزلمة كان مشتري الجهاز قطعة قطعة، وما حابب يفارق أي جزء منو..
يعني مع أنو بيعرف مشكلة جهازو، بس كان رضيان بالواقع .. ومبسوط..

صحيح .. حدا جرب الموقع اللي حطيت رابطه بمشاركتي قبل السابقة ؟؟

السلام ...

إليكترو أنا فتحتو .. بس ما نزلت البرنامج ، عادة ما بستخدم هيك برامج، بحب بحبش لحالي بالفولدر تبع الويندوز وبالريجيستري. ممممممم .. حنزلو بس زبط جهازي عالمزبوت . الويندوز الحالي عندي مو مستقر لسه.
بس هادا البرنامج لإزالة البرامج كلها ولا بس لمايكرسوفت أو مكونات الويندوز ؟ لأن في برامج مثلاً ما فيك تحذفها إلا بتنزيل توول لحذفها .. بيكون كمان اسمها Removal Tool .. ؟؟ ما ؟؟؟

ميغسي


والسلام عليكم

كليوباترا

البرنامج اللي عم يحكي الكترو عنه .. هو برنامج لإزالة البرمجيات الضارة وهو بينزل مع تحديثات ويندوز كمان

السلام عليكم

يا ربي .. ما عدنا نخلص من مشاكل الويندوز البايخة والله ولادنا بدون يضحكوا علينا !!

من شي 10 تيام نزلت ويندوز .. صار يعملي كوشة مشاكل ((جمدان - ميديا بلير مو شغال - ما بيقرا كل الملفات بالعربي (رغم اني حطيت مأشرة عكل الغات العربية) - مشاكل بالمتصفح .... إلخ)) .. رجعت حطيت من يومين .. وضل عم يجمد هيك من حالو برغم إن هي نفس النسخة يلي صرلي سنتين بستخدمها !!!
وما في شي برنامج معين عم حطو غير اللي بحطون دايماً. خصوصي أن لسه جديد حطيتو كم ساعة وبلش يصفن.
فحصت الفايروسات كمان ماكو شي. وطبعا بطفي دايماً التحديثات.

شو ممكن تكون المشكة ؟


سلامات

البيرفورمنس تبع البروسيسور شو وضعو؟

المشاركة الأصلية بواسطة No Body

البيرفورمنس تبع البروسيسور شو وضعو؟

بيسلّم عليك



من أنو ناحية ؟؟