الأسرع .. والأطول ... !!!
يدور هذا النقاش حول الأسرع .. والأطول ... !!! في قسم لقاءات في الملتقى الطبي السوري; السلام عليكم حزورة ؟ أسرع وأطول ؟ ما عرفتوا ؟!! تيب وألطف وأجنتل وأحلى شب بالكلية "عندكون" ؟ وكمان أكتر واحد بيشرب ؟؟ بيشرب بيبسي ممممممممممممممممم ............ ؟ طيب وهي
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| | LinkBack | أدوات الموضوع |
Mar, 15 2007, 21:11
| |||
| |||
 الأسرع .. والأطول ... !!! السلام عليكم حزورة ؟  أسرع وأطول ؟ ما عرفتوا ؟!!  تيب وألطف وأجنتل وأحلى شب بالكلية "عندكون" ؟  وكمان أكتر واحد بيشرب  ؟؟ بيشرب بيبسي ممممممممممممممممم ............ ؟ طيب وهي ما بتذكركون بشي ؟  أهااااااا هلئ عرفتووووووووووووه .. طبعا توربو ....... تفضل زميلنا العزيز عرف عن نفسك .. الكل ناطرين من زمان والقاعة مليانة يا عم. المايك عندك  |
|
#41
Mar, 17 2007, 12:32
| |||
| |||
| الزعيم
واذا كانت الشغلة صغيره ممكن اتغاضى عنها اما اذا كانت كبيره وقتها بعاتبه...بس ما بظن اعمل اكتر من هيك
 والله شعوري...مبسوط ليش الكذب..وانا محاط باهتمام بنات منتدانا الحلوين السبب...علمي علمك ليش ما نوجه السؤال الهم؟ تفضلوا جاوبوا  بس ما بظن الشغله بتتوقف عالشكل....لانه ما كلهم بيعرفوني تحياتي |
|
#42
Mar, 17 2007, 13:07
| |||
| |||
| عمتو إيلوني
احيانا بيروح علي فرص او بيمنعني من الاقدام على بعض الاشياء
الاهداف البعيدة شوي: تعلم اللغة الالمانية الاهداف البعيدة: تأمين الاختصاص بشي جامعة او مستشفى محترم...والزواج
لما دخلت الطب كنت خايف ما يعجبني وما يوافق ميولي...لاني ما بعرف اش بيندرس فيه بالضبط...بس بعدين بعد ما شفت المواد والعلم...كتير حبيته وشكرت الله. بالنسبة للصعوبة...حسيت بصعوبة متلي متل باقي الطلاب السوريين اللي هي صعوبة الانتقال للجامعة والمناهج الضخمه والدكاتره المتعجرفين (خصوصا بالسنوات الاولى) بينما كنا متعودين بالمدرسه على انه ناخد المعلومات بالملعقه. لكن الحمد لله تعودت على النظام بسهولة والحمد لله ما حملت ولا مادة حتى الآن (قولوا ما شاء الله  ) اللي بيفشل بهالنقلة بيكون اما كان متعود على الدلال الزايد بالسعودية (هي حسب المدرسه) او انه لما اجا على سوريا توجه اهتمامه لاشياء اخرى (سهر وتطبيق وهالشغلات) أو انه ما قدر يتأقلم مع المجتمع الجديد.
بس وقت الفحص بنصحى من هالوهم 
يعني مثلا تعرفت على كتير ناس رائعين واصدقاء بكل معنى الكلمة...ما كنت بظن اني اتعرف عليهم اذا ما كان المنتدى موجود.. كمان بما اني كنت (وما زلت) من اصغر اعضاء المنتدى...كانت امامي فرصه كبيره اني اتعلم من الطلاب الاكبر مني واستفيد من اخطاءهم وعثراتهم وهدا اكيد كان اله دور كبير بتطوير شخصيتي. تعلمت منه طبيا واجتماعيا ودينيا. وتعلمت كيف اخطط لمستقبلي وادرسه... ومن هنا بحب اشكر كل الاصدقاء اللي تعرفت عليهم عن طريق المنتدى ونصحوني وكانوا متل اخواتي الكبار (اخص بالذكر مستر سام-حازم-ابو صالح (زين الدين) - كليوبترا....وكتير غيرهم بس هدول اللي حضرتني اسماؤهم
 ..شخصيا بقدر اتحمل المسؤولية وبحاول اني أأديها على اكمل وجه..لما بتزيد المسؤوليات بحاول آخد الامور بهدوء وانظم وضعي يعني متل ما قلتي ما بيصير شي لو تأخرت شوي والحياه ما بدها كل هالتعب.
تحياتي |
| قال العضو التالي أسمه شكراً لك يا TURBO على هذه المشاركة المفيدة: | ||
|
#43
Mar, 17 2007, 13:26
| |||
| |||
وجائزة النوبل ؟؟؟؟؟؟؟؟؟ |
|
#44
Mar, 17 2007, 13:32
| |||
| |||
| طيب دفعة جديدة : إش هوة احساسك لما بتشوف إنو ناس عبتجي عالمنتدى وبتروح و طقم الأعضاء معظمه تغير ...بس في كم واحد متلي ومتلك كم عضو تانيين ..مبلطين هون ..كل يوم بيدخلو وما انقطعو عن الموقع طاول ...يا ترى هالشي طبيعي ..طيب إشو الشي اللي عمنشوفو بالموقع عبيخلينا متعلقين فيه وغيرنا ما عبيشوف هالشي ؟؟؟ على فكرة من فترة عرفت إنك منتسب للمنتدى قبلي بيوم طيب سؤال تاني : إنت قلت بجوابك على سؤال سابق إنك محتار بين الاختصاص بأمريكا وبين ألمانيا ... طيب ليش محتار ؟؟ بالنسبة لتوربو شخصيا .. إش بتفرق أمريكا عن ألمانيا ؟؟ كيف عبتشوف الموضوع من وجهة نظرك ؟؟ كمان سؤال : إنت قلت بجوابك على سؤالي تبع الإم بي سي
برأيك أي واحد أقرب للواقع ؟؟؟ رح أسألك سؤال سألته لطرطوسية بمقابلتا ... يقول المتنبي : إذا غامرت في شرف مروم ....فلا تقنع بما دون النجوم فطعم الموت في أمر حقير ... كطعم الموت في أمر عظيم إش رأيك بهالحكي ؟؟؟ هل يوجد حدود للطموح ؟؟ سبق وقلتلي إنك ما كتير من هواة الشعر إش هوة نوع الشعر اللي ممكن يأثر بتوربو ويخليه حبه ؟؟ حاج مبدئيا ...خلي الباقي لوجبة تانية |
|
#45
Mar, 17 2007, 16:17
| |||
| |||
| المشاركة الأصلية بواسطة dr.nour اهلا دكتور نور نورت المقابلة 
سؤالك مو سئيل بالعكس حلو اول ما اجيت متل ما قلت كنت طيب كتير وبسيط وبحسن الظن بكل الناس لانه تربيت بالسعودية على احسان الظن بالناس .. لما اجيت لهون انلدعت كتير...وانضحك علي كتير..بس المهم اني تعلمت (لا يلدغ المؤمن من جحر مرتين) وصرت اتعامل مع الناس بحذر...بعطي الطيبه والاحترام لمن يستاهلها..واللي ما بيستاهل بتعامل معه بحذر او حتى بتجنب الاحتكاك فيه ومتل ما قلت انت انه صار هدوئي وسيلة لامتصاص اساءة الاخرين بحيث انه ما اي حدا بيقدر يخليني اعصب وما بفكر حتى اني انزل لمستواه وأرد عليه...احسن شي الواحد يعرف قيمته وقيمة غيره وعلى هالاساس يتعامل مع الناس وما يحط عقله بعقل واحد عديم الاخلاق او عديم الضمير (وما اكثرهم) بينما تعاملي مع اصدقائي واحبابي هو متل ما هو ما تغير وبالعكس بعد ما شفت اصناف كتيره من الناس صرت اقدّر اصدقائي والناس المحترمين حولي اكتر من قبل. وخلينا شي مره نعمل سباق انت بالمرسيدس تبعتك وانا بالبورش تبعتي مشان تتعلم تمشي وراي تحياتي |
| قال العضو التالي أسمه شكراً لك يا TURBO على هذه المشاركة المفيدة: | ||
|
#47
Mar, 17 2007, 17:28
| |||
| |||
| نو بدي...بلش الجد
هالشخصية متل غيرها الها ميزات وعيوب طبعا بيكون احسن لو احكي...بس ما اكتر حكي لانه ما حلو الكر كتير كمان.. بصراحه هالشغله (قلة الحكي) احيانا بتزعجني وعم بحاول اني اصلحها..بس المسأله بدها وقت ما بتصير بليلة وضحاها. اذا بتعطيني شوية حكي من عندك بصير تمام
بينما لو كنت مع شخص ما بمون عليه كتير..بحاول افهمه انه هدا خطأ بدون ما اظهر اني قاعد عم بنظّر عليه مثلا وبدون ما اجرحه. اما لو كانوا ناس غرباء...بهالحالة بصير مراقب بس
اولا لازم نميز بين شغلتين..الشب السعودي..والشب اللي تربى بالسعودية.. هالمصطلحين ليسوا مترادفين ابدا كتير ناس لما بقلهم انا كنت عايش بالسعودية بيحسبوني صرت سعودي وبلبس سعودي وبحكي سعودي..يا جماعه هالشغله ما الها علاقه ابدا..صح انا عشت فتره طويله هنيك بس هدا ما بيعني اني اصير متلهم تماما. لانه المجتمع اللي كنا عايشين فيه واصدقاءنا اغلبهم من نفس جنسيتنا وعلاقاتنا الاجتماعية بتشبه لحد كبير العلاقات الاجتماعية هون (بقصد مع السوريين بس)...فهنيك بالسعودية بتلاقي كل اقلية متجمعين مع بعض وبيزوروا بعض وفي علاقات بيناتهم اكتر من العلاقات مع المواطنين السعوديين..وبالتالي لسنا من كوكب آخر!! بس نحن عشنا بغير محل وطبيعي تتأثر بعض الامور البسيطة فينا. في نقطة تانيه وهي النظره العامه للشعب السعودي...للاسف النظره الواصلة لهون كتير سيئة وعم تأثر كمان على اللي بيعيشوا هنيك (متلي) يعني الناس بيقولوا:" شوفوا اش عم يصير بالمنتديات الخليجية" يا ترى هالمنتديات هي بتعكس المجتمع؟ بتعكس كل الشباب السعودي؟ اكيد لأ تصوروا مثلا اقول ادخلوا على منتدى الملتقى الطبي السوري حتى تتعرفوا على الشعب السوري...يا ترى كل الشعب السوري مثقف وواعي ومتعلم؟ نحن بنمثل اقلية كتير صغيرة من الشعب نفس الشي بينطبق على المنتديات الخليجية..الصوره الرئيسية اللي آخدينا هون عن الخليج هي عبر منتدياتهم او عبر السياح الي بيجوا على البلد واللي اغلبهم من الشباب المنحرف الصايع. وظلم كبير تحكم على شعب كامل من خلال هالشريحة بس. لذلك بالنسبة للامثلة اللي ذكرتها...مثلا التعامل مع اي بنت..هدا الشي غالبا بيعمموه الشباب هون على الشباب الجايين من الخليج.. وطبعا هيك تصرف (بقصد حب البنت من اول كلمة..كما ذكرت) بيدل على عدم نضوج الشب وعدم وعيه. بس هالشي يا ترى سببه الحياه هنيك؟ ولانه مافي اختلاط؟ بشك بهالشي ما بعتقد انه لازم يكون الواحد حابب 50 مره وبيعرف 100 بنت حتى يصير ناضج..في كتير ناس عندهم علاقات عاطفية كتيره وكلها فاشلة..و عدم استمرارهم بأي علاقه هو اكبر دليل على عدم نضجهم.. لذلك الموضوع ما بيعتمد على هالشغلة بس...وليس كل شب كان عايش بمجتمع محافظ معناها هو ساذج وغير ناضج. اما بالنسبة لموضوع التعصب الديني..هالشغلة كانت كتير ظاهرة من زمان بحيث كان التشدد بكل محل حتى بالمدارس وبيزرعوا بعقول الطلاب من صغرهم بعض الافكار المتطرفه..لكنهم(اي الجهات الرسمية) بدأوا يحسوا بهالخطأ والمصايب اللي جائتهم من وراه..وبالتالي صار في تقليل من هالتعصب بشكل كبير واختزال للمناهج الدينية والحصص الدينية..وتهميش دور "هيئة الامر بالمعروف والنهي عن المنكر" نيجي لأثر هالتغيرات على تربية الشاب..من زمان .. وحتى الجيل الي قبل جيلي..كلهم تأثروا بهالتشدد لكن على درجات متفاوته..منهم الي صار متعصب كتير ومنهم اللي صار عنده ردة فعل قوية وانحراف بالاتجاه المعاكس وفئة قليلة كتير هي اللي كانت بالوسط.. لكن مع بداية التغييرات والتخفيفات صارت الفئة الوسط نسبتها اكتر وخفت نسبة المتطرفين يعني صار في توازن شوي بالمجتمع السعودي. اما بالنسبة للشباب السوريين اللي كانو بالسعودية..واجوا على سوريا..فهنن 3 فئات: 1-فئة كانوا متدينين او متشددين احيانا ولما اجوا على سوريا على مجتمع منفتح اكتر زاد هدا من تدينهم وتشددهم كرد فعل على الانفتاح الزائد. 2- فئة اما كانوا متدينين او كانوا عاديين..ولما اجوا على سوريا وشافوا قدامهم الحرية..انفسدوا وانحرفوا واتبعوا شهواتهم..واكتر عامل بيساعد هو انه الشب غالبا بيكون قاعد لحاله وبعيد عن اهله. 3- فئة قدروا يتكيفوا مع هالتغير واندمجوا بالمجتمع الجديد لكن بدون ما يتنازلوا عن مبادئهم. طبعا تشكل الفئات التلاته السابقه بيعتمد على التربية الاساسية في بيته. والمجتمع اللي كان عايش فيه بالسعودية. هلأ بالنسبة لتأثري بهالشي.. الحمد لله كنت عايش بجو متزن "نسبيا" بحيث انه بالبيت صحيح في رقابة ومتابعه من الاهل لكن بدون تطرف..وبالمدرسه (كنت بمدرسه خاصه) كنت كمان بجو معتدل ومافيه تشدد كتير (متل المدارس الحكومية) لذلك بعتبر حالي كنت معتدل ولما اجيت على سوريا قدرت اتكيف مع الوضع بدون ما تظهر عندي الامور السلبية اللي ذكرناها.و لله الحمد
على مستوى العلاقات: لاحظت انه اغلب العلاقات قائمة على المصالح..انانية الكثير من الطلاب..التكلف الزائد والتمثيل (من كلا الجنسين) - سوء الظن بأي كلمة او علاقه بين شب وبنت.
بس اللي بيسأل متل اسئلتك بالمقابلة ما بعتبره مزعج بالعكس كتير اسئلتك كانت عميقة ومهمة وملغمة غالبا بتعامل مع الاسئلة المحرجة بدبلوماسية..لكن بما انك طلبت من الاول ما اكون دبلوماسي..جاوبتك بشكل صريح
موقف طريف حصل معي...امممم في موقف طريف ومحرج شوي صار معي بالسنة الاولى مع دكتور التشريح العملي د. طوني (الله يذكره بالخير  )كان يومها عندنا مذاكره..وعلى حظي وصلت متأخر عالوقت شي دقيقتين (لانه كان في حادث عالطريق أخرني) المهم الدكتور دخلني عالقاعه وقعدت واذ بتفاجأ اني ما معي ورقه..طلبت ورقه من زميلة كانت وراي..ولبين ما فهمت علي شو بدي وتأكدت انه مافي "نوايا سيئة" وقطعتلي الورقه شافني الدكتور متلفت لورا وهو بده يعطي الاسئلة قام عملّي بهدلة طويله عريضه "انت شكل طالب؟ في طالب بيجي بدون ورقه؟" ومن هالحكي وبالاخير قلعني من القاعه وقالي مافي تقدم مذاكره..انا وقتها قلت اجت من الله..لاني ما كنت دارس وبعرف حالي ما رح اجيب علامه بالمذاكره..المهم طلعت والبسمة على وجهي..وقتها استغربوا الطلاب شلون كل هدا صار وانا عم بضحك. عموما وقتها حطلي صفر..رحت عنده بعد الجلسه واعتذرتله على امل اقدم المذاكرة مع الفئة القادمة لكنه رفض تماما. ..بس يمكن شفق علي بالاخير وعملها 1 آخر الفصل ومن يومها اخدت الفئة فكره عني اني مشاغب وبايعها..مع اني مو هيك.. شكرا نو بدي على اسئلتك..بانتظار الوجبة الدسمة تحياتي |
| قال العضو التالي أسمه شكراً لك يا TURBO على هذه المشاركة المفيدة: | ||
|
#48
Mar, 17 2007, 19:56
| |||
| |||
| المشاركة الأصلية بواسطة Kliopatra وعليكم السلام اهلا وسهلا
سؤالك فضفاض شوي ما خرج احدد بأرقام محدده بس ممكن اعطيكي مجال معين...ومو شرط يطلع المجموع بالاخير 100% الحب: 25-30 % الكآبة: 0-50% السعادة: 0-75% الندم:10-20% الانتقام: 1-2% الثورة: 5-10% التعاطف:50-75% الملل:30% البكاء:5% ما بعرف اذا فهمت السؤال صح تحياتي |
|
#49
Mar, 17 2007, 20:14
| |||
| |||
| flower
كان في بياع سحلب عنده سوزوكي يعدي بالحاره لما كنا صغار وقت ننزل عسوريا بالشتا...كان كتير حباب وكنت اشتري من عنده دائما..هلأ اختفى الزلمة ما بعرف اش صار فيه يمكن توفى..لانه كان كبير شوي.. كمان بحب بياعين البليلة..مع انه بالفتره الاخيره صاروا يبيعوها غالية عندنا (20 ليره) وبارده وبايته احيانا لذلك بطلت اشتري منهم المهم هيك ظاهرة مزعجة شوي..بس كمان الناس بدها تسترزق وتعيش..وفي ناس هدا مصدر رزقهم الوحيد بعدين هيك منبهات فزيولوجية صارت احدى المعالم التراثية والثقافية لمدينة حلب...صعب نتخلى عنها بس الواحد بينزعج اول فتره بعدين بيتمسح
بما اني كنت بمدرسه خاصه..فهدا ريحني من هالنظام..لانه لبس الجلابية بصراحه بده تعود لانه بيقيد الحركه بعض الشئ..خصوصا اذا كملنا الزي بالشماغ والعقال..وقتها لازم يمشي الواحد متل التمثال لا يميل يمين ولا يسار حتى ما يسحل الشماغ... انا جربت البس هاللبس ببعض الحفلات والمناسبات الرسمية اللي كانت تصير بالمدرسه..بس بفضل اللبس العادي
بس عجبني اكتر لبس المدارس الجديد..لانه بدلة الفتوه بتبين الطالب كأنه رايح عالجيش او عالجبهة..وهو مجرد طفل لذلك هاللبس شفته مناسب اكتر..ومتحضر اكتر. بغض النظر عن اللون الازرق الرائع واكيد هاللبس اهون من الجلابية البيضا..بالنسبة النا عالاقل كسوريين (بينما السعودي مثلا ما بيرتاح غير بالجلابية!!) بس فكرة انه يصير اللباس حر متل الجامعه (والمدارس الخاصه) ما بظنها كتير مناسبه..لانه كنت اشوف كتير بمدرستي ملابس مصروعه وعالموضه كتير ما بتليق بالمدرسه..لذلك هيك اضبّ للطلاب واحسن
مع انه الناس بيتفاخروا فيه وما بيقدموه غير الزناكيل ... بس ما تشجعت اجربه
تحياتي |
|
#50
Mar, 17 2007, 20:51
| |||
| |||
يعني ما بدها مواد كتير
شاورما وصندويش بشكل عام من اريزونا سمك وجاج مسحب من القبطان بيتزا من بيت البيتزا حصرا
لكن شغلة الغلاء اللي صارت بالحياة العامة ما بنقدر نلوم فيها العراقيين بشكل كامل..بل هي بسبب طمع وجشع اصحاب العقارات والتجار الكبار..يعني المشكلة فينا نحن للاسف.. صح انه حركة الشراء الشديدة التي جرت قد تؤدي بشكل طبيعي لارتفاع اسعار العقارات..بس مو بهالشكل الفظيع والخيالي!! وهدا سببه طبعا اصحاب العقارات الطامعين بأموال العراقيين.. لذلك للاسف اغلب مواطننينا لا يحبون وطنهم..ويسعون في خرابه في سبيل مصالحهم الشخصية حب الوطن ليس شعارات نرددها بالشوارع وبالتلفزيون..حب الوطن بيتجلى بهيك مواقف... تحياتي |
| قال العضو التالي أسمه شكراً لك يا TURBO على هذه المشاركة المفيدة: | ||
