الأسرع .. والأطول ... !!!
يدور هذا النقاش حول الأسرع .. والأطول ... !!! في قسم لقاءات في الملتقى الطبي السوري; السلام عليكم حزورة ؟ أسرع وأطول ؟ ما عرفتوا ؟!! تيب وألطف وأجنتل وأحلى شب بالكلية "عندكون" ؟ وكمان أكتر واحد بيشرب ؟؟ بيشرب بيبسي ممممممممممممممممم ............ ؟ طيب وهي
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| | LinkBack | أدوات الموضوع |
Mar, 15 2007, 21:11
| |||
| |||
 الأسرع .. والأطول ... !!! السلام عليكم حزورة ؟  أسرع وأطول ؟ ما عرفتوا ؟!!  تيب وألطف وأجنتل وأحلى شب بالكلية "عندكون" ؟  وكمان أكتر واحد بيشرب  ؟؟ بيشرب بيبسي ممممممممممممممممم ............ ؟ طيب وهي ما بتذكركون بشي ؟  أهااااااا هلئ عرفتووووووووووووه .. طبعا توربو ....... تفضل زميلنا العزيز عرف عن نفسك .. الكل ناطرين من زمان والقاعة مليانة يا عم. المايك عندك  |
|
#51
Mar, 17 2007, 22:25
| |||
| |||
| ما بعرف إذا كلمات متل شكرًا أو ألله يعطيك العافية بتكفي .. بس عمومًا .. الله يجزيك الخير .. ويزيدك من خيراته .. هلئ صار فيك تحتل منصب المتحدّث باسم الGulf United بكل جدارة .. أحلى توربو .. طيب .. سؤال .. بيجيك إحساس .. ولو أحيانًا .. أنك يوم بعد يوم عم تتغيّر .. أنو قلبك لما كنت بالسعودية كان ناصع البياض .. بس يومًا مع يوم .. الشعب السوري عم يزدلك عدد النقاط السودا عليه ..؟؟ شو رأيك بالمثل القائل "إن لم تكن ذئبًا أكلتك الذاب" .. ؟ برأيك هل ضروري نصير ذئاب لحتى نقدر نتأقلم مع شعبنا اللي هون .. ؟؟ وإذا بإمكانك تعددلي بعض أهم النقاط بين الشعبين .. السوري والسعودي .. ؟ (ما بدي إياك تحكيلي عن الشعب الملتزم اللي قلبو طيّب .. بدي إياك تحكي عمومًا .. عن عموم شعبنا السوري .. والشعب السعودي .. ) تحياتي لأحلى توربو .. والسلام عليكم |
|
#52
Mar, 17 2007, 23:06
| |||
| |||
| توربو على سيرة :
.. طبعاً من منطلق "الإنسان كائن حيواني" وهو مصطلح فلسفي بحت (لا حدا يفكرني بحكي عن نظرية التطور) !!!شلونك مع الحيوانات وإذا فرضنا أن نظرية التقمص صحيحة بقلب أي كائن حي (بكلمة أخرى - حيوان - حشرة - زواحف - طير) بتحب تسكن روحك ؟ الحيوان بالتحديد شو هو ؟شو رأيك بديبو ؟  والسلام (عم تتأخر علينا !!) |
|
#53
Mar, 17 2007, 23:13
| |||
| |||
| كيفك توربو ما شاء الله ملحق تمام _اي انواع الادب اللي بتفضلا الشعر ,القصة, خاطرة ,الرواية,النثر ,او؟؟؟ _لما دخل النت بحياتنا وانتشر بكل مكان كترت المنتديات بالتالي كترت الاقلام واليد الكاتبة شو رايك بهالكم الهائل اللي بينطرح كمشاركات بالمنتديات هل عمينقص من قدر الادب عاعتبار اكترون من الهواة ((اللي ما بيعتمدو قواعد (من صرف واملاء واوزان ....الخ) واحيانا بلا فكرة وهدف مجرد فشة خلئ)) _هل بتطلع على كل جديد ادبيا وشو اسم اخر كتاب ادبي قريانو ولمين وشو استفدت منو ؟ _شو رايك بالشاعر محمود درويش وليه بتفضلو والمميز اللي بتلاقيه باسلوبو (((هاد تخمين من عندي انك بتفضلو )))؟ _بهالمنتدى لمين بتقرا بقسم هديل الروح وبرايك خرج ينعطى لقب سيد (ة)القلم المبدع ؟ _جربت مرة تكتب شي ؟اذا ايه ليه ما بتنشرو حتى بصفحتك الخاصة ما منقرالك شي ؟ قبل ما تجاوب عالاسئلة سؤال مهم بتحب القراءة  ؟وبالمناسبة شو هي هواياتك ؟ اسئلتي لسع ما انتهو |
|
#54
Mar, 17 2007, 23:27
| |||
| |||
| المشاركة الأصلية بواسطة Kliopatra جائزة نوبل....هي كانت بس هيك سحبة بالخيال بس فعليا ما كتير بحب اكون بهالشهرة والاضواء
بس بتمنى اني اعمل شغلة افيد فيها البشرية...مو بس اعيش واموت كأي انسان عادي...وما لازم اخد نوبل خليني انشهر بعد ما اموت متل معظم هالعلماء والعظماء تحياتي |
|
#55
Mar, 17 2007, 23:39
| |||
| |||
على هالحالة .. ترقياتك رح تكتر .. أحلى توربو .. سلام |
|
#56
Mar, 17 2007, 23:44
| |||
| |||
|
|
#57
Mar, 17 2007, 23:51
| |||
| |||
يمكن الشغلة بالمرتبه الاولى مراء..يعني الاشخاص اللي الهم مراء بالانترنت والمنتديات هنن المبلطين بينما الاشخاص الي اشتركوا بالمنتدى لما كان ظاهرة جديده على حياتهم اكيد رح يملوا منه بعد فتره ويرجعوا لحياتهم الطبيعية.. وفي ناس انشغلوا بالحياة العملية متل زملاءنا بالسادس واللي تخرجوا واكيد ما ضل وقت كتير متل قبل للقعدة عالنت بالنسبة الي الانترنت هو جزء من نظامي اليومي وقعدتي على الانترنت بتشمل المشاركة بكتير منتديات عربية لكن اغلب وقتي مخصصه للملتقى.. بالنسبة للشي اللي معلقنا فيه..والله ما بعرف...يمكن شنكول ساحرنا مثلا!!  مع انه عدت فترات كان المنتدى فيها راكد (وهي اللي طفشت معظم الاعضاء) بس نحن ضلينا مدبقين...بقى الله يعين الاعضاء علينا..
لكل طريق في ميزات وعيوب..مثلا باميركا صعب يصحلي اختصاص جراحي، اذا ما كان مستحيل بينما بألمانيا هالشي ممكن اكتر بالمقابل بألمانيا مافي مستقبل واضح بعد انهاء الاختصاص..وغالبا بتقلع على بلدي بينما بأميركا في امكانية اني احصل على عقد عمل واشتغل هنيك... كمان اهم نقطة بتخوف بألمانيا انها تتبع سياسة بريطانيا بالنسبة للاختصاص... يعني مستقبل مظلم بصراحه ومن هلأ لأتخرج ما بعرف اش ممكن يصير بس الواحد بيشتغل على اساس المعلومات اللي عنده...وان شاء الله رح استخير الله وهو رح يقدملي اللي فيه الخير
انا لما ذكرت المثل الاول عن الام بي سي كنت عم بمزح بس مو هدا مبدأي بالحياه..بالعكس انا بعتقد انه كلشي حقه فيه ...يعني لما بحتار بين شغلتين متشابهتين كتير..والفرق هو بالسعر بختار اللي سعرها اعلى على اساس تكون اضمن...مو دائما بتزبط معي بس غالبا بتزبط.
اذا الواحد عنده طموح كافي فما في شي ممكن يوقفه او يمنعه عن هدفه ومتل ما قال الشاعر...الواحد ميت وميت ليش ما يموت بسبيل شي محرز؟ ليش ما يترك بصمة بهالحياة؟ ليش ليموت متل القطط ويبكوا عليه اولاده واهله 3 ايام بعدين ينسوه؟؟
مثلا الشعر الجاهلي...مستحيل اقرأه لانه كل بيت بدي اعيده 5 مرات حتى افهمه بينما بقرأ للشعراء المعاصرين متل احمد شوقي ومحمود درويش وعمر ابو ريشه ودكتور موهي  كمان بحب قصائد الامام الشافعي..بحسها بتريح القلب وفيها حكم رائعه اذا انتهجها الانسان بحياته بيرتاح كتير -------------- بيكفي هيك لليوم..نعست ببقى بكمل بكره ان شاء الله... تصبحوا على خييييييييير تحياتي |
|
#58
Mar, 18 2007, 03:27
| |||
| |||
طيب على سيرة الفكاهة بتصنف حالك شخص فكاهي ...بتحب تكون شخص فكاهي ...شو رأيك بالشخص الفكاهي سؤال تاني كيف ينظر توربو كطالب سنة تالتة الى طالب السنة الاولى ... السنة الخامسة ...السنة السادسة ....طالب الدراسات طبعا نظرتك الهم بغض النظر عن الاشخاص اللي بتعرفهم بهي السنوات .... شوف اديش انا حباب واسئلتي خفيفة ونظيفة .... على سيرة الحباب برأيك د. نور حباب شي ؟؟؟ طيب شو هوانطباعك الشخصي عن د.نور وشو هو اكتر شي لفت نظرك الى د.نور ( من سلبياته ومن ايجابياته هاد اذا كان في ) هدول اللي خطروا ع بالي هلأ وان شاء الله النا رجعة ...... |
|
#59
Mar, 18 2007, 16:16
| |||
| |||
| كليوبترا..وراي عالدعسة المشاركة الأصلية بواسطة Kliopatra مثال....اممممم
يعني كتير حالات صارتلي مع البياعين متل ما بتعرفي البياعين عندنا -خصوصا بحلب- كتييييييييير ضميرهم صاحي للاسف البياع بيستنى اي فرصه لحتى ينهش اللي فيه النصيب من الزبون...حتى لو كانت 5 ليرات بس كمان انلدعت من كتير ناس كنت احسبهم اصدقاء كنت اتعامل معهم بطيبة واحترام ومحبة وهنن بالبداية مبينين انهم كويسين بس بعدين بين العكس...كمان هدا من المواقف اللي بتقهر بس الحمد لله من كتر ما عدا علي هيك اشكال خلال فتره قصيره صار عندي خبره بالناس وممكن اميز المنيح من العاطل تحياتي --------------
 ...شكرا على اطراءك...بس والله هالمنصب كبير شوي....بعدين لازم ناخد موافقة الزعيم ابو صالح
اول شي خليني اوضح اني لست محامي دفاع عن السعودية والخليج لاني عشت هنيك...بس عم بقول الي بيمليه علي ضميري.. الشعوب الخليجية بشكل عام والسعودي بشكل خاص شعب متله متل غيره اله ميزات واله عيوب وهالشعوب بشكل عام هي شعوب قبلية أو بدوية وبتلاقي فيهم الصفات العربية الاصيلة متل الكرم والشجاعة والطيبة والصفات اللي بنعرفها كلنا بأجدادنا العرب... وتركيبة مجتمعهم لازالت محافظة جزئيا على هذه الصفات... لذلك اغلب اللي تربوا هنيك تربوا على هالاخلاق والصفات...واللي اهمها طيبة القلب وحب الخير للآخرين ولما اجيت لهون...كان تعاملي واخلاقي كتير شاذ ونادر يتواجد بهالبلد...وكتير ناس نصحوني ابطل طيبة القلب بالاول ما كنت ارد..بس بعدين متل ما قلت قبل شفت كتير وعديت بكتير تجارب خلتني اكون اكثر حذر وتغيرت الطيبة اللي عندي إلى شك وسوء ظن بأغلب الناس...طبعا ما عدا الناس اللي بعرفهم كويسين. يعني باختصار فعلا متل ما قلت يوم بعد يوم عم تزيد النقط السودا...هون في كتير امراض اجتماعية وحسد وحقد وضغينة حتى بين الجار وجاره...والصديق وصديقه...هالامراض الاجتماعية لا بد انها تترك اثرها علي. طبعا انا ما بنفي انه في امراض اجتماعية بالخليج..هنيك كمان في بس بشكل اقل..وغير نوع من الامراض الاجتماعية..يمكن اغلب امراضهم ناتجة عن الكبت وهالامور...بس بمجتمعنا السوري الوضع كتير مأساوي. بالنسبة لمقولة ان لم تكن ذئبا اكلتك الذئاب...هي صحيحة لما بتكون عايش بالغابة...او ببلد متل الغابة..ما فيه لا قانون ولا شرع ولا ضمير بيحكم الناس اللي فيه...حتى القضاء فاسد...فهل تترجى خير؟؟؟ فلازم تنزل حالك شوي وتصير ذئب لحتى تعيش...عالاقل تدافع عن حقك ومو لازم تصير متلهم وتعتدي على غيرك بتمنى تكون اجابتي وافية وما ينفهم حكيي غلط...انا عم بحكي من تجربتي فقط تحياتي |
|
#60
Mar, 18 2007, 16:27
| |||
| |||
| المشاركة الأصلية بواسطة Kliopatra والله يا كليو ما كتير بفهم بالفلسفة ولا بحبها...
بس بالنسبة لمقولة :إن لم تكن ذئباً فأنت حيوان آخر فهدا الحيوان الآخر أكيد رح يكون خاروف لانه بيتخورف من قبل الذئاب (طبعا في مجتمع الغاب الذي نعيش فيه)انا بحب الحيوانات..من وقت كنت صغير كنت بربي قطط (قطط شوارع) ودائما قطط الحارة كلهم متسلطين عالبيت لانه بطعميهم كمان ربيت عصافير من زمان..وارانب..وسلاحف..وصيصان (على فكره بيقولولي اهلي اني كنت اخنق الصيصان لما كنت صغير...بس ما بتذكر هالشي ) بالنسبة للحيوان اللي بحب تسكنه روحي...اذا حكينا عالشكل اكيد الزرافه  بس اذا حكينا عالروح...بقول الصقر بالنسبة لديبو...ولي ما بسترجي احكي عليه...مافي منه ديبو تحياتي |
| قال العضو التالي أسمه شكراً لك يا TURBO على هذه المشاركة المفيدة: | ||
