سألناهم عنه فقالوا ...

شو قالوا؟

نوبدي...

والله ماني عرفان شو اكتب...مزبوط هو اسمو noboby...بس انا بحسو allbody...

ماشا الله عليه... بيجمع الشب الحرك.. والدكتور الشاطر...والشخصية الحلوة... ومابعرف شو كمان..

المهم الزلمة حباب... وعين الله حولو وحواليه...

وان شا الله بعد كل هالحكي.. يكون فهم شو بدي منو....(هالايام ..متل مابتعرفو... ماعاد في شي ببلاش..!!)

على كل ..بدي ارجع وشارك بالموضوع... بمشاركة لحالا...

هي عبارة عن مقدمة بايخة.. مشان حاول زيد مشاركاتي..

ولنا عودة...

(شنكول.. اذا نويت تحط المشاركات بالالوان... فيرجى وضع مشاركتي باللون الازرق تبع التشات...0000ff... عرفتو؟ مشان مايتغير علي الجو..)

وشكرا...

NOBODYصاحب الأيادي البيضاء بهالمنتدى
أول شي بقول :
-ما شاء الله لا قوة الا بالله(الله يحميك يا NOBODY) سبحان الله
تاني شي :
شكرا كتييييييييييييييييييييير لك NOBODY على كل المواضيع الحلوة يلي بتنزلها,الحقيقية كل مواضيعك حلوة ومفيدة ,بس يلي يلفت نظري أكتر شي هو مواضيع STEPSوالتي لا تدل على تفوق وخبرة واجتهاد فحسب وإنما تدل على نفس صافية وقلب أبيض يحب الخير للجميع وهذا أمر قليل الوجود هذه الأيام .
موضوع فحص الجهاز التنفسي كمان شغلة كبيرة وبالنسبة لي دعيتلك على هالموضوع الحلو و ملف المريض التنفسي لا أحلى ولاأرتب من هيك
.
أما موضوع الشخصيات صار مسلسلي المفضل :كل ما فتحت الموقع بروح فورا عالطب النفسي لشوف الشخصية الجديدة .

وبنظريNOBODY انسان محترم جدا جدا جدا عندو حس عال جدا بالمسؤولية تجاه كل من يحيط به وأتمنى له من كل قلبي أحلى مستقبل وأحلى حياة .

في يوم ...... في شهر ................... في سنة ......وكان يا ما كان بقديم الزمان كان في شب عايش و عين الله عليه و ما ناقصه شي كان اسمو BODY
عايش ليزرع الخير و يلمم أوصال الشعوب و ذاع صيته في أنحاء البلاد فكاد عليه الاشرار مكيدة و راحوا يحيكون المؤامرات ضده و عملوا على معرفة تركيبه النووي , قدرته المناعية و صنعوا antibody(Ab) حساسيته و نوعيته 100%

و لكنه أطلق راداراته و أقماره الصناعية التي تأتي بالمعلومات من بعد أميال و عرف هذه المكيدة و قام و بسرعة صاروخية بتغيير تركيبه الوراثي من BODY TO NOBODY و هكذا باءت خطط الاشرار بالفشل و عاش نوبدي بسبات و تبات بس لسه ما خلف صبيان و بنات


نوبدي أيها البطل العظيم من منتدانا و من قمرنا الصناعي المتواضع نوجه لك كل التقدير
لأنك بطل من هذا الزمان



و بدنا نسميك عريس المجد
و لك هذه الابيات


يا عريس المجد تيه و اسحب ..............في منتدانا ذيول الشهب




هلآ سمايلي معو سيف النصر
فلتتفضل بتسلمه




أعمال نوبدي
1 انشاء صروح علم جديدة في المنتدى
2عمل على ردم الهوة و التباعد بين الافكار و الثقافات
3طرح أفكار نيرة جديدة بين الحين و الآخر
4لملم الشمل
5 تصدر المركز الاول في ماراتون المنتدى الخماسي
6 أنار درب الاعضاء في كثير من الحقب


نوبدي ستار المنتدى
GO ON

هلق .... صمنا صمنا صمنا... لحتى نفطر على نوبدي؟؟؟؟يعني عنجد نقيتو نوبدي؟؟؟!!! لك مين هاد نو بدي؟؟؟ لك من وين لوين لحتى يكنلو هالأهمية كلها هون؟؟؟ شه....


يعني إنسان مهمش... سطحي.. عايش هالحباة رفع عتب... عالهلة.... مو مهتم بشي ..وما يبفهم بشي طاول.... لك إذا جربت تسألو سؤال عام ..بيقلب وجو... إذا استقربت و سألتو سؤال طبي باعتبارو هوه عم يدرس طب.... بتندم على هاديك اللحظة يللي سألتو فيها... لأ و أنا بدي إفهم.. لك كيف فات طب... ما عم بفهم... لك و و يللي فوتو طب كمان ما عم إفهم... يعني إذا بيدرس فهوه بيدرس رفع عتب.... ويا ريت بيطلع معو شي.... هادا أكيد أكيد أكيد... اتفركش و فات بالطب بالغلط...

هلق كلو كوم... ووقت بتطلب منو شي مساعدة كوم تاني...الله لا يريك..... لك بيلف و يدور و يلف و يدور... وبياخدك و بيجيبك مية مرة... وما بتقدر تحصل منو قشة.... يعني إذا بتغرقو مشاركات و رسايل خاصة... تطلب فيها يرد عليك... عبث....


لاء.... مو بس هيك........ لك قد ما بقلك غبي..... لك أكتر.... يعني الشغلة لازم تطعميه ياها بالملعقة... ولسا بيسألك شو المعنى؟؟؟ لك شي بيفقع....

وبعدين إنسان كسول...نفسية جئرة... مشكلجي....متكبر.... كريه... العالم بتطفش منو طفش... لك حتى رفقاتو يللي بيضل لازق فيهون... متبرايين منو.... أصلاً كيف ما بدون يتبروا إذا كان هوه مرافقون بالاسم... يعني بوجون شي.. وبضهرون شي تاني... لك الله يعينكون عليه... خصوصي... سبسوب و شنكول و موخا و زاهر.... الله يكون بعونكون...

على فكرة.... أنا كتير ندمانة إني بيوم من الإيام اتعرفت على هالشخصية التافهة(خخخخخخ) يعني الله ما كان جاب البلا.... مو معقول... مو معقول.... من أسوأ أسوأ أسوأ الأشخاص يللي بعرفون.... لك صعب عدد الطباع السيئة يللي فيه... حرام... يعني إذا بكون حكيت عن شغلة.. بكون ظلمت شغلة تانية... لك أصلاً سيئاتو ما بتنعد....

ونصيحة.... نو بدي.... إصحاك تنكت.... إذا حدا قلك إنو نكتك حلوة فهوه أكيد عم يجاملك... يعني ما كتير تصدق حالك...إيوااااااااااا


بعدين.... أنا ليش عم إكتب هون.... أنا هالشخص بنوب ما بيعنيلي... بس يللا.... إجت الفرصة لعنا إنو نفرجيه إنو شخص لا يطاق.. ومنرفضا؟؟؟ أكيد ما بعملا...... خلليه يفهم بقا.. (خخخخخخ)

ملاحظة مهمة أكثر: إذا نو بدي عرف .. أنا بعرف مين بكون قله

هعهعهعهعهعهعهعهعهعهعهع

نطقتي جواهر يا طرطوسية .. أصدق كلام قرأته في حياتي

عصرت سنين العمر أجملها .. فلم أجد أكمل من هذا الكلام ...

شو بدي أقول لأقول عنك.. يا ... ماحدا... يعني بصراحة الاجتماعات صارت ناقصة حدا وقت إللي ما حدا بطل يجي عليها... وأنا كل إللي شفتك فيو كان تلت أو أربع مرات.. بس عن جد أنا حبيتك... يعني عجبني فيك خفة دمك.. وابتسامتك إللي ما بتفارق وجهك.. يعني القعدة معك ... عن جد بتبسط... بيضل الواحد عم يضحك طول ما هو قاعد معك... وهادا عدا عن قوتك وما شالله في الناحية العلمية... من كل قلبي... الله يوفقك ويخليلنا ياك صديق شخصي... وعضو فعال بهالمنتدى ... وإن شالله منشوفك دكتور... ومو حي الله دكتور... ببساطة أنا متوقع شوفك بعد كم سنة.. دكتور فلتة.... أخوك وصديقك... المخلص دوماً محمد...

السلام عليكم ورحمة الله وبركاته..

منذ زمن بعيد وأنا أنتظر هذا الموضوع، منذ زمن وأنا أحب أن نقدم لأخي وعزيزي نوبدي بطاقة شكر وثناء على جهوده الرائعة في المنتدى..

نوبدي.. شخص تعرفتُ عليه من خلال المنتدى، كنتُ أحترم طروحاته وتعجبني شخصيته وطريقة تفكيره دون أن أحتك به مباشرة، حتى انضممتُ إلى فريق الموقع وتعرفتُ عليه شخصياً، فأحببتـُه محبة صادقة لا أزال أكنها له..

تعرفتُ على شخص مليء بالحيوية والنشاط، محب للثقافة والقراءة، متابع بصبر وهمة كل جديد في المنتدى، يطرح رأيه الصريح دون مجاملة بشكل قد يجرح البعض في البداية لكنه يريح كثيراً في التعامل لأنه لا يجامل أبداً، وإن قال عن شيء بأنه جميل، فهو جميل في رأيه فعلاً..

نوبدي شخص طيب القلب، اجتماعي منفتح على الآخرين..

نوبدي من أكثر أعضاء الموقع حرصاً على تطويره وتحسينه والعمل من أجله، لم أرَ عضواً مثله يقرأ كل المواضيع العلمية وغير العلمية ويطرح رأيه ويناقشها.

لا أعرف ماذا أكتب عنه أكثر من هذه الكلمات، فهو يستحق الكثير غيرها، ويعلم الله أني لم أجامل في كلامي عنه ولم أصفه إلا بما أراه فعلا ً فيه..

أتمنى فعلا ً له مستقبلا ً مشرقاً زاهراً مكللا ً بالنجاح في الحياة العلمية والعملية.. وأسأل الله تعالى أن يوفقه في سنته الأخيرة في الكلية وفي الاختصاص الذي يحبه بعدها وفي تحقيق كل طموحاته وآماله عاجلا ً..

وأرجو أن يبقى عضو فريق الموقع الراحل نوبدي أخاً لي وصديقاً عزيزاً تجمعنا الأيام دوماً على المحبة والمودة..

والسلام عليكم ورحمة الله وبركاته..

عبد الحليم غريب

المشاركة الأصلية بواسطة Ghareeb

عضو فريق الموقع الراحل نوبدي

هو مات!

الله يرحمه

مرحبا

أكبر غلط باسم نوبودي أنه ما بيعبر عن صاحبه و بستغرب كتير من هل اسم , كيف مسمي حاله بالمنتدى ماحدا و هو فعلاً حدا

أغنى المنتدى كتير , و فيني أقول أنه في مرحلة المنتدى قبل ( ماحدا )و مرحلة المنتدى بعد ( ما حدا )
دخل بحماس و نشاط كتير كبيرين , و راسه مليان افكار جديدة , بس مو هون الشي المهم , المهم انه عمل على تنفيذ أفكاره و بذل كل وقته عليها بتفاني كتير كبير , و بعتبر هاي صفة كتير مهمة لطبيب بينحسد عليها

يمكن عل واقع مابعرف شخصية نوبودي , بس بالمنتدى ما بتخفى شخصيته المرحة و حبه للتنكيت ,و اكيد كتير منكم أكل يلي فيه النصيب منه فعطى جو كتير حلو بالمنتدى بأسلوبه الخاص ( بس ما أكون عم أنفهم بشكل غريب و خاطئ تماماً ) طبعاً صارت جملتي الشهيرة بسببه

كمان ما بيخفى علينا ثقافته الواسعة و معلوماته الطبية القوية

مارح أحكي كتير رح اترك القريبين يحكوا
بس رح أقول بتمناله كل التوفيق


عمتو أيلوني

أعتقد انه من الصعب التحدث عن شخصية مميزه مثل "NoBody" في عدة اسطر...لكن سأحاول...
نوبدي من اكثر الشخصيات المميزه التي تعرفت عليها عن طريق المنتدى...فهو يجمع العديد من الصفات التي قلّما تجتمع في الشباب هذه الأيام..
فهو من جهة مزوح، شببلك، رفقته مسلية، وجلسته لا تمل. ومن جهة أخرى تجده وقت الجد جادا حازما..ثقافته واسعه، وحجته قوية في النقاشات، غالبا ما ينهي النقاش لصالحه.
كما أنه مبدع بالفعل...ابتكر العديد من الافكار الجديدة في المنتدى، ودائما لديه المزيد من الافكار.
يعجبني فيه ذوقه، فهو يفهم الذي يتحدث معه ويشعر به، ويعرف تماما متى يتوقف عن المزاح أو غيره.
كثيرا ما يكون "نوبدي" غامضاً...وفي هذه الحالة لا يوجد حل الا ان تكون ذكي مثله لكي تفهم قصده.
وكل من يعرف "نوبدي" يلاحظ انه ذكي و"يفهمها على الطاير". لكنه احيانا يفسر كلام الذي امامه زياده عن اللزوم وقد يسيئ الظن به.
أرى انه من الطلاب القليلين الذين يحبون مهنتهم..فهو يتعمق بالطب ويحب فهم كل شئ بخلاف معظم طلاب الطب المعروفين بالبصم. وأتوقع له مستقبل ناجح جدا وأتوقع ان يتحفنا ببعض الابتكارات او الاختراعات في مجاله.
اتمنى له كل التوفيق والنجاح....لأن من يزرع يحصد...ومن يتعب يجد ثمرة تعبه في النهاية..
وتشرفت بمعرفتك يا "نوبدي"
تحياتي
TURBO...أو أحمد