سألناهم عنه فقالوا ...

شو قالوا؟

السلام عليكم

أولاً، أحب أن أفتخر بأنني أول من "أقول عنك" أخي نوبدي
بحب قول كتير .. بس ما كل الأفكار ممكن تصير كلمات لذلك رح حاول رتب يلي بقدر منها
نوبدي ..... رقيق متل الوردة ، طيّوب متل الربيع بسهل الغاب ، جدّي .. نشيط .. حنون .. خدوم
أكتر الشي بيميزه انه راقي باختياراته .. الفن .. اللبس .. المواضيع يلي بيقراها .. الكلمات !!
حتى الوقت معو بيمر بطريقة مميزة ... !!!
وعهالسيرة انا مدينة الك بكتير إشيا !!
وبحب قلك ميرسي كتير كتير كتير ....... لأنك كنت موجود ...... وهلئ موجود ....... وان شاء الله بتضل
آخر الشي (هون بس بهالموضوع) بتمنالك كل الخير والصحة والنجاح ... وخليك هيك دايما مبدع ومميز

جاس ..

نوبدي....

الأخ العزيز عبدالقادر........

أش نحكي عنو يعني......ماراح أحكي عنو ولا كلمة....

هدا الزلمة أكبر من أنو كلمات تحكي عنو....

بس راح أقول شغلة......لو كان في منو تنين بهالكلية..........يمكن كان راح تخف الظلمة الحالكة اللي بهالكلية...

أنا بحسد رفقاتو اللي بيعرفوه من زمان.......أي نعم بحسدهون......هالنوعية من الاشخاص قطع نادر ......والله فكرت مرة أكتب موضوع فيه أقتباسات من أقوال نوبدي اللي بحبها وحاططها عندي بملف على سطح المكتب...
بس قلت ماراح أعملها مشان لايحسب حدا أنو أنا بمسح جوخ......

وبس..

نو بدي من زينة الشّباب
يمكن ما بينذكر اسم المنتدى إلا ما بيتبادر للذّهن فوراً أسماء لامعة واسمو بالمقدمة
ما بتقن الحكي كتير ولا تنميق الحروف ولا المدح زيادة لذلك ما رح زيد شي إلا احكي عن
الانطباع اللي تاركو لشخصيتو اللي بتتمتع بمزيج فريد من علم وخلق وروح مرحة وطريقة حوار
منفتحة وقادرة على استيعاب ثقافة الغير,من الشخصيات اللي بتترك الأثر الطيب والتفاؤل بوجودها .

تمنياتي كل التوفيق وسعي دائم للافضل وتحقيق الأهداف واكتر رضا من الله...

مممممممم

شو بدي أول

احم احم

والله نو بدي شب كويس وحباب و ألبه طيب وفهيم و ما بحب يغلط مع حدا

والله يجزي الخير عبّا المنتدى بالمواضيع المفيدة والمشاراكات المتميزة ... الله يديمه لحلب ...

من كل ألبي ...

سلام

نو بدي ...
شو أحكي عنك؟
صحيح معرفتي فيك قليلة، لكن مع هيك ما خفي علي انك صاحب شخصية موهوبة..
شخصيتك قوية .. وثقتك بنفسك قوية كمان..
درّيس .. وصاحب خبرة بالكمبيوتر لا بأس بها (ما بنسى مقلب مسابقة التشفير (; )

بصراحة مابعرف الكتير عنك، لكنك بعرف إنك إنسان متميز بكل معنى الكلمة..

باقيلي خمس دقايق لاحكي فيهن عن نو بدي...
ما بعرفو كتير كتير منيح..بس بعرف انو مساعد....كان عم يحاول يساعدني بتنزيل المعجم الطبي كتييير ...و ما يأس مني
و شو كمان...مبين انو آدمي و محبوب...و على الاغلب مزوق..ما بيفرض حالو بس بنفس الوقت مانو نفسية...
من الاعضاء الكيسين "كويسين" البارزين هون بالمنتدى...
و يمكن هاد كل شي...

قالوا عن نوبدي؟؟؟

هم قالوا لكن أنا هل يحق لي أن أقول..

هم عبروا لكن من أنا لأعبر...

يمكن أن يشفع حبي الأخوي وإعجابي الشديد المنبعث من صميم هذا القلب الصغير لي ويرفعني لمرتبة تسمح لي بالكلام عن من عن نوبدي وبلا ألقاب لأن نوبدي اكبر من كل الحروف اكبر من كل الكلمات فكيف الألقاب...

ترددت بالكتابة لأني جديد نسبيا وربما تقول مداهن _ متملق مكولك بياع كلام_بس بجد منذ أن عدت للمشاركة بالمنتدى لا أحجم أبدا عن قراءة أي موضوع تشرف باسم نوبدي...بالسريريات ما شاء الله...بالترفيه يخذي العين حشيش على كيفك ...بهديل الروح طلات حلوة...بالاجتماعيات منور...بالدينيات قريتلك مرة رد على احدهم وعجبتني وهي المشاركة الوحيدة الي قريتها...

أنا ما بعرف نوبدي بالحقيقة بعرفوا بعالم النت من ورا شاشة كمبيوترو وشاشة كمبيوتري ما بعرف اذا هدول الشاشتين شفافتين تماما ام تسودهم بعض الشوائب تحجب بعض النقاط تجعل من الصعب رؤيتهم بعيوني الحسيرة...

كلامي كلو عنك من ورا الشاشة اكيد ما منحسن نحكم على شخص عن بعد بس منحسن نشكل رأي ولو بسيط وما منحسن نتجاهل الانطباع الي رح يتركوا الشخص عنا بالفكر وما بعرف اذا بالروح كمان...

من ورا شاشتي الي سمحتلي اشوف شب يحب التعلم مجد مفعم بالنشاط يحب الظهور(قد تحمل جانبا سلبيا)كلامه دقيق يفكر ثم يرد لا يتسرع يحب اضافة جو من المرح وطرح المعلومات مع بعض التسلية يعني ما هو مقرح كتير متل بعض الشباب عنا بالكلية نماذج او تماثيل او ايقونات -متل ما بيقول سنفور- يستمد القرح منهم معناه ويجدد حيويته بهم ومن خلالهم...شو بدنا منون منرجع لنوبدي كلامي عنك قاصر ما حكينا على التشات ولا مرة يمكن بس مرة على مسلسل اهل الغرام وما كملنا الكلام يمكن بالايام الجاية اشوف جوانب تانية من شخصية نوبدي ما بعرفها بس ان شاء الله تكون متل الجوانب الي شايفها هلأ كلها منورة والله يخليك للماما وللبابا ولكنتي عاهوما...

وبالأخير

السمايلات الي عندك ما حلوين كتير ما حبيتهون يعني غير ابون طالعين لأمون ...وشو حبب المضروب ابني ببنتك عاهوما ما فهمت يمكن بس لأنك ابوها الله يصلحوا ...(عم بمزح ولادك حلوين وخصوصي التوم ماعدت اذكر اسمون لسع نفسيتون حامضة؟؟) ويا ريت تتركلي اليسا بحالها والتفت لمراجعك وامتحاناتك...



بالنهاية وبالمختصر نوبدي بكل رد ببعتلك وردة وما هي هيك تملق ابدا وردة من اخ صغير لأخ كبير عم بتعلم منو كتير وشكرا ودامت لك الصحة والعافية والهمك الرشد والسداد...

السلام عليكم ....

سالم

السلام عليكم

حلوة كتير هالفكرة
نوبدي .......شو بدنا نكتب عن نوبدي؟؟؟؟
بالنسبة الي بداية معرفتي بنوبدي كانت عن طريق المنتدى.. وضليت فترة بعرفو من خلال مشاركاتو بس ..بالبداية كان نشاطو متواضع وما قدرت كون عنه انطباع معين وشوي شوي صار انشط ولاحظت فيه سرعة التطور والثقافة الجيدة
فيما بعد سنحت الفرصة انو اتعرف عليه شخصيا ولمست فيه الشاب الطموح ...الاجتماعي نوعا ما مع بعض التحفظ بطريقة تعكس بعد افق وحكمة وروية في التفكير بالمواقف .....مرح وبحب الفرفشة كتير ....جريء الى حد كبير في طرح افكاره ..الثقة بالنفس عالية ....ودبلوماسي ..طريقه وهدفه واضحين قدامه وع بيشتغل عليهم منيح ..جدير بتحمل المسؤولية ..هاد الشي كونته من خلال العلاقة اللي بتربطني فيه ولا زال هناك الكثير لأعرفه عن نوبدي في الايام القادمة ان شاء الله

بتمناله التوفيق والنجاح والسعادة بحياتو ........

د.نور

نوبدي !!! كتير نشيط!! وما بيستسلم!! رغم كل العقبات!! اذا حط ببالو مشروع بكمل للأخير!! وكمان خدوم, يعني ما بيحتكر أي فائدة ممكن يقدمها لحدا.. و عندو اهتمام كبير باللهجات.. الطرطوسية و الحمصية و كل أنواع اللهجات!! حتى عندو تسجيلات باللهجات المختلفة!! حباب.. صحيح أنو أحياناً ....... بس معلش .. نحن منتحمله.. مو هيك .. أنا بتمنالو كل الخير و الله يوفقه و يحققله أحلامه