| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| Try to know the right diagnosis | مقاربة مريض بألم مفصلي | نحتاج إلى مشرفين (للأقسام ولكل الموقع) |
| تعالوا نشخص التهاب الكبد B مصلياً | تقربر مفصل عن فحص الكيمياء العضوية العملي لطلاب ابو بكر |
 |
| | LinkBack | أدوات الموضوع |
|
#1
Jun, 25 2005, 22:21
| |||
| |||
 حوار بيني و بين حالي.. من منا لا يود أن يكون سعيداً؟؟ من منا لا يحلم بحياة خالية من التوتر و الأرق و القلق و الكآبة و قرحة المعدة؟؟ نمط الحياة الذي فرضه كل واحد منا على نفسه منذ اختار أو أجبر على دخول كلية الطب يحتاج لإعادة النظر و التقييم.. الطموح جميل..و لكن حين يحرمني طموحي من أن أعيش الحياة الطبيعية التي يحياها أي شاب في عمري فيجب علي أن أتوقف قليلاً و أسأل نفسي: طيب...و بعدين؟؟ كنت أستمع لأغنية مروان خوري: خدني معاك.. و حين قال: أجمل عمر عم ينسرق منا و يروح......و قلبي أنا هدو التعب....صار بلا روح..... لا أدري لما أحسست بالأسى على نفسي.. لك يا أخي الطب على عيني و راسي...و المستقبل المضمون و المكانة الاجتماعية و كلمة:دكتور بس انا بني آدم.... إلي مشاعر و أحاسيس ..عندي هوايات و اهتمامات...عندي علاقاتي الاجتماعية.... مو معقول إنو الواحد كلما فكر يمارس نشاط بعيد عن الدراسة يشعر بالذنب.... ما راح طول عليكن... المشاركة بسيطة و ما فيها سفسطة و كتر حكي... أنا عم بشكيلكن لأنو الحال من بعضو... إذا كان في حدا عم تحصل معو أو معا نفس الأعراض فياريت يفتحلنا قلبه و يفش خلقو...  |
|
#2
Jun, 25 2005, 23:03
| |||
| |||
| كلامك يا فلامينكو فيه كتير من الصحة ... يعني انا كتير اوقات بحس انو كليتي ودراستي بتمنعني من القيام بعدة امور .... وممارسة العديييييد من النشاطات  ... وخاصة لما بقارننفسي مع رفقاتي اللي من غير كليات وما بيدرسو كتير..... بس انا بواسي نفسي انو في كتير كليات تانية صعبة....متل الكهربا.. الاقتصاد.... عل الاقل نحنا عم ندرس شي المفروض انو يكون مفهوم وممتع..  . |
|
#3
Jun, 25 2005, 23:29
| |||
| |||
| بتعرفي يا sunshine...... عندي صديق لبناني عزيز كتير على قلبي.... الحلو بهالجماعة إنهن بيعرفوا يعيشوا... وقت الشغل شغل ووقت الراحة راحة.... وقت الجد جد ووقت المزح و البسط ما في أحلى منهن... الموضوع ببساطة إنو الواحد لازم يرجع يتعلم كيف يعيش من أول و جديد... ولا شو؟؟ |
|
#4
Jun, 25 2005, 23:49
| |||
| |||
| حلو هل الكلام .... بس المشكلة انو عندنا... وقت الجد جد, ووقت الشغل جد... وقت المزح دراسة ..وقت البسط دراسة...ووقت الدراسة دراسة.... شايف ما في كتير فرق ما؟؟؟؟ |
|
#5
Jun, 26 2005, 00:56
| |||
| |||
 من وقت دخلت الكلية وأنا أسأل نفسي سؤال واحد (ليش؟) وبصراحة لهلأ ما لقيت جواب شافي، ووصلت هلأ على مفترق طرق، وكتير محتار بأمري، أحياناً بقول لنفسي أني لحساوي ثورة وأترك الطب وألتفت لهوايتي الأساسية (الكمبيوتر)، أحياناً بقول (لأ مدينتنا بحاجة لطبيب صدرية وأنا لازم كون هذا الطبيب الفهمان)، وأحيانا بيطلع الطبيب النفسي الصغير وبيقول (لأ إنت بتحب الطب النفسي وإذا بدك تختص فلازم تختص نفسي)... أنا إذا كنت ندمان حالياً على شي فهو أني ما أخذت الأمور بجدية لهلأ، أنا ما بدرس إلا وقت الفحص، وبمشي المواد تمشاية، المعدل تعبان متل نفسيتي... طبعاً الشي اللي بيضحك أني ما بحسن أتخيل حالي "لابس المريولة البيضاء، ماسك هالسماعة، عم شخص شي مرض لشي مريض"، يعني بالمختصر ما بحسن أتخيل حالي طبيب!!!! طبعاً يمكن البعض يستغرب هالحكي من طالب بسنتي، بس وللأسف هذا هو الواقع... |
|
#6
Jun, 26 2005, 05:39
| |||
| |||
| حلو يكون في حوار بينك وبين حالك بهالطريقة.... أنا لسه ما كتير تعقدت ولا كتير دخلت بالطب مزبوط لسه بأول الطريق وماني قابضة الشغلة كتير جد.... بس بشكل عام بحس حالي لما بدخل على الكلية انو مبسوطة طبعا هالشعور ماكان موجود أول السنة لأنو أخد وقت كتير لقدرت أتأقلم مع الوسط المحيط خصوصي انو كان كلو جديد .. بس شوي شوي مشي الحال وتأقلمت ..... وبما اني شوي مو شاطرة.......((كمان ما بدي أقول كسلانة)) لهلأ لساتني انسانة طبيعية ....... وقت الجد جد ووقت المزح مزح ووقت الدراسة شوية تلهاية بس عادي طبيعي أنا بشوفو لأنو لسه بأول الطريق.... |
|
#7
Jun, 26 2005, 12:21
| |||
| |||
| يا جماعة انا بعد انقضاء هالسنوات الأربع في هذه الكلية العتيقة , بتوقع اني وصلت لفكرة مريحة نوعا ما ياأخ فلامنكو . ومتل ما اتفضلت : حضرتك عصيت في قلب الزوبعة الهوجاء . بس ............ انا برأيي الموضوع بياخد صعوبته أوسهولته منا نحن . يعني اذا نحنا سمحنا لهالضغط انو يأثر على حياتنا سلبا فأهلا وسهلا بضياع الحياة . لأنو هالكلية الخفيفة مابتخلص منها دراسة على الأخير قبل شي عشر سنين  فأنا مثلا وصلت للقناعة انو مافي شي لازم يأثر على نفسيتي (مافي شي مستاهل مافي شي حرزان) وهدا اللي صار , (والحمد لله ) ...... والسر انا برأيي هو (الدراسة والمتابعة خلال السنة ) . لانو اذا اجا الفحص ونحن لسا مامنعرف شو في بالملخصات . أكيد رح ترتعد فرائصنا  ترحيباً بالموت القادم من الطب. |
|
#8
Jun, 26 2005, 14:40
| |||
| |||
| أنا مالي شايف انو هي مشكلة عويصة... يعني مزبوط نحنا ما عم نعيش حياتنا متل ما غيرنا عم يعيشها... بس بالمقابل نحنا مالنا بقمة الحرمان والبؤس.. الواحد لما بيدخل طب (برأيي) 90% من الخطوط الاساسية لمستقبلو بتحدد سلفا (بغض النظر عن مكان الاختصاص أو طبيعة الاختصاص) بس القصد في 90% من الحالات طالب الطب رح يصير بالمستقبل بالعيادة أو بالمشفى... أما طالب الاقتصاد أو طالب الأداب وحتى العلو والهندسة.. المستقبل مو كتير واضح قدامن...يعني هاد اللي بصير موظف بسيرياتل والتاني ممثل والتالتة مضيفة طيران ...يعني مجالات ماالها علاقة منوب بدراسة الجامعة... ما بعرف بصراحة اذا هالربط منطقي واجا بمحلو... بس بعتقد ومن هاد المنطلق...انو نحنا وبشكل (خليني اقول)لاارادي عم نحاول نمهد الطريق أمام الشي اللي رح نصير عليه بمستقبلنا (يعني دكاترة)...فيمكن شوي يتضيق محيط الاهتمامات...أ, مايعود في وقت لممارسة الهوايات فبالتالي يمكن مع الوقت.. ترووح.. بس هاد ومن جهة تانية ما بيمنع ابدا انو تبقى بعض الاهتمامات لبعدين... ويا أخي هلأ قدامك الصيفية وانت لسا سنة تالتة يعني ما حبكت معك فروح وكيف وانبسط على كيف كيفم وما أظن في شي بيمنع.. ملاحظة للاخت العزيزة جدا سندريلا: قلتي انو انتي بالسنة الاولى ولساتك طبيعية  يعني نحنا الختايرة اللي صرلنا خمس سنين شو؟؟ |
|
#9
Jun, 26 2005, 20:32
| |||
| |||
| أوبتيميستو: طلع بالمراية بتعرف...........................   (((أكيد عم بمزح ...))) يعني شو بدكن تكونو أكيد طبيعين بس شفت الكل هون عم بيقول انو عفن قلبو من الطب ومن الروتين الي صلو عايشو مدري كم سنة على عكسي لأني لسه بأول الطريق وما بعرف هالشعور لسه... يمكن لبعد كم سنة أحس فيه بس بالنسبة الي هي كارثة لأني فورا ببطل دراسة اذا حسيت حالي مو مبسوطة بالمجال الي عم بدرسه أو عم بدرسه غصب عني....!!! |
|
#10
Jun, 30 2005, 23:10
| |||
| |||
| ما بحسن أتخيل حالي "لابس المريولة البيضاء، ماسك هالسماعة، عم شخص شي مرض لشي مريض"، يعني بالمختصر ما بحسن أتخيل حالي طبيب!!!! طبعاً يمكن البعض يستغرب هالحكي من طالب بسنتي، بس وللأسف هذا هو الواقع...[/QUOTE] والله وانا كمان متل مستر سام.... يعني يمكن اتخيل حالي عم ارسم.. او عم العب تنس ....او عم بعزف عل الغيتار (مع اني ما بعرف اعزف) بس ولا مرة تخيلت حالي دكتورة وعم بفحص المرضى....  يمكن هي مشكلة ما هيك؟ يعني ما عم صدق ايمت يخلص الفحص واتفرغ لهواياتي ولابقى بسأل عن شي اسمه طب (بالصيف بس)..... ما بعرف اذا ها الشي غلط بس هيك عم بصير....شو بدي اعمل؟؟  |
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| حوار بين ذاتي ونفسي ..........فاقرؤوه | أبو العون | اجتماعيات | 9 | Dec, 10 2005 14:07 |
كل الأوقات حسب GMT +2، والوقت الآن 14:12.
