Super Star ... !!!
يدور هذا النقاش حول Super Star ... !!! في قسم لقاءات في الملتقى الطبي السوري; وحملت نجمتك الانيقة فى فؤادى ومشيت نحوك فانتهيت الى بلادى ورسمت وجهك فى جبين الحلم يا همسة سكبت حبيبات الندى الحانها ياوردة العطر الذى غسل الدواخل بالعبق معز عمر البخيت
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| | LinkBack | أدوات الموضوع |
Apr, 17 2007, 15:23
| |||
| |||
 Super Star ... !!! وحملت نجمتك الانيقة فى فؤادى ومشيت نحوك فانتهيت الى بلادى ورسمت وجهك فى جبين الحلم يا همسة سكبت حبيبات الندى الحانها ياوردة العطر الذى غسل الدواخل بالعبق معز عمر البخيت النجوم طريقنا نحو الأبدية ....... النجوم طريقنا إلى الإنسانية وكما على باب أحدهم وقف قمران .. ففي نافذة منتدانا تطل نجمتان تلك البعيدة في السماء، تشير إلى موطئ بلادي وتلك القريبة من القلب، تملأنا محبّةً وأملاً .. فتقدّمي هذه الليلة إلى سمائك يا عزيزتنا étoil de la mer ... وأسعدينا بتقديم بطاقتك الشخصية  |
| الأعضاء الـ 11 التالية أسماؤهم قالوا شكراً لك يا Kliopatra على هذه المشاركة المفيدة: | ||
|
#21
Apr, 18 2007, 14:41
| |||
| |||
| السلام عليكم نجومتي احكيلنا عن الموسيقا يلي بتفضليها .. يعني ما شاء الله يلي لاحظتو ذوقك راقي  الرقص .. إيمتى بترقصي؟ أديش بترقصي ؟ ممكن ترقصي وانتي لحالك بالغرفة ؟ شو نوع الرقص المفضل عندك ؟ شو بتحبي تتعلمي ؟ أكتر رقصة رقصتيها بتتذكريها ؟ يعني ممكن تكون مرتبطة بشي تاني .. كيف عم تتأقلمي مع الغربة  .. لما بتعصرك الذكريات شو بتعملي ؟ غير ان تشغلي المدفئة  أقرب إنسان إلك بعيلتك ؟ .. وسطك المحيط ؟ .. عالنيت ؟؟ .. بالبال ؟؟؟ شو رأيك بالحب والسلام عليكم |
| قال العضو التالي أسمه شكراً لك يا Kliopatra على هذه المشاركة المفيدة: | ||
|
#22
Apr, 18 2007, 14:44
| |||
| |||
| نجومة والمنتدى : - كيف تعرفتي عليه ؟ - شو يلي بيضل يشدك إلو ؟ - شو اكتر مواضيع بتقريها ؟ - أديش مخططة تضلي فيو ؟ - أكتر قسم بتتسائلي عليه  - أكتر قسم بتقري فيه - أكتر عضو بتحبيه .. وعضوة .. - عمين بتحبي تتعرفي شخصي (عضو وعضوة) ؟ - عمين بتحبي تتعرفي أقرب عالماسنجر (عضو و عضوة) ؟ - انتي م المعاضة ولا م الموالاة للحاكم ؟- شو رأيك بفريق الإشراف ؟ كل واحد لحال ! - أكتر سمايلي بتحبيه ؟ حاج هلئ  |
| قال العضو التالي أسمه شكراً لك يا Kliopatra على هذه المشاركة المفيدة: | ||
|
#23
Apr, 18 2007, 14:58
| |||
| |||
| ايتوال رجعت بكم سؤال خفيف صرلك فتره طويله بالغربه...وهي مو اي غربه..هي كندا...القارة المنسية  -يا ترى بعد هالسنوات تعودتي على الغربه؟ ولا لسه بتحسي بصعوبه؟ -برأيك لو كان الواحد مع اهله بالغربه بتصير اهون ولا الغربه بتضل مره؟  -شو رايك بكندا كحكومه وكشعب؟ اهم النقاط السلبية والايجابية اللي لاحظتيها؟ -من المعروف انه كندا من اكثر الدول التي تحتوي على تنوع عرقي وثقافي وديني وفيها حرية لا محدودة...شو رأيك بهالدرجة من الحرية؟ يا ترى لو صارت عندنا ببلادنا العربية كيف بتتخيلي الوضع يكون؟ تحياتي |
| قال العضو التالي أسمه شكراً لك يا TURBO على هذه المشاركة المفيدة: | ||
|
#24
Apr, 18 2007, 20:38
| |||
| |||
| السلام عليكم تلك الفتاة الهادئة التي توحي ابتسامتها التي تعلو وجهها دائما بكثير من التفاؤل تعرفنا عليها في مجال الدراسة ياسمين انسانة واضحة جدية كتير لكن بتمد ايديها وبتصنع دائرة حوالها تلخص ممنوع تجاوز الهالة التي صنعتها من غير ان تعلم ببالنا بعض من الاسئلة ارجو ان لا نتخطى حدود الدائرة التي رسمتها ياسمين قدمت وتقدم مواضيع تتعلق بالاسلام ضمن الفصل هل ترين انها تجدي نفعا غير العلامات اللتي تضاف لمعدلك ولماذا اعتذرتي عن موضوعك الاسلامي هذا الفصل علما ان طريقتك كانتمبسطة للعرض وشرح وجهة نظرك كفتاة مسلمة او كشاهد كمسلمين هل يسبب لك وضعك من حرج في احدى الامور ياسمين اصغر شخص بالفصل بيساعدك هالشي ام يعيقك بدراسة جميع صداقاتك من النساء اللي يزيد اعمارهم كتير عنك لماذا رفك لصداقات الشبان يعتبر جرما بقواعد ومفهوم المجتمع المحيط حيث يقترب هالشي من وصف الفتيات او الشبان بالشاذين جنسيا حين يصادقون من نفس جنسه كيف تتلافي هذه القصة متى سنفرح فيكي ونتعرف على سعيد الحظ وهذه كلمة ليست بمجاملة هل مواصفات صعبة للدرجة الغير معقولة حتى لم تجدي نصفك الاخروكثير من الشباب العربي هنا يتمنى ان يجد مثلك اعلمينا بتلك المواصفات لنساعدك في البحث ياسمين لديها صديقة نراهم سوية منذ فترة كبيرة علما انها فتاة اجنبية كيف وصلتم الى درجة التفاهمتلك وصعوبات بتفهم كل نكما الاخر نظرا لاختلاف مجتمعكما الاصل واللغة الخ علاماتك بالفترة تراجعت بشكل ملحوظ ما السبب وسبب مزاجك السيء اليوم سؤال يحيرنييي من اين تاتي بهدوءك اخيرا شكرا لاعطاءك وقت لاصغاء واجوبتك سابقا تسعدنا صحبتك باشراقة اطلالتك وروحك الطيبة qui est moi? |
|
#25
Apr, 18 2007, 22:24
| |||
| |||
| مقابلة مع etoil de la mer؟!!  أخيراً؟!! بعدوا لي يا جماعة ووسعوا لي محل بيناتكم.. أهلاً بكِ etoil de la mer على كرسي الشرف.. وخذي نفس عميق، واصبري على أسئلتنا.. ورح أتابع المقابلة حتى الأخير بإذن الله.. موفقة.. |
| قال العضو التالي أسمه شكراً لك يا Ghareeb على هذه المشاركة المفيدة: | ||
|
#26
Apr, 18 2007, 23:31
| |||
| |||
امركون لله شو بدكون تعملو ....
المشاركة الأصلية بواسطة BigBoss 
اكيد متابعة لمواضيع المنتدى .دايما بيطلع مين افكارو بتوافق الشي اللي بيدور ببالي وبيوصل الفكرة فما بيكون من طرحي شي جديد لهيك ما بدخل بمشاركات كتيرة ... ويمكن متل ما حكيت المراقبة او بدي سميا المتابعة من بعيد بتخليك تشوف الموضوع بمنظور اكبر وتسمع كل راي وتربطون ببعضون وتعزز المقتنع فيه وتطلع على المخالف لرايك بدون دخول بالنقاشات الطويلة ... المشاركة الأصلية بواسطة Hani كين ما عميقتنع
بانتظار الاسئلة |
|
#27
Apr, 19 2007, 00:26
| |||
| |||
| هالشي مو عدل........أنا كنت بدي كون المضيف لمقابلة ايتوال بس خلص... من ورا ضهري ياجماعة!! ... عموما بشكر د.نور اللي خبرني.. على كل أنا بعتذر من ايتوال كتير لأنو وقتي ضيق كتير فما رح احسن اقرأ كل المشاركات اللي قبلي...ورح ضيع الوقت بكتابة أسئلتي القليلة... واذا تكرر شي سؤال فعمليله skip أوتوماتيكيا... أول شي..سؤالك: اللون المفضل , البارفان, الفصول ,الأزهار, الحجر, المعدن ,الأوقات, الحكمة, الأماكن, الأسماء, الطبخة المفضلة ,البرنامج المفضل...وبتربحي عليهنBONUS :البلد - المهنة - الموقع الالكتروني(عدا منتدانا) - المطرب/ـة (عربي- أجنبي) - الرياضة - المحطة الفضائية.. ساكنة بالأبهر.....مين ساكن بأبهرك؟.. ليش كل فتاة بأبيها معجبة...ليش مو بأمها..أنت بمين أكتر لو جبرناكي مثلا؟؟ شو الخلفية اللي حاططيها عندك عالكومبيوتر.....طيب فرجينا اياها لو سمحت...(بسيطة بتكبسي زر Prt Scrn فوق جنب زر scroll lock بتفتحي الرسام وبتكبسي لصق بصفحة فارغة وبعدين حفظ وبعدين بتعرضيلنا الصورة ).....مو مشان شي...بس مجرد فضول.. بتفضلي بلحظات التأمل الخاصة: مراقبة النجوم بالسما والا الجلوس على شط البحر..يا نجمة البحر. لطالما كنت مؤمن بفكرة توقيعك..فالمحبة والتآلف بين الناس غالبا أمر بيمس الروح قبل ما يمس العقل والتفكير... برأيك هالشي ممكن يتم لو الشخص مانه قدامك...يعني ممكن الإنسان يتآلف مع آخر ع الانترنت مثلا...و الا هالشي صعب وكله تزييف..أو ممكن ينكشف الشخص......شو بصير معك عادة؟؟ بنفس الإطار....ليش غالبا بتطلع صورة الشخص اللي عرفناه عالانترنت بعيدة كتير عن الواقع ...وأحيانا بيتمنى الشخص ما يشوف صورة الآخر ع الواقع (خاصة اذا كان هاضمه) مشان مايغير الصورة اللي راسمله اياها بمخه واللي غالبا هي الأفضل من الواقع (لأن بيطلع الشخص ع الواقع :أبشع - اقصر- صوته أغلظ -عيونه أصغر- وبيجوز مكرّش ...) ..بصير معك هيك وإلا هي أول مرة بتسمعي بهالنقطة.. حسب ما لاحظت إنك بتتجنبي النقاشات بكتير مواضيع ومشاركات....هل لأنك من أنـصار فكرة بدورعلي بيسعدني وبس وبلا وجعة الراس ..وإلا لأني طلاب طب الهن مخهن ومشاكلهن وحاسة بوجود حدود أحيانا معهن...وإلا سبب آخر.. سلبيات وفقط سلبيات كل مما يلي :"ما في مجال للتهرب...بدي اعملك مشكلة متل ما عملوا معي بمقابلتي.." شنكول - نوبدي - نور - كليوباترا - ساد - طرطوسية - طم طم - توربو - بيغ بوس - غريب - بنت الطب.............وشب الطب كمان "مشان العدالة بس" مع أني مقتنع انو ماله سلبيات..." ركزي جهودك على تشفاية أول اتنين لو سمحت".. سمعت أنو بكتير من بلدان العالم سمعة طلاب الطب هي هي وين مارحت (يعني قال بيقولو أنو البنات معقدات والشباب كاملين مكملين ) ...شو بتسمعي عنكن بجامعات كندا عن طلاب الطب....ورجاء بصراحة ..وين بترتاحي أكتر....بمجتمع بلادك المحافظ وقيوده...وإلا بمجتمع كندا المتحرر؟..طبعا سؤالي ماله علاقة بمكانة بلدنا عندك لكن كأريحية المجتمع ومناسبته لأفكارك .. مفكرة ترجعي تستقري بسوريا ؟...والا مو كتير فارقة..مبسوطة هنيك كمان وفكرة البقاء واردة.. شو مسموعيات بلدنا بكندا.....مو سمعانين فيو..... بلد متخلف متعنت داعم للإرهاب .... ماشي حاله متل كل هالدنيا ...والا الكنديين قليلي الاهتمام أصلا بالسياسة والجغرافيا والتاريخ والمواضيع العالمية الجادة؟ متل أمريكا يعني...ممكن توضحيلنا الصورة.. طيب شو مسموعيات العرب و الاسلام...متل رأي أغلب الغرب حاليا وإلا أحسن وإلا...؟ أكتر شي حبيته بكندا وأكتر شي كرهتيه...بالمقابل أكتر شي بتشتاقيله ببلادك وأكتر شي ارتحتي منه (عدا صوت بياع المازوط).. وأخيرا ليش بشري حلب من بين آلاف المنتديات العربية..؟؟ مشكورة على صبرك وآسف على التأخير.. والسلام عليكم.. ديفدسون |
| قال العضو التالي أسمه شكراً لك يا davidson على هذه المشاركة المفيدة: | ||
|
#28
Apr, 19 2007, 00:27
| |||
| |||
| هلا هلا هلا ... منبدا .. أمممم بما أنو النجمة خماسية خلينا وصفي نفسيتك بخمس كلمات خمس أحلام ما ممكن تتحقق ( خيالية تكون .. ) خمس شغلات بتنقص البلد خمس شغلات بتعمليا لو كنتي الرئيس والسؤال الخامس .. خمس أشخاص من المنتدى بتاخدين لو خيروكي تفتتحي الحياة على كوكب آخر وتعملي هونيك مجتمع أفضل مين بيكونو وليش ؟؟ |
| الأعضاء الـ 2 التالية أسماؤهم قالوا شكراً لك يا zorba على هذه المشاركة المفيدة: | ||
|
#29
Apr, 19 2007, 04:17
| |||
| |||
| بعيدا عن رحمة الحياة المشاركة الأصلية بواسطة Mr.sad
كلما بطلع عليها بقول من عدة ساعات مرت بمكان هبطت فيه العتمة قبل عندي وشافتا عالم ما قدرت شوفون بتمر الساعات وانا على هالحالة عمدور على اكتر نجمة عمتلمع ما بلاقيها بهالسما ما بلاقيها ..لو كانت بتسمع وبتقدر توصل كلام كنت التلها وصلي اننا لسعتنا تحت سما وحدة ....
النور اذا فهمتك بشكل صح ...بستمدو من محبة الناس من حواليي اللي بتخليني اثق و قدم نفسي متل ما انا بدون تصنع ...يمكن هاد اكتر شي بيميزني وقدرت اعرفو اكتر من هيك ما بحب اعرف لان اذا عرف السبب بطل العجب .
بتذكرني بكتير ذكريات حلوة بمجرد ما اتذكرا بتتحول لاحزان .... هالشي علمني شغلة مفيدة كتير هي اني ما اطلع علماضي واطويه متل انطوى كل شي فيه كلما هبت هالنسمات من جديد بفكر كيف اجعل من حاضري بسمة اضحك لما اتذكرها بالمستقبل ...
 بمشي بهالشوارع الذاكرة صفر كل شي غير حتى اذا بحاكي حدا من بلدي بلاقيه غير شكل مختلف بطريقة مابعرف شلون ... بحافظ على مشيتي وبترك الذكريات للافق بمحلها ...
بكون فرحان بشوفتي ...بيخطر عبالي غناية فيروز يا طير يلي طاير على طراف الدنيي
رح خليها خليا ياسمينة
|
| قال العضو التالي أسمه شكراً لك يا etoil de la mer على هذه المشاركة المفيدة: | ||
|
#30
Apr, 19 2007, 04:27
| |||
| |||
| المشاركة الأصلية بواسطة keane
هلا فيك ..
لون العيون بس حط عدسات اسود بيصيرو اسود ولما بجرب البني بيصيرو بني وبسسس.... كني عمتشتغل خطابة  اخر كتاب  ما بدي احكي لاني ما تصفحتو صفحة صفحة اخر كتاب قريتو بشكل كامل وفهمتو كان رواية الحب في العذاب لمي زيادة.... |
