وحملت نجمتك الانيقة فى فؤادى
ومشيت نحوك فانتهيت الى بلادى
ورسمت وجهك فى جبين الحلم
يا همسة سكبت حبيبات الندى الحانها
ياوردة العطر الذى
غسل الدواخل بالعبق


معز عمر البخيت

النجوم طريقنا نحو الأبدية ....... النجوم طريقنا إلى الإنسانية

وكما على باب أحدهم وقف قمران .. ففي نافذة منتدانا تطل نجمتان

تلك البعيدة في السماء، تشير إلى موطئ بلادي
وتلك القريبة من القلب، تملأنا محبّةً وأملاً ..

فتقدّمي هذه الليلة إلى سمائك يا عزيزتنا étoil de la mer ... وأسعدينا بتقديم بطاقتك الشخصية

السلام عليكم

وعليكم السلاام

نجومتي احكيلنا عن الموسيقا يلي بتفضليها .. يعني ما شاء الله يلي لاحظتو ذوقك راقي

بشكل عام بحب الموسيقى الكلاسيكية وكل شي هادي ..راقي يمكن لاني بسمع راقية كتير

الرقص ..

عرفتو ..

إيمتى بترقصي؟

لما كون معزومة وحدا قومني ..ولما بكون عاملة قعدة عائلية مع عيلتي

أديش بترقصي ؟

اممم لبين ما حس اني زودتا (تعي لحس بقا )

ممكن ترقصي وانتي لحالك بالغرفة ؟

عادي متل كل البنات

شو نوع الرقص المفضل عندك ؟

شرقي

شو بتحبي تتعلمي ؟

بحب اتعلم المارينغى والسالسا ..و رقص الاسبانيول

أكتر رقصة رقصتيها بتتذكريها ؟

بتذكر رقصة تبعت ماكارينا ....

كيف عم تتأقلمي مع الغربة

غربة ... بقول لحالي دايما الحمد لله غربة بلد ولا غير غربة .. بقنع نفسي انو هالفترة للدراسة واذا كنت ببلدي كنت رايحة التهي فيا كمان وما اهتم بغير شي
الوقت هو وحدو كفيل ان الواحد يتاقلم ..الواحد ما يضل منطوي عنفسو ورافض يتقبل المجتمع واللي فيه ..يتفاعل شوي يطلع يتعرف على كل شي حواليه حتى يصير من البديهيات وفي شغلة يضل على تواصل مع احبابو لاني شي بينسي صدقا

لما بتعصرك الذكريات شو بتعملي ؟ غير ان تشغلي المدفئة

حكيت لمستر ساد ..بفكر بالمستقبل اكتر
وممكن اتذكرك شوفتك بترد الروح

أقرب إنسان إلك بعيلتك ؟ .. وسطك المحيط ؟ .. عالنيت ؟؟ .. بالبال ؟؟؟

بعيلتي والدي (الله يبارك بعمرو )
الوسط المحيط صديقة
عالنيت صبية اول حرف من اسما سمسم
بالبال روحي

شو رأيك بالحب

الحب ..صفاء ..صدق مشاعر ..طمانينة وراحة نفسية بالحب بيصير ال 2 بواحد والواحد ب 2.بيالمو اللي بيالمك وبيفرحو اللي بفرحك ..عطاء بلا حدود وبدون انتظار المقابل
في كتير معاني عطيتك فكرتي عسريع ماحبيت فكر

المشاركة الأصلية بواسطة Kliopatra

نجومة والمنتدى :

انو منون

- كيف تعرفتي عليه ؟

كنت عمببحث على موضوع طبي معين ...ما لاقيت حالي غير هون

- شو يلي بيضل يشدك إلو ؟

مواضيعو ..

- شو اكتر مواضيع بتقريها ؟

كل شي حتى لو ما بيهمني بشي بتطلع

- أديش مخططة تضلي فيو ؟

ماني مخططة لكن بتمنى ما يطلعلي شي بيوم يجبرني ما عود تابع

- أكتر قسم بتتسائلي عليه

ترفيه

- أكتر قسم بتقري فيه

اسالي شنكول عندو الاحصائيات

- أكتر عضو بتحبيه .. وعضوة ..

بكل شخصية بالمنتدى فيا شي مميز بخليا محبوبة عندي ...

- عمين بتحبي تتعرفي شخصي (عضو وعضوة) ؟

نو بدي وكليوباترا

- عمين بتحبي تتعرفي أقرب عالماسنجر (عضو و عضوة) ؟

ما رح يكون بالقرب اللي بسعالو ..خليا شخصي

- انتي م المعاضة ولا م الموالاة للحاكم ؟

كانو في حدا عندو تخرج هالسنة

-

شو رأيك بفريق الإشراف ؟ كل واحد لحال !

سؤال صعب فريق الموقع مالو ظهور قوي
شنكول :طيوب كتير عندو قدرة علسيطرة على الوضع ...لما بحكي معو بحسو اطلس كامل
غريب :شب كتير مهذب (مهذب بحسا كلمة انوجدت لغريب ) بيمثل الشب المسلم بطريقة بعيدة عن التعقيد واذا حدا سالو سؤال ما بيتردد
توربو :بحس فطرتو بعدا سليمة فيو شي فيني قول عنو (حذق )..ما بتحس علوقت كيف بيمضي وانت عمتناقشو مع انو كلامو قليل بتمنى يكون عندي اخ متلو
موهيي:هادئ والبو منور وشعرو كتييييير بيعجبني (الشعر يعني الشعر )
فلورة:نشيطة وبحسها ذكية وبتخطط عن بعد وحضورا قوي
ايلوني :فتاة بتخطط 1 2 3 بالترتيب ...
سب زيرو :كلمتو قوية ...
d.zf :صرلي زمان ما شفتو علموقع
وسام :مواضعو حلوة
صادقلي :كمان مواضيعو حلوة

- أكتر سمايلي بتحبيه ؟

كلون لزيزين ..ما عدا هاد

حاج هلئ

الحمد لله ...
جاوبت عليهون

عيوني كأن نسيتي نوبدي م الاشراف ؟

استلمي هالدفعة حبيبي:


نجمة والماسنجر:

- شو الداعي لوجود حسابين عالماسنجر بتتنقلي بيناتون ؟
- مين الأشخاص يلي فيكي تكبسي على اسمون وتحكي كلشي بدك ياه ؟ اذا هي ..
- الماسنجر .. بتعتبريه بعيد عن الواقع ولا شي منو ؟
- إذا حجبوا الماسنجر عنك شو بتعملي ؟
- صورك الماسنجرية .. الأفاتارات .... كيف بتختاريها؟ وليه عادة كتير فائضة الأنوثة والكآبة ؟ بتأثر عليكي وعلى حالتك ؟
- ياسمينة الشام لماذا ؟
- أكتر سمايلي عالماسنجر بتحبيه .. (غير ضح2) وبوبيتي سمسومي
- يا ترى السمايلي بيعبر عن الحالة برأيك ؟
- مدى مصداقيتك عالماسنجر مع شخص غريب (مو عبد الحليم ولا بيقربو) ؟
- ليش ما ضايفتيني عالحساب التاني ؟
- علماسنجر انتي ميسو ولا نجمة ؟؟

بالمعية سؤال من غير دفعة: شو الفرق بين ميسو ونجمة ؟؟؟

موفقة طمنينا عمذاكرتك !!


والسلام

المشاركة الأصلية بواسطة TURBO-

ايتوال
رجعت بكم سؤال خفيف

هلا توربو

]-يا ترى بعد هالسنوات تعودتي على الغربه؟ ولا لسه بتحسي بصعوبه؟

بالاول رح تكون صعبة لبين ما الواحد يستوعب المحيط وكل شي جديد
يمكن اتاقلمت بنسبة 4 من عشرة ...اكيد الصعوبات ما زالت موجودة لكن عرفت كيف سيطر عجزء منها وكون اكتر سلاسة من اول ...

-برأيك لو كان الواحد مع اهله بالغربه بتصير اهون ولا الغربه بتضل مره؟

هاد حسب وضع كل شخص
لكن مع الاهل افضل بكتييييييير ...بيكفي الدعم المعنوي اللي بيتلقاه الواحد قبل ما يطلع لبرا البيت
وبتضل المتابعة والكونترول دائما علابناء

-شو رايك بكندا كحكومه وكشعب؟ اهم النقاط السلبية والايجابية اللي لاحظتيها؟

حكومة تسعى لتطوير البلد نحو المقدمة .
الشعب ...متعايش (مابعرف اذا هي كلمة صحيحة)بقصد ما عندو تمييز نظرا لاختلاف الاعراق الموجودة...عندون العمل مهم والعطلة مقدسة بيعجبني فيون مرحون دايما اختفالات وطريقة حياة موسمية مختلفة .
السلبي الفرنسية تبعتون صعبة ..

-من المعروف انه كندا من اكثر الدول التي تحتوي على تنوع عرقي وثقافي وديني وفيها حرية لا محدودة...شو رأيك بهالدرجة من الحرية؟ يا ترى لو صارت عندنا ببلادنا العربية كيف بتتخيلي الوضع يكون؟

حكيت شغلة عمناقشا من زمان وما عمبقتنع فيا ..
انو حرية بتقصد
الحرية مفهوم كتير كبير ما بصير نخلط بينها وبين الانحلال
كشابة شرقية ارى انو للحرية حدود ما دامك عمتارس حريتك بشكل ما يتعدى حريتي
وتتوقف لما بيصير هالشغلة خطر عليي فانا احترمها من حرية حتى لو ما كانت نابعة من انسان لا يسير وفق عقيدة او دين...
هون هيك عميصير كلو بيمارس عيشتو الطبيعية بشكل ما يمس الغير ..
لو صارت ببلدنا ..ما بتخيلها تنتقل بنفس الصورة ورح يكون بدنا كتير حتى نعرف انو هي اللي اسمها حرية

السلام عليكم

وعليكم السلام ...هلا رهف

ببالنا بعض من الاسئلة ارجو ان لا نتخطى حدود الدائرة التي رسمتها

اتفضلي

ياسمين قدمت وتقدم مواضيع تتعلق بالاسلام ضمن الفصل هل ترين انها تجدي نفعا غير العلامات اللتي تضاف لمعدلك

المواضيع الاسلامية كانت بتجي لعندي بمحض الصدفة ...
ولما بحضر موضوع وبقدمو طبعا بكون مشان قدم صورة اكثر وضوحا عن ديني
والعلامات ما بتهمني اذا عرفت اخدها وما عرفت قدم الموضوع والفكرة بالشكل السليم

ولماذا اعتذرتي عن موضوعك الاسلامي هذا الفصل
علما ان طريقتك كانتمبسطة للعرض وشرح وجهة نظرك كفتاة مسلمة او كشاهد
كمسلمين هل يسبب لك وضعك من حرج في احدى الامور

اعتذرت السبب الرئيسي ماني ملمة بمعلومات عن الموضوع وهي مافي لعب بهيك شغلات وبنقل معلومات ماني متاكدة منها
السبب التاني بدي شارك وحدة ما بدي اشتغل لحالي وشفت منها رفض من موضوعي لهيك اخترنا موضوعها
ما بيسببلي وضعي كمسلمة من مشكلة الا عند ظهور النظرة المشوهة لبعض المتاسلمين وعلينا تصحيحها بمناقشة خمس دقائق
عدا هيك ما في مشكلات ابدا

ياسمين اصغر شخص بالفصل بيساعدك هالشي ام يعيقك بدراسة

ابدا يمكن لاني قريبة من الكل والي رعاية خاصة

جميع صداقاتك من النساء اللي يزيد اعمارهم كتير عنك لماذا

يمكن لانو عندون نظرة واسعة وخبرة بهالحياة ...بعدين طولي بالك اللي بيسمعك بيقول لحقتي ال23

رفك لصداقات الشبان يعتبر جرما بقواعد ومفهوم المجتمع المحيط حيث يقترب هالشي من وصف الفتيات او الشبان بالشاذين جنسيا حين يصادقون من نفس جنسه كيف تتلافي هذه القصة

الظاهر مناقشة اليوم اثرت عليكي كتير ...
انا اجيت وحاملة فكري وقيمي ومبادءي معي شي طبيعي ارفض هالصداقات بالنسبة لالي ...
بتلافها بقناعتي الشخصية انو عذاب كلامون ولا عذاب ضميري

متى سنفرح فيكي ونتعرف على سعيد الحظ وهذه كلمة ليست بمجاملة

الله كريم ...

هل مواصفات صعبة للدرجة الغير معقولة حتى لم تجدي نصفك الاخروكثير من الشباب العربي هنا يتمنى ان يجد مثلك

لا مانها صعبة ...كل القصة اني دخلت بخطوة جديدة وتجربة صعبة شوي وهي الدراسة
ولما بتتحدد معالم الخطوات اللي عمبتبعها وبعرف وين حاطة دعستي ومتاكدة رح اعطي حرية اكبر لنفسي حتى فكر بجدية بهالموضوع ...

اعلمينا بتلك المواصفات لنساعدك في البحث

مواصفات ...عسريع رح اعطيكي
يكون افضل مني خلقا ودينا ..رجل بمعنى الكلمة قادر على تحمل مسؤولية بيت وقد كلمتو
يعرف يحب ويعطي الحب لغيرو ..واثق من نفسو وعاطيها للحواليه
ويسمع الكلمة

ياسمين لديها صديقة نراهم سوية منذ فترة كبيرة علما انها فتاة اجنبية كيف وصلتم الى درجة التفاهمتلك وصعوبات بتفهم كل نكما الاخر نظرا لاختلاف مجتمعكما الاصل واللغة الخ

انا ما اخترتا عن عبث...صديقتي فتاة كتير مثقفة منفتحة ومستوعبة لحضارات واديان الغير
لما ندخل عمطعم تذكرني هاد فيو خنزير هاد لحم مانو حلال هي مقلية بزيت ما بيطمن هي خضار
وبتبدي دايما اعجابا بطريقة حياتنا وبتقلي حياتكون شيك كتير وبتتمنى كتير تزور سوريا ...
هالشغلات الكتيرة وغيرها اكتر لهلئ مشجعتني على رفقتها ...

علاماتك بالفترة تراجعت بشكل ملحوظ ما السبب

السبب اني التهيت بامتحان الكوليج..ان شاء الله اقدر ارجع عوض

وسبب مزاجك السيء اليوم

بنتي انتي عينك علي ولا على الكتاب اللي قدامك ليه المراقبة

سؤال يحيرنييي من اين تاتي بهدوءك

مابعرف ...اذا عرف السبب بطل العجب ما بدي افقد هالهدوء

اخيرا شكرا لاعطاءك وقت لاصغاء واجوبتك سابقا تسعدنا صحبتك باشراقة اطلالتك
وروحك الطيبة

العفو ...شكرا لمروركون

qui est moi?

عمتقول المنتدى مو عيجبا
عيب رهف عييييب

المشاركة الأصلية بواسطة Ghareeb

مقابلة مع etoil de la mer؟!!
أخيراً؟!! بعدوا لي يا جماعة ووسعوا لي محل بيناتكم..
أهلاً بكِ etoil de la mer على كرسي الشرف..
وخذي نفس عميق، واصبري على أسئلتنا..
ورح أتابع المقابلة حتى الأخير بإذن الله..
موفقة..

هلا غريب ...
تابع لشوف ....بس لا تمل

نجومة ... لاحظت من أجوبتك إنك عم تتهربي من بعض الأسئلة الخصوصية نوعاً ما بزكا و أجوبتك جدا حذرة... طيب شو هيه خطوطك الحمرا؟؟... وشو هيه الجوانب يللي ما بتفضلي حدا يسألك عنها و بتتجنبي تجاوبي عليها....

الصداقة عندك على شو بتعتمد... يعني على أي أساس بتاخدي حدا كصديق( طبعاً أو صديقة)... وقديش بتنطري لحتى تفتحيلو/ تفتحيلا قلبك....
هل أنت عشوائية بالاختيار أو بتدرسيها منيح؟؟ بحياتك بشكل عام .. بتوصفي ردود فعلك بالعفوية؟؟ ولا بتحسبي كل خطوة بتعمليها و بتعدي للعشرة قبل ما تقومي بأي عمل؟؟

إتوال مين قدوتا؟؟ بتحبي تتشبهي بحدا؟؟ بتحبي العالم تقلدك؟؟ ( مو تتشبه فيكي... لإنو أكيد هادا الشي بيبسط)

من بين الشخصيات يللي عم يشرحون نوبدي.... أي شخصية لاقيتيها الأقرب إلك....؟؟

ممم... ليه تحليل مخبري؟؟؟ هل إنك حبيتي هالفرع من ورا متابعتك للمنتدى؟؟ أو إنك تابعتي المنتدى لإنو هالفرع حاطتيه ببالك؟؟

إتوال وين بتشوف حالها من هالصفات؟؟ جريئة... خجولة.. حيادية... مثالية... مثقفة... ذكية... فوضوية... مجاملة... هادية... قلبك قوي... مسالمة.... اجتماعية... مرحة... بتحب الوحدة؟؟؟؟؟ فينك تضيفي شي أنا ما ذكرتو...

شو هوه الانطباع يللي بتحبي تتركيه عند أول لقاء إلك مع أي شخص؟؟

إيمت بتشوفي حالك ضعيفة؟؟ إيمت بتطلبي المساعدة؟؟

شو هيه نقطة ضعفك؟؟

ليش ما عندي إيميلك؟؟


ووو... صحي... ليش كندا بالذات؟؟؟ بتنصحينا بالطلعة لهونيك؟؟


متابعيييييييييييييييييين.. .

مرحبا نجمة...
رهف أقربنا إليك ويبدو أن أسئلتها ستكون الأكثر صعوبة...
شكرا رهف تابعي وعرفينا أكثر على نجمة منتدانا عن قرب..
نجمة وحولها هالات كهالات زحل...
هل هذه الهالات رسمت في الغربة بسبب الخوف من المجهول أو بالأحرى الحذر..أم أنها موجودة منذ الصغر...
نجمة المنيرة في كل مكان...
قطعت مشوارا كبيرا في التأقلم مع الوضع العام في كندا لكن ماتزال طباع البنت الشرقية مسيطرة وبارزة الى حد كبير...ماهو الايجابي في بنتنا الشرقية؟ما هو الايجابي في البنت الغربية(طبعا أتكلم عن الطباع والعادات)..
نجمة وزميلات الدراسة...
اقتربت ياسمين من نموذج معين من البنات بعد أن احتكت مع جميعهن لكنها اختارت بعضا منهن وابتعدت عن الأخريات..ما الذي شجعك للتواصل مع بعضهن ..ما هي الأسس التي تم عليها الاختيار..ما هوالشيء الذي جعلك بعيدة عن الأخريات..هل كنت تتمنين أن تتعرفي على أحد ما لكن لسبب ما لم تتمكني من ذلك...ماذا تريد نجمة من الصديقة ..ماهي أبرز صفات الصديقة المميزة سواء هنا او هناك في الغربة...
نجمة الواثقة..
رغم تهديدات توربو وجيوشه العظيمة وترسانته الصاروخية ومؤازرة القائد موهي له بالتهديد بقصف قلعة نجمة الحصينة حافظت نجمة على هدؤها واستعدت جيدا للدفاع بثقة كبيرة...مامنبع هذه الثقة (طبعا بعد الايمان بالله)
نجمة ورهف...
سألتك أسئلة محرجة وجاء وقت الانتقام بمساعدة مستر ساد...
من رهف بكلمات...
من رهف بالنسبة لياسمين...
ماهو الجانب السلبي في شخصيتها...<أمرنا لله والايجابي كمان>
رهف منفتحة على المجتمع الكندي أكثر (هذا ما أحسبه)ما هو السبب برأيك...
كلمة أخيرة في حق رهف...
خارج السرب...
نجمة في أي مدينة في كندا ..ماهو موقع المدينة بالنسبة لكندا(شمال شرق وسط...) أجمل ما فيها...عدد سكانها تقريبا...
نجمة والمناخ:ماهي حال المناخ...تأقلمت ياسمين بسرعة مع المناخ أم بصعوبة..ماذا تحبين أكثر الصيف أم الشتاء الربيع أم الخريف لماذا...
بما أنو الكهربا كانت مقطوعة عندي فتذكرت:
عندما انقطع التيار الكهربائي جلست لأراجع الذكريات خطرت على بالي...أنت يا؟؟؟
في عيد الحب وفي قسم القصص والروايات كتبت نجمة عن ذكريات بالأبيض والأسود ورردت بتسائل طويل مختصره هل يجب أن نبق أسرى للماضي وذكرياته..(عودي للرد فيه أكثر من تساؤل)...
أسير على خطاه لأبلغ درجات الكمال لأضع حجرا مميزا في قصر الحضارة الانسانية قدوتي حبيبي رسول الله من قدوتك بعده..
أسير على خطاها لأتعلم الصمود وتحقيق الذات لأتعلم كيف أكون أنثى بحق حبيبتي وقدوتي....
يكفي الآن لكن لي عودة شكرا لك...وهذه وردة صغيرة سرقتها من بستانك لكنها أبت العيش عندي وآثرت الرجوع اليك فهذه بضاعتكم ردت اليكم مع كم كبير من مشاعر الاحترام والتقدير مني...
لي عودة تحمليني شوي أمرك لله...وهي ياسمينة بيضا وتانية صفرا من جنينتنا بس ان شا الله يوصلولك بخير...
تداخلت بعض الأسئلة مع أسئلة الأخت طرطوسية ...آسف للتكرير بامكانك التجاوز عنها...وشكرا

سلاااااااااام ايتوال
اذا اضطرت ايتوال تحكي عن شخصيتها شو الجانب اللي بتستفيض فيه ؟
ايتوال و الطفولة النسبة المئوية للطفولة بنفسية ايتوال الحالية
ايتوال بالطفولة صار شي معها موقف حزين و موقف سعيد لحتى اللحظة الحالية بتتذكرو
ايتوال والفاكهة شو هو أكتر نوع بتحبيه من الفاكهة و هل المؤثرات اللونية بتاخد حيز بالجذب
ايتوال و الوجبات شو هي أكتر طبخة بتحبيها ]و شو أكتر فاست فود بتاكليه
شو الطبخات اللي بتطخيها( اذا كنتي بتعرفي
ايتوال و الرضا عن النفسالى أي درجة راضية عن نفسك بما يتضمن الاوضاع الاجتماعية و العائلية و النفسية اللي بتعيشيها
لا تخلينا ننطر كتير نحن الحريم ما منحب ننطر
[

هالشي مو عدل........أنا كنت بدي كون المضيف لمقابلة ايتوال بس خلص... من ورا ضهري ياجماعة!! ...

هلا دافيد المهم بالاخير شرفتنا ...

واذا تكرر شي سؤال فعمليله skip أوتوماتيكيا

كلهم سكايب

اللون المفضل , البارفان, الفصول ,الأزهار, الحجر, المعدن ,الأوقات, الحكمة, الأماكن, الأسماء, الطبخة المفضلة ,البرنامج المفضل...وبتربحي عليهنBONU

اللون المفضل الزهري والخمري
البارفان اممم شانيل
الازهار جوري احمر
الفصول كل فصل فيو ميزة بتخليني فضلو بوقتو
الحجر البازلت كويس ..اللولو اذا بينعد حجر
المعدن الفضة
الاوقات اممم اوقات اللي بقضيا مع العيلة ...
الحكمة اول حكمة تعلمتا من جد وجد
الاماكن الطبيعة
الاسماء عبد (الله ...)هي صارو 99 البنات هاجر
الطبخة الماكولات البحرية والسلطات
البرنامج برامج اللي بتحكي عن معجزات الخلق

البلد - المهنة - الموقع الالكتروني(عدا منتدانا) - المطرب/ـة (عربي- أجنبي) - الرياضة - المحطة الفضائية..

البلد سوريا
المهنة بحب يكون عندي محل بيع ملابس اطفال
الموقع ديوان العرب
المطرب ميادة بسيليس ...غارو
الرياضة الجري كويس
المحطة الشارقة

ساكنة بالأبهر.....مين ساكن بأبهرك؟..

متبادلين ..

ليش كل فتاة بأبيها معجبة...ليش مو بأمها..أنت بمين أكتر لو جبرناكي مثلا؟؟

هيك القاعدة ....
اكيد الانثى بتكوينها بحاجة لشخص يعطيها حماية بيمثل الها القوة ,القرار والحزم ,تحس بوجودو بالطمأنينة بيكون الاب بالاول وممكن تطور مفاهيمها كل ما كبرت اكتر ,طبعا هاد ما بيلغي الحاجة لوجود الام والاعجاب بالشي اللي بتقدمو دورها الطبيعي جنب ابناءها...
معجبة بال2 الحزم والقوة بوالدي والعاطفة الموجودة بوالدتي

شو الخلفية اللي حاططيها عندك عالكومبيوتر.....طيب فرجينا اياها لو سمحت...(بسيطة بتكبسي زر Prt Scrn فوق جنب زر scroll lock بتفتحي الرسام وبتكبسي لصق بصفحة فارغة وبعدين حفظ وبعدين بتعرضيلنا الصورة ).....مو مشان شي...بس مجرد فضول..

صورة طفل بسابع نومة
http://www.m5zn.com/showimage.php?im...c40d751537.jpg

لطالما كنت مؤمن بفكرة توقيعك..فالمحبة والتآلف بين الناس غالبا أمر بيمس الروح قبل ما يمس العقل والتفكير...
ك...يعني ممكن الإنسان يتآلف مع آخر ع الانترنت مثلا...و الا هالشي صعب وكله تزييف..أو ممكن ينكشف الشخص......شو بصير معك عادة؟؟

ممكن يصير تالف على النت اذا انوجدت تقارب الافكار واحيانا التطابق واذا وجدت بكلام الشخص ما يواسيك
التالف شي اكبر من اني اقرر اذا بصير بدون رؤية ..الارواح جنود مجندة
بحس مانها محصورة بالمكان اللي انت فيه
انا بميز بين اللي برتاحلو اللي ما ممكن ارتاحلو ..لكن مابعطي الحكم عالاخير من ورا الشاشة

....ليش غالبا بتطلع صورة الشخص اللي عرفناه عالانترنت بعيدة كتير عن الواقع ...وأحيانا بيتمنى الشخص ما يشوف صورة الآخر ع الواقع (خاصة اذا كان هاضمه) مشان مايغير الصورة اللي راسمله اياها بمخه واللي غالبا هي الأفضل من الواقع (لأن بيطلع الشخص ع الواقع :أبشع - اقصر- صوته أغلظ -عيونه أصغر- وبيجوز مكرّش ...) ..بصير معك هيك وإلا هي أول مرة بتسمعي بهالنقطة..

اذا طلعت غير ...هاد حسب الطريقة او الصورة اللي عبينقلها كل طرف للتاني وخيال كل منون ..ومدى المصداقية
واكيد الشوفة علواقع احلى وقتها تتعامل صوت وشوفة و الارواح بتكون قريبة اكتر ..

بنفس الإطارحسب ما لاحظت إنك بتتجنبي النقاشات بكتير مواضيع ومشاركات....هل لأنك من أنـصار فكرة بدورعلي بيسعدني وبس وبلا وجعة الراس ..وإلا لأني طلاب طب الهن مخهن ومشاكلهن وحاسة بوجود حدود أحيانا معهن...وإلا سبب آخر..

حكيت الفكرة لبيغ بوس

سلبيات وفقط سلبيات كل مما يلي :"ما في مجال للتهرب...بدي اعملك مشكلة متل ما عملوا معي بمقابلتي.."
شنكول - نوبدي - نور - كليوباترا - ساد - طرطوسية - طم طم - توربو - بيغ بوس - غريب - بنت الطب.............وشب الطب كمان "مشان العدالة بس" مع أني مقتنع انو ماله سلبيات..." ركزي جهودك على تشفاية أول اتنين لو سمحت"..

شنكول :معجب بحالو كتير بيضل ينسخ صورو علمنتدى بتقول ما حدا بيعرف يشوبر بس يحكي غيرو ...بيحطلك تواقيعو وبيربطا باقوال مشهورة كانو عميقول انا كمان بحكي حكم ..اكتر من هيك دافيد بدي فايلي يكون ابيض الله يرضى عليك
نو بدي : بيلحق العضو علدعسة (وين المصدر ..انقول الموضوع لمكانو فوق .غريبة انت ليه هيك محسب ...انا قصدي غير هيك ) واكتر الشي اللي بيثبت هالشغلة الصورة اللي حاطتا وراك وراك والزمن طويل ...
شلوني معك
كليوباترا اكتر سلبية بدها تعمل كل شي بوقت واحد ..
ساد اختيار لقبو اللي عاطي شوي حزن لشخصيتو
طرطوسية قليلة الظهور
طمطم بس اعرف بقلك
توربو اكتشف بالاخير انو مو معجب بساندرا بولوك بممثلة تانية اش كان اسما توربو ؟
بيغ بوس ...حدا بيسمي حالو القائد الكبير وشنكول موجود
غريب قال اصبري عاسالتنا ..ونسي يقول اصبري حتى لاقي سؤال
بصراحة سؤالك صعب ...من مبدا اني طلع على سلبياتي بالاول قبل ما اعلم على سلبيات الاخرين ...هاد الكلام لتعليقي فوق
بنت الطب اكتر سلبية في شغلات مهمة بحياتا كفتاة بحاجة لوقت اكبر عمتاخد مكانها ضغط الدراسة
شب الطب :مستقبلو مانو مامن ...

وين بترتاحي أكتر....بمجتمع بلادك المحافظ وقيوده...وإلا بمجتمع كندا المتحرر؟..طبعا سؤالي ماله علاقة بمكانة بلدنا عندك لكن كأريحية المجتمع ومناسبته لأفكارك ..

لاء طبعا بوجود الضوابط لكن مش القيود (كلمة صعبة )
ومجتمعنا بيقيد ما بيعلم يضبط
لاهون ولا هنيك

مفكرة ترجعي تستقري بسوريا ؟...والا مو كتير فارقة..مبسوطة هنيك كمان وفكرة البقاء واردة..
شو مسموعيات بلدنا بكندا.....مو سمعانين فيو..... بلد متخلف متعنت داعم للإرهاب .... ماشي حاله متل كل هالدنيا ...والا الكنديين قليلي الاهتمام أصلا بالسياسة والجغرافيا والتاريخ والمواضيع العالمية الجادة؟ متل أمريكا يعني...ممكن توضحيلنا الصورة..

لحد اللحظة مرتبطة باهلي وين ما بيكونو لازم كون معون
الارهاب ليس سوريا انما الاسلام
اكتر العالم ما بيعرفو وين سوريا ...من بلدان العالم الثالث ..الها تاريخ كتير قديم وحضارات معروفة
اول مابتقول سوريا اللي بيعرفا بيقلي الطبخ السوري والاماكن الاثرية (كانو ماعنا غير هالشي )
لكن الجالية السورية هون عمتعطي صورة كتير حلوة عن بلدنا ومتفاعلة مع المجتمع
وطلابنا معروفين بتحصيلهون العلمي الكويس

سمعت أنو بكتير من بلدان العالم سمعة طلاب الطب هي هي وين مارحت (يعني قال بيقولو أنو البنات معقدات والشباب كاملين مكملين ) ...شو بتسمعي عنكن بجامعات كندا عن طلاب الطب....ورجاء بصراحة ..

ما عندي معرفة شخصية بطلاب طب هونة.. لكن اللي بسمعوا عنهم حياتهم نشيطة.. دايماً في عندهم اشيا لازم يعملوها وأحياناً بتأدي لشخصية جادة .. السوريين خاصة أصحاب روح مرحة جداً.. إنسانيتهم عالية..

طيب شو مسموعيات العرب و الاسلام...متل رأي أغلب الغرب حاليا وإلا أحسن وإلا...؟
أكتر شي حبيته بكندا وأكتر شي كرهتيه...بالمقابل أكتر شي بتشتاقيله ببلادك وأكتر شي ارتحتي منه (عدا صوت بياع المازوط)..

لازم نحسن اكتر من صورتنا ..
حبيت تسهيل الدراسة
كرهت ..الغربة

وأخيرا ليش بشري حلب من بين آلاف المنتديات العربية..

منتدى متنوع ..والاعمار كتير متقاربة من بعضها والطاقم كلو بيشتغل مع بعض باريحية
ورابط بالشرق حتى ما انسى من وين انا

مشكورة على صبرك وآسف على التأخير..

العفو ...

والسلام عليكم..

وعليكم السلام ..