بسم الله الرحمن الرحيم والسلام عليكم ورحمة الله وبركاته
ان شاء الله من خلال هل الموضوع رح بحاول أعرض آخر التغييرات المتعلقه بالاختصاص بالمملكه المتحده مع عرض سريع لمتطلبات ومتغيرات الامتحانات البريطانيه ........
هدفي من هل الشي هو تكوين صوره اقرب ماتكون للواقع بحيث اي طالب عبفكر بالاختصاص في هذه البلاد يعرف شو يتوقع وشو يحضر ......
رح بكون سعيد جدا للاجابه على تساؤلاتكوم سواء من خلال تجربتي ومن خلال تجارب الشباب اللي عبختصوا في هل البلد ومن خلال الجهات المعنيه اذا كان بطلب الامر .
اللي دفعني افتح هل الموضوع هو حجم الصدمه اللي عانيناها نحن شباب كلية طب حلب واللي كانت ناجمه عن جهل شديد بطبيعة النظام الصحي والتعليمي في بريطانيا على الرغم من اني قضيت حوالي خمسة أشهر في ستاجات في المشافي البريطانيه قبل التخرج .
بادئ ذي بدء خلوني اعرضلكون احصائيه صغيره كتير وبضم الاطباء اللي تخرجوا من جامعة حلب خلال العامين 2003 و 2004 (يعني اللي هنن مجايله معكون) واللي طبعا قصدوا بلاد الانجلو السكسون لمتابعة التحصيل الطبي:
عدد الطلاب اللي تقدموا الى امتحان البلاب بجزئه الاول (14)
حالات الرسوب في البلاب (1) : (2)
عدد الطلاب الذين تقدموا للبلاب (2) : (10)
حالات الرسوب في البلاب (2) : (2)
(طبعا من البديهي القول اني اللي رسبوا بالبلاب 2 غير اللي رسبوا بالبلاب 1)
عدد الذين استطاعول الحصول على عقود عمل حتى تاريخ كنابة هذا الموضوع : (3)
القترة اللازمة للحصول على عقد عمل : في حالتين من اصل الحالات الثلاثه كانت منوسط الفتره 6 اشهر , في الحاله الثالثه (واسطه) كانت الفتره اقل من ذلك
طبعا تقصدت عدم الحديث عن فحص Ielts لاني في الحقيقه وجدت اني هل الموضوع قد اوفي حقه في عدة مواضيع على كل انا مستعد للاجابه عن اية تساؤلات
طبعا العبد الفقير لله كاتب هذه السطور لم يستطع تامين عقد عمل حتى تاريخه بس رجائي بالله كبير .....
وللحديث تتمه...............]

يسلموا يا دكتور بكري
كلنا عم نقرأ باهتمام
الله يعطيك العافية ويجزيك كل خير
بس والله تفاجأت بموضوع الدورة
كنت أظن إنه إذا الواحد بيحسن يستفيد من سنة الخبرة بعد التخرج بهالموضوع
ممكن كتير يفيد حاله
ويمكن من الضروري إنه الواحد يهتم بالستاجات في السادس
ما هيك؟

دكتور بكري
كيفك؟
تأخرت علينا

آسف على هذا الانقطاع
اذا ماذا بعد البلاب 2 ....
بصراحه هنا تبدأ المشكله الحقيقيه بالنسبه للاختصاص في المملكه لانه كما تعلمون لايوجد التزام بالاعداد المهوله من الاطباء اللي عبتيجاوزا امتحان البلاب ولكن بشكل عام رح حاول اصور شو المطلوب منك انك تساويه خلال هل الفتره والباقي على الله لاني بالفعل الموضوع كلوا الوا علاقه بالواسطه او المعارف او حظك وتوفيقك.

1 – حاول تأمن clinical attachment شلون مابعرف مشان هيك الستاجات احيانا مفيده او اذا الك دكتور بتعرفوا وعبيشتغل بهل البلد صرلوا سنين فممكن يفيدك .
2 – طبعا منطقيا المفروض تكون بدأت بالبحث عن عمل بمجرد اجتيازك امتحان اليلاب 2 ولحتى تزيد فرصك (يعني تزيدها شوي مو كتير) لازم يكون عندك CV بتصورك على انك نبي او ملاك تمشي على الارض.
3 – حاول تحصل على تسجيل في GMC يعني Limited registration .
النكته فين انوا لحتى تشتغل كطبيب بهل البلد لازم يكون عندك limited registration ولحتى تحصل على الـ Limited registration لازم يكون عندك عقد عمل جاهز .
يعني على مبدأ "تاع ولا تجي"
طبعا تم تطوير اساليب لكسر هذه الحلقه المفرغه بس مو دائما فاعله ولحتى تكون صالحه لازم يكون عندك Clinical attachment وعلى كل لبين ماتوصلوا لهل المرحله نحن منكون هون وابقوا عطونا الو ومنشرحلكون ياها .
القضيه فين فيما يتعلق بالاختصاص بهل البلد ؟
كتير من الدكاتره بتعلق عند هل النقطه هلق شقد ممكن تقضي فتره من دون شغل (يعني من تاريخ اجتياز البلاب وحتى تلاقي شغل) ما حدا بيعرف بس الملاحظ اني الفتره عبتتراوح حوالي 6 – 8 اشهر
طبعا لازم تجهز حالك ماديا والاهم معنويا لمتل هيك فتره

الامور عبتزداد صعوبه لاني هنن بحاجه لدكاتره صح (بس هنن محتاجين دكاتره مختصين) اما بالنسبه للـ Junior doctors فعندون مايكفي ويزيد (الفضل طبعا للهنود)

مؤخرا صار في تعديل على الاحصائيه اللي ذكرتها في بداية هل الموضوع واللي هو :
2 من اللي نجحوا بالبلاب 2 لاقوا شغل مؤخرا (انا مالي منون!)
الفتره اللي قضوا من دون شغل (< من سبع شهور)

الخلاصه : نصيحه اذا كنت جاي على انكلترا ومافي عندك هدف محدد او اختصاص معين مابتحسن تاخدوا بالولايات المتحده فعليك بالستبات صعي فحوص اميركا اصعب من انكلترا وبياخدوا وقت بس بالاخير بتعرف حالك على اي بر رح ترسوا .
الا بقى اذا كنت مؤمن بعراقة صنعة الطب بهل البلد فما بحسن اقلك غير "تاع ولا تجي"
وان شا الله رح نحاول جهدنا ان نساعدك ونحطك على الطريق (بعد مانكون حطينا حالنا طبعا)
والله ولي التوفيق

دكتور بكري
من عندك وانت في قلب الحدث شو أثر التفجيرات عليك وعلينا؟
ممكن الواحد يتردد ولا بتنصح نضل مصرين؟
وشكراً

اشكرك اخي الحبيب بكري على الموضوع الرائع والله يجعله في موازين حسناتك
وبصراحة انت من الناس النادرين حيث قليل من الطلاب يعطي متل المعلومات المهمة هي بدون مقابل او مصالح

الله يجزاك كل خير ويكثر من امثالك ويوفقك ويعطيك ما في بالك

تحياتي لك

بسم الله الرحمن الرحيم
أخ بكري شكراً كتير الك على هالمعلومات و الله يعطيك العافية
و لا تخاف إذا مالاقيت شغل لهلأ أكيد رح تلاقي لأنك من الشباب الممتازين و معروف عنك بالكلية هالشي
"و من يتق الله يجعل له مخرجاً" صدق الله العظيم
حط ربك جل و علا بين عينيك و انشالله الله ما بيخيبك
أخوك
أعتق حلبي
حازم

أخي بكري شكراً كثير لإلك...


المهم بدي أسأل: أنت قلت إنو كثير مهم يكون CV تبعك كثير منيح...

لما بتقدم على عقد عمل، شو أكثر شي بيركزوا عليه لما بيكونوا عبيقروا السي في تبعك؟

يعني شو أهم شي تكون عامله؟ شو الشي يلي بيعطيك قوة؟

يعني مثلاً: إذا عامل دورة ACLS، أو ALS...إذا عامل research بسوريا أو ببريطانيا، إذا مبلش بالاختصاص هون قبل ما تطلع (خبرة سريرية 12 شهر مثلاً)، إذا عامل ستاجات ببريطانيا....

يعني شو أهم هي الأشياء؟ وعلى شو بيركزوا بالسي في تبعك؟ شو الأساسي؟ وشو الميزات الإضافية؟


شكراً كثير

ياعزيزي تحسين الشغلات اللي ذكرتهون بمعرض حديثك كلهون مهمين بس انك تعتمد على السي قي بس بالتقديم للحصول على العمل رح تكون فرصك جدا ضعيفه حتى مع وجود سوبر سي في عندك ليش :
السبب الاول : المعرفه المسبقه للمتقدمين هي اساس الاختيار يعني تاكد لو لجنه الاختيار بتعرف واحد من المشفى عند المؤهلات المناسبه فمارح يجيبو واحد من غير مكانز
ثانيا: اني ابناء شبه القاره الهنديه بكتبوا سي قيات تفوق الخيال يعني سي قياتون بتكون احسن من سي قيات اعضاء لجنه الاختيار
يعني بكونوا كاتبين اش بخطر على بالك : خبرة عمل بفصلوها تفصيل حسب المطلوب خبرة متطوعين شغالين مع اطباء بلا حدود بتلات ترباع العالم كورسات مساويين ALS وال ATLS و (عفوا انا ماعرفت اش هو ال ACLS بس لاتخاف كمان بكونوا كاتبينوا)
المهم لحتى تحصل شغل بدك سي في قويه جدا جدا جدا او بتعرفلك حدا او اذا لحقت تتطلب من الوالده تدعيلك بكرا بليلة القدر بالتوفيق .
على كل شغلة السي في بدت تصير من الماضي مع دخول نظام الفاوندشن الجديد foundation programme ليش لاني حاليا صار لاوم تعبي طلب من عندون في اسئله غبيه ورح يعتمدوا بالاختيار على العلامه اللي بتجيبها من اجوبتك لهل الاسئله.
اسئله من قبيل عطينا مثالين عن انجازاتك الاكاديميه واثنين عن غير الاكاديميه واثنين عن روح الفريق اللي انت تمثلتوا بموقفين في حياتك واتنين عن دور قيادي انت لعبتوا واتنين عن الطبيب الجدي بنظرك مع انعكاس كل من هذه الامثله عليك!!!!!!!!!!!!!!!!!!!!!!!!!!!!!!!؟
سيدي الموقف صاير صعب ماعمبحبطك ولا شي حابب انكلترا فالابواب مفتوحه للولوج بس ليس للشغل عندك ايمان بنفسك شرف لهون وجرب حظك لا بدك نصيحتي اذا لسع عندك وقت قعود وحضر لاميركا وتوكل على الله
مع الاشواق

المشاركة الأصلية بواسطة Bakri

بس انك تعتمد على السي قي بس بالتقديم للحصول على العمل رح تكون فرصك جدا ضعيفه

شكراً لإلك أخ بكري...

بس ممكن تشرحلي شو ممكن أعتمد عليه غير الـ CV ووجود علاقة شخصية مع أحد الدكاترة...

وغير الـ Application طبعاً..

يعني أني حابب أعرف ببساطة شو هي أهم الأشياء؟ وعلى شو بيركزوا بالاختيار تبعهن (غير الأبليكيشن والعلاقة الشخصية) ؟في شي معايير عندن؟ شو الأساسي؟ وشو الميزات الإضافية؟

اذا انت مصر طيب فاسمع يا اخي
انا ما بعرف انت شقد مطلع على النظام الجديد بانكلترا بس اللي رح احكيه بمطلبق على النطام القديم يعني نظام الهاوس اوفيسير house officer و نظام senior house officer واللي هو النظام القديم .
لما بينطلب شغل كان بنزل مع كل شغل المواصفات المطلوبه وعلى سبيل المثال لو انت عبتقدم على SHO في الداخليه مثلا فالمفروض انك تكون
1 - مخلص سنة خبره واللي هي سنه internship
2- عامل بحث او audit او هل هو (ناشر شغله بمجله) طبعا هادا الشرط مو اجباري بس رح تشوفوا بالابليكيشن.
3 - عامل كم كورس وخاصه ALS (يعني advance life support)
4- عندك خبره بتدريس طلاب الطب
5 - مسجل بال GMC كمان ماهو شرط بس مفضل
6 - عندك نشاطات خارج الطب ومن بينها العمل الطوعي
7- مقدملك شي فحص من فحوص Royal college بقى الداخليه او الاطفال او حسب الاختصاص اللي عبتقدم عليه

هلق متل مالك شايف في شغلات ممكن الواحد يفبركها يعني ممكن تقول انا كنت بطل الجمهوريه بالسباحه وعلى هذا الاساس ابناء شبه القاره الهنديه بيشتغلوا
يعني بدون دكتور عندوا حياتوا وبنفس الوقت فهمان شوي مو كتير لاني الانكليز مابيحبوا الفهمانين كتير هدوليك الاميركان بيحبوا الفهمانين كتير

على كل القضيه ماهي قضية سي في متل ماقلتلك مابعرف انت اي سنه بس بالفعل بدي ياك تروح على موقع www.gmc-uk.org وتتمعن بالمكتوب هنيك بالنسبه للدكاتره اللي جايين من برا او اذا بتعرف حدا هون بتثق فيه فنصيحتي حطوا وخليه يضعك بصورة الاحداث وانا ان شالله مستعد امدك بما اعرف بس الوضع اصعب من مابتتخيل انا حاليا الي 7 شهور هون ولسع مافي شي في الافق ما عبقلك هي مشان احبطك على قد ما عبنصحك.
لا اذا عندك قرايبين هون او معك جنسيه او شي فهداك وضع تاني

مع اشواقي