بسم الله الرحمن الرحيم والسلام عليكم ورحمة الله وبركاته
ان شاء الله من خلال هل الموضوع رح بحاول أعرض آخر التغييرات المتعلقه بالاختصاص بالمملكه المتحده مع عرض سريع لمتطلبات ومتغيرات الامتحانات البريطانيه ........
هدفي من هل الشي هو تكوين صوره اقرب ماتكون للواقع بحيث اي طالب عبفكر بالاختصاص في هذه البلاد يعرف شو يتوقع وشو يحضر ......
رح بكون سعيد جدا للاجابه على تساؤلاتكوم سواء من خلال تجربتي ومن خلال تجارب الشباب اللي عبختصوا في هل البلد ومن خلال الجهات المعنيه اذا كان بطلب الامر .
اللي دفعني افتح هل الموضوع هو حجم الصدمه اللي عانيناها نحن شباب كلية طب حلب واللي كانت ناجمه عن جهل شديد بطبيعة النظام الصحي والتعليمي في بريطانيا على الرغم من اني قضيت حوالي خمسة أشهر في ستاجات في المشافي البريطانيه قبل التخرج .
بادئ ذي بدء خلوني اعرضلكون احصائيه صغيره كتير وبضم الاطباء اللي تخرجوا من جامعة حلب خلال العامين 2003 و 2004 (يعني اللي هنن مجايله معكون) واللي طبعا قصدوا بلاد الانجلو السكسون لمتابعة التحصيل الطبي:
عدد الطلاب اللي تقدموا الى امتحان البلاب بجزئه الاول (14)
حالات الرسوب في البلاب (1) : (2)
عدد الطلاب الذين تقدموا للبلاب (2) : (10)
حالات الرسوب في البلاب (2) : (2)
(طبعا من البديهي القول اني اللي رسبوا بالبلاب 2 غير اللي رسبوا بالبلاب 1)
عدد الذين استطاعول الحصول على عقود عمل حتى تاريخ كنابة هذا الموضوع : (3)
القترة اللازمة للحصول على عقد عمل : في حالتين من اصل الحالات الثلاثه كانت منوسط الفتره 6 اشهر , في الحاله الثالثه (واسطه) كانت الفتره اقل من ذلك
طبعا تقصدت عدم الحديث عن فحص Ielts لاني في الحقيقه وجدت اني هل الموضوع قد اوفي حقه في عدة مواضيع على كل انا مستعد للاجابه عن اية تساؤلات
طبعا العبد الفقير لله كاتب هذه السطور لم يستطع تامين عقد عمل حتى تاريخه بس رجائي بالله كبير .....
وللحديث تتمه...............]

المشاركة الأصلية بواسطة Fiso

عزيزي Snoopy
أخيرا عرفتك .. وينك يازلمة ...
بعدين ليش ماعم تكتب بالعربي ؟؟ ولا ماعندك كيبورد عربي .؟؟
شو آخر أخبارك ؟؟ انشالله مبسوط ؟؟ والله اكتر شي افتقدنالك في بطولة الفيفا العظيمة ..
ابعتللي إيميلك عالخاص لأنو ضيعتو !!

salameh fiso
my e-mail is
wag_fmb@hotmail.com
i don't have arabic keyboard but i still can write to you anyway
i'm fine but i really miss you guys
keep the faith

مشكور جدا يا أخ بكري على المعلومات
و أتمنى أن أراك يوما في بريطانيا
أو في حلب

شنكول مارح رد لبين ماتزبطلي موضوع العلم
يالله رح امن انك رح تزبطلي ياه ولاتقلي اتوماتيك ما اتوماتيك بدك تفهمني اني التكنولوجيا انقلب على صاحبها!:
ياسيدي انا لسع ما اشتغلت بس الله كريم وولسعني عبسعى هي الي حوالي 8 تشهر بصراحه مافي شي في الجو غير رحمة ربنا واملنا فيه والي علينا الحمد لله عمنساويه والرزق والتوفيق من الله
بالنسبه للفاونديشين الوضع كالتالي:
الاختصاص ببريطانيا تغير بس عل التغيير رح يتم خلال السنتين الجايت بس هو بدأ مسبقا (التغيير) فالنظام القديم متل ما بتعرفوا كان انو الطالب بيتحرج بعد دراسة خمس سنين طب (المظام البريطاني) وبعدين بيشتغل سنه اسمها (Junior house officer) وبعدين بيساوي سنتين او 3 سنين بشي اسمو (Senior house officer) ويعدين بساوي خمس سنين بش اسمو (Specialist registrar) وبعدين بموت بقى ...... قصدي اذا لسع الله كاتبلوا عمر يعيشوا بصير Consultant (اذا هاد النظام القديم).
هلق النظام الجديد (الفاونديشين كالتالي):
خمس سنين طب
سنتين (1 و 2 Foundation year)
خمس سنين (Speciality training)
Junior consultant
واذا حابب تساوي تحت اختصاص بتساويلك كم سنه تانيات وبتصير senior consultant
هلق ابناء الجامعات السوريه يفترض (يفترض بين قوسين) انو يدخلوا على النظام من مستوى fondation year 2
حاليا وفي هذه السنه القادمه التوجيهات توصي بتخصيص 5 % من foundation year 2 للاطباء الجايين من فوق البحور (Oversees doctors ) يعني نحن
هلق هلق العدد او النسبه كتير كتير كتير قليله لاني النسبه بالسنوات الماضيه كانت تصل لحاولي 25 % اذا مو اكتر
مع ذلك هل التوجيهات لسع رح تتطبق اعتبار من اب القادم ولسع مو مبين اذا هل النسبه بتكفي تغطي كل الاحتياجات ولا رح يتضطروا ياخدوا عدد اكبر من اطباء فوق البحور
هلق مثلا في المثال اللي عطيتني ياه واللي ينص انو بدك اختصاص معين واللي هو العينيه (طبعا وفقك الله بس عرفان شو تنقي والله يا شنكول)
حبيبي شنكول اذا عبتقول انو طريق اميركل مسدود مسدود فيما يخص هل الاختصاص واذا ابواب الدول الغربيه مغلقه في وجهك لسبب او أخر فأعتقد اني خياراتك متل ما عبشوفها حاليا هي كالتالي والله أعلم:
اول شي انك تتخرج وتجي لهون وتتدخل بنظام الفاونديش وبعدين لما توصل لمرحلة speciality training وهي المرحله اللي لازم تقاتل مشان تاخد العينيه بقى انت وحظك ونصيبك وتوفيقك ومشيئة ربنا اولا واخرا بس اعتقد اني هداك الوقت مارح تكون كتير مصمم على اختصاص معين يعني بتاخد اللي بصحلك مقابل الاغراءات (عقد خمس سنين).......
الحل التاني انك تختص عينيه بسوريا بقى هون او بالشام وبعدين تاخد فحوصات الزماله وتجي لهون عن طريق Royal college of ophthalmologist والطريقين فيهما من الاشواك والاحزان والالام والاقدام والتضحيات والطلعات والنزلات. :
وبلاخير شنكول صدقني قدرنا رح ناخدوا لازياده ولا نقصان وانما لكل مجتهد نصيب وشرف الوثبة ان ترضي العلا وماطار طير وارتفع الا كما طار وقع .
شنكول الامور بحاجه لاقعده وتدرس شو هي اولوياتك وشو هي امكانات وشو هو طموحك
مهنة الطب صعبه بكل اختصاصاتها وبدها شغل والتزام طول العمر والتضحيات اللي عمنقدمها كبيره بس الامل بالله اني خلال هل المسيره عمنعمل شي يرضيه ويرضى فيه عنا
شنكول اذا بدك سؤال محدد اجاوب عليه سالني رح اجاوب باللي بعرفوه انشالله او انكشلك هون واشفك شو الجواب بس حاول انك تغطي الوضع بكل جوانبه.
متل ماقلتلك انا ومضر النا هون 8 تشهر تقريبا عدة علينا ايام بدنا نضب غراضنا ونرجع وايام الحمد لله ماشفنا متلها ببلادنا ايام الهمم بالعالي وايام عمندور وين وقعنا الهمم وضيعناها الوضع صعب بس بدوه صبر ودراسه وادراك للامكانيات ومتل مالك شايف هي قاعد وكل يوم بفيق بقول يا ميسر وعسى الفرج قريب والحمد لله الامل لسع موجود.
وحباب ظبطلي شغلة العلم
والسلام

السلام عليكم ورحمة الله..
جزاك الله خيراً أخي على المعلومات القيمة التي قدمتها لنا.. سأكون شاكراً إذا استطاع أحدكم مساعدتي، سأتخرج بعد كم شهر من كلية الطب ولي زوجة بريطانية تدرس وتقيم في بريطانيا.. فهل يساعدني هذا في السفر وبدأ برنامج التخصص هناك؟ وماذا أفعل هل أسافر وألحق بها بعد أن أنهي الامتياز وأمتحن الأيلتز والبلاب وهل سأضمن وظيفة لائقة ووضعاً جيداً في ظل هذا التنافس المحموم!.. أم آخذ بورداً عربياً ثم أسافر إلى بريطانيا وأعمل تخصصاً آخر هناك.. بم تنصحوننا جزاكم الله خيراً..

يا اخي العزيز
يعني مابعرف شو بدي اقلك الوضع متل ما شرح اعلاه وحقيقة اني زوجتك معها جنسيه ممكن يسهلك كتير موضوع الاقامه والفيزا طبعا بس مارح يأثر كتير على موضوع العمل والاختصاص الا اذا كانت زوجتك بتعرف احد من الاطباء الاخصائيين هناك بحيث يحسن يساعدك في الحصول على العمل ..... !
اما هل تقدم الايلتز او تنتظر وتخلص البورد العربي فهذا سؤال ياحبذا لو كان بامكاني الاجابة عليه برجع بقول متل ماقلت لشنكول كل واحد الا وضعوه وبيعرف امكاناتوه فالخيار خيارك ........

أخي بكري
أنا حصلت و الحمد لله على فرصة ستاج الصيف القادم ب سان جورج بعد ما عملت مراسلات لعدة مشافي و جامعات...
بس من كم يوم حصلت على قبول تاني من جامعة QUEEN MARRY بتوقيت مناسب و بيكمل توقيت ستاج سان جورج
و سؤالي...أنو أنا اذا عندي إمكانية أعمل ستاجين...هالشي مفيد إلي بعدين بمرحلة الاختصاص ولا الأمور ما عادت
فارقة كتير.. و الأمور باتجاه الأسوأ و ما عم ياخدو الستاجات بعين الاعتبار بال CV. ولا قيمة ستاج واحد متل قيمة اتنين...يعني بدي نصيحتك بهالموضوع...آخد القبولين ولا أكتفي بواحد؟؟؟ ولا حتى الستاج الواحد صار مالو كتير
أهمية ؟؟
مع الشكر الجزيل