حقائق وأكاذيب حول الاختصاص في انكلترا
يدور هذا النقاش حول حقائق وأكاذيب حول الاختصاص في انكلترا في قسم امتحانات الدول الغربية (بشري) في الملتقى الطبي السوري; -->
بسم الله الرحمن الرحيم والسلام عليكم ورحمة الله وبركاته
ان شاء الله من خلال هل الموضوع رح بحاول أعرض آخر التغييرات المتعلقه بالاختصاص بالمملكه المتحده مع عرض سريع لمتطلبات
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| استشارات الرازي | مقابلة مع منارة المنتدى ... !!! |
 |
| | LinkBack | أدوات الموضوع |
|
#1
Jun, 27 2005, 21:33
| |||
| |||
| حقائق وأكاذيب حول الاختصاص في انكلترا بسم الله الرحمن الرحيم والسلام عليكم ورحمة الله وبركاته ان شاء الله من خلال هل الموضوع رح بحاول أعرض آخر التغييرات المتعلقه بالاختصاص بالمملكه المتحده مع عرض سريع لمتطلبات ومتغيرات الامتحانات البريطانيه ........ هدفي من هل الشي هو تكوين صوره اقرب ماتكون للواقع بحيث اي طالب عبفكر بالاختصاص في هذه البلاد يعرف شو يتوقع وشو يحضر ...... رح بكون سعيد جدا للاجابه على تساؤلاتكوم سواء من خلال تجربتي ومن خلال تجارب الشباب اللي عبختصوا في هل البلد ومن خلال الجهات المعنيه اذا كان بطلب الامر . اللي دفعني افتح هل الموضوع هو حجم الصدمه اللي عانيناها نحن شباب كلية طب حلب واللي كانت ناجمه عن جهل شديد بطبيعة النظام الصحي والتعليمي في بريطانيا على الرغم من اني قضيت حوالي خمسة أشهر في ستاجات في المشافي البريطانيه قبل التخرج . بادئ ذي بدء خلوني اعرضلكون احصائيه صغيره كتير وبضم الاطباء اللي تخرجوا من جامعة حلب خلال العامين 2003 و 2004 (يعني اللي هنن مجايله معكون) واللي طبعا قصدوا بلاد الانجلو السكسون لمتابعة التحصيل الطبي: عدد الطلاب اللي تقدموا الى امتحان البلاب بجزئه الاول (14) حالات الرسوب في البلاب (1) : (2) عدد الطلاب الذين تقدموا للبلاب (2) : (10) حالات الرسوب في البلاب (2) : (2) (طبعا من البديهي القول اني اللي رسبوا بالبلاب 2 غير اللي رسبوا بالبلاب 1) عدد الذين استطاعول الحصول على عقود عمل حتى تاريخ كنابة هذا الموضوع : (3) القترة اللازمة للحصول على عقد عمل : في حالتين من اصل الحالات الثلاثه كانت منوسط الفتره 6 اشهر , في الحاله الثالثه (واسطه) كانت الفتره اقل من ذلك طبعا تقصدت عدم الحديث عن فحص Ielts لاني في الحقيقه وجدت اني هل الموضوع قد اوفي حقه في عدة مواضيع على كل انا مستعد للاجابه عن اية تساؤلات طبعا العبد الفقير لله كاتب هذه السطور لم يستطع تامين عقد عمل حتى تاريخه بس رجائي بالله كبير ..... وللحديث تتمه...............]  |
|
#3
Jun, 28 2005, 00:52
| |||
| |||
| شكرا الك اخ بكري على هل الخطوة الكويسة وبتمنى من كل طلابنا انو ماينسو انو في شمعات هنا ستطفىء اذا لم يتم تدبيرها خارج هذه البلاد لذلك .......................خلون ياجماعة ايد وحدة ...........ونريد الخير لبعضنا ................ وفقك الله اخ بكري ونوّلك مرادك واعلم ان الخير بما اختاره الله وشكرا على الخطوة المميزة |
|
#4
Jun, 28 2005, 01:18
| |||
| |||
| ياسيدي الله يخليك يا دكتور بكري ........... وشكراً جزيلاً . واذا ممكن اتخلينا على اطلاع على هالمستجدات لأنو انتوا فقط (الشباب الأكبر منا ) مصدر معلوماتنا . وبحب اسألك : هل الراغب باختصاص الجراحة مضطر للانتظار فترة أكبر من غيره ؟؟؟؟ وهل من الممكن انو الواحد يحصل الجراحة العصبية مثلاً بعد العامة ؟؟؟وشو العوامل اللي ممكن تساعدنا لهالشي ؟؟؟ وعلى حسب علمي انت عملت دورة الايلتز عند دكتورة بشكل فردي . فهل هالنمط أحسن (حسب تجربتك ) من دورة القنصلية البريطانية ؟؟؟؟ مع اعتبار اني انا صرت خامسة حديثاً , وناوي بلش دورة الايلتز خلال هذه السنة . وشكراً سلفاً |
|
#5
Jun, 28 2005, 10:36
| |||
| |||
| ياسيد أمين هادا الشي واجب علينا لاني الوضع ببريطانيا شوي صعب من حيث التنافس الشديد بين Overseas doctors وطبعا اللي عبزيد فرص العديد من الاعراق والجنسيات في الحصول على فرص عمل هو التآلف ةالتنظيم اللي بينهم وأبرز مثال على ذلك هو الهنود الهندوس والهنود والباكستانيين المسلمين وبصراحه نحن العرب أكتر الشي مقصرين مع بعضنا ولكن بفضل الله كتير من الاطباء العرب المتقدمين (consultants) بدأو يعو هل المشكله وخلوني أعطيكون صورا أقرب ما تكون الى الواقع : بعد اجتياز امتحان البلاب (2) اصبح بمقدورك الحصول على (GMC Limited registration) واللي هو أهم خطوه بعد اجتياز البلابات وطبعا متل ماكتير بيعرفوا انك مابتحسن تتحرك أو تتنفس كطبيب في اي مشفى من مشافي UK من دونها ومشان هيك بتسمعوا كتير اني طلاب الطب اللي بيطلعوا بساوا ستاجات (Elective attachment) يسمح لهم بالقيام بأمور تحرم علينا نحن الاطباء اللي لك يحصلوا بعد على Registration وحقيقة الامر كالتالي : كي تحصل على Limited registration لازم تأمن عقد عمل في الاول (صدقوا او لاتصدقوا كثير من عقود العمل وليس كلها لايمكن الحصول عليها بدون ما يكون عندك Limited registration مسبقا) يعني اللي بحب يسميها ضحك على الدقون فهو ضحك على الدقون أما ما الحكمه من ذلك فا والله أعلم فهو تحجيم عدد overseas doctors اللي عبدخلوا على النظام يعني بالمشرمحي اذا في 1000 دكتور اجنبي فبدل مايدخلوا على النظام خلال 3 أشهر أشهر دفعه واحده بدخلوا بالتقسيط خلال سنه ......... المشاركة الأصلية بواسطة الرجل الحديدي
يا ايها الرجل الحديدي : بشكل عام جميع الاختصاصات مفتوحه للجميع ورح تشوف انك كل ما بتعبي Application form Job رح يكون في ملحق بسموه Equal opportunity form يعني منطقيا لما بختاروا دكاتره بختاروهن على اساس متطلبات الشغل ومؤهلاتك (ورح بحكي بالتفصيل عن هل الموضوع المره الجاي) ولكن It is not that easy ورح بغطي موضوع كيفية الحصول على عمل بشكل وافي ان شا الله لاني هي الخطوه الاهك والاصعب برأي .... بالنسبه لسؤالك حول Ielts يا أخي العبد الفقير لله بدأ يحضر لهذا الفحص تقريبا مع بداية السنة الدراسيه الاخيره (السادس) ولكن أنا كنت عبقوي لغتي منذ السنه الثالثه طبعا النصيحه هو هل الفحص Ielts دائما شخصيه لاني بتتعلق بمستواك الحالي بالانكليزي يعني اذا كنت متقدم فصدقني الدوره بحد ذاتها ما هي العامل الاهم المهم تدريبك اما اذا كنت متوسط فمادون فبدك دوره هلأ شو طبيعة الدوره بيعتمد على النقطه اللي حابب تقويها يعني اذا بدك تقوي Speaking و writing فقط فالدوره الخاصه او المصغره (طالبين تلاقه) أفضل وماتنسى انى من الناحيه الماديه مافي فرق يعني رح تدفع نفس المبلغ تقريبا في الحالتين (اذا بتحب تبعتلي تفاصيل اكتر عن لغتك ان شا الله بحسن بعطيك النصيحه الافضل) وقبل ما أختم لازم تعرف انك اذا كنت مهتم بالجراحه العصبيه فانت مثال الشب اللي عبحاول ساعدهون من خلال هل الموضوع لاني الامور تزداد صعوبة كلما زاد الاختصاص تعقيدا والله ولي التوفيق وللحديث تتمه.......... |
|
#6
Jun, 28 2005, 10:49
| |||
| |||
| يسلموا كتير دكتور بكري طيب سؤال: شو الكتب اللي لازم تندرس وتتحضر كمان بكفي إذا الواحد تمكن من مواده وبعدها درس الأوكسفورد؟ بصراحة أنا كتير خايف من الكيومار منظره برعب أكتر من 1000 صفحة الكيومار ضروري جداً ولا عادي ولا شو؟ ولازم يندرس دراسة ولا يُقرأ قراءة بكفي؟ خود راحتك في الإجابة وحسب وقتك  |
|
#7
Jun, 28 2005, 14:42
| |||
| |||
| يمكن الشي اللي صار واضح عند أغلب الطلاب في السنوات من 4 فما فوق ، انو الطلعة لبرا ، على أي دولة كانت ، بدءا من اميركا وانكلترا ، ومرورا بفرنسا وألمانيا وانتهاءا بعدد آخر من الدول متل إيطاليا واسبانيا ، طريق لايخلو ابدا من المصاعب ، والعواقب ، ويتطلب الكثير من الوقت ،والأكثر من المال ( بين رسوم فحوصات ومصاريف سفر ) ، والاكثر من كل ذلك ، الجهد والتعب ، ووجع الراس والهم والتفكير ... شأد ماكان الواحد ياكل هم بالبكلوريا ، فالهم هون يعادل أضعاف مضاعفة ، على عكس ماكان تصورنا وقت كنا بكلوريا ، انو بس دخلت عالجامعة ماضل شي يوقفك ، بس اكتشفنا هالشي مؤخراً ... بس يمكن بتوفيق الله عز وجل وحده ، وبالعزيمة والإصرار ، يمكن الواحد بيوصل للهدف اللي بيحطو ... |
|
#8
Jun, 28 2005, 16:00
| |||
| |||
| فعلا يا جماعة الاختصاص وينما رحنا صار صعب بما فيه بسوريا لما بتسمع انو الدراسات العليا طالبة على سبيل المثال 40طالب داخلية و13 جراحة عامة و5 ج.بولية و5 جراحة عظمية و2 أذنية ولا واحد جراحة عصبية ولا واحد جراجة قلبية و7 مدري 9 توليد ونسائية و40وااااااااااااااحد تخير و11 أشعةومابعرف كم واحد عينية 2 أو 3................................بتحس حالك انو راح تدمر ..........ولك يا جماعة جامعتنا عبتتخلى عننا شو عبصير بالدنيا ............وين نروح بحالنا ........................؟؟؟ الله يفرجها على الجميع وما يتخلى عننا ........ والسلام Oaa |
|
#9
Jun, 28 2005, 18:16
| |||
| |||
| شكر أولاً أحب أن أشكر الدكتور بكري على هالمعلومات و روح الله يوفقك و يفتح بطريقك لأنو اللي بيعطي المعلومات بهالشكل أكيد قلبوا كبير و لله و وسعان الجميع ثانياً : يا جماعة أنا أحد الناس اللي انظلموا من ورا الاختصاص برا و على قولة أمين اذاجامعتك بتكبك مو غريبة عن اللي بأوربا و لا بأمريكا الصراحة عمندوب و نتبهدل بس اطمئنوا الله مو ناسينا فمن غير المعقول مثلاً هالطلاب اللي سعوا من أوائل سنين حياتهم الطبية يتعلموا برا و جوا و بكل مكان و يعتمدوا على المراجع و يتركوا هالنشح اللي عمندرسوا بالكلية لأهل النشح و بعدا ينظلموا و ما يلاقوا مجال لإظهار كل هالتعب اللي تعبوه صدقوني يا شباب الله ما بيضيع تعب حدا و الكل انشالله رح يوفقوا و خلينا دائماً على اطلاع أخ بكري و الله ينصرك و ترفع راس بلدنا بالعالي و تبيض وجه جامعتنا الوسخ برا موفقين مع حبي حازم |
|
#10
Jun, 28 2005, 20:41
| |||
| |||
| طيب اذا سمحتولي احط مخطط امشي عليه بشرحي وبنفس الوقت رح أعمل جهدي أرد على اسئلتكون (وما مكنني الله خيرا) الطريق الى بريطانيا والله أعلم يمر بالمراحل التاليه : النيه والادراده والتصميم والصبر والمعرفه وشوية دعم مادي ومامشكله اذا ساويتلك ستاج بانكلترا GO قوي انكليزيتك بشكل عام Ielts معلش عيد الـ Ielts عادي لاتزعل PLAB 1 PLAB 2 Clinical attachment Get Limited GMC Registration دور على شغل في هذه الاثناء لا توقف ابدا قدم فحص الزماله سواء جراحه او اطفال او اش من كان طبعا حسب رغبتك و حاول تساوي بحث او مايسمى هنا بالـ Clinical audit حصلت شغل ألف مبروك ريح شهرين مو أكتر رجاع دور على شغل جديد لاني بقيلك كم شهر وبخلص عقدك خليك عبتحضر لفحوص الزماله اذا طموحك كبير متل اخونا امين حاول تحصل Academic degree الاسهل هي MD يعني Master degree بس مي سهله اعمل لدنياك كأنك تعيش أبدا واعمل لآخرتك كانك تموت غدا .......... طيب رح حاول أشرح خطوه خطوه ان شا الله وحسب ما يسمح في الوقت : النيه : والله أنصح شباب الطب اللي ناوي يختص برا اني يحاول يقرر البلد اللي بدوا يقصدها خلال السنه الرابعه لاني كتير من زملائنا كاد ان يفوتون قطار السنون بسبب كثرة التردد . ولكن قرر وأنت على علم لاني الطرق كلها وعره وكلها تحتاج إلى صراع وياشباب متل ماقلت من قبل الغربه مي سهله ابدا والوحده بالغربه أصعب وأصعب مشان هيك لازم تنوي ويكون مع النيه العزم ..... الـ Ielts : بالنسبه لهل الفحص فمتل ماذكرت اللي عندو تساؤل يطرحوا أما اللي بدو معلومات عامه عن هل الفحص فما شاء الله الموقع يذخر بمعلومات قيمه جدا , وعلى كل رح بكون سعيد بالاجابه على التساؤلات حول هل الفحص . أما إعادة الـ Ielts فهي متل إعادة البكالوريا (يعني يعاد شرعا الا من رحم ربي وانا ماعبقول هل الحكي لاني انا شخصيا عدت الفحص بس لاني تقييم المعتمد لهل الفحص subjective وبالتالي المصحح يلعب دور أساسي بالنتيجه وليس مستواك اللغوي فقط . رح بحكي المره الجاي عن البلاب ..... ان شاء الله المشاركة الأصلية بواسطة Shankool ياعزيزي شنكول بالنسبه للكيومار فصدقني قرآته هو متعه حقيقيه والكتاب بذاته ليس شرط للنجاح بالبلاب بس انا بصح فيه وعلى مهلك .... بصراحه أنا أخد معي 7 أشهر وكنت كل ما أخلص Chapter ارجعوه من oxford يعني تركوه للسنه السادسه وامشي فيه على مهلك وصدقني رح تحس بفرق كتير كبير من بعد من تقراه اما بالنسبه للسنه الخامسه فعود حالك على الاكسفورد وبتفس الوقت حاول ترجع تقرا المواضيع المهمه من كتب كبيره ومراجع ومتل ما قلت رح احكي عن البلاب بالتفصيل ان شا الله ........
|
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| ألمانيا الاختصاص في ألمانيا | RWTH | امتحانات الدول الغربية (بشري) | 31 | Oct, 24 2007 20:21 |
| عنكبوت الجمل حقائق وأكاذيب: | Wiseman_a | مقهى الملتقى | 4 | Mar, 11 2006 13:45 |
كل الأوقات حسب GMT +2، والوقت الآن 19:29.
