السلام عليكم



أنا صايبني: بطر انترنيتي هادا تشخيصي الشخصي .. بعد دراسة التحاليل المخبرية والصور الشعاعية !

من سنتين دخل الـDSL غرفتي ولم يخرج منها. أول الشي السرعة كانت عادية شغلة 124 كيلوبيت بالثانية. الشركة ضلت تزيدها تزيدها لبين ما وصلت هلئ للـ1 ميغابت بالثانية.

خلال آخر شهرين:
حمّلت شي 50 فلم أجنبي و50 فلم عربي و10 مسلسلات وشي 30 فلم روسي . وهلئ عم نزل أفلام هندية باللغة الهندية كمان .
حملت شي 100 فلم علمي بين الديسكافري تشانيل وبي بي سي والناشيونال جيوغرافيك.
حملت كلشي ملفات ممكن تنوجد عن التوفل وIELTS.
حملت مواقع كتب الكترونية .. مواقع دينية وأدبية وما إلى ذلك !
حملت كلشي برامج معروفة، ابتداء من مجموعة الأدوب الأخيرة وانتهاء بالأوفيس 2007.


وهلئ عم حمّل شغلات مالها طعمة بس لشعور أن الانترنيت ما يروح هيك عالفاضي.

فإذا حدا عندو شي حابب ينزلو وما عم يقدر (طبعاً الله يبعتلكون أعراض حالة البطر تبعيتي)، بس أنا مستعدة أنزلو ياهون مجاناً وبدون مقابل وخلال شهرين تلاتة بيصلوه. بلكي حدا بيستفيد أحسن ما عم يمشي عالفاضي.



والسلام عليكم

السلام عليكم


ميلو ......... في فرق بين أن الواحد يقلون للمصابين بالمجاعة (متلكون) : أنا عم باكل لحم لحم لحم ! ... و: هو أنا عم باكل لحم وصايبتني تخمة، بس لح شوف شو بيضل فتات وبيسلم عالطريق بجبلكون ياه


إليكترو ............. طول بالك .. من ناحية إن نصير شركا إلنا الشرف. بس أنا مو كل شهر بسوريا لأنزلون . يا إما منعمل 12 عدد لسنة لأدام

فكرة حلوة ومهضومة. المشكلة الوحيدة متل ما قلتلك ان فيني جيبون عدفعتين خلال السنة ما أكتر.

عفكرة ........ الأوتو ران بتعملو بالملتميديا بولدر ولا الفلاش؟


عكل حال .............. أنا راقلي هادا الاقتراح ! .. لأن رح يسهل توزيعو.
شو عندك أفكار حول هالموضوع إبعتلي. وشو ممكن ينحط فيها كمان مشان لحق نزلون



والسلام عليكم

وعليكم السلام كليو ..

ما في مشكلة .. إذا كل شهر عدد، وعملناهم سيديات (مو ديفيديات) .... يعني
إذا عجبتك الفكرة ما منختلف على التفاصيل..

بالنسبة للأوتورن ... إلي طريقتي الخاصة
بستخدم دايركت إكس .... صحيح مو مشهورة لعمل الأوتورنات، بس بفهم فيها أكتر من الفلاش، وبالنسبة للملتيميديا بلدر اشتغلت عليه مرة .. بس بشوفه محدود..

بالنسبة لمحتويات السيديات والتفاصيل التانية ... ما بعرف ما عندي فكرة حالياً .... منحكي فيا

هاي كليو
شكرا للفتتك الانسانية للمحتاجين امثالنا
بما انك عرضتي خدماتك....زكاتك اذا في مجال تنزليلي كم من امتحان لل TCF
من فضلك حبابة...
ميرسي سلفا "مقدما"
--------------
ممم..نسيت قول....و منشان كيف بدك تبعتيلي ياها...ببعتلك ايميلي تبع الجي ميل و بتبعتيلي ياه؟؟؟؟ شو رايك؟

السلام


إليكترو !! ........ جامد ........... انتظر التفاصيل !

تانتانا. هو هيك اسمو TCF ؟؟ اوكي حدولك تكرم عينك . يا ريت لو شوية تفاصيل أكتر مشان أعرف كيف أدور عليه. بس حبيبة قلبي ما استفدنا شي إذا حارجع أبعتلك ياه وترجعي انتي تضطري تحمليه. أنا كان قصدي بالعرض أن أنزلون واللي بيحب ياخدون جاهزات عندي بس انزل عسوريا.



عكل حال تفاصيل إيميلي: info@aleppo.ru .. إذا حدا لسه ما شغالة عندو الرسايل الخاصة.


والسلام عليكم

يسلمو ايديكي ...
هو فحص...قريب من مبدأ التوفل... هو اختصار لجملة بتعني بالعربي اختبار تعلم الفرنسي...
انا كنت عم فكر لانو انا باللادقية..ممكن لاقي صعوبة بانو آخدو...بعدين انا حاولت دور ما عم اعرف من وين بدي نزل هيك انواع ملفات
اذا خرج...بس اذا حسيتي انو فيها سئلة بلا .... بس لانو محتاجة هلملف بهلفترة القريبة بليييييييييز

السلام عليكم


تانتانا ....... قصدك Test de Connaissance du Français ؟؟

TCF is the French Education Ministry's test of French language ability

ومنكم نستفيد !! ..... تشرفنا !!!


تانتانا ... طلعتي بصفحة المراجع بالموقع الرئيسي تبع التيست ؟

المشكلة أن البحث ممكن يكون أفضل عند معرفة اللغة الفرنسية ...

دورت بالإيميول .......... ما لقيت شي أبداً أبداً . 28,6 مليون شخص شابك عالإيميول وولا واحد ما عندو شي عنو !!! ....... هادا تيست محروف شي ؟ .

عكل حال أنا في طور البحث وان شاء الله منلاقي !


موفقة


والسلام عليكم

مرحبا
تانتانا ما بعرف اذا فهمت عليكي تماما بس هاي السايت الرسمي لل TCF
http://www.ciep.fr/tcf/preparation.htm
فيو كيف بيتحضر لهالامتحان هلاء من بين الطرق اللي مقترحة هي انو تشتري سي دي للتدريب ( هو مو غالي شيء 3000 ليرة ) بس ما لقيتو ع النت ( يعني سرقة مالقيتو )
هلاء من بين كمان مقترحاتن لتحضير الامتحان هو هادا السايت فيو امثلة كتير ممكن تبلشي تدربي عليها مع مختلف المستويات http://tcf.didierfle.com/index.php
و كمان هادا السايت بتلاقي اسئلة 7 دورات سابقة يعني 70 سؤال ( بتسمعي و بتختاري الجواب)
http://www.rfi.fr/lffr/questionnaire...nnaire_126.asp
هادا اللي لقيتو لحد هلاء ...اذا لقيت شيء احسن طبعا بخبرك
اذا مو هيك كان طلبك بعتذر و بتمنى تقليلي شو بالضبط بلكي بحسن بساعدك

له له يا الكترو .. بعرفك كهربجي .. مو هيك .. !!
والله وشكلك أخدت اقتراحاتي على محمل الجد .. فكرتك عم تمزح ..
أي وشو صار معكن ... ؟؟
يبقى خبروني بنتائج بنات أفكاري النيرة ..
مو هيك الكترو وكليو .. بعرفكن ولادين حلال وطيبين .. يبقى قيمولي حصتي على جنب .. اوكي ؟

والسلام

بطلت !!!!!!!!!!!!!!!!!!!

من مال الله يا محسنين

كليوباترا حبابة سجليلي عندك هالقائمة العظيمة

http://englishtips.org/cms/index.php...ory=ielts_exam
http://englishtips.org/cms/index.php...erican_english
http://englishtips.org/cms/index.php...gory=Cambridge
http://englishtips.org/cms/index.php...gory=bbc_radio

شو فيكي تنزليلي نزليلي .. وكل ما نزلت أكتر بتكبر ضحكتي

وفي عندي هذا الموقع باللغة الروسية http://artefact.lib.ru/languages/eng...ks_ielts.shtml
يا ريت كل الكتب بعد إذن حضرتك

بعرف الموضوع ما بياخد منك كبسة زر .. أما أنا .. فأنا غلبااااااااااااان