عرب جرب ... !!!
يدور هذا النقاش حول عرب جرب ... !!! في قسم مقهى الملتقى في الملتقى الطبي السوري; السلام عليكم
حسناً الموضوع اجتماعي - مع لفحة ترفيهية ! ..... لكنه خطير نوعاً ما ..... ستتأكد زميلي العزيز كم العرب ...... جرب ؟
كم هو مؤلم (وشر البلية ما
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| استشارات الرازي | مقابلة مع منارة المنتدى ... !!! |
 |
| | LinkBack | أدوات الموضوع |
Apr, 28 2007, 02:29
| ||||||||||||
| ||||||||||||
 عرب جرب ... !!! السلام عليكم حسناً الموضوع اجتماعي - مع لفحة ترفيهية ! ..... لكنه خطير نوعاً ما ..... ستتأكد زميلي العزيز  كم العرب ...... جرب ؟كم هو مؤلم (وشر البلية ما يضحك) رؤية الأمية والجهل لهذه الدرجة ملصوقة بعرقنا. موقع عرب جرب الذي يحمل شعار جميع حقوق العرب غير محفوظة .. والذي اهتديت إليه هذا اليوم أكبر دليل. سأنقل لكم بعض ما جاء فيه ......... وإن أردتم المزيد فبإمكانكم التبحر فيه أصلا. قسم : أبحاث عربية علمية (الله لا يروي الأشرار) : سيدة صيدنايا: قبل عدة أيام عرض التلفزيون السوري ( القناة الأولى الأرضية ) برنامج الشرطة في خدمة الشعب وكان موضوع الحلقة إلقاء القبض على عصابة قامت بقتل (مواطن سعودي ) وسرقة أمواله وقد تحدث المواطن السعودي عن مجريات القصة بالتفصيل : في العام الماضي وتحديداً في الصيف قدم الموطن السعودي من السعودية إلى سوريا وقد التقى بمواطنين سوريين وذكر لهم انه لم يرزق بأولاد وقد حاول كثيراً عن طريق الطب ولكن بدون جدوى فذكر له احد السوريين أن هناك ديراً باسم السيدة العذراء في( صيدنايا/ دمشق ) وقد جرت معجزات عديدة وهناك العديد من الذين لم يرزقوا بأولاد والآن لهم العديد فقصد دير السيدة في صيدنايا وطلب من العذراء ولد وعند عودته وعد سائق التاكسي انه إذا رزقه الله بولد فسيمنحه هديه مبلغاً ضخماً من المال (20000) ألف دولار أمريكي وسيهدي الدير أربعة أضعاف هذا المبلغ وقبل أقل من شهر قام هذا المواطن السعودي بالاتصال هاتفياًُ مع سائق التاكسي وبشره أن الله رزقه بولد وسيوفي بوعده وأنه بعد أيام قليلة سيكون في سوريا وعليه أن ينتظره في المطار في الموعد المتفق فيما بينهما وعند قرب الموعد اتفق هذا السائق مع مجموعة من أصدقائه على قتل هذا السعودي وسرقة أمواله التي تقدر بأكثر من (100) ألف دولار أمريكي وبعد قدومه تمت عملية قتله ولم يكتفوا بذلك بل قاموا بقطع رأسه وأعضاء جسمه ووضعها في كيس ووضع الكيس في صندوق السيارة وغادروا مدينة دمشق وعلى الطريق الخارجي توقفت السيارة لعطل مفاجئ وقد حاولوا إصلاحها ولكن بدون جدوى وفي تلك الأثناء مرت سيارة شرطة (دورية خارجية ) واستفسروا عن سبب وقوفهم في هذا المكان وهل يحتاجون إلى مساعدة فرفضوا ذلك وإنهم لايحتاجون إلى شيء وكان على وجوههم الارتباك فشك عناصر الشرطة بهم فطلبوا منهم فتح الصندوق فرفضوا بالبداية وبعد إصرارهم على الفتح رضخوا لأمر الشرطة وعند قيامهم بذلك ( صدر صوت السعودي من داخل الصندوق ويقول لهم لاتفتحوا الصندوق لأن العذراء مريم والملائكة يقومون بخياطة رقبتي وبعد فتح الصندوق وجدوه كامل الجسد ويحتاج إلى إكمال خياطة الرقبة ( أي بقى قطبتين لتكتمل رقبته ) وقاموا بنقله إلى أقرب مستشفى أما المجرمون فقد أصابهم الذهول والهستيرية عندما رأوا ذاك السعودي المقطع أشلاء قد عاد رأسه وبقية أعضاء جسمه كما كان ليتمجد اسم الرب إلى الأبد . نقلاً عن التلفزيون السوري / القناة الأولى الأرضية صلاة الفجر وقاية من أمراض القلب كشفت أحدث دراسة علمية حول أمراض القلب وتصلب الشرايين ان اداء صلاة الفجر فى موعدها المحدد يوميا خير وسيلة للوقاية والعلاج من أمراض القلب وتصلب الشرايين بما فى ذلك احتشاء عضلة القلب المسببة للجلطة القلبية وتصلب الشرايين المسببة للسكتة الدماغية. واكدت نتائج الدراسة التى أجرتها جمعية أطباء القلب فى الاردن ان الابحاث اكدت ان مرض أحتشاء القلب وهو من اخطرالأمراض ومرض تصلب الشرايين وانسداد الشريان التاجى سببها الرئيسى النوم الطويل لعدة ساعات سواء بالنهار أوالليل. وأظهرت نتائج الدراسة ان الانسان اذا نام طويلا قلت نبضات قلبه إلى درجة قليلة جدا لاتتجاوز 50 نبضة بالدقيقة؛ وحينما تقل نبضات القلب يجرى الدم فى الاوعية والشرايين والاوردة ببط شديد مما يؤدي إلى ترسب الاملاح والدهنيات على جدران الاوردة والشرايين خاصة الشريان التاجى وانسداده؛ ونتيجه ذلك يصاب الانسان بتصلب الشرايين أو انسدادها حيث يؤدي ذلك إلى ضعف عضلة القلب وأنسداد الشرايين والاوردة الناقلة للدم من والى القلب حيث تحدث الجلطة القلبية أو انسداد الشرايين الناقلة للدم من وإلى الدماغ مما يسبب السكتة الدماغية المميتة فى أغلب الاحيان. واكدت نتائج الدراسة ضرورة الامتناع عن النوم لفترات طويلة بحيث لاتزيد فترة النوم عن4 ساعات حيث يتوجب النهوض من النوم واداء جهد حركى لمدة 15 دقيقة على الاقل وهو الامر الذى يوفره اداء صلاة الفجر بصورة يومية فى الساعات الأولى من فجر كل يوم والافضل ان تكون الصلاة فى المسجد وفى جماعة. وجاء فى الدراسة ان المسلم الذي يقطع نومه ويصلى صلاة الفجر فى جماعة يحقق صيانة متقدمة وراقية لقلبه وشرايينه لا سيما ان معدل النوم لدى غالبية الناس يزيد عن ثماني ساعات يوميا. صدام حسين لم يمت بل ظهر على القمر  خبر LBC
التقنية الحديثة لاثبات غباء المرأة على قناة: إقرأ
الإسعاف عن طريق الصدمة 
حكم الزنا عند القرود قناة إقرأ .. آل هي مسألة في غاية الأهمية
وهون فيكون تلاقوا المزيد من الفيديوهات بتثبت مدى تقدم العرب الأكارم عن غيرهم كمان بحب أبشركون بأن الموقع بيصدر مجلة الكترونية أسبوعية عربية مستقلة عرب جرب . وآخر كلمة ......... يمكن الموقع يكون ممنوع بسوريا  الله أعلم.(ولييييييييييييييي عالغباااااااااااااااااااا ااااااااااا) والسلام عليكم  | ||||||||||||
| الأعضاء الـ 8 التالية أسماؤهم قالوا شكراً لك يا Kliopatra على هذه المشاركة المفيدة: | ||
|
#31
Apr, 29 2007, 12:13
| |||
| |||
أخ xlant بما أنك كتير مصر على الدفاع عن الموقع ...مع أنو أنك شايف أنو عطينا رأينا وخلص...يعني الحوار مستمر مدري على أشو.........بس بيبقى شغلة وحدة: في مثل بيقولك : أذا قال لك أحد أنك حمار....تجاهله... وأذا قال لك أخر أنك حمار....فكر بالموضوع قليلا... واذا قال لك ثالث أنك حمار.....أشتري سرجاً!!!!!! لاتفهمني أنو أنا عم أشتمك......عم أحاول اقربلك الفكرة.......لأني حسيتك عم تفسر كلامنا على كيفك ...وماعندك روح حوارية حقيقية..........وأهلين..  |
|
#32
Apr, 29 2007, 12:32
| |||
| |||
| اللي مابيجي معك ... تعا معو .... على طريقتهم صعب كين تفهم هيك نوع من النقد المقدم بهالموقع بكير عليك لأنو هيك نقد فقط للاخوة متفتحي الذهون هادا نوع راقي من النقد غايتو تفتيح عيون العالم على شي بيشوفوه بالشارع وبكل مكان ... بس نحن حبينا نجمعلهون ياه ... ومتل مابتعرف عملية جمع السلبيات هي اصعب خطوة بالطريق على الحل ... وبقية الطريق مو مهم ... بلكي انشالله ابني بيكملو ... المهم أنا هلأ جمع سلبيات ... متل ماقلتلك ... هي اصعب خطوة ... مابتتصور قديش عمنضيع وقتنا السمين على جمع مقاطع فيديومن الموبايلات ومن المحطات مشان ندخل موسوعة جرب للارقام القياسية لاحظ من اسم الموقع عرب جرب الغاية من الاسم هو الحديث عن تفشي السلبيات بالمجتمع تل الجرب ... طبعا بدي استثني من هالظاهرة سلبية وحدة ... سلبية جمع السلبيات والوقوف متفرجين عندها ... لانو هي مانها سلبية ...ولا انتقلت النا بالعدوى ... ليش مانها سلبية؟ لانو احفادنا رح يحولوها لايجابية وهالنقد على الرغم من ارتقاء مستواه وبالاضافة الى انو مارح يفهمو البسطاء مثلك ... بس مع ذلك هو موجه للعامة وعميحكي بلغتون وبعدين انت اذا مافهمت هالنقد أو عندك نقد على طريقة النقد ... فنحن جماعة كتير متفهمين ... ومنتقبل النقد ... لا تنسى انو النقد شغلتنا وموقعنا كلو قائم على النقد ولأنونحن عالم مهوسيين بالنقد ... فانا حابب انقد نقدك للنقد الموجود بموقعنا ... وبما انو نحن جماعة افقنا واسع وعمنعمل نقد للتوعية من منطلق انو نحن واعيين ... فنحن واعيين لدرجة بحيث اذا ناقشتني بقلك مو شغلتي اقنعك ...أنا بس شغلتي انقد ... |
|
#33
Apr, 29 2007, 13:43
| |||
| |||
| Keane: أنا كمان ماعجبني كتير شغلات، وخاصة حكين في السياسية، بس كمان الموقع فيو شغلة كتير أوريجينال أول مرة بشوفها عند سوريين ، يعني لو كانوا أردنيين أو خليجيين مثلا ما كنت استغربت .. بس هالروح التحررية في التعبير اللي عندن بصراحة غريبة على السوريين (كما لمست، يعني غريبة واحد ربيان هون وتطلع معه كلمة عرب جرب :-)، ولذلك أنا أشكك بأصلن ، ما بظن انن ترعرعوا هون ... وبالمناسبة كين ، بكل محبة و روح طيبة، يعني إذا بدنا نطبق مثلك العبقري هدا فانت رح تطلع أول حمار، وأنا تاني واحد  يعني انت كتير شايف آرائك ماشية مع محيطك ؟! بدك نعمل استفتاء على قناعاتك ومعتقداتك لنشوف ؟ |
|
#34
Apr, 29 2007, 13:53
| |||
| |||
| مرحبا....كأني وصلت متأخر مع أني من أول الأعضاء إلي قروا الموضوع بس ترددت بالرد لأني خفت ينفهم أني عم أتهجم على كليو لأنها زعلانة مني...بس هلق بما أنكم وصلتم لهنا فالرد متاح ومباح...ومنبلش باسم الله... يوجد دواء للجرب لكن هل نبتاعه من موقعكم العظيم أم من أسواق الغرب التي تكتب بالانكليزية المشفرة عندكم ام من مثقفينا ذوي العقول المستنيرة التي تفهم وتعقل ما وراء كتاباتكم(بتتذكر نوبدي عند حكينا عن خلفيات الحديث والمعنى الضمني للكلمات يمكن هون الشباب هيك عم يعملوا عم يشفروا الأفكار مشان العامة تفهم منيح بس أنت وأنا وغيرنا من المتعلمين الجهلة غير المثقفين لن نفهم منهم شي لماذا لأننا غير جربانين ولدينا عادات وأخلاق صحية تقينا من الجرب ولكن للأسف لم يسعفهم الحظ ويتعلموها فجربوا).. النقد ...يوجد بعض الأعضاء(عنا مو عندكم )يلزمهم عشرات السنين ليعرفوا المعنى الحقيقي للنقد فهم يرون هذه المفردة عملة بوجه واحد أنقد لأبرز ..لا لأفيد مع أنهم والحق يقال من ذوي الثقافة العالية لكنهم تعالوا كثيرا وأنوفهم تلامس السحاب ولا يرون الواقع بوضوح بل يرسمونه بخيالهم الواسع ويبدأون الحديث دون أن يدركوا حقيقة الأمور بل يكتفون بالحديث والدفاع عن أفكارهم المنبثقة من خيالهم ويبدأون باطلاق الحجج لاثبات صحتها والتهجم على كل من يتجرأ ويمس بها...ولستم أفضل منهم إلا بشيء أنكم تنبشون الواقع(وليس الخيال)للبحث عن كل ما يمكن أن يزيد من القارمات الجربية لديكم لتعدوا بها أكبر عدد ممكن من العامة المثقفة التي تفهم لغتكم .. كين عبر عن رأيه ويبدو أنه ليس من العرب الجرب فهنيئا له على حد قولكم...وفلور صاحبة النظرة الايجابية بشذاها الفواح تبعث الأمل في النفوس(طالب كسلان ليش لأبهدلوا وأصرخ بوشوا بشجعوا بابراز الايجابيات القليلة الي عندوا ليزيدها على حساب السلبيات وهيك شوي شوي بيتحسن وبيحاول اللحاق بالبقية أفضل ما أحطم نفستوا وأخليه بقعر الجب أو بالمنفردة المظلمة أريه جهله وبؤسه الأفضل أن أنير له شمعة ليرى الخير ليتقدم لا أن اطفء له الشموع وأجلس معه لنلعن الظلام).... تسمون أنفسكم بالجرب (حسب ما انتو حكيتوا بالمقدمة نشمل أنفسنا..قمنا...)ليش ما بتبدأوا باصلاح أنفسكم (بنصحكم بنوبدي عندو دوا منيح وشاطر وفهمان)ليش لتستنوا أطفالكم الي رح يتعلموا منكم (ينعدوا)ويمشوا على خطاكم لأنكم تعتبرون دربكم الصحيح وستمشون أبناكم عليه فمن أين سيأتي الدوا من معجزة أم منا نحن العرب ككل العامة والمثقفين وليس الجربانين...هلق بما أنكم أدركتم أنكم مصابون بالمرض فشغلتكم بسيطة والحمد لله (الفرق بين مريض العصاب والذهان أن مريض الذهان لا يذهب إلى الطبيب من تلقاء نفسه فهو يشعر أنه بحالة جيدة،أما مريض العصاب فإنه يشعر بأنه مريض لما يعانيه من حالات الشدة والقلق والتوتر)على اعتبار العامة مصابة بالذهان وانتم بالعصاب فأرجو أن تبحثوا عن كم مثقف غير جربان يسدي لكم النصائح والحلول ويداويكم لتتساعدوا فيما بعد لجر مريض الذهان إلى المشفى للعلاج لا إلى المسلخ للذبح... وفي فرق بينكم وبين كليو...كليو قالت شوفوا الأخطاء ولنبحث معا عن الحلول أما أنتم فتقولوا هاكم السلبيات اقرؤها واحتقروا انفسكم لأنكم لا تستحقون رفع رؤوسكم بين باقي الأمم المتحضرة أما الحلول فلن نعذب أنفسنا لنطرحها بل خلي المي ماشية وبدنا شي معجزة لتنقذنا... أرجو أن تكون فكرتي وصلت بوضوح ...والله يوفقكم لتجدوا الحلول ولتنشؤوا موقعا آخر لابراز الايجابيات وما أكثرها... وهي وردة |
|
#35
Apr, 29 2007, 15:22
| |||
| |||
| السلام عليكم بشكر كليو ع الموضوع لانو اتاح فرصة للتعبير عن اراء مختلفة انا برايي السؤال بوضوح هو لمين موجه هالموقع للمثقف الفهمان ...طيب لنتخيلو عم يتابع مقاطع الفيديو ...شو ردة فعلو ...ممكن يضحك و يستهزء و يقرف انو الواقع هيك ...يعني النتيجة انا ثبطنا و خلينا يقول مافي فايدة من هالمجتمع فعلا عرب جرب( و على فكرة هيك بيكون شاف حالو بزيادة و بيصير ما بيقرب ع العامي) ...اي و بعدين شو استفدنا ..ولا شيء غير انو اضعنا وقت هالمثقف بدال ما يستفيد منو بشيء مفيد و يزيد من ثقافتو و علمو راح وقتو و هو عم يشوف صور التخلف اللي ما لحق يشوفا بالتلفزيون  ...يعني هلاء المثقف عم يستنى حدا يقلو انو المجتمع فيو نسبة تخلف كبيرة ..المثقف مسؤؤليتو يلاقي حلول للتخلف و متل ما قالو بالمشاركات من قبل من بين الحلول ابراز الايجابيات مو يضيع وقتو و هو عم يتفرج ع السلبيات و يضحك اوحتى يزعل و ييئس من الواقع و يقرفطيب هل هالموقع موجه للعامة ..طيب هون اذا قلنا انو بدال ما تعملو للعامي موقع يثقف و يستفيد منو ..... ممكن حدا يقول متل ما لازم يتعلم الشيء الصح لازم نخلي العامي يعرف انو هالمظاهر و التصرفات غلط يعملا و تخلف طيب انا معك انو لازم يتعلم الصح و الغلط ..بس يا ترى هل اكيد انو عم يفهم شو المقصود لما بيشوف فيديو و كم تعليق ساخر ..هون انا بقول لو كان نقد بناء كان ع الاقل يكون في توضيح و ليش نحنا مو عاجبنا هالشيء مثلا بالفيديو اللي عم يشرح انو المراة ما بتفكر قبل ما تحكي ..لو كان نقد بناء يعملو رد و تساؤلات وحتى يتصلو بصاحب الفيديو انو مثلا من وين جاب هالحكي و هاي الدراسة الفلانية بتقول هيك لذلك نحنا نعتبر انو هالكلام غير دقيق ..الخ اما انو تفرج و اضحك و الحل بعد جيلين تلاتة على فكرة كل هالحكي كنت عم قولو عن شغلات ممكن نحكي فيا ...لانو موجود شغلات بالموقع فقط لجعله يحتوي على عدد كبير من المقالات و الفيديوهات و انا ما بحكي عموما مثالي هو بالعدد الاول من المجلة بعنوان نظرية البيغ بانغ ...و في امثلة اكتر ناهيك عن الفيديوهات لذلك رايي الشخصي انو انا مو ضد النقد الساخر بس يكون بناء و مدروس بالنهاية لكل شخص وجهة نظرو و هو حر فيا متل ما انا حرة بوجهة نظري بس لا يزعلو منا اذا ضاربنا عليهن هالمرة و اخدنالن مصلحتن ..النقد |
| قال العضو التالي أسمه شكراً لك يا amarel على هذه المشاركة المفيدة: | ||
|
#36
Apr, 29 2007, 16:30
| |||
| |||
بعدين مشان المثل........انا زلمة بحاول اسمع اللي حولي....وياما مغير شغلات كتيرة فيني نتيجة اراء المحيط اللي حولي......أنا عندي كل شي ممكن أعيد النظر فيه اذا حسيت في شي غلط....ماعندي مشكلة بالأعتراف بالتقصير........وبالنسبة لافكاري كل شي ممكن ينعاد النظر فيه.....فكرة المثل هي ببساطة انو الواحد لايسكر أدانيه...ويستفيد شوي من غيرو......مو شرط تطبق المثل بحذافيره دوما......  |
|
#37
Apr, 29 2007, 17:14
| |||
| |||
| لما الحمار بيصير مثال و عنصر بالنقاش بيكون النقاش هبط...و فعلا في ناس هاد الاسلوب يلي ربيو عليه...لهيك شخص بقول لما مجموعة حمير بتقول لانسان انت حمار..ما فيك تطلب منو يفكر بكلامون...بكون منيح اذا اقدرت تمنعو يضحك...و هاد مثال هاه يعني لا تزعل متل مثالك يا متعلم يا مثقف.... --------------------------- بالنسبة للاخت يلي قالت: بالفيديو اللي عم يشرح انو المراة ما بتفكر قبل ما تحكي ..لو كان نقد بناء يعملو رد و تساؤلات وحتى يتصلو بصاحب الفيديو انو مثلا من وين جاب هالحكي و هاي الدراسة الفلانية بتقول هيك لذلك نحنا نعتبر انو هالكلام غير دقيق ..الخ اما انو تفرج و اضحك و الحل بعد جيلين تلاتة على فكرة كل هالحكي كنت عم قولو عن شغلات ممكن نحكي فيا ----------- اخت اميريل...باستغرب انو انت فهمتي الفيديو انو عم ينقد مضمون الحكي...الفيديو كان معني اكثر بالطريقة يلي العرب بينتهكو فيها استخدام وسائل متل المتوافرة للسيد بالطريقة يلي استخدمها السيد...اما لو بدنا نناقش كلامو فالموضوع يطوووول... على كل حال شكرا للكل بدون استثناء...يلا سلاما |
| قال العضو التالي أسمه شكراً لك يا xlant على هذه المشاركة المفيدة: | ||
|
#38
Apr, 29 2007, 17:33
| |||
| |||
... |
|
#39
Apr, 29 2007, 21:30
| |||
| |||
| يا جماعة بس للتوضيح ، ما بعرف مين أول واحد طالع هالقصة والكل بلش يكررها وراه ، اللي هي شغلة النقد بدون حلول ... طبعا هدا حكي غير منطقي بالمرة و مو ضروري أبدا يحطولك حلول ، لأنن مسمين حالن جريدة ، وهي أول مرة بسمع انو جريدة أو موقع ممنوع يحكي عن شي بدون ما يحله !! من وين بتطالعوا هالكلام ما بعرف ... بدي أرجع للفلسفة والاستعراض واللي مو عاجبه أتمنى عليه أن يتوقف عن القراءة حالاََ وأن لايعبر إلى السطر التالي... الكتابة تلات أنواع : Description : مجرد أن يصف الأمور كما هي ، وهذه هي الأخبار الصحفية. Exposition : أن يصف الأمر مع البحث في خلفياته ، و هذه هي التحقيقات الصحفية. Argument : مناقشة الأمور وتبيان الحق من الباطل ، وهنا تدخل الحلول . فإذا دعوى عدم تقديم الحلول هي كلام غير سليم ، لأن ليس كل من يتكلم مطالب إلزاميا بطرح الحل ... علما أن الحلول معروفة وواضحة ، و لكنها للأسف في كثير من الاحيان متعذرة الطرح ! |
| قال العضو التالي أسمه شكراً لك يا Hani على هذه المشاركة المفيدة: | ||
|
#40
Apr, 29 2007, 21:42
| |||
| |||
| حاسس انو عطينا الموضوع أكتر بكتير مما يستاهلو......الكل متفق على السلبيات....بس في كتير مننا مالل من تكرار ذكرها لحالها.....وأنا منهن....... i'm out........ |
