موقع جبـــّار لدعم الموبايلات

#1 Jun, 30 2005, 11:26

مرحبا يا جمااااااااعة ...
شلونكن و شلون أخباركن؟؟
يا شباب لئيتلكن موقع جبّار لدعم الموبايلات النوكيا الجيل التالت و طبعاً دعم كل الجوالات الملتي ميديا حتى لو كانو مو نوكيا
الموقع اسمه :www.arabnokia.net
موقع جبار بس بيحتاج لتسجيل بالمنتدى تبعو حتى تنفتح خدماتو ئدامكن ..
و إذا حدا عترست الدخلة معو عليه , أنا فيني ساعدو
و ليعيش الإتحاد بطل الدوري و الكأس إنشاله و الباسكيت كمان

سلام يا شبيبة

#2 Jul, 01 2005, 09:18

أحسن موقع بدك تعرف عن الموبايلات الجديدة
هو

http://www.gsmarena.com

من أحسن المواقع العالمية ، وفي تقرا كل يوم شو بينزل أجهزة جديدة ، طبعا للي الو مراق بهيك شغلات
...
فيكون تشوف الأجهزة الجديدة من سيمنز اللي نزلت اليوم ، Siemens S75 and SL75
وفيو غير شغلات حلوة

#3 Jul, 01 2005, 13:25

أول موقع ما سمحلنا نسجل فيه وطلع رسلة ادراية وما رضي..!!

تاني موقع فوربدن ....!!!

#4 Jul, 03 2005, 02:22

أنتي شو موبايلك سندريلا؟؟
إذا بدك بعطيكي حسابي تفوتي فيه و تنزلي اللي بدك ياه
بدك؟؟؟؟
إذا بدك ببعتلك يوزر نايمي و كلمة سري برساله خاصة
و 100 السلامة بالشباب

#5 Jul, 04 2005, 22:40

أهلا ammour444 ..:

بس مو معقول كل ما بدي شي نغمة آخد باس ووردك وأدخل فيها ....!!! بعدين ليش ما خلوني اسجل....!!!!

اصلا انحريت لأنو ما خلوني وما عاد أنزل من عندن شي...

وشكرا لعرضك بس لا تعذب حالك بنزل بدقيقة عند ناسا وبنزل النغمات الي بدي ياها.....

#6 Jul, 05 2005, 11:20

طيب عراسي ليش بتحبي أنك تتخورفي و تدفعي ع كل نغمة 15 ورقة إذا بتحسني تنزليهن ببلاش؟؟؟؟
خلص خدي اليوزرنايم و الباسوورد و استعمليها ايمتا ما بدك
هوو الموقع لأنو محترم , و نغماتو ممتازة لذلك ما عم يسجلو لمين ما كان (سوري منك مو أصدي أنك ئليلة)
أنا هلكوني لبين ما سجلولي
إذا بدك ببعتلك ياها ع حسابك هون
و أهلا و سهلا بالجميع

#7 Jul, 05 2005, 15:23

المشاركة الأصلية بواسطة ammour444

طيب عراسي ليش بتحبي أنك تتخورفي و تدفعي ع كل نغمة 15 ورقة إذا بتحسني تنزليهن ببلاش؟؟؟؟
خلص خدي اليوزرنايم و الباسوورد و استعمليها ايمتا ما بدك
هوو الموقع لأنو محترم , و نغماتو ممتازة لذلك ما عم يسجلو لمين ما كان (سوري منك مو أصدي أنك ئليلة)
أنا هلكوني لبين ما سجلولي
إذا بدك ببعتلك ياها ع حسابك هون
و أهلا و سهلا بالجميع

إذا انا وانت منتخورف ب 15 ليرة ( أو يمكن أقل أحيانا ) ، ماتحسب كل العالم هيك

#8 Jul, 07 2005, 01:13

قولك ابو الفيص بس أنا و أنت كحاتيت؟؟؟

#9 Jul, 08 2005, 00:45

المشاركة الأصلية بواسطة ammour444

طيب عراسي ليش بتحبي أنك تتخورفي و تدفعي ع كل نغمة 15 ورقة إذا بتحسني تنزليهن ببلاش؟؟؟؟

ما بعرف شو يعني تتخورفي بس كأنو فهمت انو تتغابي...... انت هيك كنت بتقصد؟؟؟؟؟؟؟؟!!!!!
ياريت تقلي مشان أعرف أجاوبك على سؤالك ....

على كلن اذا الموقع ما بيسجل غير ناس محترمين متلك مثلا ..... فشكرا أنا بطلت أسجل مو بشي بس ما عرفت على أي أساس عم يعتبرو هالبني آدم الي بدو يسجل محترم و لا لأ.....!!!!!

نصيحة بيني وبينك : حلو الواحد يفكر شوي قبل ما يكتب الرد ... ويحسب حساب الشخص الي عم يوجهله حكيه........!!!!

فيسو ...

ما فهمت قصدك؟؟!!

#10 Jul, 08 2005, 03:08

عفواً سندريلا , أنا ما قصدت شي غلط بحكيي....
أول شغلة مشان كلمة (تتخورفي) يعني متل كأنو ( تدبحي حالك و تدفعي مصاري عالفاضي ) , و إذا ما بتعرفي معنى الكلمة فلا تتهجمي علي بلا سبب ....
تاني شغلة ئلتلك أنا ما ئصدت شي بكلمة أنهن بسجلوا لناس محترمين يعني أنا محترم و أنتي لأ , يعني ماني ئليل ذوئ لأكتب هيك كلمة , بس اللي قصدته أنو ما بيسجلوا إلا لناس بيعرفوهن , أنا ضليت ادخل عالموقع لشغلة شي 7 شهور لسجلولي (كنت أدخل بصفة زائر) و صار رئيس المنتدى يعرفني ....
عفواً سندريلا بس فعلاً ما توقعت يكون تفكيرك هيك فيني , ع كل حال تصطفلي , أنا حبيت أعرض خدماتي عليكي و أنتي حرة .. بس أنا ما حبيت هي كلمتك أني أنا ما بفكر ئبل ما أكتب رد لحدا بس أنا بحب أكتب بدون تكلف ...
ع كل حال شكراً كتير لتعاملك الطيف الزااااااااااائد معي و ياريت تكون روحك رياضية أكتر من هيك .

Try to know the right diagnosis	مقاربة مريض بألم مفصلي	نحتاج إلى مشرفين (للأقسام ولكل الموقع)
تعالوا نشخص التهاب الكبد B مصلياً	تقربر مفصل عن فحص الكيمياء العضوية العملي لطلاب ابو بكر

المواضيع المشابهة
الموضوع	مبتدئ الموضوع	المنتدى	الردود	آخر مشاركة
موقع للطفيليات ...	روح الأمل	MICROBIOLOGY & PARASITOLOGY	2	Oct, 08 2007 11:35
موقع مفيد للنسج	TURBO	النسج	6	Mar, 27 2006 15:32
اقتراح تشكيل رابطة لدعم الاطباء نفسياDSN	Philip Hardo	المهنة وأخلاقياتها	0	Feb, 15 2006 12:52
موقع موبايلات	Fiso	علوم وتكنولوجيا (حواسب واتصالات)	2	Aug, 12 2005 12:30
medalep.com موقع موسوعي	hamdinofal	علوم وتكنولوجيا (حواسب واتصالات)	0	Mar, 05 2005 02:32

أدوات الموضوع
عرض نسخة سهلة الطباعة أرسل هذه الصفحة بالبريد الإلكتروني