أقر مجلس التعليم العالي قواعد المفاضلة للقبول في الدراسات العليا في الجامعات الحكومية السورية، بحيث يتم التسجيل المباشر لبرامج الدراسات العليا (ماجستير ودكتوراه) لكافة الاختصاصات في تلك الجامعات وفق قواعد تحددها على أساس مبدأ تكافؤ الفرص، وذلك باتجاه تحقيق اللامركزية واعطاء المزيد من الصلاحيات للجامعات .
كما أقر المجلس مبدأ التسجيل المباشر في الاختصاصات الطبية ( طب بشري، طب اسنان ، صيدلة) في الجامعات الحكومية اعتباراً من العام الدراسي القادم، وطلب الدكتور بركات من الجامعات اتخاذ الإجراءات المناسبة والتي من شأنها فتح المجال للتسجيل المباشر لاختصاصات أخرى في السنوات القادمة.



نقلا عن موقع وزارة التعليم العالي .... وبانتظار التفاصيل ....


قبلات dr mm لكم بشفاه مثلمة

فحص الشام موجود

ما ضروري يكون فحص الشام ممكن يكون بحماة هالمرة....
تاني شي اليوم الوزير قال إنو ما في فحص؟؟؟؟ شو عم يصير

يمكن الوزير نفسه مو عرفان شو القرار

عنا كذا رأي .. احسن شي التركيز على الدراسة حالياً .. ويسلمو للاحمر ببساطة

السلام عليكم و رحمة الله و بركاته....
الزملاء الأعزاء ، كما أوضحت سابقا، القرار هو فقط من أجل تسهيل أمور الطلاب في التسجيل و قد تأكدن من هذا الموضوع في اتحاد الطلبة و من عمادة الكلية في جامعة حلب.
وللتوضيح مرة أخرى ، سابقا كان الطالب بروح عل الشام بعد ما يطلع معدلو و بسجل في الأختصاصات اللي بدو ياها و بعدين بتطلع المفاضلة التانية و ببين وين الإختصاص، يعني الشغلة شوربة.
أما الآن صار كل واحد بسجل بالجامعة اللي بدو ياها، مثال : إذا كان بدك تسجل في جامعة حلب ، بتروح على جامعة حلب و بتقدم عل المفاضلة و إذا كان بدك تسجل في جامعة البعث بتروح على حمص و بتسجل و هكذا دواليك...
و بكرر، الفحص الوطني موجود و المفاضلة على الإختصاص موجودة متل ما كانت بس اللي تغير هو طريقة التقديم.
و أرجو أن أكون قد أوضحت و الله ولي التوفيق..
موفقين في فحوصاتكن.



ملاحظة : في إشاعة جديدة نازلة هلق و اللي هي إنو رح يلغو أحد دورات تشرين أو شباط لطلاب السادس، و بقلكن هاد الحكي غير صحيح و مالو أساس من الصحة و طبعا تأكدت من هاد الموضوع كمان، فلذلك اللي بقلكن هيك قولولو كذااااااااااااااااااااااا ااااب حتى يجيب الدليل القاطع، يعني ما تردو على حدا لوقت ما يطلع أي قرار في الكلية و أنا ما رح أقصر إن شاء الله.

السلام عليكم..
سأقول رأيي واستقرائي للموضوع حسب ما فهمته من الأول للأخير...
المعطيات الموجودة عندنا هي:
تسجيل مباشر
أقوال عن إلغاء الفحص
أقوال عن اللامركزية
إذا عدنا إلى الوراء وبحثنا عن سبب تقرير الفحص... كان هدفه هو اللامركزية .. لأنه كان هناك طلاب ذوي معدلات عالية من محافظة معينة مثلاً يحتلوا كل المقاعد في باقي المحافظات... هذا الفحص من أجل أن يدخل له كل الطلاب بنفس الأسئلة وعلى أساسه يوزعو بشكل متساوي.. لكن لم يحقق شيء برأيي لأنه بقي الحال على ما هو عليه.. سنة طلاب دمشق يأخذون علامات عالية وسنة يأخذ طلاب حلب العلامات العالية..
اليوم وحسب ما فهمت من أحد زملائي أنه في الوزارة قالوا: كل طالب سيسجل حصراً في جامعته وأنه إذا أراد أن يسجل في غير جامعته سينقص من معدله, وكل جامعة ستصدر شروط خاصة بها من أجل الدراسات العليا (يمكن أن تكون هذه الشروط عبارة عن فحص مقابلة أو فحص كتابي) وعلى أساسه يقبل الطلاب في الماجستير. وأن الفحص الوطني يعتبر من المركزية لذلك قد ألغي......... لكن لحد الآن لا يوجد شيء واضح.. وما علينا في هذا الوقت إلا أن نتابع دراستنا على أساس أنه يوجد فحص وأن الوضع على حاله لم يتغير ... وعلى الله توكلنا..

يعني كأنكون مو عايشين بهالبلد
اليوم قرار و بكره قرار بعكسو
و اللي بعدو قرار ألعن و أدق رقبة
لا تخافو الوزارة بيهما مصلحة.......... الوزير و أبنائه ( الطلبة ) و أبناء الوزراء و المدراء و العمداء و الأساتذة سعرهم بسعر الطلبة
و لا يا جماعة نحنا تخوزقنا و مشي الحال و الشاطر فيكون يدبر حالو
روحو اسألو عن اختصاص جراحة الأطفال بحلب ليش ما نزل بالمفاضلة و طلع في اثنان بالاختصاص
سلمولي ع ......................مجلس التحطيم العالي

شبااااااااااااااااااااااا ااااااااب
جاء الخبر اليقين وأخيراً
من مصدر موثوق جداً جداً ...........
أحد زملائي في جامعة دمشق قرأ القرار وفيه البند التالي:


:سيتم قبول الدراسات العليا حسب المعدل العام لنيل الاجازة الجامعية ولمجلس الكلية أن يضع قواعد اضافية(امتحان اختبار000000000)على ألا يتعارض مع مبدأ تكافؤ الفرص

الحمد لله رسينا على بر..... الله يقدم الخير..
ويوفق الجميع

http://www.asnanak.net/phpBB2/viewtopic.php?p=9728#9728
وهادا مصدر تاني غير مصدري (أنا كنت مشارك بهالموضوع كمان)..
خلص . الخبر صحيح 100 %... ما في فحص وطني....... معنها كل أعضاء المنتدى معزومين عندي على الغدا. وتسجيل الأسماء عند شنكول...

شو هالخبرية يا صادقلي ، بس بدي أفهم إنت عم تحكي عن الطب البشري كمان ولا بس عن طب الأسنان ، الله يخليك قلبي مو مستحمل .

مع حبي للجميع ...........SHAKAZOLO.............

هاد الخبر كان معلق بكلية طب الأسنان بجامعة دمشق...... يا ريت تتأكد إنت من شي حدا من رفقاتك إذا كان في شي عن البشري..
بعدين إنت سنة خامسة. من هون لسنة الجاية بيكون طلع قرار تاني يكون فيو خير بحقك إن شالله. موفق...

تحديد موعد امتحان التقويم الشامل لخريجي الجامعات الحكومية والخاصة

تبدأ وزارة التعليم العالي في منتصف آب القادم بإجراء امتحان شامل لتقويم كفاءة خريجي الجامعات الحكومية والخاصة وتأتي هذه الخطوة في اطار الخطة الاستراتيجية التي وضعتها الوزارة لتطوير التعليم العالي .
واوضح الدكتور نجيب عبد الواحد معاون وزير التعليم العالي للبحث العلمي والشؤون الاكاديمية ان هذه المبادرة تأتي انسجاما مع ما تضمنته الخطة الاستراتيجية للتعليم العالي من رؤية تقوم على تحسين جودة ومواءمة التعليم العالي لمتطلبات المجتمع من خلال وضع معايير واسس للاعتماد وضبط الجودة تطبق على مؤسسات التعليم العالي كافة وتتطابق مع المعايير الدولية
واضاف : ان هذا الامتحان الشامل الذي يأتي متوافقا مع تخرج الدفعات الاولى من طلبة الجامعات الخاصة من شأنه ان يساعد على تقويم مستوى الخريجين من ذات الاختصاص وإجراء تصنيف شامل لهم وللجامعات التي تخرجوا منها الامر الذي يشجع على التنافس العلمي بين الجامعات ويحفزها على التميز مؤكدا ان هذا الامتحان يهدف ايضا الى تزويد الجامعات ووزارة التعليم العالي والمؤسسات الاخرى ذات العلاقة بمعلومات معتمدة يمكن استخدامها في تقييم المناهج وتطويرها وتحسين طرق التدريس وبالتالي تحقيق معايير الاعتماد وضمان الجودة في مخرجات التعليم العالي

ولفتت الدكتورة لمى يوسف مديرة التقويم والاعتماد في الوزارة الى ان اسئلة امتحان الكفاءة الشامل ذات الطابع المعياري الدولي تهدف الى تقييم مستوى المعرفة الاساسية للطالب في حقل تخصصه عن طريق استكشاف قدرته على تحليل المعضلات وحلها ضمن اطار تخصصه

طلاب جامعة حلب

2007 - 6 - 18 pm 05:19:17
الرابط