ع بواب التخرج...ع بواب الخطبة!!!!!!
يدور هذا النقاش حول ع بواب التخرج...ع بواب الخطبة!!!!!! في قسم قصص وروايات في الملتقى الطبي السوري; حكايا بسيطة من الخيال ما فيها شي من الواقع وإذا حدث تشابه فهو من باب المصادفة لا أكثر..لا أريد التشهير ولا الاحراج والتقليل من أي زميل أو زميلة أرجو أن
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
 |
| | LinkBack | أدوات الموضوع |
Jun, 23 2007, 22:20
| |||
| |||
 ع بواب التخرج...ع بواب الخطبة!!!!!! حكايا بسيطة من الخيال ما فيها شي من الواقع وإذا حدث تشابه فهو من باب المصادفة لا أكثر..لا أريد التشهير ولا الاحراج والتقليل من أي زميل أو زميلة أرجو أن تأخذ القصص ببساطة وبين الجد والمزاح....... حيط................ -أوفففففففف يالله صرلي سنتين عم لمحلوا وهو متل الحيط ماعم يفهم علي...شو اعمل يا ربي.....يعني ما بقي غير أدجها بخلقتوا دج.... -لأديري بالك ليقوم يفهمك بغير معنى وتسقطي من عيونو -طيب شو اعمل والله احترتليكون ماني عاجبتو ا-بس هو ما بيحكي مع حدا متل ما بيحكي معك...وإذا كنت موجودةبيسبح الكل وما بعود يحكي غير معك..... -وهاد الي مجنني صرلوا خمس سنين وما فتحتمو وبلا حرف........ -طيب احكيلك مع رفيقوا.... -لأ ما حلوة...ناقصنيفضايح.... -طيب احكيلك معو مباشرة -لأ دخيلك ...شو بدو يقول عني...يمكن ياخدفكرة ما منيحة عني .... -لكن شو بدك تساوي... -بدي اصبر شوي إذا حكى حكىوإذا ما حكى رح احاول انساه -ليش لا تستسلمي بسهولة -ما بعرف بس والله تعبتوأنا ألمحلوا بس ما عم يفهم يمكن ما أكون الي ببالوا !!أو ما بعرف...حاسة حالي متلالضايعة... -هدي بالك شوي و إلا ما تفرج بلكي بيحكي هلأسبوع... -من سنتينوبقول هلأسبوع وهلأسبوع وصار سنتين وما حكى وأنا لو بضل عشر سنين ما رح احكي ...كنيبدي أرد على أهلي وأفكر بابن خالتي... -طولي بالك شوي واجلي الموضوع لبعدالتخرج -والله ما بعرف شو بدي اعمل رح استنى شهر تاني لأشوف شو بدويعمل..... بعدشهر: -مرحبا لولو(طبعا بيذكر اسمها مواسم الدلع تبعها بس ما رح اذكر اسم وتفضحوني عليه).... -اهلين -كيف كتبتي اليوم -ماشي الحال ... الحمد لله -شبك ليش معصبة ......مزعوجة شي -لأ،بس مستعجلة شوي -بس ما يكون صاير شي -لأ مافي شي موضوع خاصشوي..باي -باي ************ -سوسو.... كيفك(سوسو رفيقة لولو)... -الحمد لله -كيف كتبتي اليوم -ماشي الحال بتنجح .. انت كيف كتبت -منيح كتير ان شا الله بتطلع معدل -ان شا الله -بدي اسألك شبها لولو -لولو !!!ما بعرف ليش وينها ماشفتها بعد الامتحان -شفتها سلمت عليها ردت بنشافة ومشت-(منيح ردت عليك) واللهما بعرف بس كانت ملبكة بالبيت من فترة وعم تحضر حالها للخطبة -لشو!!!! بدهاتنخطب -اي لابن خالتها... -ابن خالتها!!!! اي اي اي موفقة.... قصدي الف مبروك.. -عقبال عندك -وعندك يا رب... -شكرا .... *نظرات متبادلة وعيون تتكلم: (معقول لولو تنخطب....) (اي معقول شو شقد بدها تستناك ياحيط...) (انا حسبت انها مو ممكن تتخلى عني...) (ليش انت فتحت تمك بحرف ولالمحتلها لما تتخلىعنك؟؟؟) (آخ ....هلق صحيت على حالي كان لازم تضربينيكف منزمان لأصحى...) (يلعمى شو طشم....) (ليش ما نبهتيني بتعرفيني معجب فيها..) (والله انا مالي الشب وما خرج احكي وبالأخير تجي تترفع علينا شو مفكررفيقتي رخيصة، كنت اتلحلح واحكي،شو ناقصك لسان بس شاطر كيف الدراسة وشو أخدنامحاضرات،غلييييييييييييييي ييظ...) (ما بيمشي الحال اذا حكيت هلق....) (للأسف يا صديقي اتأخرت كتير....) (آخ.......ضاعت من ايدي..والله كنت مفكر انها اليوخلص....) (بكير شوي تانية لتخلص اختصاص يمكن تذوق على دمك وتحكي تضرب شوبارد)... -طيب ماشي بدك شي... -وين رايح ما بدك تستنى العلامة -لأ خلص بوصي رفيقي يجيبلي ياها........موفقة -مع السلامة (ذهب ولم يكلم صديقاولم يوص أحدا ...وحث الخطا لخارج الكلية هائما على وجهه كغريب لا يعرف هذه الطرقو لكأنه يمشي عليها للمرة الأولى.......)......... الموقف السابق كتبتوا على اساس انزلوا بالارتباط قبل الرسمي ونسيت وهلق تذكرتوا والمحادثات التالية نزلتهم من قبل بس حبيت ارجع احطهم هون.... وهي وردة   |
| الأعضاء الـ 25 التالية أسماؤهم قالوا شكراً لك يا Mr.sad على هذه المشاركة المفيدة: | ||
|
#31
Jul, 03 2007, 07:32
| |||
| |||
| المشاركة الأصلية بواسطة Kliopatra 
المشاركة الأصلية بواسطة Kliopatra له
 ..لو غيرك......قبل بشهر كنت عم تقولي لأحدهم إذا لم تستح فاصنع ماشئت لأنو كان عم يحكيلنا خاطرة رديئة بأسلوب سوقي...وكنا معك كلنا.. اليوم عم نقرأ" صراحة" مالها داعي , ومن بنت, وأي بنت!! على العموم الشباب كانوا عم يمزحوا وفهمانين وبيعرفوا قصص روسيا...وكلنا بنعرف قيمة الكوندوم بالمجتمع الروسي..فخلينا بقصص ساد العربيةالمتخلفة لأنو عذريتها ما بتطلب صراحة وتوضيح لهالدرجة.. |
|
#32
Jul, 03 2007, 08:21
| |||
| |||
| السلام عليكم أخ دافيدسون بيني وبينك, عم خاف اتعود عهيك قصص وصير شوفها عادية لدرجة ما بتستاهل احكي فيها .. بمجتمع بيضحك عاللي بيذكرها وبيلاقيها متل الأكل والشرب و النوم.  ومجتمع تاني بيحاسب يلي بيذكرها وبيصنفو بمرتبة شخصيات القصة |
| الأعضاء الـ 3 التالية أسماؤهم قالوا شكراً لك يا Kliopatra على هذه المشاركة المفيدة: | ||
|
#33
Jul, 07 2007, 17:42
| |||
| |||
| مرحبا لولو... أهلين ...ليش تأخرت.. ما بعرف كنت عم فكر ومحتار... بشو.. اجاني عقد عمل لبرا ومحتار... يعني بدك تسافر وتتركني... لأ مستحيل أتركك بس إذا خطبتك هلء أهلك بيرضوا فيني.. إلا ما يفرجها الله..طول بالك... عم فكر أروح سنة وأرجع بشوية مصرات تسكت أهلك... وانا... انت بقلبي ما بنساك... مبين أنك حاسم أمرك وخلص... هاد أحسن حل برأيي... قامت وراحت مشت... لولو لولو.... ضاع الصوت... غاب عام وعاد... ذهب إلى ذلك المحل .... مرحبا عبدو... أهلين أستاذ علي من زمان... والله كنت مسافر ورجعت مبارحة... حمد لله على سلامتك.. الله يسلمك،بدي أسألك عم تشوف لولو... قليل كتير يمكن اجت هي وخطيبها مرة وما عاد شفتها بالمرة... خطيبها... ع الأغلب وما ءعدوا كتير شافتني بالمحل حملت حالها وراحت... طيب ماشي شكرا كتير عبدو.. يا اهلا وسهلا وحمد لله ع سلامتك... كان قد قطع أمتار كثيرة على الرصيف ومئات الأمتار في الخيال..... -------------- في وحدة تانية تقريبا على نفس المبدأ بنزلها بعدين والسلام عليكم وهي وردة  |
| الأعضاء الـ 6 التالية أسماؤهم قالوا شكراً لك يا Mr.sad على هذه المشاركة المفيدة: | ||
|
#34
Jul, 07 2007, 23:58
| |||
| |||
| شاكازولو اخطب وتوكل على الله ولا تنس تعزمنا نحن منحب الفرات واهلو وحلو وحفلاتو وهي وردة الك والتانية لبنت الحلال  |
|
#35
Jul, 08 2007, 19:37
| |||
| |||
 بعد الرجوع... كيفك اليوم ماشي الحال وانت ما بعرف كتير مدايق أنا قلتلك بدي بيت لحالي بس بتعرفي البير وغطاه والله ما بعرف مع أهلك ما بسكن طيب جايني عقد عمل لبره شي سنة زمان بتستنيني روح بس لا تتأخر... لا تخافي حبيبتي بجمع شوية مصرات منزبط وضعنا فيهون ماشي الله يوفقك بكرة مسافر... دير بالك على حالك طيب بس لا تبكي أنا مالي متحمل حالي خلص بلا ما تسافر بحاول أقنع أهلي لأ خلص هي سنة وبرجع وانهملت الدموع على الوجنتين الورديتين... كان آخر ما رآه هذه الدموع الغالية التي تقول مع السلامة.... سافر وعانى وراسلها كثيرا... في البداية تلقى جوابا عن كل رسالتين ثم عن كل خمسة ثم نادرا....أرسل لها أني سأعود وقررت استقباله في المطار: بعد الرجوع: تلقفها بحضن المشتاق ضمها ضمة قوية كادت أن توحد بين جسديهما لكنها كانت جامدة لم يعرفها تركها وكانت الدموع تحفر أخاديدا على وجنتيها تركها وصوتها مبحوح من كثرة البكاء تركها والأمل يملأ القلب بالرجوع لحضنها مع رزمة من النقود تنقذ حبهما من الفتور في عصرنا المادي تركها وقلبه يكاد أن يفلت من قبضة عقله يكاد أن يفر من عقال العقل ويرجع إليها لكنه استطاع أن ينتصر على قلبه حتى حين عاد .... عاد ولكنه لم يعد إلا بحرقة الفؤاد عاد منتظرا منها نظرة الاشتياق كلمة الحنين قبلات المحبة لكن لم يجد من ذلك شيا عاد ووجد قلبا جديدا مكبلا بالحديد وجد آثارا لشفاه أخرى على ارض شفتيه عاد ليجد أن موطن قلبه قد احتل وطرد منه... على الرغم من رسائل الهوى التي لم تقرأ على الرغم من آهات الهوى التي لم تسمع على الرغم من صبرٍ بلا حدود لم يشفع لم يجد ملاذه الآمن لم يجد حضنها فارغا ****** لقد سقطتَ يا حبيبي سقطتَ من رحمي إلى أسفل قدمي لم يعد بالإمكان قبولك نزيلا قديما جديدا فالمكان مشغول ولا يمكن القبول فارحل عني اتركني فانا هنا لست للترحيب والتهليل لست للاستقبال والتقبيل بل لأقول لك اذهب أنت اخترت الرحيل وأنا اخترت البديل فلا تنعته بالدخيل بل أنا التي ملكته هذا الجسد الهزيل بسلطان المال وأعراف العصر الجديد فلا تثر علي وابحث عن حب جديد فما عدت لك بل أنا لمال الرجل الثاني ومن بعده لمال الثالث أما أنت فاليوم أعلنت موتك بعد أن قتلتك منذ أن نظرت للرجل الآخر فابحث عن مولد جديد بعيدا عن أحضاني يا صاحب العقل الرشيد لم يستطع الكلام فما هذه التي ودع بل هذه عقرب يلسع جمع فتات قلبه ومضى دون كلام فالصمت ابلغ من أن يرد على من ذبحت الحمام... وفي الختام السلام ...    |
|
#36
Jul, 09 2007, 01:16
| |||
| |||
| لك عراسي يا ساد ... كلق ذوق ... بالفعل قصص كتييييييييييييير واقعية وخاصة قصص الزواج المبكر .... كتير بنشوفها هون ... ننتظر المزيد ... وهي حشيشة |
| قال العضو التالي أسمه شكراً لك يا electron على هذه المشاركة المفيدة: | ||
|
#37
Jul, 09 2007, 12:41
| |||
| |||
| جد قصص واقعية....ومعبرة عن كل الحياة ومشقاتها.. بس دائماً قصصك حزينة مستر ساد.... دوّر جوات تلافيفك عن شي قصة مفرحة ونهايتها سعيدة! |
|
#38
Jul, 11 2007, 00:03
| |||
| |||
| ~~~~1~~~~ ماما والله الشب أكابر وفهمان وابن عيلة وكامل مكمل يعني احسن من هيك ما ضل.... ماما ما بدي أتزوج هلء أجلي الموضوع.... بنتي ما عدت صغيرة... إيه مالي صغيرة وبعرف مصلحتي.... طيب على كيفك.... ّ~~~~2~~~~ ماما والله الشب فهمان ودكتور متخرج وبكرة بيزبط وضعه... ما مابدي اتزوج اجليلي الموضوع... ليش...يعني بتحبي حدا؟ لأ بس بدي أدرس... طيب على راحتك.... ~~~~3~~~~ ماما والله الزلمة فهمان ومرتب وما في فرق كتير سبع سنين ما هي مشكلة... ما بدي كبير كتير... بنتي ما عدت صغيرة يعني لما اجوك الشباب ما رضيتي فيون... ما بدي خليني اكمل اختصاص وبيفرجها الله... يعني ما بدك تسمعي كلامي... ماما انا واعية وعم بعرف شو عم اعمل.... ~~~~4~~~~ a ماما اجاك خطابة اليوم... مين... ما بعرف بس مهندس عمره حوالي الأربعين ... طيب عطيهم موعد لنتعرف... (اس الله لما اجو الدكاترة الأصغر والأغنى وما رضينا نشوفون!!!)... b ماما ردوا شي الجماعة لأ بس سمعت من جارتنا أنو العريس بدو أصغر منك... عمرينا وبالناقص وأريحلي ويصحلوا ووووو...... ~~~~5~~~~ بنتي اليوم اجت امو لأسعد عرفتيه... مو هاد الأرمل... يعني شو ذنبوا وما عندو غير هلولد الصغير ... أمري لله خليه يجي؟؟؟؟!!!!!!! -------------- اطلسي تكرم عيونكالقصص المنتهية بنهايات سعيدة كثيرة جدا ولك إحداها في المرة القادمة وهي وردة |
|
#39
Jul, 12 2007, 15:56
| |||
| |||
| لم يعرفها يوما ولم تكن تعرفه..... عاشا زمنا لا بأس به في حي واحد.... كبرا معا لكن بصمت... فلم يكن شقيا ولم تكن كثيرة الخروج من المنزل.... سبقها بالدخول إلى الجامعة بعامين... وبعد أربع سنين انتبه إلى تلك الفتاة التي تقف على نفس الموقف تنتظر السيارة العامة لتقلها إلى أين؟؟؟ صعدا في نفس السيارة... جلست بقرب امرأة عجوز وجلس خلفها يراقبها بصمت.... نزلا في نفس الموقف... مشى كعادته بسرعة لكنه تذكر شيئا وقف قليلا ثم مشى ببطء.... سبقته بخطوات قليلة..... دخلت الحرم الجامعي قبله... إلى أي كلية ستذهب يا ترى.... اتجهت نحو اليسار وصعدت باتجاه الكليات الأخرى واستمر بالمشي إلى الأمام مع رأس منحرف إلى اليسار يراقبها من بعيد وبصمت.... وصل كليته كما كان يفعل كل يوم لكنه بدا مختلفا... صعد إلى الطابق الثاني استل صدريته البيضاء من خزانته بصمت ومشى وحيدا في ذلك الممر المظلم.... اتجه نحو المشفى وحيدا هذه المرة.... كان يمر من ذلك الطريق الجانبي إلى يسار الكلية لكنه في هذه المرة نزل إلى الساحة وخرج عبر الباب الرئيسي ورأسه ينظر إلى تلك الجهة.... عاد من التدريب مسرعا كان يركض إلى المدرج أو مركز التصوير لكنه اليوم بقي جامدا بين الأعمدة أمام المقصف.... كان ينظر باستمرار إلى تلك الجهة.... هل أذهب إلى كلية الحقوق –الاقتصاد-العلوم-الزراعة-المكتبة المركزية أم أنها تزور صديقة وليست من كل هذه الكليات؟؟؟ هل انتظر في مكاني لعلها تمر أم أنها ذهبت وأنا في التدريب؟؟؟؟ وبقي لمدة طويلة أعاد صدريته إلى مكانها وعاد أدراجه إلى البيت.... درس كما كان يفعل كل يوم لكنه درس بطريقة مختلفة...استمع إلى أغان جديدة ....من زمن طويل لم يرسم لكنه داعب الفرشاة اليوم.... كان يكلم تلك الصورة على الجدار ويحكي لها ما يجري معه لكنه اليوم ابتسم لها وعاد إلى لوحته.... وفي اليوم التالي وقف طويلا أمام المرآة نزل مسرعا نسي أن يودع صورة أمه كما اعتاد كل يوم.... مرت أول سيارة ولم يصعد والثانية كذلك مرت الرابعة ،نظر إلى ساعته:مازال الوقت مبكرا.... يبدو أنها لن تأتي اليوم سأذهب ... وكما فعل البارحة انتظر طويلا أمام المقصف دون فائدة وقرر أن يحاول تكرار موقف البارحة لكن الأسبوع المقبل وبنفس التوقيت وعاد إلى البيت..... هل يا ترى سيلتقيها في الأسبوع المقبل هذا ما سنراه في الحلقة القادمة.... مستر ساد -------------- لم يعرفها يوما ولم تكن تعرفه..... عاشا زمنا لا بأس به في حي واحد.... كبرا معا لكن بصمت... فلم يكن شقيا ولم تكن كثيرة الخروج من المنزل.... سبقها بالدخول إلى الجامعة بعامين... وبعد أربع سنين انتبه إلى تلك الفتاة التي تقف على نفس الموقف تنتظر السيارة العامة لتقلها إلى أين؟؟؟ صعدا في نفس السيارة... جلست بقرب امرأة عجوز وجلس خلفها يراقبها بصمت.... نزلا في نفس الموقف... مشى كعادته بسرعة لكنه تذكر شيئا وقف قليلا ثم مشى ببطء.... سبقته بخطوات قليلة..... دخلت الحرم الجامعي قبله... إلى أي كلية ستذهب يا ترى.... اتجهت نحو اليسار وصعدت باتجاه الكليات الأخرى واستمر بالمشي إلى الأمام مع رأس منحرف إلى اليسار يراقبها من بعيد وبصمت.... وصل كليته كما كان يفعل كل يوم لكنه بدا مختلفا... صعد إلى الطابق الثاني استل صدريته البيضاء من خزانته بصمت ومشى وحيدا في ذلك الممر المظلم.... اتجه نحو المشفى وحيدا هذه المرة.... كان يمر من ذلك الطريق الجانبي إلى يسار الكلية لكنه في هذه المرة نزل إلى الساحة وخرج عبر الباب الرئيسي ورأسه ينظر إلى تلك الجهة.... عاد من التدريب مسرعا كان يركض إلى المدرج أو مركز التصوير لكنه اليوم بقي جامدا بين الأعمدة أمام المقصف.... كان ينظر باستمرار إلى تلك الجهة.... هل أذهب إلى كلية الحقوق –الاقتصاد-العلوم-الزراعة-المكتبة المركزية أم أنها تزور صديقة وليست من كل هذه الكليات؟؟؟ هل انتظر في مكاني لعلها تمر أم أنها ذهبت وأنا في التدريب؟؟؟؟ وبقي لمدة طويلة أعاد صدريته إلى مكانها وعاد أدراجه إلى البيت.... درس كما كان يفعل كل يوم لكنه درس بطريقة مختلفة...استمع إلى أغان جديدة ....من زمن طويل لم يرسم لكنه داعب الفرشاة اليوم.... كان يكلم تلك الصورة على الجدار ويحكي لها ما يجري معه لكنه اليوم ابتسم لها وعاد إلى لوحته.... وفي اليوم التالي وقف طويلا أمام المرآة نزل مسرعا نسي أن يودع صورة أمه كما اعتاد كل يوم.... مرت أول سيارة ولم يصعد والثانية كذلك مرت الرابعة ،نظر إلى ساعته:مازال الوقت مبكرا.... يبدو أنها لن تأتي اليوم سأذهب ... وكما فعل البارحة انتظر طويلا أمام المقصف دون فائدة وقرر أن يحاول تكرار موقف البارحة لكن الأسبوع المقبل وبنفس التوقيت وعاد إلى البيت..... هل يا ترى سيلتقيها في الأسبوع المقبل هذا ما سنراه في الحلقة القادمة.... مستر ساد |
|
#40
Jul, 29 2007, 23:06
| |||
| |||
| اجل انتظرها في الأسبوع التالي والتالي والتالي لكنه لم يحصد إلا الخيبة .... تأخر مرارا ومرارا عن التدريب ونسي مرات كثيرة أن يودع تلك الصورة باتسامته المشرقة ..... مر شهر من الزمن واستطاع أن يتناسى الموضوع وعاد يصبح على تلك الصورة وعاد ليحكي لها قصصه الجميلة ولكن الفرشاة لازمت يده وأصبحت لا تفارقها... -نعم أقول لك يا من أجج في المشاعر وأعاد لروحي علاقتها مع تلك الرقع البيضاء شكرا واكتفي بإرسالها عبر الفضاء لعلها تصطدم بك يوما لتعبر عن جزيل شكري وتقول لك أني انتظرتك طويلا على ذلك الموقف لأقول لك يا سيدتي إن وجهك البريء يذكرني بوجه الغالية التي ودعتني صغيرا ولم أكن أعرف أني مودعها فأحببت أن أودعها عبر نظرة أخرى من وجهك لا أكثر.... فلك أمي التحية والدعاء بالرحمة ولوجهك الملائكي الذي أضعته مرتين الخلود في قلبي ليمدني بالقوة اللازمة لمواجهة هذه الحياة.... والسلام عليكم... هلأ شو دخل هي القصة بالخطبة ما بعرف بس أنا حبيت أنهيها هيك وحبيت أنزلها هون وإن شا الله تعجبكم.... |
| قال العضو التالي أسمه شكراً لك يا Mr.sad على هذه المشاركة المفيدة: | ||
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| افخاخ الصدرية بمقابلة التخرج | Elloni | الفحص السريري | 6 | Oct, 22 2006 03:12 |
| [التحضير لامتحان التخرج] الداخلية | d.zf | السنة السادسة وامتحان التخرج | 10 | May, 14 2006 09:57 |
| [التحضير لامتحان التخرج] العينية | d.zf | السنة السادسة وامتحان التخرج | 4 | Mar, 27 2006 00:29 |
كل الأوقات حسب GMT +2، والوقت الآن 17:41.
