ع بواب التخرج...ع بواب الخطبة!!!!!!
يدور هذا النقاش حول ع بواب التخرج...ع بواب الخطبة!!!!!! في قسم قصص وروايات في الملتقى الطبي السوري; حكايا بسيطة من الخيال ما فيها شي من الواقع وإذا حدث تشابه فهو من باب المصادفة لا أكثر..لا أريد التشهير ولا الاحراج والتقليل من أي زميل أو زميلة أرجو أن
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
 |
| | LinkBack | أدوات الموضوع |
Jun, 23 2007, 22:20
| |||
| |||
 ع بواب التخرج...ع بواب الخطبة!!!!!! حكايا بسيطة من الخيال ما فيها شي من الواقع وإذا حدث تشابه فهو من باب المصادفة لا أكثر..لا أريد التشهير ولا الاحراج والتقليل من أي زميل أو زميلة أرجو أن تأخذ القصص ببساطة وبين الجد والمزاح....... حيط................ -أوفففففففف يالله صرلي سنتين عم لمحلوا وهو متل الحيط ماعم يفهم علي...شو اعمل يا ربي.....يعني ما بقي غير أدجها بخلقتوا دج.... -لأديري بالك ليقوم يفهمك بغير معنى وتسقطي من عيونو -طيب شو اعمل والله احترتليكون ماني عاجبتو ا-بس هو ما بيحكي مع حدا متل ما بيحكي معك...وإذا كنت موجودةبيسبح الكل وما بعود يحكي غير معك..... -وهاد الي مجنني صرلوا خمس سنين وما فتحتمو وبلا حرف........ -طيب احكيلك مع رفيقوا.... -لأ ما حلوة...ناقصنيفضايح.... -طيب احكيلك معو مباشرة -لأ دخيلك ...شو بدو يقول عني...يمكن ياخدفكرة ما منيحة عني .... -لكن شو بدك تساوي... -بدي اصبر شوي إذا حكى حكىوإذا ما حكى رح احاول انساه -ليش لا تستسلمي بسهولة -ما بعرف بس والله تعبتوأنا ألمحلوا بس ما عم يفهم يمكن ما أكون الي ببالوا !!أو ما بعرف...حاسة حالي متلالضايعة... -هدي بالك شوي و إلا ما تفرج بلكي بيحكي هلأسبوع... -من سنتينوبقول هلأسبوع وهلأسبوع وصار سنتين وما حكى وأنا لو بضل عشر سنين ما رح احكي ...كنيبدي أرد على أهلي وأفكر بابن خالتي... -طولي بالك شوي واجلي الموضوع لبعدالتخرج -والله ما بعرف شو بدي اعمل رح استنى شهر تاني لأشوف شو بدويعمل..... بعدشهر: -مرحبا لولو(طبعا بيذكر اسمها مواسم الدلع تبعها بس ما رح اذكر اسم وتفضحوني عليه).... -اهلين -كيف كتبتي اليوم -ماشي الحال ... الحمد لله -شبك ليش معصبة ......مزعوجة شي -لأ،بس مستعجلة شوي -بس ما يكون صاير شي -لأ مافي شي موضوع خاصشوي..باي -باي ************ -سوسو.... كيفك(سوسو رفيقة لولو)... -الحمد لله -كيف كتبتي اليوم -ماشي الحال بتنجح .. انت كيف كتبت -منيح كتير ان شا الله بتطلع معدل -ان شا الله -بدي اسألك شبها لولو -لولو !!!ما بعرف ليش وينها ماشفتها بعد الامتحان -شفتها سلمت عليها ردت بنشافة ومشت-(منيح ردت عليك) واللهما بعرف بس كانت ملبكة بالبيت من فترة وعم تحضر حالها للخطبة -لشو!!!! بدهاتنخطب -اي لابن خالتها... -ابن خالتها!!!! اي اي اي موفقة.... قصدي الف مبروك.. -عقبال عندك -وعندك يا رب... -شكرا .... *نظرات متبادلة وعيون تتكلم: (معقول لولو تنخطب....) (اي معقول شو شقد بدها تستناك ياحيط...) (انا حسبت انها مو ممكن تتخلى عني...) (ليش انت فتحت تمك بحرف ولالمحتلها لما تتخلىعنك؟؟؟) (آخ ....هلق صحيت على حالي كان لازم تضربينيكف منزمان لأصحى...) (يلعمى شو طشم....) (ليش ما نبهتيني بتعرفيني معجب فيها..) (والله انا مالي الشب وما خرج احكي وبالأخير تجي تترفع علينا شو مفكررفيقتي رخيصة، كنت اتلحلح واحكي،شو ناقصك لسان بس شاطر كيف الدراسة وشو أخدنامحاضرات،غلييييييييييييييي ييظ...) (ما بيمشي الحال اذا حكيت هلق....) (للأسف يا صديقي اتأخرت كتير....) (آخ.......ضاعت من ايدي..والله كنت مفكر انها اليوخلص....) (بكير شوي تانية لتخلص اختصاص يمكن تذوق على دمك وتحكي تضرب شوبارد)... -طيب ماشي بدك شي... -وين رايح ما بدك تستنى العلامة -لأ خلص بوصي رفيقي يجيبلي ياها........موفقة -مع السلامة (ذهب ولم يكلم صديقاولم يوص أحدا ...وحث الخطا لخارج الكلية هائما على وجهه كغريب لا يعرف هذه الطرقو لكأنه يمشي عليها للمرة الأولى.......)......... الموقف السابق كتبتوا على اساس انزلوا بالارتباط قبل الرسمي ونسيت وهلق تذكرتوا والمحادثات التالية نزلتهم من قبل بس حبيت ارجع احطهم هون.... وهي وردة   |
| الأعضاء الـ 32 التالية أسماؤهم قالوا شكراً لك يا Mr.sad على هذه المشاركة المفيدة: | ||
amarel, ammour444, Angelica, Atlantis, bati, davidson, ElectroDoc, electron, etoil de la mer, Farah, goldenrose, Good Doctor, Kliopatra, lune, m'm, mmi, neil, shakazolo, sherehan, shine star, spartacus, subzero, tartousieh, tofaha, TURBO, Wesambassout, yar, رؤى, زين الدين, سنا, صاحبة السمو | ||
|
#61
Dec, 21 2007, 02:20
| |||
| |||
| أحلى مرحبا للكل... بصراحة هالموضوع بالذات كتير متشعب و القدر بيلعب دور كبير فيه .. مثلا بالنسبة لمروان و سوسن ..في مليون احتمال كان ممكن يصير لو انو الأب خطب مروان !! كان يمكن رح يرفض وتتجوز نفس الانسان اللي عم توقع عندو كتير !! ويمكن يقبل و ما رح يكون ملاك بس رح نفترض انو ما رح يصمِّغ ادنيها بهالخطبة الميمونة ..بس !! يا ترى هي رح تكون مبسوطة و هو ؟؟ رح يكون فرحان بهيك زواج بدايتو بايخة!! و هو ؟؟ لو كان بيحبها ..ما كان فاتحها او فاتح اهلها بالموضوع ..و الّا لسانو اكلو القط .. يعني بتصوري انو اذا الشب ما هو "لحالو " انتبه لوجود هالبنت و انو بتناسبو فما بلاقيها حلوة انو هية تنبهو "شوفوني ما احلاني و شو ظريفة ألواني!!" او حتى انو ابوها ينبهو.. وهي بتشبه القصة تبع الحب من طرف واحد .. يعني اذا الشب مو منتبه على بنت حاببتو ..فببساطة لازم تسكت و تاخد حسبا الله .. و ابدا ما لازم تقلو انو تعا لهون عمو ..""ما لك سمعان بباسكال مشعلاني_اللي ما بطيقا_ "" "نشفتلي دمي يازلمة!! انت خايف او خجول؟؟" لانو اذا هو مو حاسس بوجودك فبلاها احسن .. Mr.sad:: انت من شوي كنت عم تقول انو مو معقول تكون مريت بكل هالقصص.. بقا ليش مفترض انو هالقصة صارت معي؟؟ بس الكاتب المبدع هو اللي بيحسسك انك عايش بالقصة و انو القصة قصتو..مو هيك ؟؟ على كل مشكور وكل سنة و انتو سالمين جميع.. |
|
#62
Dec, 22 2007, 00:40
| |||
| |||
| بعتذر سوليداد.. أكيد ما قصدي الاساءة أبدا وما بعرف من وين اجاك شعور اني قلت أنو القصة صارت معك؟!! أنا بشكر تفاعلك مع القصة وفعلا أنا حاطط ببالي أكتر من نهاية من أول ما كتبت الموضوع بس رح أنزلهم بالتتابع وحبيت أبدا بهي النهاية (البنت ترفض وهاد الشائع بوقتنا) بس ضفتلها شوية أحداث تانية كعنصر تشويق ونهاية غير متوقعة لمزيد من الدموع ومزيد من الحزن الذي يطهر نفوسنا وينقيها من غبرات الزمن وعثرات الذلل لنطهر نفوسنا بالحزن الجليل أبذل هذه الورود مع دموعي رخيصة في سبيل الطهر.....(على كل حال القصص لا تعبر دائما عن آرائي ولم تحدث معي لكنها تحوي جزءا من ذاتي فأتباناها كأني بطلها وأحزن أو أفرح بحزن البطل أو فرحه ولا يقود الأحداث شعوري وفكري الخاص بل اتجرد من ذاتي وأحاول تبني أفكار البطل ليكتب الأحداث بقلمي لكن بفكره وشكرا)....... |
|
#63
Dec, 22 2007, 02:06
| |||
| |||
| مو مشكلة Mr sad سوء تفاهم و زال.. و الشكر الك عالقصة لانها واقعية و حلوة..خرج تكتب مسلسلات !! بس انا بهالموضوع بالذات بحس انو نحن منكون مخدَّرين و مسيَّرين تماماً..يعني القدر بيلعب الدور الأكبر.. و بالنسبة للحزن ..دخيلك بلاه ..و الله قلبنا من الحامض لاوي.. من غير شي الفحص عالبواب.. موفقين جميعاً |
|
#64
Dec, 22 2007, 03:15
| |||
| |||
 ................... |
|
#65
Dec, 26 2007, 23:10
| |||
| |||
| قصة خفيفة بعيدة شوي عن خطبة الأب لبنته (برجع للمواقف بعدين)... بالعادة في المحادثة طرفين بس هلمرة رح يكون في طرف واحد والطرف التاني موجود بس خلف السطور .... بالسنة أولى: فصل أول: (~*< غليظ تضرب شو غليظ... والله عم اكره العملي من وراك حاج تطلع فيني؟! اوف >*~) بالفصل التاني (~*< وينو ما عم شوفه ليكون صايروا شي؟ يالله طول... هي اليوم شرف عجب وين كان طول هلفترة؟؟ رجع يطلع فيني؟!!! بس والله باينته حباب وظريف طيب تلحلح سلم علي ايه هيك من زمان >*~) أهلين أحمد أنا منيحة كيفك أنت ليش ما كنت عم تداوم!!!!( باستغراب على أساس ما كانت منتبهة وطقانه لتعرف وينه) آه مسافر !!..ليش اهلك برا البلد؟ لكن الحمد لله على السلامة وصلنا بال...للصفحة 700 وبال للصفحة 1200 ...... بالسنة التانية: آخر يوم بالصيفية : (~*< والله اشتقنا........>*~) تاني يوم: (~*< وينه لسه مسافر؟ >*~) أهلا وسهلا هيك بعد أسبوعين ولولا العملي ما اجيت شكرا... يعني نزلت كرمالي؟! الله يحفظك... بالسنة التالتة نزلت بكير هي السنة ؟!! وأنا كمان ما بحسن بدونك وانا كمان.... لا تخجلني ما بحسن... خلص لا تزعل بحبك... بالسنة الرابعة بأول شهر ليش ما عم شوفك ؟! وانا ملتهية بالستاج يئطع عمرهم ما عم يخلونا نتهنا طيب ماشي بشوفك أسبوع الجاي... بآخر الفصل وينك ما عم نشوفك؟! وانا كمان اشتقتلك هي تاني مرة بشوفك هاد الفصل معقول؟!!! بالفصل التاني دورت عليه وما لقته غير أيام الامتحان!!! ليش هيك عم تعمل معي وليش غيرت رقم موبايلك بدون ما تقلي؟ كيف ما انزعج يعني شهرين وانا متل المجنونة حل عني ياه شبعت كذب..... بالسنة الخامسة أول أسبوع ما بينت وهو ما نزل بعد شهر صدفة (~*< حسبنا الله ونعم الوكيل >*~) أهلين احمد ........ ما كتير بس ماشي الحال وأنت الظاهر أنت دايما هيك بتهوي... عفوا ما قصدي ... بالسنة السادسة (~*< هي السنة ما شفته أبدا وين غاطط >*~) بيرن الموبايل رقم جديد ألو ؟ مين معي؟ أحمد شو بدك بهاد الوقت نفس العنوان بس شو بدك شو؟ أهلك بدون يجوا لعنا؟ بس أنت لأ خلينا أشوفك بكرة تاني يوم أهلين ، شو عم يصير معك غبت فترة وجايني هيك خبط لزق؟ بعدت عني وما حسنت؟! شو هي ؟ طيب ليش نقيت عني بلكي أنا ما بدي ياك؟!! بس هي الحبسة ما حلوة بدي أغيرها الله يخليلي عيونك.... وهي وردة  |
|
#67
Dec, 27 2007, 06:57
| |||
| |||
| معلش وجهة نظر المشاركة الأصلية بواسطة soledad و الله يا سوليداد هاد الكلام مرفوض عندي جملة و تفصيلاً
يعني و شو فيها البنت إذا أجت لعند الشب و ئالتلو أنا بحبك ؟؟؟ رح ياكلها ؟؟؟ رح يدبحها ؟؟ لأ ما فيها شي .. ما بعرف ليش بتعتبروها شذوذ عن طبيعة الجنس البشري بأنو البنت تبادر ... و الله أمركن عجيب أنتو بنات حلب !! طبعاً بعرف الجواب التقليدي: بيقل من مقدارا !!! ما في داعي حدا يجاوبني ياه. أنا برأيي ما بيقل مقدارا و هالشي مو عيب ... لكا برأيك حل أنو تحط عالجرح ملح و تسكت ؟؟؟ يعني الشذوذ عن طبيعة الجنس البشري هو أنو المخلوق (سواءاً ذكر أو أنثى ) ما يعبر عن حبه و اعجابه بالشخص التاني , مو و الله إذا كانت بنت و الله خلاها تحب شب معناها تسكت و تستناه ليجي ينكشها لأنو بجوز كلو ع بعضو يكون ملتهي بألف شغلة تانية و مو منتبه فعلاً (مو مطنشها متل ما بيظنوا بنات حلب خصوصاً). ع فكرة الكلام اللي كاتبتو الأخت سوليداد فوق يخص مدينة حلب فقط , لأنو الحمد لله , الكل بيتطور إلا عقلياتنا بتضل هيي هيي. و لا يغير الله ما بقوم حتى يغيروا ما بأنفسهم باي |
|
#68
Dec, 27 2007, 18:01
| |||
| |||
| المشاركة الأصلية بواسطة ammour444 هلأ هادا اللي طلع معك..
طلعو الحلبيات متخلفات و معهن بلاهة منغولية إلا شوي!! يا أخي اذا الشب مو منتبه على بنت _ مو مطنشها _ و مو حاسس بوجودها بتقلو انا هووووووووووووون .. بعدين حتى يغيرو الشباب الحلبية معتقداتن و يبطلو يقولو يا عيب الشوم ..تفو عليها وقحة ...وقتا منغير نحن " أسلوبنا بالتعبير " يعني اذا "النساء العربيات" الله حط بدمن شوية حياء بيصيرو متخلفات .. هي حرية زائفة ..مو هيك التحرربيكون و فعلا لا يغير الله ما بقوم حتى يغيروا ما بأنفسهم و لا حول و لا قوة الا بالله.. |
| قال العضو التالي أسمه شكراً لك يا soledad على هذه المشاركة المفيدة: | ||
|
#69
Dec, 27 2007, 22:43
| |||
| |||
| مرحبا يا صبايا ويا شباب... عمور معك حق وسوليداد معك حق... أنا ما عم اطلب من بناتنا الثورة وتغيير عادات بالية بس بطلب منهم شوية نظرة عقلانية وخلص صرتوا كبار وعندكم الجرأة الكافية للتحرر واتخاذ القرار المناسب وبلا ولدنة ودلع بنات نحن بعصر السرعة ... أنا حكيت عن وحدة عجبها الشب وكتمت وهو كان ملتهي بالدراسة ومأجل الموضوع بس هي ما استنت ولا فاتحه وراحت لعند ابن خالتها(أول قصة بالموضوع) وحكيت عن وحدة تانية عجبها الشب واستشارت امها الي قالتلها لمحيلوا طالما متفهم رح يزداد إعجابه بثقتك بنفسك وما رح تنزلي من عينه وفاتحته (أو لمحتلوا بطريقة ما –عن طريق صديقة مثلا-) وشفتوا بنهاية القصة كيف صار عنده ولاد وكيف حماته بتحبة فتخيلوا مرته شقد بتبحه (الحكاية بآخر الصفحة الخامسة على ما اعتقد)... وبين القصتين أنتو الكم الحكم مين السعيدة أكتر: الأولى إلا التانية؟؟!! أنا برأي التانية.... هلء رح أنزل قصة جديدة حساسة بالنسبة الي هي ما صارت معي والحمد لله بس بتعنيلي كتير (أربع أجزاء بس بدي أكتفي بجزأين الجزء الأول نزلته من قبل بس تسكر الموضوع بناءا على طلبي وما نزلت النص التاني ) وهي وردة وابتسامة |
|
#70
Dec, 27 2007, 23:49
| |||
| |||
| المشاركة الأصلية بواسطة soledad ما ئلت تخلف بس هاد اسمو عقل محطوط فيو قفل جوزة مصدي
مو بلاهة , بس هالشي اللي ئلتيه بيخالف الطبيعة الانسانية اللي الله فطرنا عليها و هيي أنو الشب و البنت يحبوا بعض , و لما واحدهن يعاني من هالشي ما يحكي للتاني عن مشاعرو أو أحاسيسو سواءاً كان شب أو بنت. المشاركة الأصلية بواسطة soledad حدا فهم شي من هالكلام ؟؟
 أنا ما فهمت .. أنتي عم تئولي أنو ما لازم تئلو أنا هووووووووووووون و لازم تاخد حسبا الله !!! ليش هالتناقض ؟؟ المشاركة الأصلية بواسطة soledad والله شوفي , إذا البنت عرفانة أنو شب منيح فبرأيي ما تتردد لأنو الشب المنيح تأكدي تماماً أنو ما رح يئول هيك عنها .
ما بنكر أنو في شباب رح تئول اللي ئلتيه , بس أصابيعك مو متل بعضن , هالشي بيتعلق بالبنت و طريقتها بالتعبير و بالشب كمان و بمستواه الفكري. المشاركة الأصلية بواسطة soledad ئلبتلي ياها كرامة و مواقف وحيا و الله أكبر يا عرب .
لك خلص بئا , تحرروا من هالشي , لك بشرفي ما رح نتطور لمليارين سنة. المشاركة الأصلية بواسطة soledad لك وييييييييييييييييييييين التحرر ؟؟؟؟ اش هيي ئامت رقصتلو و تمايعتلو ؟؟؟؟ كل ما هنالك راحت لعندو و ئالتلو أنا في مشاعر صادقة تجاهك !!! وين التحرر بالموضوع ؟؟؟
خلص أنا بنسحب من النقاش لأنو اش ما رح أحكي رح تعتبريه هجوم مع أني و الله مو قصدي المهاجمة بس عنجد و لن يغير الله ما بقوم حتى يغيروا ما بأنفسهم و هي زهرة لأختي solidad |
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| افخاخ الصدرية بمقابلة التخرج | Elloni | الفحص السريري | 6 | Oct, 22 2006 03:12 |
| [التحضير لامتحان التخرج] الداخلية | d.zf | السنة السادسة وامتحان التخرج | 10 | May, 14 2006 09:57 |
| [التحضير لامتحان التخرج] العينية | d.zf | السنة السادسة وامتحان التخرج | 4 | Mar, 27 2006 01:29 |
| سؤال عن مشروع التخرج | basboos | السنة السادسة وامتحان التخرج | 2 | Sep, 12 2005 21:52 |
كل الأوقات حسب GMT +2، والوقت الآن 11:14.
