ع بواب التخرج...ع بواب الخطبة!!!!!!
يدور هذا النقاش حول ع بواب التخرج...ع بواب الخطبة!!!!!! في قسم قصص وروايات في الملتقى الطبي السوري; -->
حكايا بسيطة من الخيال ما فيها شي من الواقع وإذا حدث تشابه فهو من باب المصادفة لا أكثر..لا أريد التشهير ولا الاحراج والتقليل من أي زميل أو زميلة أرجو
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
 |
| | LinkBack | أدوات الموضوع |
|
#1
Jun, 23 2007, 22:20
| |||
| |||
 ع بواب التخرج...ع بواب الخطبة!!!!!! حكايا بسيطة من الخيال ما فيها شي من الواقع وإذا حدث تشابه فهو من باب المصادفة لا أكثر..لا أريد التشهير ولا الاحراج والتقليل من أي زميل أو زميلة أرجو أن تأخذ القصص ببساطة وبين الجد والمزاح....... حيط................ -أوفففففففف يالله صرلي سنتين عم لمحلوا وهو متل الحيط ماعم يفهم علي...شو اعمل يا ربي.....يعني ما بقي غير أدجها بخلقتوا دج.... -لأديري بالك ليقوم يفهمك بغير معنى وتسقطي من عيونو -طيب شو اعمل والله احترتليكون ماني عاجبتو ا-بس هو ما بيحكي مع حدا متل ما بيحكي معك...وإذا كنت موجودةبيسبح الكل وما بعود يحكي غير معك..... -وهاد الي مجنني صرلوا خمس سنين وما فتحتمو وبلا حرف........ -طيب احكيلك مع رفيقوا.... -لأ ما حلوة...ناقصنيفضايح.... -طيب احكيلك معو مباشرة -لأ دخيلك ...شو بدو يقول عني...يمكن ياخدفكرة ما منيحة عني .... -لكن شو بدك تساوي... -بدي اصبر شوي إذا حكى حكىوإذا ما حكى رح احاول انساه -ليش لا تستسلمي بسهولة -ما بعرف بس والله تعبتوأنا ألمحلوا بس ما عم يفهم يمكن ما أكون الي ببالوا !!أو ما بعرف...حاسة حالي متلالضايعة... -هدي بالك شوي و إلا ما تفرج بلكي بيحكي هلأسبوع... -من سنتينوبقول هلأسبوع وهلأسبوع وصار سنتين وما حكى وأنا لو بضل عشر سنين ما رح احكي ...كنيبدي أرد على أهلي وأفكر بابن خالتي... -طولي بالك شوي واجلي الموضوع لبعدالتخرج -والله ما بعرف شو بدي اعمل رح استنى شهر تاني لأشوف شو بدويعمل..... بعدشهر: -مرحبا لولو(طبعا بيذكر اسمها مواسم الدلع تبعها بس ما رح اذكر اسم وتفضحوني عليه).... -اهلين -كيف كتبتي اليوم -ماشي الحال ... الحمد لله -شبك ليش معصبة ......مزعوجة شي -لأ،بس مستعجلة شوي -بس ما يكون صاير شي -لأ مافي شي موضوع خاصشوي..باي -باي ************ -سوسو.... كيفك(سوسو رفيقة لولو)... -الحمد لله -كيف كتبتي اليوم -ماشي الحال بتنجح .. انت كيف كتبت -منيح كتير ان شا الله بتطلع معدل -ان شا الله -بدي اسألك شبها لولو -لولو !!!ما بعرف ليش وينها ماشفتها بعد الامتحان -شفتها سلمت عليها ردت بنشافة ومشت-(منيح ردت عليك) واللهما بعرف بس كانت ملبكة بالبيت من فترة وعم تحضر حالها للخطبة -لشو!!!! بدهاتنخطب -اي لابن خالتها... -ابن خالتها!!!! اي اي اي موفقة.... قصدي الف مبروك.. -عقبال عندك -وعندك يا رب... -شكرا .... *نظرات متبادلة وعيون تتكلم: (معقول لولو تنخطب....) (اي معقول شو شقد بدها تستناك ياحيط...) (انا حسبت انها مو ممكن تتخلى عني...) (ليش انت فتحت تمك بحرف ولالمحتلها لما تتخلىعنك؟؟؟) (آخ ....هلق صحيت على حالي كان لازم تضربينيكف منزمان لأصحى...) (يلعمى شو طشم....) (ليش ما نبهتيني بتعرفيني معجب فيها..) (والله انا مالي الشب وما خرج احكي وبالأخير تجي تترفع علينا شو مفكررفيقتي رخيصة، كنت اتلحلح واحكي،شو ناقصك لسان بس شاطر كيف الدراسة وشو أخدنامحاضرات،غلييييييييييييييي ييظ...) (ما بيمشي الحال اذا حكيت هلق....) (للأسف يا صديقي اتأخرت كتير....) (آخ.......ضاعت من ايدي..والله كنت مفكر انها اليوخلص....) (بكير شوي تانية لتخلص اختصاص يمكن تذوق على دمك وتحكي تضرب شوبارد)... -طيب ماشي بدك شي... -وين رايح ما بدك تستنى العلامة -لأ خلص بوصي رفيقي يجيبلي ياها........موفقة -مع السلامة (ذهب ولم يكلم صديقاولم يوص أحدا ...وحث الخطا لخارج الكلية هائما على وجهه كغريب لا يعرف هذه الطرقو لكأنه يمشي عليها للمرة الأولى.......)......... الموقف السابق كتبتوا على اساس انزلوا بالارتباط قبل الرسمي ونسيت وهلق تذكرتوا والمحادثات التالية نزلتهم من قبل بس حبيت ارجع احطهم هون.... وهي وردة   |
| الأعضاء الـ 32 التالية أسماؤهم قالوا شكراً لك يا Mr.sad على هذه المشاركة المفيدة: | ||
amarel, ammour444, Angelica, Atlantis, bati, davidson, ElectroDoc, electron, etoil de la mer, Farah, goldenrose, Good Doctor, Kliopatra, lune, m'm, mmi, neil, shakazolo, sherehan, shine star, spartacus, subzero, tartousieh, tofaha, TURBO, Wesambassout, yar, رؤى, زين الدين, سنا, صاحبة السمو | ||
|
#2
Jun, 24 2007, 08:14
| |||
| |||
| لك ليروح هالقصة صايرة معك........ وقلت لحالك يا ولد : قد كنت أشفق من دمعي على بصري ـــــــ فاليوم كل عزيز بعدكم هانا. لك انت عقيدنا شلون يصير معك هيك. طب أحسن ما نصورهن بمنظر الزعلانين على بعض تع نخليهن يساوو غير شي. سماع هالقصة القصيرة جدا جدا: كانا اثنين....... أهداها خفا خفيفا.... وأهدته قلما للكتابة........ بالخف جاءت كي تودعه......... وبالقلم كتب لها ...........وداعا....... شرح المفردات: الخف: حذاء على شكل هدية تدل على قيمة المحبوب. قلم:أرخص هدية يمكن أن تقدمها فتاة الى أحمق. وداعا: مصدر فعل { لجهنم الحمرة اللي تقلعك}. مستر ساد:dont be sad ...... ستبقى قبلاتي بالشفاه المثلمة تنالك نائما أو يقظانا ......صاحيا أو وسنانا...بشفاه جافة كالحجر...منعشة كالمطر...متعبة كالسهر......محتومة كالقدر...حارقة كالشرر...مسمسمة....منمنمة....م آخر تعديل كان من قبل dr_mm: يوم Jun, 24 2007 في الساعة 08:19. السبب: ما حدا الو علاقة.................... |
|
#3
Jun, 24 2007, 11:32
| |||
| |||
| شو هالإبداع الفكري تبعك يا ساد ، صاير عم تحكي قصص عن الحب .............. بس ما بتبطل عادتك ومو غريب عن اسمك حتى بالحب قصصك محزنة ............... بس الحمد لله هالحكي ما بينطبق علي ولا بأي شكل ، بس ممكن ينطبق على كثيرين في كليتنا ............. يعني في كتير شباب بيعجبوا بفتيات مناسبات من كليتنا بس يكون سبب التأخير هو : طشمنة الشب وليس : صدود الفتاة إنشا الله نصير نستوعب أفكار الحب الحقيقي ذو الدافع الغنساني أكثر من الحب ذو الدافع الجنسي . مع حبي للجميع ............SHAKAZOLO............. |
|
#4
Jun, 24 2007, 14:45
| |||
| |||
| محتارة.... -عم يطلع فيني... شو بدو مني ياترى... -ما بعرف ...استخدمي حاستك السادسة وشوفي شو بتقلك.. -يا ترى معجب فيني...عجب جدي الا بدو يتسلى.. -ما بعرف بس نظراتو بريئة... -يا ترى بدو يقرب يحكي إلا بدو يضل بعيد وإذا اجى شو بدو يقول... بالأحرى شو بدي ارد... -أنت كبيرة وواعية وما بينخاف عليك..بيجوز بدو يخطبك... -بس انا ما بعرفوا منيح...صحي زميلنا من كذا سنة بس ما بعرف شي عنو... -خلي كل شي على الرسمي طيب لأشوف أول شو بدو يتصرف... ******************* مغرورة.... -عم يطلع فيني... شو بدو مني ياترى... -مابعرف انت أدرى..ليكون معجب فيك -شو هاد الشرشوح -شو بعرفك يمكن حابب يتقدملك كمان -بلا ...والله لأكرهوا حالو اذا قدم وحكى.. ************************* مريضة نفسيا(عقدة نقص كبيرة)...... -عم يطلع فيني... شو بدو مني ياترى... -ما بعرف يمكن معجب... -من زمان وانا حاسة بس اليوم مزودها.. -بلكي اليوم تشجع وبدو يقرب يحكي معك ولا تستغربي يحكي بالخطبة كمان.. -بللا..انا قلتلك ما بيصير معي.. -طيب ليش ما لمحتيلوا من زمان قبل ما يتعلق اكتر كم مرة نبهتك... -مو ذنبي يصطفل ....هو تعلق فيني أنا ما ضربتوا على ايدو... -بس كنت تبادلي كم نظرة هو يفهمها على انها اعجاب متبادل.. -مو فشر ...خلي يقدم ويحكي وشوفي شو بدي اعمل... -حرام الشب حباب.. -تحرم عليه عيشتوا بدي اعمل فيه مقلب غير شكل... -شو بدك تعملي -بدي ألمحلوا بالموافقة المبدئية وبس طلبني رسمي لأصدموا صدمة ما تخليه يفيق كل عمرو.. -حرام شو عملك -هيك بيستاهل ...مين قلوا يطلع لفوق؟؟؟؟؟ ************************************** هلق محادثة بين متعوس الحظ(عفوا سعيد الحظ) زميلنا ...والخانوم زميلتنا س(صاحبة العفة والجمال)........ مرحبا اهلين كيفك (س) الحمد لله كيف الدراسة ماشي الحال ممكن احكي معك بموضوع خاص: A-بخصوص شو -لأ بس كلمتين على السريع اذا سمحت -لأ ما في بيناتنا حكي ابدا -طيب موفقة -شكرا داروا ضهرون وكل مين راح بجهة...(عم حاول اختصر الكلام مع انو الموقف بدو جرايد ولبين ما يبدا الشب بالسلام الله بيعلم بيحالتو...فلذلك بختصر وانتو تخيلوا الموقف على كيفكون) .................................................. .......................... B-خير شو في -لأ كل خير بس ممكن نحكي بالمقصف -لأ هون منيح تفضل -انا كتير متلبك بس ممكن تسمعيني للأخير وتعطيني رأيك -طيب احكي -(س)أنت بتعرفيني من 3-4سنين وبصراحة انا من اول ما شفتك ارتحتلك واعجبت اكتر بأخلاقك بعد ما تعرفت عليك وحابب اتقدم لأخطبك بشكل رسمي.. ........................... a-بصراحة بدي شوية وقت لأفكر وأشاور أهلي(يمكن طارت من الفرحة بس عم تكابر ويمكن عم تسايرو بس) -طيب خدي راحتك وعم بستنى جوابك وان شا الله خير -(ما عرفت شو بدها ترد) -يلا موفقة ... -باي -باي ............................... b-(ما كانت متوقعة)والله ما بعرف شو بدي أقلك بصراحة ما عم فكر بالخطبة هلق يعني.. -أوك فهمت عليك ..موفقة يارب.. -منضل زملا ورفقة -اوك -باي -باي ................................. c-إي من زمان يا زلمة حرقتلي قلبي (محششة غير موجودة عنا بالكلية) .................................. d-ما خرج لأني مرتبطة(صريحة ما موجودة بمجتمعنا إلا فيما ندر) .................................. e-أنا ما لي علاقة شوف البابا..(بتصير كتييييييييييير) ................................. f-نظرة قرف دارت ضهرها ومشت بدون ولا كلمة...(يالطيف شو لئيمة وشو دب -عفوا شو مسكين -لأنو اختارها) ....................................... شكرا mmيعجز اللسان عن قول الكلام ولا أجد إلا هذه الشفاه التي تبعث عبر الهواء قبلات ملثومة تصل لخدودك الجميلة .....والله ما لي بهيك شغلات والحمد لله ما صارت معي .... |
|
#5
Jun, 24 2007, 21:04
| |||
| |||
| السلام عليكم ما شاء الله مستر ساد ... ما خليت موقف يعتب عليك !!! والسلام عليكم |
|
#6
Jun, 25 2007, 12:36
| |||
| |||
والله ما عم شوف هيك حدا من وقت ما شفت الحياة على حقيقتها ما شفت بنت مناسبة في الكلية عيش بتشوف والله |
|
#7
Jun, 25 2007, 15:19
| |||
| |||
| السلام عليكم.... والله يا كليو في عندي مواقف غير هدول كتير بس ما عم افضى انزلهم كلهم على كل حال خدي هدول مبدأيا وبعدين منكمل )وإذا عندك لا تبخلي علينا عندكم بروسيا قصص خيااااااااااااال): ~~~~~~~~~~1~~~~~~~~~ (الأبطال المدام ي والشبين أ وَ س والمجموعة) -السلام عليكم.... -أهلين خالة... -كيفك صهر(مخاطبة أ)... -اللل حمد لله(باستغراب وفي ظل الدهشة والصدمة من الخبر الذي لم أعرفه مفرحا أم محزنا).. -ألف مبروك خيو يا سيدي تتهنا بهيك حماية(مباشرة وبدون استفسار ولا دهشة بلش س بالتلحين والتنغيم)........ أبو طبلة وزميرة س بينادي يا شباب باركولوا أ خطب (وشن كليلة شن كليلة الله يعنك على هلعيلة)...... -بس أنا أأأأأأأااااااااا........ -هيك من تحت لتحت والله ما لك قليل يا أ........ -والله أأأأأ(أ بغياة الاحراج  ).......-بس أنا ما بمشيها هيك بدنا فرحة وزيطة وزمبليطة... -لكن ابني ما بصير بلاها الخميس الجاي أ عازمكن كلياتكن ولو.... -إي لكن تكرموا (المسكين أكلها بجلدو وما عاد يطلع معو الحكي أنخد بالعبطة والخجلة رفيقو س نشر الموضوع وما عاد في مزح ) هههههههههههههههههه وألف مبروك ~~~~~~~~~~2~~~~~~~~~~ (الأبطال شب أمور وغالي وطالبة سنة تانية مثلا وطالبات من سنوات متفرقة وطبعا الشلة ما بصير بلاها) -مرحبا،مم (وقبل ما يكمل ممكن...) -لألألألألألألألألأ إلخ إلخ.....................(وضلت ماشية؟؟؟؟؟)...... -رنيم وتسنيم وحنين وفريال ومديحة وسميحة وحميدة وسعيدة وعهد ووعد وورد وغفران وحسناء وجوانا وجمانة وجميلة وجليلة (مرة أخو لجدي الزير ) ومايا وآية وزليخة وعوش والكمالة بتعرفوها أكتر مني : كه كه كه كه كه كه كه كه .... -الشب  (احمر واخضر واصفر وما عاد وشو يتفسر مو خجلا من البنت او زميلاتها لأ أعراض صدمة بعقيلة متحجرة متغبرة متقعرة ومتعجرة(تعجر أصابع بسبب قصور في التفكير) وإلخ).........-الشلة:  وتحية لأحلى سير ديفيد وموفق بامتحاناتك..... ~~~~~~~~~~3~~~~~~~~~~ هي من الواقع : أنا بالسوبر ماركت وجنبي شب عنجريني(نسبة إلى قرية عنجارة) بيرن الموبابيل... -أه ليين ياي بوه....(أهلين بابا) - ويه نك ولك خ**(وينك يا ابني يا حبيب قلبي).... -أ نااا بالحااااااا ره(أنا بالحارة) -تعاه عل دار بسورعة(تعا علبيت بسرعة) -ليكون في قتي لة مسدسي ع خ صري ( قتيلة مسدسي ع خصري) -لأ تعاه اليوم عورسك(اليوم عرسك) -يالله جاي..... -بدك شي خاي (مخاطبا صاحب السوبر ماركت) -شو القصة خير... -لأ خير اليوم عورسي... -ألف مبروك ومين العروس(طبعا صاحب المحل بيعرفه منيح) -والله ما بعرف هلك بروح وبشوف!!!!!!!!! (طبعا الشب مو خاطب ولا حاكي لأهلو أنو خطبولي هيك فجأة ومن الباب للطاقة اليوم عرسه؟؟؟؟؟؟؟؟؟؟والعروس ما بيعرفها بس اكيد عمرها يا 13-14-وبالكتييييييييييير 15 يعني ختيارة –إلي بعمرها عندها ولدين تلاتة)..... هاد من مجتمعنا اتلفت حواليك إلا ما تشوف متلو كتير.... والسلام عليكم...... -------------- 3 ما الها علاقة بالتخرج بس هيك هلأسبوع خيلتني خيل وما عم احسن انساها؟؟؟؟قال تصور ابوك يدقلك تعال اليوم عرسك؟؟؟؟؟؟ |
|
#8
Jun, 25 2007, 16:02
| |||
| |||
 قصصك كتير حلوة مستر ساد.... وواقعية وكل يوم منشوف منها كتير....واليوم رفيقي حكالي عن قصة شبيهة بإحدى قصصك صارت معو سببتلو صدمة عاطفية أيام الامتحانات... وأنا كنت عم واسيه  مجتمعنا معبة معبة معبة بهيك قصص... بس المشكلة الحبكة ما عم تكون ممتعة ليش دائماً يا ترى فيها المآسي والأحزان والهموم؟؟ |
|
#9
Jun, 25 2007, 19:33
| |||
| |||
| المشاركة الأصلية بواسطة Mr.sad والله منقي الاسماء تنقاية......!!!
 قصصك واقعية تماما...... ولسه ماخفي كان أعظم.....!! |
|
#10
Jun, 25 2007, 19:37
| |||
| |||
| السلام عليكم القصص الروسية ما حلوة  فهمكون كفاية والسلام عليكم |
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| افخاخ الصدرية بمقابلة التخرج | Elloni | الفحص السريري | 6 | Oct, 22 2006 03:12 |
| [التحضير لامتحان التخرج] الداخلية | d.zf | السنة السادسة وامتحان التخرج | 10 | May, 14 2006 09:57 |
| [التحضير لامتحان التخرج] العينية | d.zf | السنة السادسة وامتحان التخرج | 4 | Mar, 27 2006 01:29 |
| سؤال عن مشروع التخرج | basboos | السنة السادسة وامتحان التخرج | 2 | Sep, 12 2005 21:52 |
كل الأوقات حسب GMT +2، والوقت الآن 10:39.
