السلام عليكم

انا عضوة جديدة من السعودية وعندي استفسار بسيط جدا

انا اعاني من حب الشباب وعمري 22 وقد استنفذت كل العلاجات الممكنه مع الدكتوره بلا فائده

ووصفت لي الدكتوره دواء ريتان وهو عندنا في السعوديه 220 ريال

هل لريتان اي اضرار جانبية علما بان وزني قليل 51 كيلو

وهل هناك احنمال ان ترجع الحبوب مرة اخرى بعد انتهاء العلاج لان حبوبي عنيده جدا

وقد سمعت انه متوفر في سوريا بسعر اقل

وبما اني ساسافر الى الاردن بعد اسبوع سؤالي ((((( هل ريتان متوفر في الاردن ؟ واين؟ وكم سعره؟)))))

شاكرة لكم تعاونكم

حسب معلوماتي .. فهو متوفر بسوريا وبسعر أرخص بكتير من اللي ذكرتيه ..
تأثيراته الجانبية بتخص الحوامل .. ممكن يكون مشوه للجنين ..
بيهمك لما بتستعمليه أنك تتجنبي التعرض للشمس قدر الإمكان ..
رح تعاني عالأغلب في بداية استعماله من تقشر الوجه .. وممكن يسبب حرقة ..
أهم شي في علاج حب الشباب هو الصبر والاستعمال طويل الأمد ..
كمان لازم يكون عندك ثقة بالدواء اللي عم تستعمليه .. وتلتزمي بالوصفة اللي أعطتك إياها الدكتورة ..
مهم تحافظي على نظافة البشرة .. وتغسليها بشكل مستمر ..
الحالة النفسية كتير مهمة .. تجنبي التوتر قدر الإمكان .. وكذلك الاطعمة اللي بتلاحظي أنها بتزيد من سوء الحالة ..
بيهمك تعرفي أنو حب الشباب هو مشكلة الها حل .. يعني ما رح تضل معك إلى الأبد ..


أي استفسار آخر .. نحن في الخدمة ..
والسلام عليكم

مشكور مررررره يا BIG BOSS


ماتوقعت الرد السريع


انا عارفه كل شي تقريبا عنه انا بس ابغى اعرف هل هو موجود في الاردن او مو موجود ووين اقدر احصله في الاردن

انا ياءسه تقريبا من حبوبي مع انها مو كثير مره بس انها تقرفني وابغى اسئصالها للابد

اتمنى احد يقوللي هي موجوده في الاردن او لا ريتان؟؟

أهلا وسهلا فيكي دايمًا ..
بالنسبة للأردن ما عندي خبرة والله ..
بس ما باعتقد أسعار الأدوية في الأردن رخيصة ..

تحياتي ..والسلام عليكم

الاخت الكريمة اضيف غلى ماقاله الاخ BigBoss أن استخدامك للدواء لا يعني ضرورة الشفاء التام بنسبة 100% ... فقد تحتاجين لاستخدام كورس علاجي آخر منه وقد تضطرين لاستخدام ادوية اخرى (أخف منه) بعد استخدامه لبقاء بعض من حب الشباب لديك ... فالشفاء من عند الله
وكذلك اضيف أنه عليك اجراء التحاليل التالية بعد 4 اسابيع من البدء بالعلاج ....
LFT
CBC
Triglycerides
Cholestero
وعند ملاحظة أية اضطرابات قد يتطلب ذلك ايقاف الدواء

امتنعي عن التبرع بالدم خلال فترة المعالجة وحتى شهر كامل بعد الانتهاء من العلاج
امتنعي عن الحمل خلال فترة تعاطي الدواء
بعد الانتهاء من الكورس العلاجي كاملا ... لايمكنك تكرار الدواء حتى مرور فترة توقف 8 اسابيع

على استعداد للاجابة على استفساراتك

الأخت العزيزة بالنسبة للريتان
اول شي لنجاح العلاج في كم نقطة ضرورية
:
تكون الجرعة مناسبة لوزن جسمك
تكون مدة العلاج كافية

مثلا انتي وزنك 51 كيلو بهالطريقة ريتان عيار 40 ملغ كافي

وكمان بالنسبة للمدة لازم تكون 6 شهور حتى ياخد جسمك الجرعة يلي محتاجها
ومع هيك نسبة الشفاء التام والأكيد تبلغ حوالي 85%

بس كمان في كم تحذير
بالنسبة للمتزوجات ضروري ومن كل بد مانع حمل لأنو دوا الريتان يسبب تشوه جنيني حتى انو ببلاد برة المرأة المتزوجة تكتب تعهد بعدم الحمل لما بتنحط عالريتان

وكمان الريتان بيسبب فورة عابرة بالحب
عابرة حوالي 20 يوم او أقل بشوي
وبعدين بيزول الحب تماما لكن استعمال الريتان مزعج فهو يسبب جفاف
والبشرة بتصير جافة
والشعر جاف
وكمان الشفايف ببتقشر
والخ....من كل مستويات الجفاف
لهيك اذا بدك تستعمل الريتان لازم تكون كل المرطبات للشفايف والشعر والصوابين الخاصة بالبشرة الجافة جاهزة
عدا عن هيك في ناس ما بتستحمل 6 شهور علاج لأنو ممكن يسبب اكتئاب
ومتل ما قال الزميل لكريم عن تحاليل الدم ضرورية بعد فترة من الأستعمال


لكن وبعد كل كلامي بنصحك بالريتان
لأنو نتائجو كانت جيدة جدا
وممكن عند 85%من الناس ما يرجع الحب أبدا

بالنسبة للأسعار مقبولة يعني بظن بالنسبة لعيار ال 40 ملغ بيكون حوالي ....800ليرة سوري او هيك شي

معافاية