مرحبا يا جماعة...و بعد السلام
عندي فحص تخرج أذنية، و كنت عم أدرس فحص الرنانات، و طبعا فهمت اختبار رينيه و اختبار ويبر عل المزبوط، بس الشغلة اللي مجننتني إنو اختبار جيليه ما عم بعرف إيمت بدو يكون أيجابي و إيمت بدو يكون سلبي.
يعني الدكتور فيصل شي بيقول اختبار جيليه سلبي هو المشخص و شي بقول اختبار جيليه إيجابي هو المشخص.
و انا على كل حال اطلعت على كتاب الشام و الكتب عم بقول كما يلي :
(( نضع الشوكة الرنانة على الخشاء ، و ننفخ يالبصلة الهوائية في الأذن الخارجية فإذا تغير الصوت فهذا أمر طبيهي و يعني أن العظيمات حرة و عم تشتغل منيح، و إذا ما تغير الصوت فهذا يعني وجود تصلب في قاعدة الركاب (( اختيار إيجابي ))
و اللي محيرني إنو في أسئلة الدورات جاي سؤال كما يلي : (( إن أيجابية علامة رينيه و علامة جيليه مع وجود نقص سمع و غشاء طبل طبيعي في الأذن اليسرى يعني : و الشباب حالين السؤال إنو تصلب أذن يسرى و أنا باعتقادي إنو هو صمم إدراك ؟؟
فيرجى الإجابة على سؤالي و جزاكم الله خيرا

هية اسمها علامة جيليه
يعني
علامة جيليه ايجابية عندما نطبق الاختبار ولا يتغير لحن الرنانة (= الاختبار ايجابي) ... ومنشاهدها بداء تصلب الاذن
اما عندما نطبق الاختبار ويذكر المريض ان الرصوت قد تغير او انعدم فهذا يعني اننا لم نحصل على العلامة المرضية = علامة جيليه سلبية = الاختبار سلبي
انشالله كون قدرت وصل الفكرة

مشكور كتير
بس أنا فهمان الإختبار و فهمان شو معناها العلامة، بس أسئلة الدكتور هي اللي بتخربط الواحد.
يعني وقت اللي بقللك الدكتور سؤال و بيذكر في أحد الإحتمالات (( اختبار جيليه سلبي )) فنحن منحسن نختار هاد الجواب لأنو جيليه سلبي في كل النواحي ما عدا في تصلب الأذن بكون إيجابي و على كل حال بدي أعطيك مثال من شي دورة و إنت خليك الحكم و عطيني الجواب ماشي :
((نقص سمع انتقالي في سن الشباب مع غشاء طبل طبيعي و علامتي رينيه و جيليه سلبيةفما هو التشخيص:
أ - منيير
ب- رامساي هنت
ج- داء السفاج
د - ورم عصب سمعي
ه - السدادة الصملاخية
فشو هل المسخرة ، يعني يا إما الدكتور مو عرفان وين حاطو الله يا إما هيك عم بيضيع الطلاب...
و شكرا مرة تانية