استفسار عن الاعتلال الدماغي الكبدي
يدور هذا النقاش حول استفسار عن الاعتلال الدماغي الكبدي في قسم اسالوا لبيبة في الملتقى الطبي السوري; -->
السلام عليكم
ممكن تفيدوني بشوية معلومات عن الاعتلال الدماغي الكبدي
هل هو عرض أم مرض؟
هل يسببه فرط أمونيا الدم فقط أم هناك مسببات أخرى؟
وإذا في مواقع توضح
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| موجز الأخبار لآخر المستجدات الطبية | ||
 |
| | LinkBack | أدوات الموضوع |
|
#1
Jul, 27 2007, 17:31
| |||
| |||
 استفسار عن الاعتلال الدماغي الكبدي السلام عليكم ممكن تفيدوني بشوية معلومات عن الاعتلال الدماغي الكبدي  هل هو عرض أم مرض؟ هل يسببه فرط أمونيا الدم فقط أم هناك مسببات أخرى؟ وإذا في مواقع توضح الموضوع تماما لأنو ما لقيت غير أبحاث متقدمة جدا ما فادتني إلا بالنذر القليل ولكم شكري   |
|
#2
Jul, 27 2007, 17:47
| |||
| |||
| هلا فايث الاعتلال الدماغ الكبدي من الاختلاطات المخيفة لتشمع الكبد (بغض النظر عن سبب التشمع فيما اذا كان بعد التهاب فيروسي او كحولي او او ) بيتظاهر عن المريض عادة على مراحل بداية اضطرابات نفسبة (ملل وهيجان وقلق ورجفان ارتعاشي) بعدين بيتطور لتغيرات بالشخصية ولحد هون بتكون الحالة تحت سريرية وتخطيط الدماغ طبيعي بعدين بيتظاهر بشكل تشوش ذهني وتبول وتبرز لاارادي فقدان للتناسق الحركي ... بعدين بيتحول لسبات (يقظ ثم عميق) طبعا متل مو ملاحظة الاعراض عصبية نفسية ... وفي تغيرات بتخطيط الدماغ بالمراحل المتقدمة ... السبب بيعود لاضراب الاستقلاب في الجهاز العصبي بس مافي أذية بنيوية للدماغ الألية البيوكيميائية اللي بيحكو فيها هية ارتفاع تركيز الامونيا (غير مؤكدة وانما مجرد نظرية) او ارتفاع نسبة الحموض الامينية العطرية ... واحيانا اضطراب في النواقل العصبية اللي بيتم تصنيع بعضها في الامعاء (سيروتونين وهستامين) ... وأحيانا اضطراب في نفوذية الBBB وطبعا في كتير عوامل بتقود للاعتلال الدماغي الكبدي عند المريض .. ويمكن اغلبها اخطاء ممارسة علاجية .... المشكلة الموضوع كتييير ضخم .... اذا حابة تدخلي بالتفاصيل باي شي فعلى قدر ما بعرف بساعدك وفق السؤال اللي بتطرحيه |
| الأعضاء الـ 4 التالية أسماؤهم قالوا شكراً لك يا No Body على هذه المشاركة المفيدة: | ||
|
#3
Jul, 27 2007, 21:23
| |||
| |||
| شكرا كتير نوبدي لأنو قدرت تعطيني فكرة مبدئية جيدة جدا عن هالموضوع  بس بدي اسأل أنو هادا الاختلاط لتشمع الكبد يمكن يكون مبكر أو متأخرولا مابتفرق؟ ويا هل ترى في إمكانية لمعاكسة الحالة في بدايتها بالعلاج حتى لو كان ملطف؟ وطلب أخير ممكن تعطيني مثال عن أخطاء الممارسة العلاجية (بس ما كون تقلت دم بهالأسئلة لأني بصراحة عم أبحث بهالموضوع ) ولك كل الشكر |
|
#4
Jul, 27 2007, 23:50
| |||
| |||
نحن هون عمنحكي عن اعتلال الدماغ الكبدي التالي للتشمع ... واللي بيسموه مزمن (تميزا عن اعتلال الدماغ الكبدي الحاد اللي بيصير بعد التهاب كبد صاعق ... وبيكون الانذار سيء جدا) فاعتلال الدماغ الكبدي التالي للتشمع آليته عكوسة وبالمراحل المبكرة العلاج مفيد جدا ... وبالمراحل المبكرة التراجع دراماتيكي وسرعتو مقبولة (مابعرف اذا شايفة شي مريض)
خطأ أخر طبي ... نفس المريض اللي عمنحكي عنه بعد ما بدأ معو اعتلال الدماغ الكبدي وبدأت الاعراض الخفيفة (هيجان وقلق ووو) بيجي الطبيب بيعطيه مهدئات ومركنات ومسكنات ... والمريض مسبقا عندو التصفية الدوائية الكبدية منخفضة .. فاستقلاب الادوية اللي عبيكون تأثيرها مركزي قليل ... فسميتها عبتزيد ... فالمريض بينتقل من المراحل الاولى للاعتلال الدماغي باتجاه مرحلة اسوأ مثال أخر عن ممارسات طبية قد تزيد احتمالية الاعتلال الدماغي الكبدي ... مريض تشمع ... في عنده ارتفاع توتر بابي (اختلاط متوقع جدا) ... عملوله TIPS (صارفة بين الوريد الباب والاجوف العلوي ) لتخفيف الضغط البابي ... فالدم عبيمر دون إزالة سمية من الوريد الباب (دون المرور بالكبد) باتجاه الدوران الجهازي ... وبالتالي عمنزيد من تواجد المواد ذات السمية (اللي حكينا عنها في الية الاعتلال) في الدوران الجهازي المتوجه نحو الدماغ والامثلة كتير
 ... على اتم الاستعداد للاجابة على اي تساؤل اذا قدرت وانشالله يكون الحكي اللي مو بالفصحى مفهوم |
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| التنبيه الدماغي العميق في علاج داء باركنسون | davidson | آخر المستجدات الطبية | 1 | Oct, 18 2006 21:30 |
 التشمع الكبدي | Elloni | الأمراض الداخلية | 6 | Jul, 28 2006 07:58 |
كل الأوقات حسب GMT +2، والوقت الآن 15:36.
