أكد نقيب الفنانين السوريين صباح عبيد صحة الخبر الذي تناقلته وسائل إعلام عربية، حول منع الفنانة اللبنانية هيفاء وهبي من الغناء في سوريا، موضحاً أن قرار المنع جاء ضمن قائمة تضم فنانات كثيرات من بينهن إليسا وروبي، وصدر القرار قبل شهر "للحد من التلوث الأخلاقي الذي يسببه الغناء الذي ينتمي الى العري أكثر من انتمائه لفن الغناء"، بحسب قول عبيد.
ونفى عبيد في اتصال هاتفي وجود أسباب أمنية أو سياسية لمنع هيفاء وهبي، وأضاف ساخراً: "ما علاقة هيفاء بالسياسة، هل لها موقف سياسي، ربما يكون لها موقف آخر لكن بالتأكيد ليس سياسياً".
وكانت وسائل اعلام عربية عزت أسباب المنع الى غناء هيفاء لشخصية سياسية معادية لسوريا في حفلة رأس السنة التي أحيتها في كازينو لبنان، والتقاطها صوراً مع هذه الشخصية ومع زوجته في الحفلة".
وكانت هيفاء وهبي على موعد مع جمهورها السوري في 3 حفلات، بين 3 و 5 آب (أغسطس) المقبل في مهرجان "المحبة" في اللاذقية، وفي مجمع "هاب لاند" في دمشق. وهي، الى الآن، لم تبلّغ بإلغاء حفلاتها، اذ أشارت مديرة أعمالها سينتيا مهنا أنها "ما زالت تلتزم بجدول الحفلات، ولم نبلّغ بأي تعديل". كما استغربت أن يكون قرار المنع غير سياسي قائلة: "إن لم يكن سياسياً فما ذنب هيفاء إذاً؟".
الى ذلك، أكد مدير "مهرجان المحبة" اسكندر ميا ان هيفاء لن تكون من ضيوف المهرجان، مؤكداً إلغاء حفلتها التي كانت مقررة وانه تم إبلاغ وكيل أعمالها بذلك. علماً ان هيفاء اختفت قبل أيام من الإعلان الترويجي للمهرجان في التلفزيون السوري.

الغريب يا جماعة انو ليش الآن؟
يعني هيفاء كانت رح تحضر مهرجان المحبة!، بعدين و فجأة بستيقظ الضمير الحي عند "الشباب فوق..." و بيقولوا أخلاق ..!

و ليش أليسا؟ مع انو أنا متابعتي للفن قليلة كتير .. بس يمكن أليسا ما عندها تعري، ما هيك؟!

على كل حال تعودنا على هيك قرارات ليس فقط فيما يتعلق بالفن و إنما ايضاً بـ ... (أو يلا بلاها .. املأ الفراغ بالكمات المناسبة!)

غريب والله ...

طيب ليش ما بيمنعوا علي الديك وهذا التاني اش كان اسمه تبع هاجر؟ بتهمة تخريب الذوق العام ...

واضح إنه السبب سياسي

whatever...................................!

كنت متأمل حضور الهيوفة لمهرجان قلعة حلب....
خاب أملي يالله مو مشكلة توربو بدو يطلع على لبنان مشان يحضرلها حفلة ولاليسا كمان بلكي بياخدني معو....
بالنسبة للمنع أكيد مو سياسي وأبيض إليسا يشفع لها صوتها أمام عريها أما هيفا فلا صوت لكن امكانيات إغرائية بارزة وبالنسبة لروبي فتفتقد للأمرين...
شنكول ليش سياسي واضح؟؟؟روبي ما الها بالسياسة أبدا وهي مصرية مو لبنانية وإذا اليسا طلعت بمظاهرة لتأييد السنيورة فهيفا وقفت مع سوريا جنب الصبوحة ووديع الصافي والكمالة المعروفة فليش ليكون السبب سياسي وإذا كانت الحفلة براس السنة هلق لتذكرنا إنا نمنعها هاد كلام مالو طعمة....
والفن فن وحضارة وما لازم نخلط بين الفن والسياسة ولما ميلاد بيغني وبيقدم الفرحة لألو وللي عم يسمعوه بيكون أبعد ما يكون عن السياسة ووجع راسها ...
بالأخير أمنية إن شا الله تكون مروة الزفت ضمن قائمة المنع لأنها إذا عملت حفلة بسوريا بدي أحضرها مشان أقتلها ولو بدو أروح فرم....
وهي وردة لصباح عبيد...

بالمناسبة يا شبابا إلي بحب يسافر مع توربو يعجل ويسجل حضور هون لأنو الرحلة قريبة
(والله ذكرتوني من زمان ما قريت أخبار الغانيات اروح أدور شوي عن شي مقالة وصور أنزلهم هون خلي الشعب ينبسط ويغير شكل)....

بدن يمنعو هيفا... مافي مشلكة منوب...
بس كل شي الا يقربو على نانسي..تقبش قلبي...

فليش ليكون السبب سياسي

طيب .. ليش طلع برأسهم، انو هالق ما بدن هيفا!!
مع انو كانوا متعاقدين معا من قبل ..
يعني ما عرفوا وضعها إلا الآن

مو مشكلة يمنعوا اللي بدهن ياهن ...بس أهمممم شي ما يقربولي على أمّولة

بعدين دخيلكن منعوهن ولا لأ ..كتير فارقة عالجمهور ولا عليهن ...اللي بدو يتابعهن ...قنوات الأغاني الله كترهن ...

التعري

وين التعري بمجتمعنا أنا ما ني شايف أي تعري في إليسا أو روبي أو حتى هيفاء وهبي .............

وليش الكل معارضهون .............؟؟؟؟؟؟؟؟؟؟؟؟؟؟؟؟؟


يعني إنتو محسبين إنو البنات بالشوارع ما عم يلبسوا أفضح من ملابس هالمطربات ولا ما نكون شايفين اللي عم يصير بالبلد ...........

لأ نحنا عم نغض بصر ، لأنو البصبصة حرام ، بس نخلي البنات يتشلحوا بالشوارع ، حلال على قولة المتأسلمين ..................


وين التعري ؟؟؟؟؟؟؟؟؟؟؟؟؟

لسا ما فهمت وينو ؟؟؟؟؟؟؟؟؟؟؟؟؟؟

مح حبي للجميع ..........SHAKAZOLO................

محاولة فاشلة من صباح عبيد للظهور بمظهر أخلاقي عالي..

شوفو النهب والسلب والفلتنة بالمعهد العالي للفنون المسرحية...يا اما واسطة كبيرة أو رشوة كبيرة أو تنازل أخلاقي كبير لازم يقدمو الواحد مشان يدخل عالمعهد..

يعني إنتو محسبين إنو البنات بالشوارع ما عم يلبسوا أفضح من ملابس هالمطربات ولا ما نكون شايفين اللي عم يصير بالبلد

شو رأيك محمد انو ننزل على سوق سيف الدولة و نعمل احصائية بسيطة من خلال ما نراه من الملابس، لنشوف نسبة "العري"؟!

طيب شو رأيك نمشي بالجامعة (لا على التعيين) و نعد البنات اللي "مو محجبات" و نقارنهم مع المحجبات؟!

يا شاكازولو .. الشغلة بتعتمد على المكان اللي عم تمشي فيه ..
العزيزية غير سيف الدولة ..
و حتى بالعزيزية .. مافي عري بمعنى العري (إلا إذا إذا كنت عم تعتبر لبس لوزة نص كم هو عري) ...
هناك حالات نادرة .. الأمر لا يخلو .. لكن نسبة البنات اللواتي يتعرين لا تتجاوز 1% في اكثر المناطق تعري ..!
طبعاً مفهوم العري بيختلف من مكان لمكان!
أنا مرة سمعت عن شيخ عم يحكي عن أحكام في الحجاب، و يقول التالي: (اما إذا ارادت المرأة أن تكون سافرة و تكشف وجهها ... إلخ) ..
يعني عند هيك شيخ .. السفور هو كشف الوجه ..
و لله في خلقه شؤون!