بعد ما انتهينا من سلسلة الشخصيات التسع ... رح نبدأ سلسلة جديدة بعتقد رح تكون أجمل ... وعليمة أكثر ... وافادتها أكبر

أليات الدفاع Defense Mechanisms

يعود هذا المصطلح إلى فرويد في نشأته ... وأليات الدفاع هي التفسير لما تقوم به من سلوكيات ... دون وعي ... بالارتباط مع مافي داخلك.


خلونا نحكي عن بعض الاشيا باختصار ممكن تلزمنا خلال الشرح
في عنا شي اسمو (الهو ID) واللي بيمثل المتطلبات الغريزية كالجنس والعدوانية وووو

وفي عنا شي اسمو (الأنا العليا Superego) واللي بيمثل النطاق الاخلاقي وتحَكمّها بالسلوكيات الاجتماعية المكتسبة لدرجة قد تصل إلى الحرمان ...

فإذا عنّا احدى اليدين هي (الهو) اللي عمتطلب وباندفاع تحقيق الغرائز ... فعنا اليد الاخرى (الأنا العليا) اللي عبتمنع الهو وبتقللها ممنووووووووووع .... كلو ممنوع

fig4_06kx.gif

كموازنة بين بين الأنا العليا والهو بيجي دور (الأنا Ego) واللي بتلعب دور الامم المتحدة لمنع نشوء الحرب بين الغريزة العشوائية المتمثلة بالهو ... والضوابط العالية المتمثلة بالأنا العليا

الوسيلة اللي بتستعملها (الأنا) للموازنة بين (الانا العليا) و(الهو) هي ... أليات الدفاع Defense Mechanisms ...

fig3_01b.gif

يتبع في المشاركة رقم 2

رح ندخل بتفصيل اليات الدفاع كلّها (20 ألية) ... بس قبل ... رح نحكي بصفات عامة لكل أليات الدفاع

أولا: كلللللللللل أليات الدفاع تحدث في اللااااااااااااا وعي ... ومجرد قيامنا بتصرف في الوعي هذا يعني أنه ليس بألية دفاع

ثانيا: استعمالنا لأليات الدفاع بيكون دائما بشكل متغير ... يعني نحن اليوم ممكن نستعمل الية دفاع ... وغدا قد نستعمل ألية دفاع أخرى

ثالثا: كللللللنا نستعمل أليات الدفاع في حياتنا اليومية ... واستعمالها أمر طبيعي ... قد تشير مظاهر بعض اليات الدفاع على أن صاحبها مجنون ... ولكن العكس هو الصحيح ... فغياب اليات الدفاع في سلوكياتك يجعلك مجنونا

رابعا: اليات الدفاع بحد ذاتها أمر طبيعي وليس مرضي ولكن ... شدتها ومدتها اذا زادت تحولها الى مرضية ....
يعني انت تعبان اليوم من ضغط الدراسة فكبيت كلشي ورحت علبيت مسكت علبة شوكولا وشغلت التلفزيون وصرت تتفرج على مسلسل واكلتلك 3 او 4 قطع شوكولا ... وبعدين رجعت علدراسة تاني يوم ... هالتصرف جيد؟ لأ ... بس مقبول وليس مرضي
بينما انت تعبان اليوم من ضغط الدراسة فكبيت كلشي ورحت علبيت مسكت علبة شوكولا وشغلت التلفزيون وصرت تتفرج على مسلسل واكلت كل علبية الشوكولا ... وضليت كل يوم عمتعمل هالشي لمدة اسبوع مثلا ... هون منقدر منقول انو هالشي مرضي ... بسبب طول المدة وزيادة الشدة

يتبع في المشاركة رقم 3

رح نبدأ بشرح أليات الدفاع العشرين اللي مقسمة إلى اربع مجموعات اعتبارا من المجموعة الاقل نضجا (غياب الوعي فيها اكبر) الى المجموعة الاكثر نضجا

ورح يكون من الجميل بعد الانتهاء منها انك رح تفسر تصرفات اللي حواليك وتعللها وتصنفها

اضغط على اسم ألية الدفاع لتقرأ شرحا تفصيليا عنها


أولا: الدفاعات النرجسية Narcissistic Defenses:
(مادخلها ابداااااااا بالشخصية النرجسية أو السلوكيات النرجسية بل عالعكس ... اغناء الشعور بالذات غائبا هنا ... والفصل بين الشعور بالذات والأخرين هنا غائم وضعيف)

1) الإسقاط Projection

2) الانكار Denial

3) الانشطار Splitting



ثانياً: الدفاعات الغير ناضجة Immature Defenses:
(هون الأنا موجودة ... بس هشة ... ضعيفة ... متل المحرمة ... او متل فقاعة الهوا ... عند أي نكشة بتروح
كيف رح تدافع عن نفسا ؟ بتستخدم ألية دفاع للخروج من الموقف اللي بيكشف هشاشية الأنا)

4) الحصر Blocking

5) الارتداد Regression

6) الجسدنة Somatization

7) الاقحام (التقمص) Introjection



ثالثاً: الدفاعات الناجمة عن القلق Anxiety Defenses :
هي نفسها العصابات ... ولكن حديثا تم استبدال كلمة عصاب بـ (اضراب ناجم عن القلق)

8) الانزياح Displacement

9) الكظم Repression

10) عزل العاطفة Isolation of affect

11) الاستذهان Intellectualization

12) الانابة Acting Out

13) التسويغ Rationalization

14) تشكيل الارتكاس Reaction Formation

15) الإبطال Undoing

16) العدوانية المنفعلة Passive Aggressive

17) العزل (الافتراق)Dissociation