| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| Try to know the right diagnosis | نحتاج إلى مشرفين (للأقسام ولكل الموقع) | تعالوا نشخص التهاب الكبد B مصلياً |
| تفاصيل فحص الحيوان العملي | اسئلة فحص الكيمياء العضوية عملي |
 |
| | LinkBack | أدوات الموضوع |
|
#1
Aug, 05 2007, 13:19
| |||
| |||
 أليات الدفاع ... 1) الإسقاط Projection بدايةً ... قبل قراءة هذا الموضوع انصحك بقراءة المقدمة عن أليات الدفاع لتدرك تماما مالذي نتحدث عنه 1) الإسقاط Projection أظن في الناس كما أظن في نفسي الاسقاط: لدي بعض المشاعر والاحاسيس إلا أنني انسبها الى الوسط الخارجي ... اراها في من حولي ... أدرك مشاعري على انها تابعة لشخص اخر من حولي  اللي عبيصير هون متل لما منكون ئاعدين بالسينما  ... الفيلم عمنشوفو ئدامنا وكأنه صادر عن الشاشة ... بينما الفيلم صادر عن جهاز الاسقاط الموجود خلفنا  وأكيد الأمثلة بتشرح الألية بشكل افضل يتبع في المشاركة رقم 2  |
| الأعضاء الـ 10 التالية أسماؤهم قالوا شكراً لك يا No Body على هذه المشاركة المفيدة: | ||
|
#2
Aug, 05 2007, 13:27
| |||
| |||
 أمثلة مثال 1: بيصير كتير مع شخص متزوج عبيلوص من ورا زوجته او كان إله لوصات قبل مايتزوجو ..  دايما عندو شك بانو مرتو عمتلوص او ممكن تلوص من وراه ....  مع انو مافي ولا أي شي بيدعوه للشك او التفكير بانها ممكن تعمل هيك ... بس كونه هو عميخون وعنده عدم قدرة على التعامل مع هالمشكلة بانو مابيقدر يحكي فيها ولا عميقدر يقاوم ضميرو فبتخرج الية دفاع بشكل اسقاط على زوجته بانو بيعتبرها هية عبتخونه  مثال 2: أفضل الأمثلة لشرح الية الاسقاط بتكون على الاطفال  : طفلة ودّعت أبوها لانو مسافر لمدة اسبوعين برحلة عمل ... بعد يومين الطفلة ماسكة الدمية تبعتها واللي مسميتها هايدي وعمتقول : (هايدي اشتاقت لبابا ... هايدي بدا بابا)  يتبع في المشاركة رقم 3 |
| الأعضاء الـ 12 التالية أسماؤهم قالوا شكراً لك يا No Body على هذه المشاركة المفيدة: | ||
|
#3
Aug, 05 2007, 13:37
| |||
| |||
 كمان أمثلة مثال 3: طالع انت والشباب عبتتمشو بالموكامبو او العزيزية  وإذ ... صبية ماشية قدامك وصدفة شفتها كذا مرة بكل لّفة عمتلفها  ... وانت مهيص مع الشباب والروح المعنوية عندك مرتفعة ... بترجع بتصدفها لهلبنت وإذ بتنكش رفيقك وبتقلو :  (شايف هديك الصبية بالتنورة الجينز ... تطليعاتها علي ماعمتخلص ... بظن إني عبّيت معها تماااام) بالواقع ... احتمال كبير انو البنت ماتكون انتبهت عليك ولا مرة من المرات اللي صدفتها فيهون ... بس انت اللي عاجبتك البنت ... والأنا العليا تبعك عمتمنع تقول هالشي مثال 4: رجل راجع علبيت معصب من شغلو  ... بيفتح الباب بيلاقي مرتو منهمكة بالشغل ... وإذ بيقلها ... (شبك انتي؟ ليش معصبة اليوم؟  )مع انو بالواقع هو اللي معصب ويمكن انشغال مرتو عنو وعدم وجود الفرصة المناسبة ليقلها (انا معصب لانو هيك صار معي) أدى إلى انو تظهر عندو الية دفاع توازِن بين احترامو لذاتو بانو مابيقدر من لاشي يفتح معها موضوع تعصيبتو ... وبين رغبتو الملحة بانو يعبر عن انو هو معصب ملاحظة: هالالية الدفاع موجود بشكل كبير عند المرضى الزورانيين ... المريض بيقلك مابتقدر تثق بحدا ابدا ... بينما هو عميقصد انه مابتقدر تثق فيني خلص ... لايتبع |
|
#4
Aug, 05 2007, 13:38
| |||
| |||
| كمان مثال من الواقع : دائماً ينظر الشخص الذي يعيش ضمن طبقة أخلاقية سيئة بأن جميع الناس سيئوون ، وبالعكس عندما يعيش الإنسان ضمن طبقة أخلاقية رفيعة فيعتقد بأن جميع الناس ذوي أخلاق عالية . هذه النظرة تتكون لدى الأشخاص الذين يستخدمون نظرية الإسقاط في تعاملاتهم مع الآخرين . شكراً يا نوبدي على هالموضوع وإن شاء الله نناقش مواضيع الطب النفسي بشكل أكثر إيضاحاً مشان نوصل هالمعلومات الرائعة للجميع ............ مع حبي للجميع ............SHAKAZOLO............ |
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| أليات الدفاع Defense Mechanisms ... مقدمة | No Body | الطب النفسي | 2 | Aug, 05 2007 13:45 |
| أين موقع وزارة الدفاع أو إعلانات وزارة الصحة | تخرجت | الدراسات العليا والامتحان الوطني | 2 | Oct, 10 2006 14:05 |
كل الأوقات حسب GMT +2، والوقت الآن 01:57.
