القواعد الخمس للتعامل مع مريض يحتضر

إذا ما كان لديك مريض يعاني من مرض عضال ويحتضر ... كسرطان منتقل وغير قابل للشفاء مثلا ... فثمة قواعد خمس يجب أن تبقيها في الذاكرة للتعامل مع هذا المريض

1) أخبر المريض كل شيء وأيا كان وضعه الصحي بمنتهى الصراحة ... (للمريض الأولوية على أقاربه في معرفة أنه يحتضر)

2) لا تعطي المريض أملا كاذبا (كأن تخبر المريض أنه قد يظهر علاجا لمرضه في السنوات القادمة ... أو أنه ثمة حالات نادرة قد شُفيت من المرض بطريقة مجهولة)

3) دع المريض يتحدث ويفرّغ عمّا في صدره

4) حاول أن تبقي المريض متمسكا بالحفاظ على نشاطاته وفعاليته

5) جنّب المريض العزلة الاجتماعية التي قد تقوده إليها حالته النفسية



لقراءة تفاصيل حول المراحل النفسية التي يمر بها مريض يحتضر بعد مصارحته بدنو أجله اضغط هنا

المشاركة الأصلية بواسطة No Body

1) أخبر المريض كل شيء وأيا كان وضعه الصحي بمنتهى الصراحة ... (للمريض الأولوية على أقاربه في معرفة أنه يحتضر)

2

هاد البند ما بظن مطبق عنا أبدا
وعأساس انن عم يرفعوا الروح المعنوية للمريض
بالغرب اذا انتبهتوا ببرنامج ER انن بيركزوا ع هالنقطة و أي خطوة بدن يعملوها بيشرحوها للمريض

2) لا تعطي المريض أملا كاذبا

بس لا تنس يا نوبدي .. انو مهما كانت الحالة صعبة فهناك أمل بالشفاء

و في أمراض (الأورام بالتحديد) بتقلك انو نسبة البقيا هيي (20%) مثلاً لمدة خمس سنوات!
بقى برايك هي بتنطبق على المبدأ .. ام أنني فهمتك غلط؟!

المشاركة الأصلية بواسطة محمد أبيض

بس لا تنس يا نوبدي .. انو مهما كانت الحالة صعبة فهناك أمل بالشفاء

و في أمراض (الأورام بالتحديد) بتقلك انو نسبة البقيا هيي (20%) مثلاً لمدة خمس سنوات!
بقى برايك هي بتنطبق على المبدأ .. ام أنني فهمتك غلط؟!

فهمتني غلط ... اذا مريض وفق حكيك معو ورم والبقيا عندو 20 بالمية لخمس سنوات ... فأكيد ما لازم أعطيه أمل كاذب وأقله : في احتمال منيح انك تشفى ... لانو كلمة البقيا تعني البقاء على قيد الحيا ولا تعني الشفاء من المرض

لك شباب

ازرعوا الأمل ولو في حديقة المستحيل



كأنكون ما بتعرفو اديش الحالة لنفسية ممكن تعمل عجايب!

كأنكون ما بتعرفو اديش الحالة لنفسية ممكن تعمل عجايب

والله يا أسمر ما بتعرف الحالة النفسية عنا شقد عم تتحمل فوق طاقتها

يعني اذا وحدة صار معها سكري بتقول كنت معصبة من كنتي ؟!!!

واذا وحدة صار معها ضغط بتقول كنت متوترة كتير بالفترة الاخيرة

يعني عم نحمل الحالة النفسية اكتر من اللازم حتى انهم بيقولها الجارات بلا ما تشبري دوا الضغط وبلا الانسولين اذا ما كنت معصبة يعني المهم ما تعصبي وبعدها ما بدك شي؟!!!!

يعني النفسية بتعلب بدور بس ما نعطيها اكبر من حجمها ...

البقيا مثلا بGiloblastoma

تقريبا تسع اشهر حتى مع العلاج (بدون علاج اقل ) يعني ما في داعي نكذب لا على المريض ولا على أهله والايمان بالقلب هو الي بيبعث القوة للنفسية لتعيش هلأيام إما بسعادة أو بتعب فوق تعب الجسد ( في مرحلة المساومة والتقبل بريجع بيتوازن فيهم المريض)...

انك تعرف لوين رايح اكيد ،اكيد احسن من انك تركض وانت عم تطلع على درج بآخره باب ما بتعرف شو في وراه ويمكن تموت قبل ما تصل لهاد الباب لتدقه ..

خليك متفائل أسمر التفاؤل حلو

بس الواقع واقع لازم نرسمه بحرفيته وبأمانة والصحة ما فيها لعب وما فيها كذب
منحاول نجمل الواقع بس ما نعيش بخيال ....
وهي وردة للامل

يا نو بدي انت اكيد شفت امبارح فلم اجنبي لانو هل الشي ما بينطبق على حالة الطبيب الي عنا يعني متلا اول بند اخبر المريض كل شي يعني لو خبره انك راح تموت بكره شو راح يستفيد الطبيب بس راح يخسر زبون مو هيك حكمة اطباءنا اليوم وعفوا من اطباءنا ما فيك غير العافيه.اما بندك التاني لاتعطي المريض املا كاذبا معناتو بتعطل الامل بالله .وبندك الثالث دع المريض يفرغ مافي صدره ليش اديش المريض بيسمح له الطبيب يعئد هي 10 دئايئ وابوك الله يرحمه لاني بعرف طبيب كل يوم يستقبل 100 مريض ابتداء من 3 عصرا لغاية 9 مساءا بالله عليك هذا غير الحالات المستعجله ما تئلي ايمته بيحكي المريض ليش هوه قادر يوصف مرضو للطبيب لحتى يشكي ويفرغ ما في صدره .مع تحياتي

أذكر أنني فتحت صفحة المواضيع الجديدة .. لكنني أفاجأ مع كل موضوع أفتحه أنه قديم ..
اكتشفت الآن أن القاسم المشترك بين هذه المواضيع هو مشاركات الأخت ربى ..
عمومًا المواضيع المنكوشة كلها جميلة ومهمة ومدعاة للنقاش ..

نعود إلى موضوعنا هذا عن حقوق المريض المحتضر ..
واجهني العديد من المرضى الذين يحتضرون خلال الفترة الأخيرة أو المصابين بآفات قاتلة كالسرطان لكن أهلهم لا يريدون إعلامهم بها .. وقد وجهت إلي طلبات شخصية بعدم إخبار المريض (أحيانًا حتى أنه لا يعلم أنه سيخضع لعمل جراحي) ..
أن تمامًا ضد إخفاء حقيقة مرض الشخص عنه .. وسأسعى بشكل مستمر وجاهد أن أحقق هذه المعايير ..:: وبالذات المعيار الأول :

1) أخبر المريض كل شيء وأيا كان وضعه الصحي بمنتهى الصراحة ... (للمريض الأولوية على أقاربه في معرفة أنه يحتضر)

مرسي bigboss