إذا أعطاك طبيبك عند استشارتك له دواءً مجانياً انتهت مدته منذ شهر تقريباً ثم عدت اليه وراجعته في الموضوع فقال لك بما معناه " شهر واحد مو مشكلة" فكيف تحكم على هذا الطبيب وماذا تكون ردة فعلك؟؟

ممكن يكون حكى هيك لأنو
1.بيعرف انو تاريخ انتهاء الصلاحية المكتوب على العلبة مو دقيق يعني شهر مو مشكلة
2.بيعرف انو المادة الفعالة في هذا الدوا لو انتهت مدتها ما بكون لها تأثيرات جانبية وبالتالي عبعيشك على الدوا الوهمي placebo
3.يمكن حابب يعرف شلون بيكون شكل التأثيرات الجانبية لانتهاء الدواء على الطبيعة لأنو على الأغلب ما شافو من قبل (سمع انو في مرض هيك اسمو بس شلون شكلو على الطبيعة ما بيعرف)
4.ممكن يكون مشغول لما كنت عبتراجعو وبالتالي مو فاضي يرد عليك
والأسباب كثيرة وتطول ..........

والحل انك لا تتهور وتعصب عليه وتدورلك على دكتور ثاني والأحسن انك تروح لعند صيدلاني

1.بيعرف انو تاريخ انتهاء الصلاحية المكتوب على العلبة مو دقيق يعني شهر مو مشكلة

لا ما بيعرف و المفروض ما يكون فيه استهتار بصحة المريض

2.بيعرف انو المادة الفعالة في هذا الدوا لو انتهت مدتها ما بكون لها تأثيرات جانبية وبالتالي عبعيشك على الدوا الوهمي placebo

لا ما بيعرف والدوا مو دوا تأثيره نفسي حتى يكون بلاسيبو

3.يمكن حابب يعرف شلون بيكون شكل التأثيرات الجانبية لانتهاء الدواء على الطبيعة لأنو على الأغلب ما شافو من قبل (سمع انو في مرض هيك اسمو بس شلون شكلو على الطبيعة ما بيعرف)

شو ها لحكي !! معقول يعني !!! لسه ماقررت أشتغل عند حدا cobaye ولما بقرر اكون ما حتكون من دون علمي وما حيكون هالشي ببلاش !!

4.ممكن يكون مشغول لما كنت عبتراجعو وبالتالي مو فاضي يرد عليك
والأسباب كثيرة وتطول ..........

هادا ما بيعطيه الحجة ولا بيخفف من خطؤه ومن ذنبه

شو الدوا اللي عطاك ياه؟

مرحبا
هلء عموري اقترح كذا احتمال ممكن يكونو واردين
بس السؤال الاهم ...هو اللي طرحو نوبدي
شو هو الدوا
لانو
1.مثلا عموري قال

2.بيعرف انو المادة الفعالة في هذا الدوا لو انتهت مدتها ما بكون لها تأثيرات جانبية وبالتالي عبعيشك على الدوا الوهمي placebo

مو كل الادوية بتصير بلاسيبو ...يعني ليس كل الادوية تكون غير سامة بعد ما تنتهي صلاحيتها ....مثلا التيتراسيكلين تسبب مشاكل بالكلى اذا استهلكت و منتهية مدة الصلاحية
فحسب الدوا ..ولو انو كثير الادوية لا تصبح سامة بعد انتهاء مدة صلاحيتها ولكن تصبح بدون فعالية
احتمال تاني ...كمان حسب شو هو الدوا
لانو ممكن هالدوا مفقود او المخبر اللي صنعو موثوق به و بالتالي قدمت مصلحة ضرورة اخذ هالدوا بالذات على انتهاء الصلاحية ....هالكلام مو مطلق ..بس لانو مر فقط شهر واحد يعني فعلا شهر واحد مو مشكلة
غالبا بيتركو 3 اشهر غير التاريخ المكتوب
بظن لغتك فرنسية ...فيك تطلع على هاد السايت ..و هاد المقطع بالذات
En pratique, face à une spécialité conservée de façon correcte et récemment périmée, la connaissance de la durée de conservation de ce produit est un élément qui pourrait être utile pour apprécier le degré de relativité de sa péremption. On pourrait, en effet, en fonction de sa nécessité, de l’absence d’alternative et du degré d’urgence, concevoir une attitude différente selon que le médicament est réputé, par exemple, se conserver dix huit mois ou cinq ans.
http://66.102.9.104/search?q=cache:8...lnk&cd=1&gl=fr

احتمال كمان بظن وارد جدا...هو انو الطبيب ما كان منتبه انو هالدوا متنهية مدة صلاحيتو ...و لما رجعت لعندو ..طلع فيه ..لقا انو شهر...فبرر انو شهر مو مشكلة
طيب هلء رح تقول انو ليش من الاول ما ينتبه انو منتهية مدتو
انا بقلك جل من لا يخطا
و ممكن تقول طيب ليش برر انو شهر مو مشكلة ...لانو انا بقلك ليش
هو ما بيعرفك و في مرضى بس الدكتور يعتذر عن غلطو ...ما بياخدو الامر انو هو بشر و بيغلط
لاء بيخطرلن فورا انو يروحو يشتكو
على العموم بسيطة لانو غالبا مو مقصودة و في شغلات اهم....مين ضمنلك انو الدوا اللي عم تشتريه من الصيدلية كان محفوظ بشكل مظبوط ...بعطيك مثال ...حقن فيتامين K ..بتتخرب اذا طلعت برات البراد لمدة 24 ساعة بينما قطرة carbomere980 NF ضروري جدا انو ما نحطها بالبراد

تحياتي

هو انو الطبيب ما كان منتبه انو هالدوا متنهية مدة صلاحيتو ...و لما رجعت لعندو ..طلع فيه ..لقا انو شهر...فبرر انو شهر مو مشكلة

فعلاُ ما كان منتبه وانا اللي انتبهت على تاريخ انهاء الصلاحية والدواء هو مالوكس Maalox

الطبيب ما راح أقيمه على أساس معلومة اعطاها ، فقد يعطي الطبيب معلومة خاطئة بعض الأحيان ولكن حتى خطؤه لن يكون قاتلاً إن كان الطبيب من النوع الممتاز ( خبرته ممتازة ) .

وبعدين مثل ما قالت اماريل ............

شهر مو مشكلة ...............بس أنا بظن إنو أصلا الأدوية اللي عندنا ما عم تحوي الكمية المطلوبة من المادة الفعالة وبالتالي راح تكون المادة الفعالة خالصة قبل هالمدة بزمن كبير ...........

لأنو ما لي ثقو بالأدوية السورية جميعها إطلاقاً ، وأنا عم استخدمها للضرورة ، لعدم توفر غيرها ............

وبعدين شو هاد إنو يروح يسأل صيدلي أحسنلو ................مين حكى هيك ؟
يعني الصيدلي راح يعرف إنو هالدواء فعاليته تستمر لشهر بعد الصلاحية بس إذا شاف العلبة أو شاف اسمه وتركيبه الكيميائي ..............

الصيدلي بيعرف إنو فعلا ولا لأ من خلال تفاعلات ممكن يجريها على الدواء ..............هيك بعرف ؟؟؟؟؟؟؟؟

مع حبي للجميع ...........SHAKAZOLO.........