أنا هنا في المنتدى إلى آخر نفس.....................

مهما حاول الآخرون أن أكون بعيد.................

لن أترك هذا المكان الذي ساهمت ولو بشيء بسيط من وضع بعض اللبنات فيه إنه هذا الموقع ، هذا المنتدى.

قال مرة : لا للحجاب ، فهل أنا كافرة ؟ ومرة قال : الحب كذبة .... فهل نحن مصدقون؟

تحدث عن اغتصاب الرجال وعن العلاقات البريئة

واعتبر أن الجنس هو الغاية

لطالما بعث برسائل إلى حبه الذي يعرف نفسه و إلى حبه الذي لا يعرف نفسه

أينما أكون تكون السعادة ................

السر العجيب في ذلك هو ....................
إنني في كل زمان ومكان سعيد ، ولم لا؟
حياتنا نعيشها لنكون سعداء فلماذا نكون حزينين ، وإن أردت أن أكون حزيناً لماذا أجلب الحزن للآخرين .............
لا للحزن في حياة أعيشها أنــــــــــــــــــــــا

دائما ما تكتب أقلامه ...فليجردها اليوم رداً على القصف ..... وليشاركنا أفكاره التي هي له ...

هذه أفكاري شاركونيها ، قد تعجبكم ، لكنها لم تعجب البعض من قبل ، وها أنذا أقدمها بأسلوبي وبمخيلتي وبنفوذي الفولاذي. عندها أرجوكم تذكروا موضوعي السابق مناظر طبيعية جداً

فلنرحب معا بشكازولو على الكرسي .....

للأسف يا شاكاوزلو أنت ما بتعرف كيف بيشتغل الموقع .. وهذه بعض التوضيحات:

- في تلك الفترة كان نوبدي سلطة تنفيذية ... أما السلطة القضائية فكانت كل المشرفين .. لأننا نتخذ القرارات بشكل ديموقراطي وبالأكثرية ..
- لا تزال هُناك مواضيع خلافية لم تُحذف .. وكان الاتفاق ينص على إبقاء المواضيع الخلافية القديمة .. ومنع نشر أية مواضيع خلافية جديدة .. أما المواضيع العلمانية والتي تتحدث عن الديموقراطية والعلمانية والّتي أنشرها أنا غالباً ... فهذه لا تنطوي تحت المواضيع الخلافية لأنها لا تمس الدين ولا تقترب منه ... أما إن كان هناك خلاف سياسي بينها وبين من يسيّسون الدين .. فالمشكلة ليست فيها .. بل المشكلة هي في تسييس الدين ...
- مشاركاتك الّتي تُحذف .. تُحذف لأنها مخالفة .. تحتوي على فتاوى ... ولو كانت منشورة قبل قوانين قسم دينيات الجديدة .. لما حُذفت .. ولكنك تحب التحليل والتحريم .. وتحب أن تنشر فتاواك لنا ... بصراحة إن كنت تريد أن تنشر فتوى بتحريم شيء أو تحليله .. فعليك أن تتقبل وجود فتاوى أُخرى تخالف رأيك .. وهذه هي حالنا فليس بالضرورة أن يتفق علماء الدين على رأي واحد بخصوص مسألة معينة ...
- إذا رأيت مخالفة فلماذا لا تبلغ المشرفين عنها؟ ثم تأتي لتقول خيار وفقوس؟
- نوبدي حالياً معتذر عن الإشرافه وهو يسألك بصفته كعضو وليس كمشرف ... وأنا في كل مشاركاتي السابقة هنا .. كنت أسألك كعضو .. أما هذه المشاركة فأكتبها كمشرف للتوضيح ..

تحياتي

شكراً لهذه التوضيحات يا شنكول ، بس كنت ممكن تقدم هاي التوضيحات باسم Bashari وليس باسمك الخاص ..........

وأهم شغلة بالموضوع إنو عم تنحذف مشاركاتي المخالفة أما مشاركات بقية الأعضاء المخالفة فتبقى موجودة على الموقع دون أي مشاكل ........

كل هاد وما في خيار وفقوس .............

مع حبي للجميع ...........SHAKAZOLO...........

بداية ... شكازولو فهمك لكتير امور خاطئ والرؤية عندك عليها غشاوة ....
وأول سوء فهم انت بتأمن فيو وبتمشي فيه هي انا ليش عبسألك بالمقابلة
لازم تميز بين المزح اللي استعملناه لما قلنا رح يبلش القصف ... وهالشي منقولو لكل عضو ببداية المقابلة ... منقلو (الله يعينك) او (اجاك يوم) أو أو
المقابلة غايتها التعريف بعضو علموقع ... وليس شن هجوم عليه ... وانا لما عبسألك عن نقاط معينة فأنا عبسألك لفهم كيف يفكر شكازولو العضو اللي معو المقابلة
وانا ما كنت عبتهمك بشي وانما عبستوضح منك ... واذا اللهجة شفتها ماظابطة كتير... فلأنو عمتعلم منك
ولو اعرف انك بدك تفهم الامور بانو تهجم ... ماكنت عزبت حالي وكتبت مشاركة من الأصل

عفواً وأعتذر منك إذا كان اسمي بيزعجك ، بس شو بدك تعمل ، تحملني دخيل الله !!!!!!!

وجود اسمك مابيزعجني اكيد ... بس وجود هالصيغة التأكيدية بكل مشاركة بانو بتنهيها بانو (أنا اللي كتب المشاركة يا شباب ... انا شكازولو) هو اللي اثار عندي الاستفسار ... بس

5- الحمد لله أنا ماعندي مشكلة إني أقول أنا هون أبداً ، بس أنا لما بدخل بشي جديد بحب أتأقلم معه وبنفس الوقت أحب يكون إلي وجودي بهذا المكان وهذا الشي والحمد لله حققته على مستوى الكلية وعلى مستوى المنتدى كمان ، وهالشي مو بسبب حب الشهرة أبداً ، لأني أنا ما بكتب مشاركات كتيرة بس لأنو نوعية المشاركات ونوعية العمل ضمن إطار الكلية ذو النوعية اللي عم تعجب الكثير من الأشخاص هي اللي خلتني أصل إلى ما أنا عليه .

في مثل بيقول ... مداح نفسه ... ما منو خير

7- بترجع مرة أخرى يا أخي وبتتهمني اتهام ثاني ( عم نحسب ) إنو مواضيعي إلها مسرد واحد ، هذا الاتهام مردود ولا أقبله أبداً ......أنصحك أخي إنو تكبس زر الماوس الأيسر على اسمي وبعدين تدخل على ملفي الشخصي ومن هديك الصفحة بإمكانك تشوف مشاركاتي ضمن الموقع من أول ما دخلت عليه ، واتأكد من كلامك وبعدين اسألني السؤال بطريقة أخرى !!!!!!! مشي الحال .
8- برجع بقللك إنو شوف المواضيع تبعي من خلال الصفحة تبع الملف الشخصي .

هي كمان مو اتهام ... هي حقيقة
كعضو عادي ... اذا فتحت ملفك الشخصي ... ودخلت على المواضيع التي انت بدأتها ... (طبعا كعضو عادي انا ما بيطلع عندي المواضيع اللي انت بدأتها بقسم التبليغات) ... فبشوف انو عندك 24 موضوع

ستجد أن هنالك 3 مواضيع طبية يتيمة في موقعنا الطبي ... أحدها ( اللانظميات القلبية) مأخوذ قص ولصق من احد الكتب دون حتى ايراد الصور ... وحتى انك نسيت ارقام الصفحات على مايبدو داخل الموضوع ... والاخر (ورم دماغي يختلط بالخثار الوريدي العميق) لم تكمل مناقشة الحالة السريرية التي طرحتها فيه

وستجد أن هنالك ما يقارب النصف من المواضيع تناقش فكرة العورة عند الفتاة والحجاب وكيف ان العلاقة بين الشاب والفتاة ستقود الى الخطيئة وما الى ذلك من مواضيع يسوقها لنا من لا يرى في الفتاة غير أنها عورة متحركة .... حتى أن وصل الامر لدرجة أن أحد هذه المواضيع (علاقات لا انسانية) لم يلقى حتى ردأ واحد .. وحتى اغلب المواضيع التي تلقت ردود ... كان في كتير منها ردود مستاءة من كتاباتك ... وفيك تفتح موضوع الجنس هو الغاية أو مناظر طبيعية جدا وتشوف
واليك سرد لعض المواضيع ... مشان ما تقلي عمجيب الحكي من عندي:

الحب كذبة .... فهل نحن مصدقون؟
علاقات لا انسانية
اغتصاب الرجال
لا للحجاب ، فهل أنا كافرة ؟
الجنس هو الغاية
علاقات بريئة
مناظر طبيعية جداً ‏
أختي المسلمة أخاطب فيك إيمانك ( الحجاب )
( العادة السرية ) بين القبول والنفي

ولن انقل لك بقية اسماء المواضيع ... لئلا اناقش أهمية الحلزون الذي شاهدته في الكلية ذات مرة مثلا وشغل حيزا كموضوع من مواضيعك ال 24

أنا قلت من قبل إنو الموضوع اللي أنشره أحب أن يكون أسلوبه استفزازي وليس مزعج للآخرين وبالتالي هذا أسلوب خاص فيني أحب أستخدمه لأنه طريقة جميلة في عرض الموضوع

هلأ لما بيكون عمتستفز حدا ... ما بتكون عمتزعجه؟ ... الاستفزاز هو شكل من اشكال الازعاج ... مو معقول تقلي انا بستفز شخص ... بس هادا ما بيعني اني بزعجو ...
وبكل الاحوال ... فعلا هادا اسلوب خاص فيك وبيعبر عنك

11- أنا أتوافق معك إنو قوة الموضوع تأتي بشكل رئيسي من الأفكار اللي ينشرها ، لكننا نتفق أيضاً على أن الأسلوب الجيد إذا اقترن بالفكرة الجيدة كان الموضوع رائع جداً ، وهذا ما أحاول تقديمه في المنتدى .

حاول تقييم اسلوبك مو بس من وجهة نظرك ... لأنو زاوية الرؤية عند ضيقة ... اسأل عن اسلوبك اشخاص مقربين لك بيمونو عليك

أنا لما نزلت مشاركتي إني باقي هون لآخر نفس إنما نجم عن الأسلوب الإلغائي الذي استخدمه العضو No Body تجاهي ، وذلك تجلى في الكثير من المواقف مع الإثباتات والإدانات ، وليس التخيل والخيال ......

أولا عيب انك توصف اسلوبي بالغوغائي ... وتانيا التخيل والخيال هو مسندك الوحيد بهالتهم الباطلة
وفيك تقرا رد شنكول ورد صادقلي عليك

2- تم إغلاق أكثر من موضوع عن الحجاب اللي أنا افتتحتها بآيات قرآنية وأحاديث شريفة مرفقة بأسماء السور وأرقام الآيات ، والسبب إنو ما بدنا مشاكل تصير بالمنتدى وما بدنا وجع راس ، وكانو خايفين من العضو ننشاكو دو إنو يعمل مشكلة كبيرة في الموقع .

بكل مرة عبحذف فيها موضوع كان عبيصوتو المشرفين عليه بالحذف ... يعني مو انا اللي قررت هالشي ... وللمرة الالف بقلك اقرأ قوانين دينيااااااااااات ... مع ثقتي التامة انو حكيي بيدخل من هون وبيطلع من هون ومارح تقراهون للقوانين ... واذا قريتون فبشك انك تفهم ليش نحن عمنحذف على اساسون

تم حذف موضوع ( البحث عن عاهرة ) الذي لم يرى النور على هذا الموقع أكثر من خمس دقائق ، لأن العضو No Body في تلك الفترة التي وضعت فيها الموضوع كان مو عاجبو الموضوع ، وهيك بكبسة زر ( اللي شنكول وضعها أمانة في رقبته ) مسح الموضوع اللي اشتغلت عليه أكثر من يومين ، والسبب مزاج صاحبنا ؟

يا صديقي ... موضوعك اللامؤدب ... تم حذفه بعد التبليغ عنو ... وأول مرة حذفته كتبت انو سبب الحذف هو حذف مؤقت بانتظار تصويت المشرفين على الحذف ... ولما دخلو المشرفين والمشرفات ... وكلهون كتبو مشاركات بالتبليغة اللي وصل عدد المشاركات فيها 18
وطالبو بالحذف ... والبعض طالب بتوجيه انذار الك ... وهاد الحكي قام به كلللل المشرفين ... ابتداءا من سب زيرو ... وصولا للمشرفات ... وما بظن شنكول او حدا من المشرفين يقبل يورجيك شو كاتب ... لانو اقل واحد فيهون كان زافك بهدلة اخلاقية على هالموضوع الغير محترم ... وفيك تطلب من المشرفات ينسخولك شو كتبو على سبيل المثال

الخيار والفقوس : أكثر من موضوع عن محاربة تعدد الزوجات يتم فتحها في الموقع وفيها الكثير من المخالفات لأقوال الله عز وجل وفيها الكثير من الغلط والكفر ، يتم القبول بها بل ومناقشتها بكل صراحة وحرية ........
ليش ..........؟؟؟؟؟؟؟؟

المواضيع الخلافية الموجودة قبل اصدار قوانين دينيات تم اغلاقها وفقا لقانون دينيات ... والمواضيع الخلافية بعد قانون دينيات يتم حذفها ... هالشي ما عمجيبو من عندي ... هالشي تم كتابتو بيد عبدو فرح وعبد الحليم غريب وكلنا التزمنا فيه ... كمان للمرة اللالف وواحد بقلك ... راجع قانون دينيات

يضع شكازولو مشاركة في أحد المواضيع ، وبعد مدة قصيرة ( ساعات ) يتم حذف المشاركة ، ويصر شكازولو إنو يحط هالمشاركة لأنو ما في مشاكل وما في هي أي نوع من التجريح للآخرين ويحاول وضعها أكثر من خمس مرات ، ولكن يتم حذف المشاركة ، والسبب : إن المنتدى والموقع ليس موقع إفتاء ، ولهذا السبب أيضاً يتم حذف الفتوى التي وضعها أحد الأعضاء .

وين الخيار والفقوس ... ذاذا انت عمتقول انو (ولهذا السبب أيضاً يتم حذف الفتوى التي وضعها أحد الأعضاء)

لازم أحكي كمان ولا خلاص بدك ترفع الراية البيضا يا No Body وتقول ( ما راح أتعرضلك يا SHAKAZOLO بحياتي كلها )

ابو الشكازل الموضوع مافيو راية بيضا وخناق ... الموضوع مقابلة ... لاتتشنج
ومشاركتك هي اللي رح تسكتني فيها ... فيك تعرف تقيمها مو مني ... على سبيل المثال شوف شو كتب صادقلي

أول شي أنا فرطت من الضحك على طريقة ردك على نوبدي.....

فأكتر شي ممكن ينقال على ردك انو .... هههههههههه بيضحك ههههههههه

خلص يا شباب سوء فهم ... بسيطة ...

منرجع للأسئلة

هات لأشوف يا شاكازولو .. احكيلنا عن المواصفات المطلوبة في فارسة الأحلام .. وهل تريدها أن تأتيك على حصان أبيض أم على حصان أحمر أم بني اللون؟

ما هي شروط الحياة السعيدة كما يراها شاكازولو؟

مل موقف شاكازولو من الأحداث الأخيرة في كوريا الشمالية؟ وما هي توقعاته للقوة النووية هناك .. هل سيتم تفكيكها أم ستستمر ...

ثانياً وهو أمر هام ... وأحمد الرب على تذكره ...

لاحظت أنك تعلي راية أشخاص ... ارتكبوا جرائم بحق الإنسانية ... مثل صدام حسين وبن لادن .. حيث كنت تصف كل منهما بالبطل المجاهد ... ما سبب هذا؟ مع أنهم قتلوا أبرياء ومدنيين

توضيح بسيط إلى No Body :

لازم تعرف يا حبيبي إنو أنا ما بشيل أي مشاعر سوء أو حقد أو أي مشاعر سيئة تجاهك إطلاقاً وأنا هون بالمنتدى حابب إنو تصير علاقاتي مع الأعضاء أفضل من السابق ، وأنا من ناحيتي لما رديت عليك كنت عم جاوب على أسئلتك فقط ، وما كنت بتهجم عليك أبداً وإذا إنت شفت غير هيك ، فأنا كمان بعتذر من شخصك الكريم .

والمقابلة ما بتحلى إلا بوجود أعضاء متميزين من المنتدى أمثالك وأمثال شنكول وسب زيرو وموهي وغيرهم ...........

وبيقولو بالأمثال الشعبية ( مين حبك لاشاك ) يعني ( مين حبك تحركشك ) بالحلبي .

مع حبي للجميع ..........SHAKAZOLO.............
--------------
فارسة الأحلام :

عجبني هالمصطلح ، وبعدين أنا أحياناً بمشاركاتي كنت عم بذكر إنو ما في مشكلة إذا البنت هي اللي خطبت الشاب ، يعني خلي الأمور تجري بشكل منضبط أخلاقياً وما بيهم من سيبدأ أولاً ؟

1- أن تكون ملتزمة بدينها وذات أخلاق وسمعة ممتازة .

2- أن تلبس اللباس الشرعي ضمن قناعتها وليس إجباراً وغصباً .

3- الشهادة الجامعية لا يهم أي نوع ولكن المهم أن تكون قد مارست الحياة الجامعية لأهمية هذه المرحلة .

4- الجمال مطلوب ولكن ليس من الضروري أن تكون ملكة جمال حتى يعجب بها قلبي .


أما شروط الحياة السعيدة :

حسب ما فهمت من سؤالك إنو قصدك الحياة السعيدة بشكل عام وليس ضمن إطار الزوجية .

هناك شرط واحد لتعيش حياة سعيدة هو أن تعتقد أن حياتك بما هي عليه من مشاكل ومصاعب وأفراح وأحزان هي الحياة السعيدة ، فالحياة السعيدة هي التي تمتلك شروط التعاسة والفرح بنفس الوقت فنحن لن نحس بالسعادة لو كانت أيامنا كلها على نفس المستوى من المشاعر والأحلام والأفكار ........

لا بد من التغير والتطور فالحياة سنعيشها مرة واحدة وستكون هي مطيتنا لندخل الجنة أو النار ، فهي أمر مفروض علينا ولا بد أن نجتاز هذا الاختبار ونحن سعداء لأننا نعلم أن كل شخص في هذا الدنيا سيكسب من كل عمل يقوم به أجره عليه فإن كان سوءاً فالنار وإن كان خيراً فالجنة .

أهم شرط للسعادة هو أن تعيش حياتك وأنت مقتنع بأن لحظات التعب والفرح هما لحظتان مليئتان بالسعادة .

وكما أقول دائماً : أينما أكون ..............تكون السعادة !!!!!!!!!!


الاحداث الأخيرة في كوريا الشمالية :

عندما نتحدث عن هذه الدولة فنحن نتحدث عن دولة مخالفة تماماً لواقع كوريا الجنوبية فالجنوبية بما فيها من الحضارة والتكنولوجيا والتقدم يقابلها في الشمالية الفقر المدقع والديون والجوع والجهل .
لقد حصلت الشمالية على الطاقة النووية وبدأت تهدد أمريكا بالسلاح النووي ، ولأنهم كانوا بالفعل يحاولون تطوير أسلحة ، استخدمت معهم أمريكا هذا الأسلوب السياسي الضاغط ، ولأن أمريكا تفهمت أن الشمالية لم تعد قادرة على تحمل الديون الجديدة التي تكلفت بها نتيجة حيازتها للطاقة النووية عندها استطاعت الضغط على هذه الدولة بشكل سياسي فني عالي الخباثة لتجردها من طاقتها النووية بأقل كمية من الخسائر وبمقابل أسعار قليلة من النقود تغلق بها الشمالية بعضاً من ديونها المتراكمة .

لذلك فالقوة النووية في كوريا الشمالية ليست قوة حقيقية وإنما وهمية لأن هذه القوة تم بناؤها على الديون وعلى ضعف مسبق وبالتالي هي لم تحصل على الطاقة النووية من خلال تراكم خبرات وجهود وأبحاث ، وبالتالي فهي ليست قوة نووية على الإطلاق وسيتم تفكيكها ولكن باستخدام الحل السلمي الذي ستتواسطه الصين بشكل رئيسي واليابان والكوريا الجنوبية .


صدام حسين وبن لادن :

بالفعل كما قلت يا شنكول أني كنت أعلي راية هؤلاء الأشخاص على أنهم أبطال مجاهدين .

في البداية من الغريب كيف أستطيع الربط بين صدام حسين ذاك الرجل العلماني الناطق باسم الغطرسة والدكتاتورية على نطاق العالم كله وليس الوطن العربي والعراق فحسب وبين بن لادن الرجل الملتزم بدينه الذي يترك أرضه وأهله وأمواله وراء ظهره ليقاتل في صفوف المسلمين في مكان بعيد .

لقد كان الوصف الذي وصفت به كلاً منهما وصفاً جزئياً لمواقف خاصة قام بها كلاهما ، فكلاهما قد حارب الكفار ( أمريكا وإسرائيل ) وبالتالي فهم أبطال أما من ناحية مجاهدين ، فهذا يتجلى من خلال أنهم رفعوا راية الله أكبر في وجه أعدائهم وبالتالي فهم مجاهدون .

ولا ننسى أن نذكر بأن الجهاد هو أمر يظهر لنا من تصرفات الآخرين بمحاربة الكفر ولكن ما يخفى في الصدور لا يعلمه إلا الله وليس لنا حق في أن نحكم على شخص بأنه ينوي فعل شيء من خلال تصرفاته الظاهرية فقط .
لذا فظاهر الأمور يظهر أن كلاهما بطل مجاهد في بعض المواقف ،.................

مع حبي للجميع .............SHAKAZOLO.............

لقد كان الوصف الذي وصفت به كلاً منهما وصفاً جزئياً لمواقف خاصة قام بها كلاهما ، فكلاهما قد حارب الكفار ( أمريكا وإسرائيل ) وبالتالي فهم أبطال أما من ناحية مجاهدين ، فهذا يتجلى من خلال أنهم رفعوا راية الله أكبر في وجه أعدائهم وبالتالي فهم مجاهدون .

امممممممم............نصيحة :

طالما أنك حاطط صورة رمزية ألك UTMB ...فمعناتو أنك طالع عأمريكا......وطالما أنك طالع عأمريكا....فهدا معناتو أنك بدك تقدم عالسفارة.........وطالما أنك بدك تقدم عالسفارة......فمعناتو دير بالك ماتحكي هالحكي للمسؤوول عن الفيزا أو القنصل او السفير.....لأنو وقتها ماتحلم تطلع مو بس عأمريكا...بل عأي بلد في العالم يحترم نفسه...لأنو اسمك راح يتعمم عقوائم داعمي الأرهاب...............

عكل حال اكيد ماراح تقول أنا بحب بن لادن وصدام بالسفارة .....راح تقول أنك مفتون بالحضارة الأمريكية والشعب الأمريكي وكل شي أمريكي...........وقتها راح تتخالف مع مبادئك ويصير أسمو نفاق وشي تاني كمان....ولا شو........

حق معهن والله يشددو عموضوع الفيز.....أي والله لازم يخافو عحالهن طالما في فكر متطرف عم يطلع لعندهن.........شه...

مع حبي ألك..........KEANE...........

ولا ننسى أن نذكر بأن الجهاد هو أمر يظهر لنا من تصرفات الآخرين بمحاربة الكفر ولكن ما يخفى في الصدور لا يعلمه إلا الله وليس لنا حق في أن نحكم على شخص بأنه ينوي فعل شيء من خلال تصرفاته الظاهرية فقط .
لذا فظاهر الأمور يظهر أن كلاهما بطل مجاهد في بعض المواقف ،.................

طبعاً لا أتكلم عن النيات ... بل أتكلم عن الظاهر

الظاهر أنهما قتلا المدنيين والأبرياء ... هذا هو الظاهر ..

الظاهر هو قتل أكثر من آلاف في حلبشا ... وقمع انتفاضة الجنوب العراقي بعد غزو الكويت .. عدا عن نهب أموال الشعب وثرواته على مدى عقود .. وجرائم التصفية السياسية ..

الظاهر غزو بلد شقيق طمعاً في ثرواته

الظاهر هو قتل أكثر من 3000 مدني في برجي التجارة العالميين ... ليس لهم أي دخل في السياسات الدولية ..

الظاهر هو التفجير والقتل والدمار اليومي في العراق الّذي تشارك فيه القاعدة بكل قوتها ..

هذا هو الظاهر .. فأي جهاد هذا .. الجهاد (مع التحفظ على المصطلح) تكون معه الأخلاق .. أما هؤلاء فهم بلا أخلاق ..

رح غير منحى الأسئلة.....
ماذا تعني لك العائلة؟؟
ما هي طبيعة علاقتك مع أباك.... هل هي علاقة خوف ... أم أخوة وصداقة؟؟
ما هي مدى علاقتك مع أمك.... هل هي تلك الأم التي تعرف كل أسرارك أم أنت لا تفشي أسرارك لأحد من عائلتك...
هل لديك أخ مقرب جداً ... أم علاقتك عادية معهم ؟

مرحبا كيان ...............شكراً على دخولك الجميل ...........

على فكرة بالسفارة ما بيسألوا إنو بتحب الحضارة الأمريكية ولا لأ ، بيسألوا ليش طالع لبرا ومشان شو ؟

يلا قول بالسفارة ما عندون كيان مشان يقول شي عن أفكاري .............مع حبي


مع حبي للجميع .............SHAKAZOLO...............
--------------
راح يكون ردي على أسئلتك يا صادقلي بشكل مفصل لذلك طول بالك علي وإنشاء الله راح أجاوب على أسئلتك الحلوة ..........

مع حبي للجميع ...........SHAKAZOLO...........

أنا ماقلت أنو راح يسألوك.....راجع مشاركتي.....( ليش بحسك مابتقرا المشاركات مزبوط )......أنا قلت أنك أنت بتقللهن أفكارك ..طالما بتحب تشارك الجميع بأفكارك......بقى حاول تنشر أفكارك أديش مابتقدر...بالمنتدى ..وبكل الدنيا...وا وقت السفارة أستعرض عضلاتك عليهن كمان ...وفرجيهن أفكارك الحقيقية..مو ضروري يسألوك ..أنت لحالك لازم تحكي..ولا شو......

يلا قول بالسفارة ما عندون كيان مشان يقول شي عن أفكاري

عندهن عالم ألعن مني مشان يعلقو على الافكار المتطرفة والأرهابية عندهن عالم مختصة بمكافحة الأرهاب......أحد معارفي صارلو مقدم عالسفارة من شهر وعاطينو ال yellow card ..ومأخرينو مشان قوانين مكافحة الأرهاب اللي بيمثلو أتباع صدام وبن لادن.....مع أنو رايح كذا مرة من قبل .................أنا لهلا مستغرب لسا في عالم مثقفة بتدعم هالأرهابيين ......شي بيحط العقل بالكف................بتمنى أفكارك تكون مجرد أفكار تنشرها هون وهون بدون أي فعل حقيقي....هيك مو مشكلة..كتير عالم بتحكي حكي مانها قدو...بس المشكلة أنك تكون داعم للأرهاب بشكل حقيقي ..ومستعد تفجر نفسك أو تفجر شي شغلة بنص اأميركا.......هون بتكون مشكلة.........

راح أحكيها ومرة وماراح ألعي بهالموضوع كمان: الى كل شخص بيدعم هالجماعات المتطرفة بأفكارو عندو خيارين: يا أما يروح يحارب معهن ويفجر حالو ويتوافق قوله مع فعله.......يا أما لا يحكي حكي مابيعبر عن تصرفه ولا هوي قدو................والسلام............