| | |
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
 |
| | LinkBack | أدوات الموضوع |
|
#1
Sep, 14 2007, 16:43
| |||
| |||
 مغامرات البارون منشاوزن .... هادا هوة ..... بظن معظمكن سمعان فيه أو قرأ مغامراته بارون فون منشاوزن ..ضابط ألماني في القرن الثامن عشر ....و خرّيط كبيييييييييييييييير ....  كان بودي أحكيلكن وحدة من مغامراته بس أولاً بخاف يوقع السقف  وتانياً مو هاد موضوعنا ....موضوعنا هوة : Munchausen syndrome هالتناذر هوة عبارة عن اضطراب نفسي بيختلق فيه الشخص أو يحرض أو يحدث لنفسه أو يدعي شدة زائدة لأعراض وعلامات غير موجودة أو موجودة بشكل طفيف.... تم إطلاق اسم منشاوزن على هالحالة في عام 1951 من قبل Richard Asher هالمرضى هدول بيدعوا وجود أعراض عندهن أو ممكن يسببوا أذية لنفسهن ليظهروا بمظهر الضحية بهدف الحصول على الرعاية الطبية والاحساس بإنهن مركز الاهتمام ....وممكن يتلاعبوا بنتائج الفحوصات الطبية متل تلويث عينة البول مثلا وممكن يسافروا من مكان لمكان بحثا عن الرعاية الطبية لما بتخلص المراكز الطبية والعيادات الموجودة بمنطقتهن ...متل ماكان منشاوزن يسافر من مكان لمكان ويحكي مغامراته اللي كلها خرط  ... وهالمرضى ما عندن مشكلة أبدا بالخضوع للفحوص الطبية أو حتى العمليات الجراحية !!بس ليش ؟؟؟؟ في الحقيقة سبب هالتناذر غير معروف بدقة ..بس بعض الباحثين (ما مننسى إنو إجراء الأبحاث والدراسات الاحصائية شبه مستحيل عند هيك مرضى بسبب التزوير وعدم المصداقية اللي بيقوم فيهن المريض وعدم اعترافه بالمشكلة النفسية أصلاً) بعض الباحثين بيقول إنو هية عبارة عن آلية دفاع نتيجة لاضطهادات جنسية أو عنف تعرض إلها المريض بمرحلة الطفولة وباحثين تانيين بيقولوا إنو هالحالة عبارة عن نوع من معاقبة للذات self-punishment......وفي حاليا دراسة عن وجود ارتباط محتمل بين هالحالة وبين اضطرابات الشخصية الشائعة عند هالمرضى متل ما قلنا ما في دراسات احصائية أو رقمية لتحديد شيوع هالحالة بس بشكل عام يمكن القول إنها نادرة ...وأشيع عند البالغين رغم إمكانية حدوثها عند الأطفال .... الأعراض والعلامات: بالنسبة للأعراض والعلامات اللي ممكن يدعي المريض وجودها فبتشمل كل شي ..وغالبا بيكون عند المريض معرفة بالمصطلحات الطبية وبيقدملك شكايات نموذجية متل الكتب ليوجهك نحو مرض معين ... بس ممكن تساعدنا معرفة النقاط التالية: ** قصة سريرية لمرض خطير ...مع تفاصيل غير ثابتة في القصة.. **أعراض تناسب تشخيص معين بشكل دقيق ...مع نقص في العلامات متل شكاية شديدة من الاسهال والاقياء مع عدم وجود تجفاف !! **أعراض بتتغير أو بتشتد مع بدء المعالجة ... ** ظهور الأعراض فقط لما بكون المريض لوحده بغياب الآخرين..!! **ظهور أعراض جديدة بعد ظهور سلبية الفحوصات **ادعاء النكس في حال وجود حالة طبية مثبتة ** رغبة وتقبل إجراء فحوصات أو مداخلات طبية وحتى عمليات جراحية ** وجود ندبات لأعمال جراحية سابقة ** سوابق طلب مساعدة طبية من عدة أطباء أو مستشفيات أو مراكز طبية **مقاومة المريض ومعارضته لأي محاولة لمقابلة عائلته أو أشخاص قريبين منه ** مشاكل في الشخصية ونقص في الثقة بالنفس وتقدير الذات... أما الأعراض والعلامات الخاصة بالمرض النفسي فصعبة التمييز لأنو غالبا المريض بيجيك عبيطلب المساعدة الطبية متل أي مريض تاني ... طيب كيف ممكن نشخص المرض؟؟؟ التشخيص ما بيتم إلا بعد نفي أي اضطراب جسدي أو نفسي تاني بيفسر الأعراض اللي عميدعيها المريض ...مع إجراء كافة الاختبارات والفحوص الطبية اللازمة ...وبعد كل هالشي إذا ما انوجد أي سبب يفسر هالشي ...لازم يتحول المريض لطبيب نفسي ... . ممكن الأسئلة التالية تساعدنا: & يا ترى الأعراض اللي عبيشتكي منها المريض بتتوافق مع نتائج الفحوصات ؟ & في عنا مصادر تانية للمعلومات غير المريض بتأكد شكواه ؟؟؟(وعدم موافقة المريض لطلب متل هيك مصادر بيساعد عالتشخيص أكتر) &هل عند المريض إرادة ورغبة لإجراء الفحوصات والاجراءات الطبية أكتر من المتوقع ؟؟ (يعني أي مريض طبيعي مهما كان متعاون بيصل لمرحلة وبيخاف من الاجراءات الطبية لما بتكبر أو بيمل... بس صاحبنا مكيف!!) & هل العلاجات اللي عمتنعطى عبتأدي للنتائج المتوقعة منها إذاً فالتشخيص بيعتمد على نفي أي مشكلة جسدية أو نفسية آخرى...وعلى مراقبة سلوك المريض يتبع..  |
| الأعضاء الـ 14 التالية أسماؤهم قالوا شكراً لك يا dr.mohi على هذه المشاركة المفيدة: | ||
|
#2
Sep, 14 2007, 17:17
| |||
| |||
| المعالجة : لازم أول شي نقدم العلاج للأذيات اللي أحدثها المريض لنفسه ... معالجة هيك مرضى بتشكل تحدي كبير لأنهن ما بيعترفوا أصلا بوجود المرض وغير مستعدين لطلب المساعدة منشانه كل اللي بهمن هوة الحصول على المساعدة مشان الأعراض اللي عيشتكوا منها وغير مستعدين يقبلوا إنو حدا يقللن "إنتوا كذابين" الخطوة الأولى في العلاج هية تعديل سلوك المريض باتجاه انقاص استخدامه الزائد للمصادر الطبية. ولما بيتحقق هالهدف بتصير المهمة هية معالجة أي اضطراب نفسي كامن ورا هالمشكلة ..عن طريق المعالجة النفسية والعلاج السلوكي ... وممكن يفيدنا تعليم العائلة إنو ما يسايروه بادعاءاته ويشجعوه عليها.. ما في معالجة دوائية لهيك نوع من الاضطرابات بس المعالجة ممكن تنعطى للحالات المرافقة متل الاكتئاب(مثبطات عودة قبط السيروتونين) ، القلق ، اضطرابات الشخصية(جرعات منخفضة من حالات الذهان) .....ولازم يكون استخدام الأدوية مراقب بشدة عند هيك مرضى لوجود خطر الاستخدام السيء إلها ...  $$ بتتضمن اختلاطات هالحالة: مشاكل صحية متنوعة وحتى الوفاة نتيجة الأذى اللي بيسببوه لحالن ...عدا عن الأذيات اللي بتصير نتيجة الفحوصات الطبية والمداخلات العلاجية ...وهالمرضى تحت خطورة عالية للادمان أو الانتحار.. الانذار بالنسبة لهالمرض غير مبشر ... لأنو المرض مزمن ومعظم المرضى بينكروا وجد المرض عندن عدا عن صعوبة العلاج واللي غالبا لا يقود للنتيجة المرغوبة ...يضاف لهالشي الأذيات والاختلاطات المذكورة أعلاه... وحتى الآن ما في طريقة للوقاية من هالمرض....... منجي لشكل تاني من تناذر منشاوزن ..ألا وهوMSBP) Munchausen syndrome by proxy( بهالشكل المريض بيتسبب بأذية لشخص آخر أو بيدعي وجود أعراض عند شخص آخر ...بهدف التواجد معه أثناء خضوعه للاجراءات الطبية والظهور بمظهر المنقذ أو المهتم ....معظم هالحالات عبارة عن إناث وبشكل أخص أمهات وبهالحالة بيكون الطفل هوة الضحية  ...أو بتكون الضحية شخص مختل عقليا ودائما الضحية هية شخص ما بيقدر يروي الشي اللي عبيعمله فيه المريض ...وبالتالي ما خرج يكون شاهد ....بس المشكلة بهالحالة هية إنو الوفاة أمر غير نادر ..لأنو هون المريض عبيسبب الأذى للآخرين وبالتالي ما رح يكون عنده قدرة دقيقة إنو يوقف عند حد معين ... والمشكلة الأكبر هية إنو غالبا بيكونوا هالأشخاص فوق مستوى الشبهات ...يعني مين رح يشك بوالدة حنونة ومهتمة متل مريضتنا بإنو تكون قتلت إبنا !!! طبعا هالأم أو المريض أيا كان مو هدفه القتل إطلاقا لأنه هالشي بيتنافى مع الغرض اللي عميسعاله وهو لعب دور المنقذ... متل هيك أشخاص بيميلوا للعمل بالمجال الطبي وغالبا ممرضات ....  المراجع: Oxfordhandbook ofpsychiatry www.emedicinehealth.com/munchausen_syndrome/article_em.htm www.clevelandclinic.org/health/health-info/docs/2800/2821 |
| الأعضاء الـ 14 التالية أسماؤهم قالوا شكراً لك يا dr.mohi على هذه المشاركة المفيدة: | ||
|
#3
Sep, 14 2007, 17:49
| |||
| |||
هنن ماعم يشتكو من أعراض........هدول كذابين......بس النقطة أنهم مابيعرفو ليش عميكذبو......وهون الفرق لأنو في 3 تصانيف لحالات بتكون فيها الأعراض غير حقيقية...... 1_ المريض يشكو من أعراض لم يصطنعها ولا يعرف مصدرها...( متل الأشخاص اللي بيتسمو hypchondriasis مراقيين بالترجمة العربية) 2_ المريض يشكو من أعراض يصطنعها ولا يعرف مصدرها.....( مونشهاوزن ) 3_ المريض يصطنع الأعراض ويعرف لماذا يصطنعها ...( مثل شخص عم يحاول يطالع بدل مشان مايخدم جيش مثلاً......هون بتصير المشكلة قانونية أكثر من كونها طبية).......
بالضبط.... مونشهاوزن ممكن ينحل مشكلتهن بطريقة حلوة.....هدول بيحبو يروحو عالأطباء ..وبيقرو هاريسون ..وبيحفظو الأعراض....وبيعشقو شي أسمو روحة المشفى والأطباء والممرضين وهكذا............ممكن يتم أدراجهم ضمن أعمال تطوعية ضمن المشافي بحيث يستمر أحتكاكهم بالكادر الطبي دون الحاجة لأصطناع الأعراض...... تمت تجربة هذه الطريقة بنجاح................ شكرا ألك دكتور موهي ...موضوع جميل.. |
| الأعضاء الـ 10 التالية أسماؤهم قالوا شكراً لك يا keane على هذه المشاركة المفيدة: | ||
|
#4
Sep, 18 2007, 04:31
| |||
| |||
| الله يسلم ايديك على هالمعلومات الحلوة.بس انا كنت بتمنى اعرف شي عن بعض مغامارات هالبارون  |
