الاصغاء القلبي

بيتطلب إصغاء القلب مهارة وخبرة وممارسة من الطبيب لحتى يقدر يميز الأصوات عن عن بعضا ..والأهم من هالشي إنو بيتطلب سماعة !!!!!
السماعة متل ما منعرف إلها طرفين حجاب (diaphragm) ومخروط (pill) الحجاب منسمع فيه الأصوات العادية عالية الحدة High-pitched بينما المخروط منسمع فيه الأصوات منخفضة الحدة Low-pitched

ليش منصغي القلب؟؟؟؟؟؟؟؟؟
الهدف من إصغاء القلب هوة تمييز خمس أنواع من الأصوات:
1-أصوات القلب الطبيعية (الصوت الأول والتاني)
2-أصوات القلب غير الطبيعية (الثالث والرابع)
3-الأصوات الإضافية متل الـ clicks &snaps
4-الاحتكاكات التامورية
5-النفخات
طيب ليش منسمع أصوات بالقلب؟؟
بالحالة الطبيعية انغلاق الصمامات بيسبب صوت (S1,S2) بينما انفتاحها ما بسبب صوت ..ببعض الحالات المرضية بيسبب انفتاح الصمامات صوت إسمو opening snap (قصفة الانفتاح)وهادا منشوفه بتضيق الصمام التاجي
تغير سرعة جريان الدم أو حجم الدم اللي عبيمر خلال الصمامات ممكن يسوي أصوات هية النفخات وكمان ممكن مرور الدم من خلال فتحات غير طبيعية بالقلب إنو يسوي نفخات ...
احتكاك الوريقتين تبع التامور لما بيكون ملتهب بيسبب أصوات احتكاك ...

طيب خلونا نحكي عن طريقة الفحص...
منحط المريض بوضعية نصف الاضطجاع ومنسمع كل البؤر القلبية اللي هية البؤرة التاجية(مكان القمة في الورب الخامس أيسر القص عالخط الناصف للترقوة ) والأبهرية (الورب الثاني أيمن القص) و الرئوية (الورب الثاني أيسر القص) وبؤرة مثلث الشرف (النهاية السفلية ليسرى للقص) متل مو موضحة بالصورة
precordium.gif

طبعا ما مننسى نسمع بالحجاب والمخروط ...ومنسمع المنطقة فوق السباتيين والإبطين لنشوف إذا في انتشار للنفخات..

بكل بؤرة من البؤر لازم نسمع صوت القلب الأول والتاني وندقق لنعرف شدتهن وإذا مشطورين أو لأ
ومنسمع الفترة الانقباضية (بين الصوت الأول والتاني) والفترة الانبساطية (بين التاني والأول) لنشوف إذا في أصوات إضافية أو نفخات وما مننسى ندقق بأي نفخة منسمعها لنعرف طبيعة هالنفخة

هلق منغير وضعية المريض ومنخليه يميل على طرفه الأيس (متل الصورة ) ومنستخدم المخروط ومنضغطه على منطقة القمة لنسمع نفخة التضيق التاجي (بهالمناورة منكون عمنزيد سرعة جريان الدم خلال الصمام بتأثير الجاذبية)
وإذا بدنا نسمع نفخة القصور الأبهري لازم نجلّس المريض ونصغي بالحجاب على البؤرة الأبهرية (متل الصورة بس هي الصورة فيها غلط إنو الدكتورة الهبلة عمتصغي عالبؤرة الرئوية !!!)
listen ms,ar.jpg

وهلق بعد ما أصغينا إش سمعنا؟؟؟
خلونا نحكي عن كل نوع من الأصوات بشوية تفصيل...
صوت القلب الأول S1 : : سببه متل ما منعرف انغلاق الصمامين التاجي ومثلث الشرف ..أفضل مكان لسماعه هوة قمة القلب
ممكن يكون عالي الصوت أو منخفض وأسباب هالشي موجودة بهالجدول:
1st.gif
صوت القلب التاني S2 : سببه انغلاق الصمامين الأبهري والرئوي وأحسن مكان لسماعه على الحافة اليسرى للقص
هالصوت عادة بيكون مشطور خلال الشهيق لمركبين أبهري ورئوي (A2,P2 ) وتغيرات هالصوت من خفوت أو ارتفاع أو انشطار مرضي موجودة بهالجدول
2nd.gif

مجموع الصوتين الأول والتاني بيعطينا : صوت القلب الطبيعي

--------------
صوت القلب التالت S3 : هالصوت ناتج عن الامتلاء السريع للبطينات مباشرة بعد انفتاح الصمامات الأذينية البطينية أحسن مكان لسماعه هوة القمة وبواسطة المخروط ...هالصوت موجود بشكل طبيعي عند الأطفال واليفع وعند الحوامل والمصابين بالحمى وبشكل مرضي عند مرضى قصور التاجي وقصور الوظيفة الانقباضية للبطين الأيسر ...

صوت القلب الرابعS4: وجوده دائما مرضي ..ناتج عن انقباض الأذينة بنهاية الانبساط لذلك منسمع قبل الصوت الأول مباشرة و أحسن مكان لسماعه هوة القمة وبواسطة المخروط

s4..wav

الأصوات الإضافية :

قصفة الانفتاح opening snap : ناتجة عن انفتاح الصمام المتضيق (التاجي غالبا) افضل مكان لسماعها في القمة
os.wav
القلقلة القذفية ejection click : تسمع في بداية الانقباض نتيجة انقذاف الدم عبر الصمام الأبهري او الرئوي المتضيق


الاحتكاكات التامورية :أفضل ما تسمع عند النهاية السفلى اليسرى للقص أثناء الزفير ...بتتغير شدتها مع تغير وضعية المريض
p.wav
وهلق منجي لنحكي شوي عن النفخات
لما منسمع نفخة لازم نحدد فيها المواصفات التالية :
1- التوقيت (انقباضية أو انبساطية أو انقباضية انبساطية أو مستمرة ) وطبعا منحدد هالتوقيت استنادا لأصوات القلب والفرق بين النفخة الانقباضية- الانبساطية والمستمرة هو إنو الأولى مرتبطة بأصوات القلب بينما التانية ما لها علاقة بأصوات القلب
هالنفخات ممكن تكون ببداية أو وسط أو نهاية الإنقباض أو الانبساط

2- المدة : ممكن تكون هالنفخات شاملة للانقباض أو للانبساط ....
3- الطبيعة والحدة : وتحديدها صعب
4- الموقع :في أي بؤرة من البؤر القلبية سمعت النفخة
5- الشدة : تحديد شدة النفخة بحد ذاته مو كتير مفيد تشخيصيا بس الأهم هوة تغير شدة النفخة واللي إله دلالة إنذارية مهمة ....في عنا مقياس لتحديد شدة النفخة .هالمقياس مؤلف من 6 درجات موضحة بهالجدول :
classification.gif
6- الانتشار : بعض النفخات بتنتشر لمواقع محددة ... متل السباتيين والإبطين والظهر والحافة اليمنى للقص وعادة بيكون مفيد بتمييز النفخات الانقباضية ...
--------------

هدول كم نفخة شائعات قلت منسمعهن ومنشوف مخططن

murmurs.jpg


pan systolic & s3.wav


ejectional systolic.wav


middiastolic.wav


continous.wav


المراجع

Macleod's clinlcal examination 10th edition