الفحص السريري للأوعية المحيطية

في البداية لازم نعرف إنو أهم سبب على الإطلاق لأمراض الشرايين المحيطية هوة التصلب العصيدي...وأهم سبب لإصابة الأوردة هوة الخثار الوريدي

الأعراض والعلامات اللي ممكن تتظاهر فيها هالإصابات هية:
1-الألم:
في الإصابة الشريانية إسمه العرج المتقطع :intermittent claudication
- وهو عبارة عن ألم عند المشي لمسافة معينة بيوقف المريض عندا فبيروح الألم خلال دقائق ولما بيرجع بيمشي هالمسافة بيرجعله الأم فبيوقف وهكذا ...
claudication1.gif

- ومن الضروري لما نطلب من المريض تحديد المسافة اللي عبصير عنده العرج لما بيمشيها إنو نستخدم مصطلحات تصويرية ...يعني ممكن المريض ما يقدر يتصور الـ400 متر شقد هية بينما ممكن نحددله مسافة قريبة من العيادة أو المشفى ومنسأله إذا بيقدر يمشيها بدون ما يجيه الألم...وكمان ممكن تتفاوت قدرة المرضى على المشي...
- ممكن نحدد مكان الاصابة اعتمادا على مكان حدوث الألم :
ألم أسفل الظهر ناجم عن تصلب في الشريان الأبهر قبل تفرعه في البطن
ألم أعلى الفخذ ناجم عن إصابة الشريان الحرقفي الظاهر
ألم أعلى الربلة ناجم عن إصابة الشريان الفخذي
ألم أسفل الربلة ناجم عن إصابة الشريان المأبضي
ألم القدم ناجم عن إصابة شرايين الساق
وكمان في ألم أثناء النوم (أو الراحة ) بيصير عند هالمرضى نتيجة الاضطجاع (غياب تأثير الجاذبية ونقص معدل ضربات القلب أثناء النوم)
على عكس إصابة الشرايين بيكون ألم إلاصابة الوريدية على الوقوف (بسبب الركودة ) وبيخف على المشي (بتأثير المضخة العضلية) عدا حالات الخثار الوريدي اللي بيسبب الم بالمشي

2-لون الطرف :
بالاصابة الشريانية بيصير شاحب بينما بالاصابة الوريدية بيكون مائل للزرقة
3-حرارة الطرف : بارد في إصابة الشرايين وسخونة خفيفة في إصابة الأوردة (السخونة الشديدة دليل إصابة لمفاوية)
4-النبض في الإصابة الشريانية بيغيب النبض أما الوريدية فما بيتاثر
5-الوذمة : غائبة في الإصابة الشريانية وموجودة دائما في الإصابة الوريدية
ممكن إنو نسمع هرير في حالات الناسور الشرياني الوريدي (شائع عند مرضى التحال الدموي)
يعني ممكن نلخص الإصابة الشريانية بـ 5P
pulseless, pallor, perishing cold, paraesthesia, pain ))
هالجدول بيلخص كل هالأعراض :
claudication.jpg


6- بعد هالشي ممكن تتظاهر الإصابة بالتقرح

القرحة الناجمة عن إصابة شريانية مؤلمة جداً وقاع القرحة أسود و بتكون نابضة متل هي:

arterial.jpg
بينما القرحة الناجمة عن إصابة وريدية فغير مؤلمة وغير نابضة وحوافها زهرية متل هي :

venous ulceration.jpg
وهالجدول بيقارن القرحة الشريانية مع الوريدية:
ulceration.jpg


الفحص السريري :
لازم نتأمل الأطراف لنشوف لونها وإذا متوذمة ولا لأ
بعدا لازم نجس هالأطراف سطحيا لنعرف حرارة الطرف وهون لازم نحاول إنو كلتا إيدينا تكون بحرارة وحدة ومنجس كل طرف بإيد ومنقارن الحرارة بين الطرفين
وبعدين لازم نجس النبض بكل الشرايين ونقارن قوة النبض بكل شريانين متناظرين وما مننسى منقارن النبض الكعبري بالنبض الفخذي لنشوف إذا في تأخير
وإذا في وذمة لازم نشوف إذا انطباعية و لأ (منضغط باصبعين على مكان الوذمة ومنراقب عودة الجلد لوضعه الطبيعي وأفضل مكان هوة الكعبين والوجه الأنسي للساق يعني الظنبوب وظهر القدم )
إذا كان الطرف متوذم لازم نقيس محيطه على بعد معين من الكعب الأنسي باستخدام شريط قياس(بيسموه الخياطين ماسورة) بيفيدنا هالشي بالمتابعة لنعرف إذا الوذمة عمتتراجع أو عمتزيد
وما مننسى نصغي بالسماعة على الشريان الفخذي (لنسمع اللغط إن وجد )
لازم نجس البطن (حول السرة) ونصغي لنشوف آفات الأبهر البطني (كتلة متوسعة بالنبض جوا البطن ممكن تدل على أم دم أبهرية أو حرقفية)

في حالة الخثار الوريدي العميق (يسمى تجاوز التهاب وريد خثري) في عنا علامة إسمها "علامة هوفمان" وهي عبارة عن ألم في رجل المريض لما منعطف القدم ظهرياً على الساق...



المراجع :

Macleod's clinical examination 10th edition

ألف شكر دكتور موهي على الموضوع

بس الصور ما عبتطلع عندي

تم التعديل ...............

يسلمو ايديك دكتور

حبيت ضيف انه في حالة acute ischemia بيكون في 5 Ps:
1- pain
2- paralysis
3- parasthesia
4- pale
5- pernecius cold يعني برد الأطراف

وهاد الفرق بينها وبين الحالة المزمنة والي متل ما قلت دكتور بتكون بالـ claudication
شكرا

يعني ممكن نلخص الإصابة الشريانية بـ 5P
pulseless, pallor, perishing cold, paraesthesia, pain ))

المشاركة الأصلية بواسطة rammtr

يسلمو ايديك دكتور

حبيت ضيف انه في حالة acute ischemia بيكون في 5 Ps:
1- pain
2- paralysis
3- parasthesia
4- pale
5- pernecius cold يعني برد الأطراف

وهاد الفرق بينها وبين الحالة المزمنة والي متل ما قلت دكتور بتكون بالـ claudication
شكرا

المشاركة الأصلية بواسطة dr.mohi

يعني ممكن نلخص الإصابة الشريانية بـ 5P
pulseless, pallor, perishing cold, paraesthesia, pain ))

مشان ما حدا يزعل
هنن 6Ps
pulseless
pallor
perishing cold
paraesthesia
pain on squeezing muscle
paralysis

from: macleod's clinical examination 11th ed

تحياتي

Good time for everybody here in this site, i was open-eyed when i had seen your wonderful site,even if i don't know anything about the Medicine in our country,but i want to participate here to learn more about our future career ... thank you very much Dr. Mohi for this persentation.. it is real nice .. good luck