أسبوعيات مشفى الباب الوطني
بعد التحية والسلام ومن دون إطالة في الكلام راح أدعوكن للحلقة الأولى من مسلسل أسبوعيات مشفى الباب الوطني .
رح ندخل سوى لقلب المشفى ونضطلع على الواقع الخدمي فيه وكيف الكادر الطبي رح يقدمنا مساعدة ونحن جايين في حالة إسعاف على سبيل المثال .
حكايتنا رح تبدى من تاني يوم العيد لما بديت الحوادث الإسعافية تهل على المشفى,فأول يوم يا أحبائي الناس معيدين في بيوتهم بس باليوم التاني يبدا السفر ليعايدوا أهاليهم وخدلك كرسي يا حبيبي وحطوا بالاسعاف وتفرج ما احلى استعداد الكادر الطبي لما وصل الحادث الاسعافي الى مشفى الباب.
وصل المريض لقسم الاسعاف بعد ما قلبت السيارة به في الطريق تم استدعاء طبيب الداخلية(طالب سنة اولى اختصاص) لقسم الاسعاف وركضوا الممرضين لاستقبال مريضنا الميمون ,طبعا دخلوا على العمليات الاسعافية وما طلع بايدون غير يفتحوا له وريد ويعلقوا له سيروم سكري 5% , صوروه ع الطبقي محوري صورة فنية بدون تحميض (لأنو الجهاز حديث كتير فليس له طابعة) واقتصر طبيب الداخلية على الاطلاع على نتائج ال C.T.scan على الكمبيوتر (متل ما حكينا الجهاز بدون طابعة) وقال انو لدى المريض (غلاسكو = 8) ,(غلاسكو يا سادة يا كرام هو مقياس لتقدير وعي المريض واستجابته الحركية والكلامية وحركة العينين لديه وتجاوبه مع الوسط المحيط ) لذلك لابد من ارسال المريض الى حلب لاجراء اللازم.(طب يا ترى وين سيارة الاسعاف الخاصة بالمشفى) سيارة الاسعاف كانت بحلب عم تعيد,وبعد ما اتصلنا بسائق السيارة بساعة وصلت السيارة لمشفى الباب الوطني (بس يا ترى شو صار بمريض ال C.V.A , هل هو على قيد الحياة ؟!) وصلت السيارة يا كرام وطلبنا من الممرض يروح برفقة المريض الى حلب في سيارة الاسعاف للنفخ في جهاز الأمبو كإسعاف أولي في التنفس بس الممرض رفض(ملاحظة:السيارة غير مجهزة بفريق طوارئ) لما سألنا الممرض (ليش) ........ قال تبت أطلع بسيارة الاسعاف من الحادث اللي صار معي المرة الماضية , لما راح مع مريض احتشاء عضلة قلبية في اسعاف سابق من الباب الى حلب فقلبت السيارة وتوفى السائق وتوفى المريض ومرافقته وتكسر الممرض وتم معاقبته بسبب صعوده بسيارة الاسعاف بدون تكليف رسمي .
بالله عليكم يا أخواني الكرام مو كتير عليه يسموه مشفى الباب الوطني بالأحرى عليهم يسموه مستوصف الباب الاسعافي على أساس المشفى لما افتتح كان مجهز باحدث المعدات وكادر طبي مميز ولما رحنا عليه شفنا الغرف فاضية والمعدات ليس لها وجود والكادر الطبي يتألف من طلاب سنة أولى في الاختصاص يتم ندبهم لمشفى الباب الوطني بالرغم من عدم كفاية المعلومات لديهم لتغطية الحالات الاسعافية وهالطلاب عبيتعلموا بالشعب من دون طلاب في سنوات اعلى(تانية او تالتة او رابعة ) او اخصائيين يشرفوا على عملهم اثناء المناوبة .
مع العلم انو هؤلاء الأطباء المقيمين في هذا المشفى عبيطلعوا مساكين الى المشفى على حسابهم الشخصي بدون مواصلات مؤمنة من قبل وزارة الصحة ( يعني ياللي عبتعطيهم يا وزارة الصحة باليمين عبتخدوا من الشمال واكتر )
تأمل فليرعاك الله..................
الى اللقاء مع الحلقة القادمة من اسبوعيات مشفى الباب الوطني ............

شو قصة هالمنتدى الكل عبقدم شكر
طيب شكرا
بس ما في حدا بدوا يقدم ملاحظات عشان نكمل المسلسل

والله هدا الوضع هيك بالمستشفيات العملاقه كمشفى حلب الجامعي وغيره فما بالك بمشفى الباب وهو حسب ما بعرف جديد وطاقمه ناقص
على قد لحافك مد رجليك

يعطيك العافيه وبانتظار المزيد

تحياتي

أنا شخصياً زرت مشفى الباب و فعلاً الوضع سيئ
الأخصائيين جيدين و ذوي سمعة حسنة لكن كأي مشفى بسوريا لا يبقى أخصائي للاسعاف مساء
بالنسبة للتجهيزات فهي رائعة و حديثة لكن غير متوافرة يعني يا تلاقي جهاز بالكرتونة لكن.... تنقصه قطعة ما؟؟؟
أو أنه لا يوجد شوفير عليه .... يعني ما بيعرفو يستعملوه
و الأمر من ذلك ..... أجهزة مخصصة لمشفى الباب لا تريد الادارة استلامها؟؟؟؟ الله أعلم عن السبب ؟؟؟ قد يكون للحفاظ عليها جديدة؟؟
بالنسبة للمقيمين فقد التقيت بأطباء مقيمين من الأولى و حتى الرابعو و الخامسة أيضاً و الزميل مخطئ في ذلك حيث أنه صدر قانون كل مقيم يتقدم لفحص الكولليكيوم و لا يوفق ينتقل فرزه للريف بالتالي هناك كم جيد من الأطباء على أبواب التخرّج.

وأخيرا في حدا شارك بهالموضوع
وبعد الشكر الموجه الى strage بحب اقلو انو صحيح في طلاب سنة رابعة وخامسة وثالثة مفروزين للمشفى بس للأسف الشديد
هدول الطلاب عبدبروا راسن وما عبداوموا الا يوم بالكتير بالاسبوع
يعني من الجمل عبيخدوا ادنوا

دا ركود من هون