خدعة الـ 419
The 419 scam

مين تعيّد هالسنة؟
أنا على سبيل المثال تعيدت مليون باوند بريطاني .. بس
(هههه ... مليون باوند بالأحلام )

طيب .. حدا أجاه شي مرة إيميل من مجهول (أو مجهولة) بيوعدكم فيه بمليون باوند أو دولار، على أن يصرف في أعمال الخير – مثلاً ؟ أو شيء من هذا القبيل؟
لا تردوا عليه ... هادا عالغالب خدعة الـ 419 ..

ما هي خدعة الـ 419؟
يرجع تاريخ هذه الخدعة إلى الثمانينات من القرن الماضي، حين بدأ اقتصاد النفط في نيجيريا بالانهيار فاستعمل بعض الطلاب الخريجين الذين لم يجدوا عملاً هذه الحيلة لخداع رجال الأعمال الغرباء الذين يأتون لنيجيريا، ثم امتد نشاطهم ليشمل رجال الأعمال في أوروبا ومن ثم الأناس العاديون من مختلف أنحاء العالم..
تبدأ الخدعة برسالة يلعب فيها المرسل دور شخصية وهمية معينة، كأن يمثل دور زوجة أحد الرؤساء الأفريقيين أو الإندونيسيين السابقين، أو دور شخص غني جداً يحتضر، أو أنه أحد التجار الأجانب وقد أودع ماله في أحد البنوك قبل أن يموت في حادث تحطم طائرة .. والعديد من القصص الأخرى المماثة. ويَعد الضحية بأنه سيحصل على مبلغ ضخم من المال إن ساعده في مهمة ما أو حتى أحياناً دون مقابل كأن يصرفها في أعمال الخير بعد موته (موت المرسل – الشخصية الوهمية) .. وهكذا.
فإذا استجابت الضحية، يبدأ المرسل بإرسال بعض الوثائق التي تؤكد مرضه أو امتلاكه للمال أو ما شابه (حسب القصة المخترعة) لكي يقنع الضحية أكثر بواقعية القصة، ثم تبدأ اللعبة ..
تتأخر عملية إرسال المال إلى الضحية، ويتذرع المرسل بأنها عقبات بسيطة تمنع الأمور أن تتم مثلما كان متوقع لها، كأن يزعم بأنه يجب عليك أن تمتلك حساباً في البنك برصيد لا يقل عن 10000$، أو أن العملية لا يمكن أن تتم دون رشوة موظف البنك ويطلب منك رفع الرشوة .. إلخ. ويستمر مسلسل الوعود الكاذبة وطلب القروض البسيطة من الضحية وهكذا ..

معظم هؤلاء المخادعين يعملون بشكل محترف، ولديهم مكاتب وأرقام فاكس وحتى أحياناً معارف في جهات حكومية، وبالتالي فعندما يحاول الضحية أن يتأكد من هوية المرسل أو صحة الوثائق المرسلة فإنه يجدها واقعية تماماً..

وبالمناسبة، سميت هذه العملية "بخدعة الـ 419" استناداً إلى المادة 419 في قانون الجنايات النيجيري والذي يحارب هذا النوع من الجرائم، ولها تسمية أخرى: "Advance Fee Fraud" ..

للاستزادة:
Advance fee fraud – Wikipedia

هناك بعض المواقع التي تختص بالحديث عن خدعة 419 وأساليب أصحابها..
وهذا مثال عن رسالة مع الوثائق المرفقة ..
http://419.bittenus.com/more/AnneMarieJoubert.htm

النيجيريين هم أكثر من يمارسون هذه الخدعات ... وهناك الكثير من الضحايا بيقعوا ..

أنا بس شفت في الإيميل إنه واحد بده يعطي فلوس ... بحذفه .. شو هالكذب مين بده يعطي مصاري للعالم

وهذا هو نص الإيميل الذي تلقيته :

Dear beloved,i
I am Mrs.Anne Marie Joubert, a Greek citizen. I was married to late John Philips Joubert who died during the military strike on Iraq,being at the time a US Army contractor in Iraq. Fatally hit by stray bullet, he died on Monday, 31 July, 2006 in Iraq. We were married for eleven years without a child before his sudden death.i
A little after my husband died,I was taken critically ill and when diagnosed to determine the cause of illness,my doctors told me that I have an acute cancer and would certainly die after 3 months.i
Further,before my husband died,he deposited the sum of One Million Pound in my account,which has not been operated for a long time now since I became ill. And now,knowing my hopeless and helpless health condition, I have decided to donate this fund to better the lots of the less-privillged,hence I'm in dire need of an honest and trustworthy person with whom I would entrust this fund for use for charity causes,such as funding religious organisations,orphanages and the less privilled, as my last mark of service to God.I have decided to do this because our marriage produced no child and my husband's relatives have been hostile to me since I got married to their brother and even up till now and so I can watch them take over my well-deserved inheritance. Each passing day increases my fear of impending death and I can wait to carry out my charity plans.I just pray that after my death I should find myself in the bossom of the lord and have everlasting peace,as written in Exodus 14:14.i
As soon as I got your reply,I shall provide you my bank's contact so you can contact them and process the transfer of the fund into your account.To legitimize your claim over the fund,I will issue you power of attorney as the person I have elected to inherit my deposit at the bank.Finally,always pray for me and do not delay as such will lead to my sourcing for someone else.All the best as I await your reply.i
Yours sincerely,i
Mrs.Anne Marie Joubert

رديت عليها بإيميل سألتها فيه كيف عرفت إيميلي وليه اختارتني بالذات ووثقت فيني ...
(طبعاً بكل طيبة وسذاجة )

فردت علي بإيميل تاني جاوبت فيه على أسئلتي أجوبة فض عتب، وعطتني اسم البنك اللي لازم أستلم المبلغ منو وحتى رقم حسابها فيه ..
ولما بحثت بالإنترنت على اسم البنك طلع موجود بالفعل وإله موقع نظامي وعملاء !!!

بس لما بحثت عن اسم المرسلة بالغوغل ....
طلعتلي كمشة من المواقع من بينها الموقعين اللي ذكرتهم بمشاركتي السابقة

خدعة سخيييفة
وشكراً جزيلاً لأماريل عالمساعدة

من شي سنتين وصلتنا هيك رسالة بالبريد...بس بوقتها كنا عل حسبة "ربحانين" (بس ما بعرف بشو) و هنن " اختارونا من بين مدري كم مليون شخص" و من هل حكي و متل ما عم تقول طلبوا رصيد بنك معبأ و دفع اتعاب الموظف يلي عم يتابعلك أمرك...
بعد شوية غووغل عنون انكشفوا على حقيقتون...

ليش قلبكن قاسي...المخلوقة بدا تترك عمل صالح يشفعلا بعد موتا

الكترو نعيش و نتعلم غيرا من الخدع الجديدة ...و شكرا الك ..انا ما عملت شي يذكر

أنا بس شفت في الإيميل إنه واحد بده يعطي فلوس ... بحذفه .. شو هالكذب مين بده يعطي مصاري للعالم

اقوال اعجبتني

لك ييييييييييييييييييييييييه ....اديش بيوصلني منن ايميلات....
كل يوم شي 4-5 ايميلات....حاسس حالي رجل اعمال كبير........

وشي بيقولولي مليون باوند...وشي مليونين دولار.....
وشي انن من نيجيريا...وشي من ساحل العاج....

بس على هامان يافرعون....

أحلى شي ..............
مرا أجاني طبعا نفس الشي أني ربحت كمان مليون جنيه استرلي
بس من وين... من شركة الياهو بذاتها..
و أنو انتخبوني من بين مليار مشترك عندهم...حسيت حالي كبير كتير ساعتها ....
و الأغبياء اللي باعتيلي الرسالة طالبين مني ردلهم الأجوبة عن معلوماتي الشخصية على أيميل لشركة AOL .. المساكين ربحوني من الياهو و أيميلاتهون من الـ AOL ....
فأي غبي ممكن ينخدع فيهم

يا حبيبي ، حدث ولا حرج ...............بيوصلني كل يومين إيميل بيحكي عن هالشي ، وبالأخير ما عاد دخلت لهداك الإيميل ، وتركتو وما عاد رجعتلو يمكن وصل عدد الرسائل مليون رسالة .

بس اللي يخليني أجن إنو مرة قالولي إنو أنا ربحت 20 مليون جنيه استرليني ، العمى شو هاد ؟؟؟؟؟؟؟؟؟

بتعرفو ليش ؟؟؟؟؟؟؟؟؟؟؟

قال لأنو اسم إيميلي عجبهم للجنة اللي اختارته على أنه أفضل اسم للإيميلات .............

ممكن يكون هالشي صحي

السلام عليكم

إليكترو بيومها لما حكيتلي عن موضوع الإيميل .. وانك بدك ترد عليها وكذا ... ما فعلت أقلل من شأنو مشان أشوف ولو انسان واحد إذا رد عليهون شو بيصير .

كتير بياخة ........... ومنها كتير عالنيت وعالحقيقة. خصوصي بدول أوروبية.
يعني بتحس عم يدوروا عالضحية تدوير ... ومليانين بكل محل بشتى الوسائل الممكنة
عالبريد الالكتروني أو العادي أو بالشارع أو حتى بالجامعة
وآخر الشي هلئ موضة جديدة عالموبايل بس مو من هالطراز !
بيجيك اس ام اس: هاي أنا كتير مستعجل وما ضل معي مصاري بليز شرّجلي موبايلي وأنا ببئى برجع بحاكيك.
أنا بستغرب اذا حدا ركض يشرج عن جد .. بس الأنكى أن ماما كلما استلمت هيك رسالة بتتصل فيني بتقلي: انتي بخير ؟



والسلام عليكم

أنا كان عندي قريب من نفس العيلة بساحل العاج عندو منجم ذهب، عمل حادث سيارة هو ومرته وولاده وماتو كلن.
والمحامي المخلص كان عم يحاول يلاقي حدا من العيلة ليبعت التركة إله، والزلمة بعد عناء وجهد جهيد لقاني عن طريق الأنترنت.
طبعا انا ماني بحاجة المصاري، قال منجم ذهب قال، مافي شي محرز من شان هيك ماعزبت حالي وريديت عليه حتى

عندي تعليق بسيط على الشغلة، انه بالأضافة إلى الشي اللي قاله الكترو انهم كمان بيستخدمو هالخدعة بعملية غسيل المصاري، إذا ا لشخص كتير كان مغفل وبعتلن المعلومات الخاصة، الاسم الكامل والعنوان رقم الهاتف و هيك يعني، ممكن حتى بالنهاية يبعتو المصاري لهذا الشخص، وبعدين بيجو لعندو وبقولوله هات المصاري بياخدو منه المصاري بالقوة، طبعا الغاية مثل ما قلت عمليه غسيل للمصاري وبيكون هذا الشخص هو الأداة.
مثل ما كان مكتوب بالرابط الثاني، انهم ممكن يكونو مجرمين منظمين ولهم فروع بالدول وحتى انهم يكونو مدعومين من ناس إداريين ممكن يسهلولن عملن.
وكمان إذا لاحظتو كان في شغلة ثانية مكتوبة وهي
If you received a similar letter, please ignore it. Do not answer it. If you do, you will end up on more of the mailing lists used by the criminals behind this fraud.
من شان هيك من المفروض ماحدا حتى يفكر يتسلى ويبعتلن رد لأنه بعدين بيعلق.
سلام