بات الوضع الطبي في بعض جوانبه الاجتماعية غريب الأطوار وتحصل فيه أمور أقل ما يمكن أن يقال عنها إنها أشياء لاتصدق فقد تشكلت شبكات من السماسرة العاطلين عن العمل والذين وجدوا لأنفسهم طريقة مبتكرة للحصول على المال تقوم على مبدأ الاتفاق مع عدد من الأطباء الاختصاصيين بأن يحضروا لهم المرضى وهم بدورهم أي الأطباء يقومون باعطاء السمسار أو الوسيط الذين أحضر المريض مبالغ تتراوح بين 3000-10000ل.س على المريض الواحد وذلك حسب دسامة العملية وما اذا كان المريض سيدفع بالسوري أم بالدولار.‏

منذ يومين صادف اللقاء مع السيد معتز الخطيب وهو يعمل سائق تكسي أخبرني أنه يتعامل مع بعض أطباء العينية والجراحة العامة الذين يعطونه 4000 ل.س على كل مريض سوري و 7000 لغير السوري وأردف معتز قائلا: أصبحت لا أجد وقتا كافيا للعمل على التكسي بقدر ما تجدني هنا وهناك أبحث عن المرضى الذين يرغبون في إجراء عمليات جراحية, في الأسبوع الماضي أمنت 9 مرضى 5 منهم أجروا عمليات عينية وثلاثة مرارة بالتنظير والأخير تفجير حصية في الكلية.‏

- السيد فراس بدر قال: سجلت في مكتب الدور في وزارة الشؤون الاجتماعية والعمل منذ سبع سنوات أملا في الحصول على وظيفة مشرفة لكن يبدوا أنه (حلم إبليس بالجنة) ولذلك وجدتني تارة أعمل في البلاط وتارة أخرى في البناء ومعها أعمال مجهدة أخيرا استطعت مع ثلاثة من أقاربي أن نصنع مجموعة تجوب في المناطق المختلفة خاصة المكتظة بالسكان لنعرف من يريد إجراء طبابة أو عمل جراحي أو أشعة رنين مغناطيسي وأي مريض نحصل عليه نتقاسم المبلغ بالتساوي الحمد الله تمر علينا شهوراً الآن نستطيع فيها تحصيل أضعاف ما يحصله موظف حكومي.‏

الآنسة تغريد رجب قالت: بدأ الأمر معي من خلال سؤال إحدى الجارات لي عن طبيب عينية معروف بمهارته فما كان مني إلا أن تحدثت لها مع طبيب أعرفه فبادرني بالقول: إبحثي لي عن المرضى بطريقة جدية وسأعطيك مبلغا محترما على كل شخص تحضرينه إلي راقت لي الفكرة خاصة أنني من دون عمل ولا أدري إن كنت في يوم من الأيام سأستطيع الحصول على وظيفة بعد عمر طويل وبدأت من خلال شبكة من الاصدقاء والمعارف أقوم بذلك وتعددت قائمتي من الاطباء الذين أخذت أتعامل معهم ولا أخفيك بأن عدد الاطباء المتعاقدين مع وسطاء للمرضى أمثالنا رقم لا يستهان به أبدا لقد وجد الاطباء والوسطاء بهذه الطريقة ضالتهم بالحصول على عمل قد لا يأتي اليهم من تلقاء نفسه الحل الوحيد العمل بالمثل القائل ( الذي لا يأتي إليك اذهب أنت إليه).‏

د.حامد عبد الكريم قال: أنا اختص عينية الآن في السنة الأخيرة تعاقدت مع مشفى خاص وصدمت منذ اليوم الأول حيث وجدت أن العديد من الاطباء الذين يأتي اليهم المرضى عن طريق الخطأ أو يطلبون معالجات جراحية بينما يكونون هم اطباء داخلية وليس جراحة وحتى لا يطير المريض من بين أيديهم يتفقون معه على إجراء العملية الجراحية ويرسلونه إلى المشفى وعندما يتحمس أهل المريض ويهرعون خلف العربة التي تجر المريض إلى غرفة العمليات يجدون أن الطبيب الذي اتفق معهم على العمل الجراحي قد تسربل ثوب العمليات ودخل أمام عربة المريض وطلب من الأهل أن يقفوا خارجا لينتظروا بينما هو ( أي ذاك الطبيب) يدخل إلى غرفة العمليات ليجلس جانبا ( بعد أن يطمئن الاهل الواقفين خارجا بالقول إنشاء الله كل شيء سيكون بخير بينما يكون الجراح الحقيقي الذي سيجري العملية متأهبا للقيام بعمله مع طاقمه الطبي وقد اتفق مع الطبيب الذي أحضر المريض على تقاسم أرباح العملية ولتكتمل التمثيلية تنتهي العملية ويخرج الطبيب الذي تعاقد مع المريض خلف عربة المريض (الذي يكون بالكاد بدأ يصحو من البنج فهو بالطبع لم ير شيئاً لامن كان جالساً ولامن عمل حقا وأعمل مبضعه فيه) وليلاقي الأهل بابتسامة عريضة قائلا لهم: (عملنا ما علينا والباقي على الله.. الحمد لله على سلامته) يقولها بطريقة وكأنه هو من أجرى العمل الجراحي وتابع د. حامد لن أنسى هذه الصورة التي صدمتني منذ يوم تدربي الأول في ذاك المشفى وقلت في نفسي ألهذه الدرجة بلغ النفاق والدجل ولذلك تجدني لا استغرب وجود سماسرة يحضرون المرضى للاطباء اذا كان بعض الاطباء انفسهم يعملون سماسرة وعاقدي صفقات أمام بعضهم البعض الفرق الوحيد بين السمسار العادي والسمسار اذا كان طبيبا أن الأخير لن يقبل ببضعة آلاف بل سيطالب بالنصف على أقل تقدير.‏

وفي لقاء مع نقيب أطباء سورية د. أحمد قاسم سألناه عن هذه الظاهرة وموقف النقابة منها فقال:‏
نستغرب ونستهجن لجوء بعض الاطباء لهذه الممارسات الطبية المنافية لاخلاقيات المهنة والعمل الشريف وأقل ما يمكن أن يقال عنها إنها (سمسرة) حقيقية ونحن كنقابة نرفضها بشدة لما فيها من توجيه غير مشروع للمريض تجاه أطباء معنين مما يحول مهنة الطب إلى عمل تجاري بحت يفتقر لأبسط أفعاله الإنسانية السليمة وهذه الدعاية الغير مشروعة التي يمارسها البعض عبر سماسرة يجوبون المناطق لإحضار المرضى إلى طبيب معين نعاقب عليها بشدة حالما تصلنا أي شكوى حولها وأما أن بعض الاطباء غير الاختصاصيين أو المختصين بالداخلية يوهمون المريض أنهم هم من يعملون له العملية فعقوبتها شديدة وفيها احتيال واضح على المريض وعلى القانون معا فلا يمكن لغير الجراح إجراء عمل جراحي وأما الخطر المحيط بهذه المشكلة من جهة أخرى فيتمثل بنوعية الإجراء المتخذ والموقف المحرج الذي يضع طبيباً يستعين بآخر خفية عن الأهل عند حصول اختلاط معين للمريض أو عارض تابع للعمل الجراحي وهنا اذا ما حاول ذلك الطبيب التملص من المعضلة سيجد نفسه مدانا قبل أي أحد آخر لأنه هو من اتفق مع المريض على كل شيء وطالما أن الأخير وجه أصابع الاتهام اليه فلن يعفيه كونه لم يتدخل بالعمل الجراحي على الاطلاق.

موسى الشماس: الثورة

حكي فاضي
ما في هيك شي ... ممكن عم بصير بحالة او حالتين بس أتحدى أنو يكون صاير بهالمجال الواسع.
أصلاً الحق علينا أنو عم نعطي الصحافة فرصة تساوي الدكاترة علكة بتما

المشاركة الأصلية بواسطة ammour444

حكي فاضي
ما في هيك شي ... ممكن عم بصير بحالة او حالتين بس أتحدى أنو يكون صاير بهالمجال الواسع.
أصلاً الحق علينا أنو عم نعطي الصحافة فرصة تساوي الدكاترة علكة بتما

شوف هادا الحكي بيعني أنك جاهل بالوضع تماما مع احترامي إلك بس بكرا بتطلع عالمشافي و بتشوف
لأنو أنا بالذات صارت معي بمشفى الأسد الجامعي بتشرين... حيث تفاجأت أنو طلاب الدراسات بالجراحة العامة... متعاقدين مع واحد أو أكتر مشان يجيبولهون المرضى بس الأسعار كتير قليلة...(لأنو طلاب الدراسات فقراء نسبيا ولسا عم يتعلموا)
و الرجل اللي بيجيب المرضى أجا ليتعرف علينا لأنو نحنا طلاب سنة أولى و جدد مشان نتعود عليه عأساس أنو رح يلزمنا بالسنين الجاية... و بلش يحطلنا الأسعار ... الزائدة 200ليرة... المرارة 500... الفتق 300.... الدوالي؟؟؟؟...
طبعاً هوي بيكون مشخص المريض كأنو شي دكتور أو عبر دكاترة تانيين؟؟؟؟
بس بالصراحة كمان نحنا انصدمنا بهالشي برغم أنو هالشي بمشافي الدولة و مو بمشافي خاصة كمان...
و لا تقول كمان أنو الأطباء رح يصيرو علكة بتم الصحافة......
لأنو الساكت عن الحق شيطان أخرس...
فتصور يارعاك الله....

هل الكلام مزبوط
وعلى فكرة حتى بين الاطباء للأسف خاصة اطباء الاشعة يعني بيشتري جهاز الرنين أو السي تي و بعدين لكل دكتور بيبعت المرضى الو حصة
مرة تانية للاسف

لسع شوفو أطباء الجراحة اللي عم يعالجو حالات داخلية ( مرق علي جراح بيهز الأرض مستلم حالة حمى تيفية .........كان عم يعطي المريضة سبع أنواع من الصادات مع بعض وولا واحد فيهن الصاد النوعي للحالة .........وكل مايجي عالفيزيت يستغرب أنو صرلها خمس أيام بالمشفى ......يالله ليش ماعم تتحسن )

موضة الاستشارة ............مثلا أنا جراح عظمية .....وصلتني حالة زائدة ....بحولها لطبيب جراحة عامة ؟؟
لأ طبعا !!!

بقبلها بالمشفى على اسمي ..........حتى أقبض المعلوم ......وبجيب صديقي الصدوق جراح العامة استشارة حتى يعطيني رأيو بالحالة ( طبعا هو رح يشغلها وياخد نسبة من الأرباح ...... ) ورح كون مطمن أنو صديقي هاد رح يستشيرني في كل الحالا العظمية اللي رح تجي لعندو ورح يقبلها متلي .........يعني على مبدأ حكلي لحكللك



وتستمر المهزلة .......

اضافة للقصة اللي حكاها subzero انا شهدت عدة حالات مثلا
دكتورة تخدير مستلمة مريضة التهاب مفصل ورك انتاني و بتطلب استشارة دكتور جراحة عظمية و دكتور مفصلية و الكل عم بيلط من المريضة الافات
دكتور ة داخلية عامة مستلمة مريض صدمة انتانية دخل بقصور كلوي حاد و رغم انو المريض
محطوط على مضختين دوبامين و دوبيوتامين و الكرياتينين 4بتتردد يومين قبل ما تستشير
اختصاصي كلية و اللي وقت بيجي بيضل 3 دقايق بس بيقرا التحاليل و بيقرر اجراء غسيل كلية و ما بيعذب حالو انو يشوف المريض او حتى اهله بس بيهمه يستعير قلم ليضيف 1500 ليرة عال 3 دقايق
جراح بيقرر يستاصل كلية لمريضة بيجيب جراح بولية استشارة رغم انو جراح البولية ما بيشوف انو الاستطباب كافي(كلية صامتة شعاعيا) بيمشيها منشان لا يخجل رفيقه الجراح لالعام ومن شان يتفاسموا الصيدة

المشاركة الأصلية بواسطة basboos

و لا تقول كمان أنو الأطباء رح يصيرو علكة بتم الصحافة......
لأنو الساكت عن الحق شيطان أخرس...
فتصور يارعاك الله....

و لن يغيّر الله ما بقوم حتى يغيروا ما بأنفسهم

هاد الحكي بجوز يكون مزبوط بس ما في داعي ينتشر للعلن أولاً , و أكيد عم بصير على نطاق محدود ثانياً
خلص , ما في داعي صحفي يدخل لهون و يشوف الدكاترة شو عبيحكو عن حالن.
بيكفينا شرشحة و بهدلة و حكي طالع نازل ... أصلاً من ورا كلامكن هاد عم تشجعوا الناس يرجعوا للدجل و الشعوذة .
من غير شي كل ما بيموت مريض عمروا 70 سنة و بيكون معلول و معلعل بينسحب سلاح ع دكتورة بمشفى الجامعة , و كل ما بيموت مريض تاني ع حفة قبرو بيطبلو و بيزمروا بالصحافة بانه اهمال و تقصير طبي..بيكفي بئا
و برجع بئلك ياها أخ بسبوس :

و لن يغيّر الله ما بقوم حتى يغيروا ما بأنفسهم

عوجا
--------------

المشاركة الأصلية بواسطة d.zf

اضافة للقصة اللي حكاها subzero انا شهدت عدة حالات مثلا
دكتورة تخدير مستلمة مريضة التهاب مفصل ورك انتاني و بتطلب استشارة دكتور جراحة عظمية و دكتور مفصلية و الكل عم بيلط من المريضة الافات

دكتور ة داخلية عامة مستلمة مريض صدمة انتانية دخل بقصور كلوي حاد و رغم انو المريض
محطوط على مضختين دوبامين و دوبيوتامين و الكرياتينين 4بتتردد يومين قبل ما تستشير
اختصاصي كلية و اللي وقت بيجي بيضل 3 دقايق بس بيقرا التحاليل و بيقرر اجراء غسيل كلية و ما بيعذب حالو انو يشوف المريض او حتى اهله بس بيهمه يستعير قلم ليضيف 1500 ليرة عال 3 دقايق
جراح بيقرر يستاصل كلية لمريضة بيجيب جراح بولية استشارة رغم انو جراح البولية ما بيشوف انو الاستطباب كافي(كلية صامتة شعاعيا) بيمشيها منشان لا يخجل رفيقه الجراح لالعام ومن شان يتفاسموا الصيدة

بكرا يا دكتور d.zf فرجيني حالك لما رح يجيك مريض و ينزلك من بيتك و يفيئك بنص نومتك مشان بعد ما تسعفه و تعالجه يئلك "روح هويا ماني دافع" ... وقتا رح تقتله ؟ رح تدبحه ؟؟؟ و ما تقعد هلأ تئلي أنو مهنتنا مهنة انسانية .. لأنو السمان مهنته انسانية بس ما بيحترما لما بيغشك بالميزان , و بياع الفلافل مهنته انسانية لأنو عم بيطعميك بس كمان بينسا انسانيتو لما بيطلع من التواليت و ما بيغسل ايديه و بينقلك أحلى جراثيم تيفوئيد , و بياع السحلب كمان مهنته انسانية بس كمان ما بيحترما لما ما بيكون غيلي الحليب و بينقلك المالطية ....
بس لأنو الأطباء هنن راس البلد لذلك بينحكا عليهن و مستهدفين بكل وسائل الاعلام المقروءة و المسموعة ..
و اللي بيحز بالقلب أكتر أنو بيطلع أطباء مننا بيصيرو بيحكو عالأطباء , حتى لو كانوا الأطباء مقصرين ما لازم نفتح صفايحنا السودا ئدام مين ما كان (متل ما منعرف مو شرط يكون العضو هون طالب بكلية الطب).
بس نحنا مو شاطرين غير بالحكي على بعض و نقل الحكي عن سين و جيم ..
لا حول و لا قوة إلا بالله

بكرا يا دكتور d.zf فرجيني حالك لما رح يجيك مريض و ينزلك من بيتك و يفيئك بنص نومتك مشان بعد ما تسعفه و تعالجه يئلك "روح هويا ماني دافع" ... وقتا رح تقتله ؟ رح تدبحه ؟؟؟ و ما تقعد هلأ تئلي أنو مهنتنا مهنة انسانية .. لأنو السمان مهنته انسانية بس ما بيحترما لما بيغشك بالميزان , و بياع الفلافل مهنته انسانية لأنو عم بيطعميك بس كمان بينسا انسانيتو لما بيطلع من التواليت و ما بيغسل ايديه و بينقلك أحلى جراثيم تيفوئيد , و بياع السحلب كمان مهنته انسانية بس كمان ما بيحترما لما ما بيكون غيلي الحليب و بينقلك المالطية ....
بس لأنو الأطباء هنن راس البلد لذلك بينحكا عليهن و مستهدفين بكل وسائل الاعلام المقروءة و المسموعة ..
و اللي بيحز بالقلب أكتر أنو بيطلع أطباء مننا بيصيرو بيحكو عالأطباء , حتى لو كانوا الأطباء مقصرين ما لازم نفتح صفايحنا السودا ئدام مين ما كان (متل ما منعرف مو شرط يكون العضو هون طالب بكلية الطب).
بس نحنا مو شاطرين غير بالحكي على بعض و نقل الحكي عن سين و جيم ..
لا حول و لا قوة إلا بالله[/quote]


والله انا منصدم كتير كتير.....
للأسف الشديد أنا أقرأ هذه الاسطر ومستحي من حالي إني دكتور...لعمى....معقول أنو الواحد منا بيشتغل مع السماسرة....طيب لشو؟....وشو نهاية هيك طبيب؟
أنا بعرف شغلة وحدة..مهنة الطب مهنة إنسانية بحتة...وكل واحد مو قد هالمهنة, علما وعملا راح يجي اليوم اللي يوقف فيه ويضل عالحديدة...طبعاً بعد فوات الأرواح.

بكرا يا دكتور d.zf فرجيني حالك لما رح يجيك مريض و ينزلك من بيتك و يفيئك بنص نومتك مشان بعد ما تسعفه و تعالجه يئلك "روح هويا ماني دافع" ... وقتا رح تقتله ؟ رح تدبحه ؟؟؟ و ما تقعد هلأ تئلي أنو مهنتنا مهنة انسانية

أي ما مناخد منو مصاري......وخاصة أذا ماعندو....هاي مو بس من أخلاقيات المهنة المتعارف عليها ..أنما من حسن الخلق أيضاً.........

و ما تقعد هلأ تئلي أنو مهنتنا مهنة انسانية

أي مهنتنا أنسانية أولاً وأخراً...والمصاري بتجي بالنص...

ضربولي ياها مثاليات الشباب ...و كل واحد عم يتفنن بالمثاليات اللي عم يطالعها
يا الله بكرا افتحوا عياداتكن تكيات .. هيك أحسن ...
منضل عرب .. لو شو ما صار ... بس شاطرين بالحكي و المثاليات ... بس بكرا لما رح يجد الجد رح تعملوا أكتر من اللي مكتوب فوق.
سيدي بكرا منشوفكن ...
بالنسبة للأخ dilo أنا أكيد ماني موافق ع فكرة السماسرة و أكيد هوو ضرب بصميم شرف المهنة بس أنا اللي عم ئوله : مافي داعي ينتشر هالحكي ..