السيد مدير الصحة ( التأهيل – العاملين )

تحية طيبة:

ستعلن وزارة الصحة قريباً ( منتصف الشهر العاشر ) عن المفاضلة العامة 2008 للتعاقد مع السادة الأطباء و الصيادلةللإقامة بقصد الاختصاص . ( إعلان الأخصائيين و العامين للعمل في المشافي أو المراكز في شهر 11 )

·يمكن للمتقدم أن يسجل حتى 7 رغبات .

·ويمكن التقدم إلى عدة محافظات في استمارة واحدة .

·يتم تحديد خيار الترشح لشهادة البورد العربي في استمارة المفاضلة .

·يمكن حسب نظام الإقامة الجديد تسجيل رغبات للاختصاص الدقيق مباشرة من الطب العام.

·يطلب الوضع العسكري من المتقدمين للإقامة : - جميع الأوضاع مقبولة ما عدا :

- المتخلف عن السوق فلا يمكن منحه الترخيص المؤقت .

- المتقدمون ضمن الخدمة الالزامية يتم طلب إيقاف الخدمة الالزامية عند القبول .

·يطلب معدل الاختصاص من الأخصائيين المتقدمين للإقامة بقصد الاختصاص الفرعي :

40% من معدل التخرج + 60 % من معدل الاختصاص الرئيسي .

·يسجل أبناء المناطق النامية رغباتهم إلى المناطق النامية مع امكانية تسجيل رغبات أخرى إلى المحافظات(ولا يستفيدون من علامات المناطق النامية إلا في رغبات المناطق التي ينتسبون إليها).

·يمنح أبناء المناطق النامية ( و المحافظات النامية ) 6 علامات .

·يمنح أبناء الشهداء 4 علامات .

·يمنح أبناء العاملين في وزارة الصحة علامتين .

·يمنح أبناء ( الأطباء و الصيادلة ) علامتين .

·يمنح أبناء ( الأطباء و الصيادلة العاملين في الوزارة ) 4 علامات .

·شرط العمر : مواليد 1/1/1972 وما بعد

·مواليد 1/1/1968 وما بعد ( للمقيم الفرعي- لأطباء المراكز على راس العمل - للرغبات التي تخدم أهداف الوزارة )

·شرط المعدل إقامة بشري – صيدلي 59.5 (55 للرغبات التي تخدم أهداف الوزارة)

إقامة أسنان 65

إعلان الأخصائيين والعامين

·يطلب معدل الاختصاص من الأخصائيين المتقدمين:

40% من معدل التخرج + 60 % من معدل الاختصاص الرئيسي .

-إعلان المفاضلة للأخصائيين والعامين في شهر 11

-الحد الادنى لمعدل اطباء الاسنان العامين للمراكز 65

-7 رغبات مع دمج الشرائح ( عام مراكز + أخصائي مشفى + مركز )

وشكراً

/ 10 /2007

مدير التأهيل والتدريب الطبي

هاتف + فاكس951 11 22 / 11 / 963 ++

دمشق المجتهد مجمع الباسل التعليمي Ministry of Health Qualification

موقع الوزارة على شبكة الإنترنت WWW.MOH.GOV.SY

عنوان البريد الالكتروني للوزارة health-min@net.sy

عنوان البريد الالكتروني للتأهيل uq.dir@moh.gov.sy

الدكتور معن حيدر

--------------
http://www.moh.gov.sy/arabic/ads/mou...adala_2008.doc
http://www.moh.gov.sy/arabic/ads/mou...39;s_offer.doc
http://www.moh.gov.sy/arabic/ads/mou...structions.doc
http://www.moh.gov.sy/arabic/ads/mou...a_hospital.doc
http://www.moh.gov.sy/arabic/ads/mou...speciality.doc
http://www.moh.gov.sy/arabic/ads/mou...ents/t3mim.doc
http://www.moh.gov.sy/arabic/ads/mou...ab_takleef.doc
--------------

لكن الغريب في كل هل اعلان الطويل العريض انو ما زاكرين موعد بدء وانتهاء التسجيل على المفاضلة ووين بيتم التقديم بالوزارة في الشام ولا الواحد فينو يسجل في مديرية الصحة الأقرب لمكان اقامتو ....مو غريب ؟؟ في حدا بيعرف ايمت بيبلش التسجيل وايمت بينهتى بالعادة ووين ؟؟ بعدين انا سمعت بالعادة بيطلبوا لا حكم عليه هالسنة مو طالبين بين الأوراق الثبوتية لا حكم عليه؟؟

بدي خبركون شغلة يا شباب يمكن تتفاجؤوا أو ما تصدقوا حتى .... هادا أول ما نزل اعلان المفاضلة كان بالزبط متل ما نقلتلكون ياه مع الملفات اللي حطيتلكون رابطا ...وفعلا متل ما زكرت انو رغم كل المعلومات المطولة اللي حاطينا ما كانوا حاطين موعد بدء التسجيل ونهايتو وبأي مكان بيتقدم الطلبات ..فرحت بعتلون ميل على العنوان اللي حاطينو بأحد هل الملفات ولفت نظرون لهل الشغلة وكنت عن جد ما متوقع ابدا انو حدا يقرأ ايميلي او على الأقل ان قراه ما يتغير شي ...المهم بعد حوالي ساعة ولا برد بفوت على موقع وزارة الصحة ولا بلاقي ضايفين فيه ملفين جدد هههههههه!!!! تصوروا يا شباب والله ...ضايفين ملفين جدد الاول اسمو إعلان المفاضلة العامة لقبول مقيمين بقصد الاختصاص لسنة 2008 وهاد الرابط تبعو http://www.moh.gov.sy/arabic/ads/mou...nnaunsment.doc
وفيه رح تلاقو بثانيا موجود فيه تاريخ بدء التسجيل وتاريخ الانتهاء وتاريخ بدء الاختصاص والتاني اسمو التعليمات التنفيذية لمفاضلة الاقامة بقصد التخصص
ورح فرجيكون الميل اللي بعتلون ياه الون
"

السلام عليكم ورحمة الله

لقد راجعت اعلان المفاضلة العامة 2008 للتعاقد مع السادة الأطباء و الصيادلة للإقامة بقصد الاختصاص وقرأته أكثر من مرة على موقعكم الكريم ولم أجد فيه الى ما يشيرعن موعد بدء تقديم طلب المفاضلة ومواعيد انتهاء التسجيل ومكان التسجيل هل هو في وزارة الصحة أم في في مديريات الصحة في المحافظات؟ ولا حتى عدد المقاعد المطلوبة لكل اختصاص في كل محافظة ...نرجو أن يتم اضافة التعليمات التنفيذية عن كيفية التسجيل والوثائق المطلوبة ومواعيد بدء وانتهاء ومكان التسجيل وعدد المقاعد المطلوبة لكل اختصاص في كل محافظة بشكل واضح جلي لأن موقعكم الكريم هو النافذة الوحيدة التي يمكننا من خلالها أخذ المعلومات حول مفاضلة وزارة الصحة نظرا لبعد مكان اقامتنا عن الكلية التي تخرجنا منها وأن يتم ذلك بأقصى سرعة خوفا من انتهاء عمليات التسجيل دون أن نعرف المواعيد النهائية لانتهاء عملية التسجيل ومكانها

وشكرا لسعة صدركم وتعاونكم معنا نحن الاطباء خريجي هذه السنة"

بس والله يا شباااااااااب ماني مصدق ..لك عم نتطور يا جماعة !! لك ردوا على ايميل واتجاوزوا الشغلة اللي لفت نظرون الها ..والله يا شباب اني كتير مبسوط ..هلا حسيت حالي متل كأني عايش ببلد اوروبي الأمور كلها ممكن تمشي من خلال البريد الالكتروني حتى مع مؤسسات الدولة ...يعني عن جد خلص بطلت اختص بالدراسات هههههه اي اذا الدراسات لهلا صرلا اكتر من شهرين عم نستنى ما صدرت مفاضلتا وكل ما سألنا بيقلولنا بأرض هل أسبوع ..ياخي خلص بدي اختص بالصحة والله مبين انها اكتر حضارة ههههههه لا تصدقوا هاه عم امزح

بعدين انا سمعت بالعادة بيطلبوا لا حكم عليه هالسنة مو طالبين بين الأوراق الثبوتية لا حكم عليه؟؟

مو إنت مسجل بوزارة الصحة ؟؟ خلص معناها مقدم لا حكم عليه .. أصلاً ما فيك تقدم على المفاضلة إذا ما كنت مسجل بوزارة الصحة .. بالعكس هاد تطور وقت إللي ما بيطلبو لاحكم عليه مليون مرة ..

أخي الكريم .,,,,,,,,,,,,
لك جزيل الشكر ... و جزاك الله خيرا ....
بس القرار مو موضح الأوراق المطلوبة ..... ؟؟؟؟

لو أنهم مطولين بالون شوي لبعد التكميليه والتعادل الله يصلحهن
يالله كله خير بس ياخصاره هالست ألاف ليره يللي بدهن يعطونا ياهن ولا هالإختصاص المعمق القوي وخصوصا بالجراحه
يالله رح إدعيلكم الله يسفركم لبرا(أمين)

شكرا دوكتور نبوخ على الإعلان
عندي بس سؤال عن المتخلف عن السوق شلون بده يسجل بالمفاضله
شو الحله تبعها؟