أهلا وسهلا بالشباب ومئة ألف بوسة وسلام لكل أعضاء وزوار هالمنتدى الحباب......
رح نبدى بالحلقة التانية من هالمسلسل الحلو ... بس هالمرة رح نترك جناح الاسعاف ومنطير بريشنا لجناح الأطفال...... وخلينا نرافق دكتور( او دكتورة ) وهو بقوم بالزيارات ونشوف شو بدو يصير......
الحلو والشي الكويس اللي صار أنو هالدكتور(أو الدكتورة) (الله يعطيه العافية ) أدى عمله بكل حرص وعناية بهالمرضى الكرام..... وخلص الدكتور من الزيارة ولحقناه و مشينا معه في كريدور جناح الأطفال وهون كانت المصيبة.......
هالكريدور بدل ما يكون نظيف كان فيه قطع لحمة وجبنة متناثرة بكل نواحيه وكأنو هالكريدور ما هو بالمشفى وكأنه بالشارع....... وتابعنا المشي وراء الدكتور وشفنا قطة سودة وكبيرة متربعة بهالكريدور وهي بتخوف الأطفال المرضى وبشمئز منها الأطباء كل ما مروا جنبها ....
بس دكتورنا الكريم كان شجاع وطلب من الممرضين انو ينادوا لعامل النظافة عشان ينظف الكريدور ويطالع هالقطة الحلوة لخارج المشفى ..... بس جواب هالممرضين الكرام بدون تعيين ما كان بايديهم الا انو يقولوا للدكتور أنو يتجاهل الأمر وما يساوي هلأ حالو نظايفي زيادة...........
الدكتور طبعاً عصب وما حب يدخل بمشاكل مع هالممرضين ويسيء لسمعته ...........
بس نحن ما سكتنا ورحنا لعند الممرضين وسألناهن كيف هنن ساكتين عن هالوضع فقالوا كل مانصيح لعامل النظافة بنظف والله يعطيه العافية بس القطة بترجع وتوسخ كل شي ...... وسألناهن ليش القطة ما بطالعوها لخارج المشفى
قالوا: نحن اللي منخلي هالقطة هون بالمشفى عشان تاكل الصراصير وتخلصنا مهنن.........
فيا ترى معقول بمشفى حديث متل هيدا المشفى المزود باحدث الأجهزة المخزنة في الكراتين ما يلاقي الممرضين اللي فيه أحسن من القطة عشان يخلصوا من الصراصير........شو هالجواب المنطقي.....

كينغ بدك تتعود كمان في آثار لقطة في قاعة محاضرات مشفى الجامعة بالطابق الخامس والتالت يعني آثارها واضحة على كرسي الجلد الأسود يالله أنا بحب القطاقيط حلوين وبيضلوا ارحم من الصراصير
بعدين ما بتعرف انو كان في قط بأي مشفى ما بعرف عم يساعد في التشخيص وبيعرف إذا المريض بدو يكلي ولا ينفد

حبيبي مستر ساد
معقول نحن نسكت عهالوضع في المشافي
ونحن كلنا منعرف حكاية الطفل الحلبي اللي مات بسبب تشخيص خاطئ من قبل أطباء المشفى
ومن علامات تقصير المشفى كان وجود قطة سوداء في غرفة العمليات
بس السؤال الذي يطرح نفسه
الى متى سيبقى التقصير في المشافي الحلبية ونحن منسمع كل نهار والتاني انو المشافي عنا كتير كويسة والوضع تمام

هههه
حلوة هالقصة و هالقطة...
يلا بتضل أرحم من الفيران أخونا الملك...
بس أشك أنو القطة تترك قطع لحم بدون ملا تاكلها..هي اللاحة متخومة من كتر الأكل..
يعطيك العافية أخونا... كترولنا من هالقصص أنتو يا أهل الستاجات..ما متلنا..