السلام عليكم

اخواني اطباء المستقبل

اتمنى من الجميع انه يساهم بهذا الموضوع عن المراجع الاجنبيه حيث لاشك انه الجميع يكون في حيره أي المراجع يختار وايها اسلوبه اسهل وافضل لنا

لذلك اتمنى افادتنا
أنا شخصيا ابحث حاليا عن مرجع في الادوية Pharmacology ووجدت الكتابين التاليين:
Pharmacology
المؤلفين: P. Rang & Dale

Basic & Clinical pharmacology
المؤلف: Katzung

اتمنى ابداء رأيكم في هذه الكتب او اقتراح غيرها

تحياتي للجميع

المشاركة الأصلية بواسطة TURBO

بالنسبة للكيمياء الحيوية فعلا اشتريت كتاب Lippincott biochemistry الذي ذكره اخي امين وفعلا طباعة رائعة واسلوبه سهل وملئ بالرسومات التوضيحية لكن اللي مقلقني انه حجمه صغير فخايف يكون ما شامل كل الكيمياء الحيوية !!!

بالنسبه لكتب الـ Review اخي امين اظن انها مختصرة كثيرا وانا اريد التوسع بالمعلومات قليلا فما رأيك

تحياتي لكم

يا أخي الكريم بالنسبة لكتاب Lippicott أظن أنه كافي لا انصحك بالتكبير خشية ان يصيبك الملل خاصة من الكيمياء الحيوية .....فبنصحك انك تقراه ولا توسوس كتير ان شاء بكون كافي ووافي وراح تنبسط بدراسته .........

بالنسبة لكتب ال Review صحيح انها صغيرة بس تعطيك المعلومات الضرورية بسرعة وبطريقة سهلة وبعيدا عن السرد ............طبعا التوسع من المراجع الكبيرة راح يكون أفضل ................انا فقط نصحتك Review اذا بدك تقرأ شي على السريع وتطور لغتك بنفس الوقت وللابتعاد عن الملل .........ولك ان تختار .....


أخوك
أبوعبدو الأصيل

اشكركم اخواني الاحبه على التجاوب
اختي Dr.Nas
شكرا جزيلا على المعلومات المهمة والله يجزاك كل خير

اخي شنكول
انا مستعجل فقط على شراء المرجع بعدين أقرأه

اخي Amin او ابو عبدو
يعطيك العافية على التوضيح وشكرا جزيلا

انا حاليا اقرأ بالفيزيولوجيا Guyton ووصلت لعند القلب وجهاز الدوران وبصراحة ممتعة جدا المادة هي مع اني بقرأها لأول مرة وبالانجليزي!!!

تحياتي

السلام عليكم و رحمة الله و بركاته

طالما أنك اشتريت Guyton فلا بأس أخي توربو مع أنني أظن أن Ganong أحسنلك كمرجع كبير ليش ؟
1- فيو اسئلة اختيار متعدد حسب الأبحاث و هيك بتراجع كل شي أخدته
2- يتوافق بشكل كبير مع مقرر د.ناظم و بالتالي لا تتشوش كثيراً في معلومات هي بالمضمون واحدة و مختلفة في العرض
3- يترابط بشكل كبير جداً مع السريريات و هاد بيخلليك تعرف أهمية الفيزيولوجيا كطبيب
4- يحتوي على أحدث ما توصل إليه العلم في كل شيء انطلاقاً من الجهاز الحوفي و انتهاء بالدوران الدماغي

كيمياء حيوية :
طالما بدك تتوسع و بدون ما يكون حجم ضخم جداً في Harper illustrated بيحتوي على أهم المعلومات في harper Textbookبس بشكل تفصيلي و رسومات أفضل و بدون حشو كلامي

التشريح : برأيي للرأس و العنق في عندك BRS Gross Anatomy و في Snellوكلاهما ممتازين فاختر أيهما تريد

Pharmacology Katzung كتير منصوح فيو بتحب اشتريه مع أنو بفضل أنا Lippincotts illustrated reviews
يعني أنا بالنهاية بحب أعرف من كل مادة ما يهمني لأركز عليه و هاد صدقني بحد ذاته توسع

Histology مالك غير Basic Histology for theoritical point of view and Wheaters functional Histology for practical point of view
و اش بتحب أسئلة كمان أنا بالخدمة

تحياتي
أعتق حلبي
حازم
و السلام عليكم و رحمة الله و بركاته

شكرا لك اخي حازم على النصائح جزاك الله خيرا
بالنسبه للتشريح ايش رأيك اخي حازم وكل الاخوان بكتاب كاننجهامز ؟؟
تحياتي

غير منصوح به نهائياً يحتوي على طريقة العمل في التشريح أكثر من التشريح ذاته

منشان السنة الدكتور نصر بيعطي جزء من العصبية منو لا أكثر فلا كتير تهتم
صدقني الكتب اللي قلتلك عليها بتعطيك اللي بيلزمك تماماً للتشريح
و مع ذلك انت حر
أنا برايي ركز على الكتب اللي بتعملك ربط مع النواحي السريرية

تحياتي
أعتق حلبي
حازم

شكرا عزيزي حازم على الافادة
اصلا التشريح انا ما حبيته كتير مشان هيك ما راح اتعمق فيه كتير
خلينا على كتب الدكتور نصر

تحياتي لك

دكتور توربو
عندما تريد التركيز على التشريح مع أهميته عموماً تذكر أن تنوي في السنوات القادمة أن تختص اختصاصاً جراحياً

عدا ذلك يهمك من التشريح فقط ارتباطاته مع النواحي السريرية
أرى أن تركز على الفيزيولوجيا لأنها صراحة أم العلوم الطبية

تحياتي
أعتق حلبي
حازم

عزيزي الدكتور حازم RWTH
اذا الواحد اختص جراحة راح يركز على القسم اللي اختص فيه مو كل الجسم متل ما بندرس الآن وبننساه كله
بالنسبه للفيزيولوجيا فعلا معك حق كل يوم بقرأ فيها وبيزيد اعجابي بها

وشكرا لك

على فكرة اخواني هل بقي مواد طبية اخرى بالسنة الثانية تنصحوني اشتري فيها مراجع معينة؟؟

تحياتي لكم

شباب صارت وصارت ... مين بيعرف أحسن مراجع للسنة الرابعة (خصوصاً الداخلية؟)