السلام عليكم

اخواني اطباء المستقبل

اتمنى من الجميع انه يساهم بهذا الموضوع عن المراجع الاجنبيه حيث لاشك انه الجميع يكون في حيره أي المراجع يختار وايها اسلوبه اسهل وافضل لنا

لذلك اتمنى افادتنا
أنا شخصيا ابحث حاليا عن مرجع في الادوية Pharmacology ووجدت الكتابين التاليين:
Pharmacology
المؤلفين: P. Rang & Dale

Basic & Clinical pharmacology
المؤلف: Katzung

اتمنى ابداء رأيكم في هذه الكتب او اقتراح غيرها

تحياتي للجميع

السلام عليكم

لقد وجدت مرجع في الفيزيولوجيا اسمه Textbook of Medical Physiology للمؤلفين Guyton & Hall
هذا الكتاب من اشهر الكتب في الفيزيولوجيا ولقد اشتريته ووجدت اسلوبه سلس ومناسب مع اني لم ادرس الفيزيولوجيا بعد لكن فهمت منه بمجرد القراءه
اتمنى تعطونا رأيكم فيه
عدد الصفحات 1064
طبعة عام 2000 (وهي الاخيره)
السعر: $81.95

ولمعلومات اضافيه عن الكتاب يمكن زيارة الموقع
http://www.amazon.com/exec/obidos/AS...668882-3201424


تحياتي

أخ توربو لا تبعّد كتير
حالياً بنصحك تقرأ فيزيولوجيا وكيمياء حيوية
لا تستعجل على الأدوية انتظر للفصل الثاني
لأنك لازم تفهم فيزيولوجيا وكيمياء حيوية أولاً
سلامة

شكرا شنكول على النصيحه
لكن هل تعرف مراجع كيمياء حيويه كويسه؟؟ اتمنى تفيدنا

تحياتي

بالنسبة لمرجع guyton فهو من أحسن مراحع الفيزيولوجيا على الإطلاق ...بس ليش لتشتريه من amazon.com في منو هون بسوريا وأرخص بكتير (لأنو نسخه ايرانية بس الحكي بالانكليزي لاتخاف) الفرق أنو الورق نوعه أخف شوي ..وبيجوز حقه بحدود 2000 ليرة يعني 40$ ...

من أحسن مراجع الكيمياء الحيوية harper على ما أتذكر هيك كان اسمو... تأكد من آخر صفحة من كتاب الحيوية اللي عندك...

اخ توربو :

أشجعك على الخطوة التي تقوم فيها واتمنى لك التوفيق وان شاء اللي بيزرع بحصد .....

فيما يتعلق بمادة الفيزيولوجيا : Guyton كتاب جيد ويوصف بانه من امهات كتب الفيزيولوجيا بالاضافة ل Ganong ولكن يعد كتاب كبير جدا وبما انك اشتريته فتوكل على الله واقرء منه .....ولكن ملاحظة بشكل عام حاول الا تكبر المراجع كتير لأنو بصير تصل لمرحلة ملل وماتحسن تقراه كله لذلك في شي اسمو بالمكتبات( الرواد ) كتب ال Review وخاصة سلسلة ال BRS التي تتمتع باسلوب سهل وممتع وبسيط مع بعض الملاحظات العملية .............أن برأي الشخصي أنها كتير مناسبة لمن يفكر مستقبلا بالفحص الامريكي خصوصا.....

أما فيما يتعلق بمادة الكيمياء الحيوية فمرجع harper لا شك كويس ولكن نعود مرة اخرى لمشكلة الضخامة ......لذلك أفضل الكتاب السهل والكويس واللي هو Lippincott biochemistry بعتقد راح يكون اسهل واوضح

أوافق الاخ شنكول ان تركز الان على مادة الفيزيولوجيا فهي تعتبر من المواد الاساسية وركيزة لكل مادة ستأخذها منستقبلا لذلك حاول ما استطعت ان تبحر في هذا العلم الرائع .......
كتاب KAtzung كتاب ممتاز وحسب ماسمعت عنو من اللي قروه انو اسلوبه كويس وبعتقد حجمه جدا مناسب ولكن تمتع الان مع الفيزيولوجيا ثم اقرأ أدوية ....


وفقك الله اخي الكريم

دعاءك

أخوك
أمين

شكرا لكم اخواني على التفاعل

اخي neil انا لم اشتره من امازون فمعك حق اسعاره غاليه شوي انا اشتريته من السعودية بسعر قريب من اللي ذكرته بس نسخة امريكية

بالنسبة للكيمياء الحيوية فعلا اشتريت كتاب Lippincott biochemistry الذي ذكره اخي امين وفعلا طباعة رائعة واسلوبه سهل وملئ بالرسومات التوضيحية لكن اللي مقلقني انه حجمه صغير فخايف يكون ما شامل كل الكيمياء الحيوية !!!

بالنسبه لكتب الـ Review اخي امين اظن انها مختصرة كثيرا وانا اريد التوسع بالمعلومات قليلا فما رأيك

تحياتي لكم

وجدت كتاب عن الادوية اسمه Pharmacology للمؤلفين: H. P. Rang, M. M. Dale, J. M. Ritter, P. K. Moore, Peter Lamb

والميزة التي فيه هي انه رسوماته كثيره وطباعته افضل من كتاب Katzung لكن لا ادري عن المحتوى
اتمنى لو احد يعرفه هل ينصحنا فيه؟؟
توجد معلومات هنا http://www.amazon.com/exec/obidos/tg...glance&s=books

تحياتي

TURBO
كتير ظريف اهتمامك بالمراجع و رغبتك بالإبحار فيها لحتى تحصل أكبر قدر من المعرفة بالمواد اللي رح تاخدها ... اهتمام ندر تواجده هالأيام ... بحييك .
بالنسبة لمواد السنة التانية فأنا بنصحك تركّز اكتر شي عالفيزيولوجيا و تحاول تقرأها من مراجع و تتوسع فيها كتير لأنو المقرر اللي رح تاخده بالكلية اسمحلي أقلك بخجل ينحكى فيه و بتجي الأيام و بتفهم شو بقصد تماماً ..
الفيزيولوجيا مع الأدوية أهم مواد التاني و ال Guyton اللي اشتريته هو فعلاً من أروع كتب الفيزيولوجيا المتوفرة .. رح تستفيد منه كتير .. خدها مني كلمة .
بالنسبة للكيمياء الحيوية بتجي بالمرتبة بعد الفيزيزلوجيا بكتير .... يعني هي فيها كتير معلومات لازم تعرفا و تحفظا و بتلزمك بعدا بالأدوية و غيرا بس قسم كبير من هالمادة هو لمجرد الامتحان و العلامة و بس ... يعني أكيد ما رح تلزمك خطوات الكريبس سايكل أو الخطوات العشرة لتحلل السكريات أو غيرها بحياتك العملية بالمستقبل ..
بمعنى توسعك الشديد بهالمادة مو لصالحك و خاصة أنو كتاب دكتور كزة الصلاة عالنبي مكفي و موفي بشكل مذهل !!! و إذا ردت نصيحة مجرب فهالمادة و بالأخص حيوية 1 تشابه بشكل كبير المواد الطيارة يعني الكحول و الإيتر و إن كانت للثانية أشبه .... يعني فيني أتحدى طالب سنة تالتة يقلي أنه متذكر سبيل كيميائي كاملاً مو لشي إلا لأنو تطبيقاتها العملية مو كتيرة أبداً..و إذا كنت مصر فمرجع ليننجر بالكيمياء الحيوية هو الجامع ..

و عندك بالسنة التانية تشريح 3 كمان مهم كتير و ظريف ..
عندك مرجع بفيدك كتير بالعصبية اسمه تشريح الجملة العصبية المركزية و الحواس للدكتور منير شحود ، و هو تقريباً المقرر من قبل دكتور نصر ..
و أكيد ما بيخفى عليك أهمية دراسة التشريح مع الأطالس لأنو الصورة بالنهاية هي اللي بترسخ بذهنك و مستحيل تنساها ..
من الأطالس الرائعة عندك أطلس سوبوتا ...رسم
وولف ... صور حقيقية مع ملاحظات جداً رائعة .
الكمال ... صور حقيقية مع رسوم تخطيطية كتير حلوة و مفيدة .

و مرجع الأدوية الأكثر استخداماً و المتوفر في المكتبات هو علم الأدوية للدكتور محمود الجزيري .

و بتمنى لك كل التوفيق .

بذكرك
لا تستعجل على الأدوية
وعلى فكرة الكيمياء الحيوية صحيح بتنتسى بسرعة بس كتير ممتعة