انا طالب في كلية الطب في السنة الاولى لاكن لا(((احب الطب))) فهل من الممكن ان احب الطب مع الوقت ام لا يمكن ذلك؟ اهل ابقى في الكلية ام احول الى كلية اخرى؟
الرجاء الرجاء الرجاء الرجاء الاجابه الموضوع مصيري
وشكرا

اذا انت من النوع اللي ممكن يتكيف مع الاوضاع فبالنهاية بيمشي حالك ... اما اذا انت مزاجي وفي براسك فرع غير الطب بيشكلك حلم ... فبلالك هالطب

القرار يرجع الك

صديقي دخل الطب حسب رغبة اهله وهو كان بدو معلوماتية و حتى رسب بالسنة الاولى من المشاكل يلي كان يعملها مع اهله بعدين تكيف مع الوضع و خلى المعلوماتية هواية

برجع باكد على كلام الاخ نوبدي انت يلي بتعرف حالك

بما انك سنة اولى بكلية الطب، هذا يعني انك اخذت القرار مسبقا بالدخول لكلية الطب، باعتقادي انه اتخاذ قرار بترك الكلية و التحويل لفرع ثاني رح يكون صعب كتير، يمكن اصعب من قرار الدخول للكلية.
انا برأيي ما في داعي تتراجع عن شي بدأته، و ما تضل متردد و عطي لحالك وقت اطول، لأنه كتير من الطلاب كان عندن نفس المشكلة بالسنة الأولى، و كان السؤال دائما: هل اتخذت القرار الصحيح بالدخول لكلية الطب ام لا.

بس بالنهاية مثل ما قال نوبدي، هذا امر شخصي و يختلف من شخص لآخر.
اتمنى لك التوفيق.

إذا ما بتحب الطب .. حوّل على فرع بتحبه ..

السلام عليكم..
شي طبيعي انك ماتحب الطب هلا لانك لسه بالسنة الاولى و متعة الطب ما بتبدا للسنة الرابعة و حتى الدراسة بتصير اسهل كلما تقدمت فيه
انا طول عمري ما بحب الطب و ما كنت متصورة اني ممكن اقتنع ادخله بس هلا انا كتير مرتاحة و بحمد ربي اني دخلت هالفرع
صدقني الطب صار حلم و فرصة ما بتسنح لمين ما كان.....
بالنهاية بحب اقلك اني قبل الطب درست سنة عمارة بس ما لاقيت حالي فيها .يعني انت جرب حالك هالسنة و معك طول السنة لتفكر
ادع دائما انو الله يختارلك الخير وانا بتمنالك التوفيق و لا تنس تخبرنا شو صار معك

المشكلة الاساسية اللي راح تحس فيها بعدين بعد شي سنتين أو ثلالثة انو في هالبلد ما في فرق كتير بين الفروع البقية من حيث المستقبل
بس يمكن اذا بقيت في الطب تكون فرصتك احسن من غيرك بنسبة يعني كويسة انا برأي ظل ولا تخاف من موضوع الدراسة حاكم بعرف كم طالب وصلو السادس وما درسو غير تشريح 1 والباقي تتعلمو بعدين

مشكلتك يا أخي بسيطة لأنو الطلاب اللي بيدخلو الطب 3 أنواع :

1- طالب بيحي الطب وبيعشق المهنة لدرجة الجنون ............وهاد نادر وجوده بالكلية بس في منهم أكيد .
ولا أعتقد إنو أنت واحد منهم .

2- طالب لا يعتبر الطب أنه شي سيء بل يعتبره أحد الاختصاصات التي يستطيع أن يتأقلم معها وهو متل الزبدية الصيني من وين ما بتنقرو بيرن .
وأعتقد إنك من هاد النوع وما بيهمك شي .

3- طلاب يعتبرون أن الطب هو مجال لتحطيم آمالهم المنعقدة في مجال آخر ويعتبرون الطب هو الغول والوحش الذي يدمر مستقبلهم إذا بقيوا فيه .

لا أظن أنك تكره هذا الاختصاص لهذا الدرجة .

انظر في أي خانة أنت واختر لنفسك ما تحب

مبين العضو صاحب الشكوى مانو فاضي يجي يرد ويناقش بحالتو المستعجلة جداً جداً........

اش قولتكن..عم يدرس تشريح الطرف العلوي والسفلي .......ولا ترك الكلية...

شكرا كتير كتير انا قررت اضل في الكليه واتوكل على الله .