ضحية غدر
يدور هذا النقاش حول ضحية غدر في قسم هديل الروح في الملتقى الطبي السوري; أصدقائي الأعزاء
أرجو منكم التوقف ولو للحظات لقراءة هذه الكلمات ثم كتابة أول ما يخطر ببالكم بعد الانتهاء منها
منذ يومين صديق لي أخبرني قصته الحزينة ثم قال لي الأبيات
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
 |
| | LinkBack | أدوات الموضوع |
Oct, 28 2007, 01:22
| |||
| |||
 ضحية غدر أصدقائي الأعزاء أرجو منكم التوقف ولو للحظات لقراءة هذه الكلمات ثم كتابة أول ما يخطر ببالكم بعد الانتهاء منها منذ يومين صديق لي أخبرني قصته الحزينة ثم قال لي الأبيات التالية : قل لي ولا تخفى فى النبض شكواها.............ان كنت تذكرها فكيف أنساهــــا ان كنت تعشقها فكيــف أكرههــا........... أو أدعي أنى ماعدت أهواهــــا تــلك العـيون سلت وفـائنا غــدرت.... فكيــف تغفــر في ود خــطاياها يا قلبي الصب ما أغــواك بامـــرأة .......لايأمن الغدر وعدها ودعواهــــا كانت هي الدنيــا كانـت بأوردتـى......... لكنمـا وضـحـت للعين دنـياهــا تلـك التـى علمت بأننــى ودمـــي ........شطين بينهــما قد كان سكناهـا قد راعنى الغدر منها لـم ألاحظـــه...... وراعني أني ، لازلــت أهواهــــا ـــــــــــــــــــــــــ ـــــــــ أعزائي , هذه الأبيات دفنت ما بين جنبيه لسنين عديدة هى وغيرها وجعلته أسيراً لماضي حزين منعه من المضي قدماً بحياته ولا أعرف لصمته سببا غير الخوف , فهو يخاف من كل جديد يأتى والحقيقة المرة أن هذه الدنيا لم تأت له بجديد ..... كل ما أنشده أن يسمع أي انسان هذه الأنات المدفونه ليثبت لي ولو لمرة ما حاولت كثيرا أن أثبته له وهو أنه لايزال هناك من يسمع أو يشعر ليربت على صدره أو يهدهد شيئا بداخله يدفعه لأن يرتمى على صدر حنون فليقرأ أحد هذه الكلمات ثم ليقل ما تخبره به مشاعره تجاه هكذا تجربة .... فأنا لا أعرف السبب الحقيقي لأن أدون شيئا فى هذا المنتدى سوي الحاجة الحقيقيه لأن يسمع أحد ثم يقول مايشاء ............... مع تحياتــــــ kido ــــــي  |
|
#21
Nov, 07 2007, 12:03
| |||
| |||
| المشاركة الأصلية بواسطة الدكتور طاهر دكتور طاهر معك حق تتساءل ليش ما حدا برد على مواضيعي ...
من خلال تجربتي .. لازم ترد على مواضيع العالم وتعرفهم عن ذاتك من خلال ردودك .. وبعدها .. لما بشوفوك نزلت موضوع .. بصيروا بيدخلوا عليه لأنهم صاروا يعرفوك .. بالتوفيق  |
|
#22
Nov, 07 2007, 13:06
| |||
| |||
| المشاركة الأصلية بواسطة Shankool عنجد لفتّلي انتباهاي لأمر مهم
فعلاً لازم أتفاعل أنا أول بس على فكرة .. المنتدى عنّا كتيييير بارد .. يعني كل ما بعرف كام يوم حتى ينزللو موضوع جديد .. يعني مو المشكلة بالردود فقط يبدو رواد المنتدى .. قليلين .. ما بعرف ؟؟ إنت معي بهالفكرة .. وللا لأ؟؟ تحية |
|
#23
Nov, 07 2007, 13:20
| |||
| |||
| عدد الرواد جيد جداً .. وعدد القرّاء جيد أيضاً .. ولكن المشاركات قليلة .. والأمر يخضع عموماً لمد وجزر .. على كل حال دعنا نركز على محور هذا الموضوع وشكراً لاهتمامك .. |
|
#24
Nov, 07 2007, 15:21
| |||
| |||
| المشاركة الأصلية بواسطة Kliopatra كليوباترا عم تجوري عالحب كتير هيك انا برأيي حرام تشبهيه بالحالات اللي ذكرتيهن
الحب أكبر من هيك وبيجمع كل اللي ذكرتيهن فيه شي من الجوع فيه شي من السعادة فيه شي من الحرمان وفيه شي من النعس وفيه حتى شي من الألم اللي بتحسيه من جرح الاصبع والأكبر من هيك أنو ولا وحدة من هالحالات ممكن تطول اكتر من دقايق ساعات أيام اللي هيه بس ما ممكن تطول سنين متل الحب وبيجوز لأخر العمر بعدين اذا رأيك بالحب أنو هيك حالة وبتعدي كيف رأيك بالزواج اللي لازم يكون مبني عالحب واللي كلنا عم ندور عليه -------------- المشاركة الأصلية بواسطة hailstone كتير قاسي كلامكن عن العواطف
بعدين ليش مصرين انو نحن لازم نتجرد من العواطف اصلا رب العالمين ميزنا نحن البشر بكم شغلة عن باقي المخلوقات منهن العقل وشوية هالمشاعر لذلك عطوهن حقهون بيجوز الحياة تكون منظمة اكتر اذا لغينا حسابات المشاعر على طرف بس بحياتها ما حتصير احلى وبظن رح تفقد اهليتها لأنو رح نصير متل الروبوتات مع تحياتـــ kido ـــي |
|
#25
Nov, 07 2007, 16:43
| |||
| |||
| شنكول بيك عفوا بس ... الحكي عميكون اغلبو نظري ... انهزامي ... وسطحي .. وأحيانا عمنصل بضعفنا لمرحلة ارتكاب اخطاء اقل ما يقال عنها (قذارة) الأمن الداخلي وفقا لاحدى المقالات الموجهة للمواطن الغربي ليعيش حياة متوازنة ... الكاتبة عمتنصح الشخص بانو يوزع حياتو بالتساوي بين 3 أشيا ليقدر يكون شخص عايش بطريقة سوية ضمن المجتمع الغربي1) Business 2) Love 3) Fun هدول المحاور الاساسية الـ 3 لحياة المواطن الغربي واللي برأي الكاتبة انو الـ Love عمياخد بحالات كتيرة اقل من غيرو بالمجتمع الغربي ... ووفقا لفرويد واتباعو من علماء النفس لما عميحكو عن فكرة الأمن الداخلي للانسان ... فهنين ناقشو الفكرة نفسها لاهتمامات الانسان خلال حياتو وحكو عن انو هالامور (اللي اعتبرتهن الكاتبة 3 ... بس هنين اكتر من هيك ) استقرارها وتحقيق النجاح فيها بيشكل ضمان للامن الداخلي للشخص لحتى ما يتزعزع ... وبالتالي مايتعرض الشخص لهزة داخلية قد تكون كبيرة او صغيرة بس كمان حكو عن انو غالبا بترجح إحدى هالعوامل (اللي اعتبرتون الكاتبة 3 ... بس هنين اكتر من هيك ) على بقية العوامل .. فبتصير هية بحد ذاتها كبيرة لدرجة بتمثل أغلب الامن الداخلي ... وأي اضطراب باستقرارها بيعرض الشخص لهزة كبيرة بأمن كينونته الشخصية الداخلي ... واذا اضطربت بقية العوامل فبتكون الهزة بسيطة على سبيل المثال في اشخاص بيشكل عندهون العمل (المال) سيد للأمن الداخلي ... فبتلاقي هالشخص بيعيش وهمو هالموضوع ... بمجرد يكون جيبه مليان فحتى اذا بيموت ابوه ما بيتأثر بقدر ما ممكن يتأثر إذا كان في ضائقة مادية او خسر تجارة ... وغيرو بيكون عندو الـ FUN هو اللي بياخد السيادة في السيطرة على الأمن الداخلي ... فبيصير بدو يقضي حياتو كلها عميتسلى ... وكلشي عميعملو بحياتو حتى جني الاموال وغيرو هو عبارة عن خطوة في طريقة ضمان استقرار الـ Fun بحياتو ... وبيلتقى أشخاص بيعتبرو الشريك (Love) هو الأمن الداخلي ... وكلشي عميعملوه بحياتون هو بغاية تأمين أفضل ظروف لاستمرار العلاقة مع الشريك بأفضل أشكالها وبالتالي الحفاظ على أمن الداخلي مستقر .... وأي اصابة على مستوى العلاقة مع الشريك بتشكللهم ضربة كبيرة للأمن الداخلي وبالتالي بتهزهون من جوا بشكل عام ... هاد الحكي صحيح وبيتطبق على نسبة أكبر من 90 بالمية مننا ... كل واحد مننا عندو جواته منطقة خطر ... يمنع الاقتراب أو التصوير ... هزّ هالمنطقة بيعني دمار لهلشخص على المستوى النفسي الداخلي ... أنا بعرف أشخاص بيمثللهون برستيجهون والأنا تبعهون أهم العوامل في أمنهون الداخلي ... وكل شي عميعملوه من دراسة وشغل وارتباط وروحات وجيات هو بغاية تعزيز البريستيج والصورة المنفوخة تبعتهون ... وأي شي بيهون في سبيل الحفاظ على هالبريستيج وبالتالي الحفاظ على الأمن الداخلي مستقر ... وبعرف أضخاص بيشكلولهون ولادهون العامل الرئيسي بالأمن الداخلي ... فهالشخص على استعداد يموت حالو كرمال ما تنهز شعراية من ابنو ... وبعرف اشخاص بتشكللهون علاقتهون مع الشريك كلشي بحياتهون ... هي الدافع ... وكرمالها التقدم على بقية الاصعدة عميصير ... وبالتالي بتطلع الجملة التالية صحيحة والكلللللللللل عميطبقها ... فما نلوم حدا لانو زاوية الرؤية عندو مختلفة المشاركة الأصلية بواسطة hailstone
هلأ منرجع للعوامل بشكل عام ومنشوف شو الأهم عنا بمجتمعنا الشرقي ... فمنشوف انو في تنافس بين عامل المال وعامل الشريك على صدارة الأمن الداخلي ... ففي أشخاص المال عندهون اهم شي عايشين مشانو ... وبمجرد توفره بتتحقق الراحة ... وبزيادة وفرتو بتتحقق الرفاهية ... وفي اشخاص بيمثللهون استقرار علاقتهون مع الشريك العامل الرئيسي للامن الداخلي ... خلافا للمجتمع الغربي اللي عاداتو وتقاليدو ابعدت العلاقة مع الشريك عن صدارة المجموعة كون العلاقات هناك بتسمح ببساطة باستبدال الشريك دونما عامل ضغط نفسي وتأنيب ضمير عهالشي مدام الراحة في التغير ... بالاضافة لفكرة انو بالغرب وكموروث فكري العلاقة مع الشريك مابتشكل رابط هام واساسي بحياة الشخص ... لدرجة انو بكتير حالات الشريك بيعيش ببيت والشخص بيعيش ببيت تاني وبيشوفو بعضهون بس بالويكند لحتى يمضو الليلة سوا ... عنا بمجتمعنا فكرة الشريك بتنال اهمية اكبر وبيكون للعلاقة معو دور محوري في الامن الداخلي المشاركة الأصلية بواسطة hailstone نحن ليش منعيش هالحياة ؟
منعيش لنرضي حالنا ... وببساطة شخص بيمثل الو العلاقة مع الشريك أهم شي بحياتو فمن الطبيعي انو يكون عميعمل كلشي بحياتو لتوفير ظروف افضل لهلعلاقة ... فهو عميشتغل لحتى يعيّش الشريك برفاهية ... وعميعمل ريجيم لحتى الشريك يشوفو احلى ... وعميرسم لحتى الشريك يبدي اعجابو بموهبتو ويتعلق فيه أكتر ... ووو كلشي بالحياة ماشي باتجاه الأفضل لصالح العلاقة مع الشريك ... فالشريك هو الهدف ... وكلشي عمينعمل عميكون بغاية تحقيق هالهدف ... فلذلك من السخف نطلب من هيك شخص انو يشوف الاشيا اللي عميعملها لمصلحة العلاقة مع الشريك هية الاساس ... ويعتبر العلاقة مع الشريك شي عابر وثانوي المشاركة الأصلية بواسطة hailstone منرجع لفكرة (نحن ليش منعيش هالحياة ؟) فمنكتشف انو هالشخص مادفن حالو ... وانما الحياة دفنتو
كللللللللل هالفكرة عماشرحها مشان قول ... ماحدا يلوم شخص سببلو فقدان الشريك أزمة حياة ... ببساطة هالشخص ربط أمنه الداخلي بهالشريك ... وبيجوز كلمة من شريكو مو مزبوطة ما تنيمو الليل ... فمابالك اذا انتهى شريكو من حياتو ... ماحدا يلومو لانو بكل بساطة اللي عميلومو وبيعتبر الازمة تبعتو سخف ... فهو شخص سطحي وعمينسى انو هو كمان عندو شي معلق امنه الداخلي فيه .. وخسارة هالشي رح تحطو بنفس المكانة والازمة المشاركة الأصلية بواسطة hailstone إذا أردت أن تخطو خطوة باتجاه الامام .. فلاتنسى أن تنظر خلفك
وحاج نحكي بالدوس علمشاعر والظروف والواقع والمستقبل ... في كتير أخطاء مردها ضعفنا ... ومنعلقها على الظروف ومنقول ماكان بايدنا ... ومنقنع حالنا بهالشي مشان نكمل المشوار بدون ما يكون الذنب ذنبنا وبدون ما نتذكر ضعفنا وانهزاميتنا ... لما بتكون الامور فعلا للظروف وبتكون الظروف اقوى مننا فبقبل ندوس على مشاعرنا مشان نكمل المشوار ... بس لما منكون نحن ضعاف وعمنتحجج بالظروف فالمفروض ندوس عحالنا .. لانو ضعفنا بيحولنا لولا شي .. وما منستاهل نكمل المشوار المشاركة الأصلية بواسطة hailstone مو واقعي ... واقعي بس مجتزأ ... واقعي بس اعمى ... واقعي بس عميشوف من وجهة نظرو بس ... وماعميحس باللي قدامو ... عميقرا قصة لمجرد القرأة وعميحاكم مجرياتها وهو ماعندو ذرة احساس فيها
بنهي الحديث بتعقيب لاحد علماء النفس اللي حكى شغلة بطريقة ساخرة بس حلوة في الموضوع ... كلشي بتعلق امنك الداخلي فيه بيكون تحقيق استقراره يقع على عاتقك وحدك ... إلا الشريك ... كعامل أمن داخلي ... استقراره مابتتحكم فيه وحدك ... وممكن مايكون الك القدرة على التحكم بأي شي بيتعلق فيه |
( كان بدي سمايلي أبو عضلات )| الأعضاء الـ 5 التالية أسماؤهم قالوا شكراً لك يا No Body على هذه المشاركة المفيدة: | ||
|
#26
Nov, 09 2007, 02:10
| |||
| |||
| لا أدري لماذا تحب تعقيد الأمور .. سأستخدم تعابيرك المعقدة لمتابعة النقاش ... انت عم تقول "الحكي عميكون اغلبو نظري ... انهزامي ... وسطحي .." وعلى التلفون قلتلي حكيك حكي واحد مهزوم .. مهزوم ليش؟ لأنه قلت لازم الواحد يسلم للأمر الواقع ويمشي؟ تعا نشوف مع بعض ... لا أختلف معك حول غاية تحقيق الأمن الداخلي على المستوى النفسي .. ودعنا نناقش الأمر من منظور تحقيقه بتأمين الحب .. وتأمين الشريك! ودعنا نأخذ صاحب القصيدة مثالاً على ذلك .. هذا الشاب تحوّل مطلبه في تحقيق أمنه الداخلي نفسياً إلى جحيم يعيش فيه لمدة أربع سنوات ... وبالرّغم من عدم معرفتنا بظروف العلاقة .. (إن كانت علاقة أصلاً وأنا أرجح كونه حب من طرف واحد ولا علم للطرف الآخر به) ... فإن تحقيق أمنه الداخلي يستوجب التخلي عن حبه لهذا الشخص والبحث عن شريك آخر يستطيع تلبية متطلبات الأمن الداخلي نفسياً ... عليه أن يقبل بالواقع ... أو أن يكون قادراً على مجابهته والصراع معه .. يعني إذا كان الواقع رفض أهل .. فممكن يواجه الأهل .. لكن إذا كان العائق رفض المحبوب بذاته .. فهنا لا يمكن الاستمرار بالحب والندب واللطم والولولة .. ثمّ من قال إنّ النظرة واقعية ولكنها مجتزأة؟ الحقيقة أنت الّذي تراها باجتزاء .. شخص لم يستطع تحقيق أمنه الداخلي على المستوى النفسي نتيجة عدم قدرته على الإبقاء على المحبوب .. لأي سبب كان .. وليكن رفض المحبوب .. رفض الأهل .. ظروف مادية .. إلخ .. ولا يزال يندب حظه ويعذب نفسه بمازوخية مؤلمة .. وبيقعد بيصرعنا ليش ما مشي حاله ... لأنه تصوره وفهمه للواقع مجتزأ ... وتعال نفرض إنه البنت ما بدها ياه .. فبضل عم يصرعنا بقصائده ذات المستوى المتدني ... وبضل المسكين عم بعاني .. بينما الحقيقة إنه ما شاف الواقع وما أخده غير باجتزاء ... ويمكن ما شافه أصلاً لأنه أعمى .. يعني كرمال الله .. بحب وحدة وما معي أتزوجها .. وما بدها تصبر علي ... ما بدك ياني أدوس على مشاعري وأمشي؟ وأدور على وحدة تصبر علي؟ مرة تانية ... في خطأ بالحب وباختيار الشريك ... لما بكون اختيار الشريك عشوائي .. رح يفشل غالباً .. وقبل ما تناقش الموضوع .. حط في بالك إنه صاحب المشكلة مو متلك ولا بفكر متلك .. ولا بيعرف يختار صح .. لأنه لو كان بيعرف يختار صح .. ما كان ضل على نفس الخيار لمدة أربع سنوات .. حتى انت اللي عم تدافع عن المبدأ .. ما فيك تضل هيك ... معلّق! |
| قال العضو التالي أسمه شكراً لك يا Shankool على هذه المشاركة المفيدة: | ||
|
#27
Nov, 09 2007, 07:51
| |||
| |||
| المشاركة الأصلية بواسطة Shankool صار نقاش الامور بعمق تعقيد؟
 له يا ابو الشناكل هي غيرك بيحكيها المشاركة الأصلية بواسطة Shankool طيب ... مسلّم ... وماشي ... قصدي الامور والظروف وضعفو عمتمشيه ... بس مو مهزوم
 حاج اسمع كلمة تسليم للواقع ... واللي غالبا عمنرددها نتيجة ضعفنا وليس بنتيجة قوة الظروف ... وبرجع بقتبسلك من مشاركتي السابقة المشاركة الأصلية بواسطة No Body
المشاركة الأصلية بواسطة Shankool يا ابو الشناكل ... انا حكيت بشكل عام عن الأمن الداخلي وبعدين ربطو بقصة صاحبنا ... ربط الأمن الداخلي بشي بيجي لا اراديا ... وهي هدية علبيعة (لا ارادي ...)
انت فهمت مشاركتي بطريقة حادة انا كلشي عمقولو ... لما شخص بيربط امنو الداخلي بشي وبيفقد هالشي ... وبالتالي بيختل امنو الداخلي ... فالأصح انو يقاتل ليسترجعو ... وفي حال الفشل ... فالامر ليس بالهين ... ماممكن تفيدو بجمل من انماط الجمل اللي وردت بالردود من مثل (تروك وامشي) و(هي حال الدنية) ( كبو ورا ضهرك وحاج رومنسيات) يا صديقي هادا امنو الداخلي ... واعادة توازنو وتحريرو من الربط الكارثي اللي اصابو بيتطلب وقت منيح ... بيتطلب اعتراف مع ذاتو وحتى على مستوى الاشخاص اللي حوليه بانو هو فقد امنو الداخلي وبالتالي هالشخص عندو قصور نفسي (حاد او مزمن) وليس تنفسي ... واللي حواليه يناقشو معو الموضوع بطريقة صحيحة وعقلانية وهادفة ... ويراعو فيها انو حكيو على محمل الجد والمصيبة اللي عندو حقيقية ... يحاولو يورجوه كيف انو في اشيا تانية حواليه جيدة ... وكيف انها عمتلعب دور (وان كان هو صغّر هالدور) بتوازن امنو الداخلي ... وشوي شوي بتنحل القصة ... بس طريقة الردود كانت متل اللي عميقول لواحد مات ابنو الوحيد: ايه ولوووووووو اش انت اول واحد عندو ولد وبيموت ... ولا تلطم وتنق وتبكي لانو الله مارح يرد عليك ويرجعو ... خلص لفها وخراس ... عيب هالمناظر المشاركة الأصلية بواسطة Shankool هي ما بحطها ببالي ... لانو اغلب الخيارات بتكون لا ارادية ... وحتى فشل الاختيارات الارادية بيأكد على فكرة انو حسن الاختيار ليس بكل شيء ... لانو الامور مبهمة لاتظهر الا في عمق التماس وديمومته .. انت ممكن ترتبط بشخص وماتقدر تكتشف خبايا بشخصيتو متل التكبر والانانية الا بعد فترة واحتكاك واسع
الامن الداخلي ... الموضوع اعمق من انو ندخل بمتاهتو بهالشكل الجانبي والفرعي ... بعتذر علرد كونه كان مو بطريقة وبسياق باقي الردود ... وكان ادخال الفكرة صعب التقبل شوي مقارنة بردك انت وغيرك من الردود اللي كانت اشبه بالرد على الشخص اللي مات ابنو الوحيد ... يعني كانت ردود مجردة من الاحساس .. وبعد اذنك ... سطحية |
| قال العضو التالي أسمه شكراً لك يا No Body على هذه المشاركة المفيدة: | ||
|
#28
Nov, 09 2007, 13:25
| |||
| |||
| نوبدي اللي عم يدعي انو الحكي نظري أولا فكرة الأمن الداخلي كانت فكرة اقحامها ظريفة بس لازم ننتبه لشي انو الشخص اللي قدران يتعايش مع حالو و يحقق أمنو الداخلي بأي طريقة فهو جدير بالاحتراااااام (من الناحية الانسانية )كونه فهم ماهية نفسه و رغباتها عم تحكي انو الضعف بيحولنا لولا شي و مامنستاهل نكمل المشوار الفكرة اللي لازم الكل ينتبهلها اني ما المفروض لوم نفسي لآنها بمواقف كبيرة ما قدرت تعمل شي بس بلومها اذا تعمدت الضعف الضعف مو خطيئة و الخطيئة مو كفر بالأخير كلنا بشر و قبل ما نشوف أخطاء الغير خلينا نبدا من أنفسنا لنا عودة .... |
|
#29
Nov, 09 2007, 14:38
| |||
| |||
| النقاش هلء عم يدور عن الخيط الرفيع بين الوهم بقوة الظروف و الواقع..و بين قوتها فعلا رح اقتبس من كلام نوبدي و علق
|
| قال العضو التالي أسمه شكراً لك يا amarel على هذه المشاركة المفيدة: | ||
|
#30
Nov, 09 2007, 17:28
| |||
| |||
| نوبدي..نحن ما كان المقصود من كلامنا هو التقليل من شأن عواطف الشاب او من اهمية امنه الداخلي كان المقصود نعطيه امل ونقله انه الدنيا ما بتوقف عند شريك خائن...وانه هذا الشريك الخائن لا يستحق حبه بالاساس ولا يستحق ان يربط استقراره الداخلي فيه واكيد رح يلاقي بالمستقبل هالقلب اللي يستاهله ويحققله استقراره وتوازنه... بعدين الشخص اللي كل كيانه العاطفي واستقراره يهتز لأجل هكذا امور اسمحلي اقول انه عنده فراغ روحي كبير يجب ان يملأه... وهذا ما يفرقنا عن الغرب...حياتنا ليست فقط حب+عمل+متعة،، في جانب روحاني كبير هنن ما عايشين فيه تحياتي |
| الأعضاء الـ 3 التالية أسماؤهم قالوا شكراً لك يا TURBO على هذه المشاركة المفيدة: | ||
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| صراخ ضحية | zorba | هديل الروح | 4 | Dec, 20 2005 23:54 |
| ضحية اغتصاب جماعي باكستانية تتكلم في واشنطن | Shankool | اجتماعيات | 23 | Nov, 10 2005 23:26 |
كل الأوقات حسب GMT +2، والوقت الآن 09:59.
